Sav 79
79
Mboya kwondũ wa Ũtangĩĩo wa Nthĩ
Savulĩ ĩno yaandĩkiwe nĩ Asavu.
1 #
2Asu 25.8-10; 2Mav 36.17-19; Yel 52.12-14 Ame Ngai andũ kuma nthĩ ingĩ nĩmavithũkĩĩte nthĩ yaku,
nĩmavukĩtye Ĩkalũ yaku ĩtheu,
na makaomboanga mũsyĩ wa Yelũsalemu.
2Nĩmanengete nyũnyi sya yayaya mĩĩ ya athũkũmi maku ĩtw'ĩke lĩu wasyo,
mĩĩ ya atheu maku nĩnengetwe nyamũ sya kĩthekanĩ iye.
3Nĩmetĩte nthakame yoo nthĩ ta kĩw'ũ ndũanĩ ya Yelũsalemu,
na vai mũndũ wa kũmathika.
4Andũ ma nthĩ ila itũthyũlũlũkĩte nĩmatũvũthasya;
nĩmatũthekeeaa na kũtũvũĩa ngũĩ.
5Ame Mwĩai Ngai wĩthata kũvika ĩndĩĩ? Wĩthata kũvika tene na tene?
Kĩwĩu kyaku kĩendeea kwakana ta mwaki kũvika ĩndĩĩ?
6Tulũĩla ũthatu waku nthĩ ila itakwĩsĩ,
na mosumbĩ ala matanengae ĩsyĩtwa yaku ndaĩa.
7Nĩkwĩthĩwa nĩmoaĩte nzyawa sya Yakovo,
na makananga vyũ nthĩ yoo.
8Ndũkatũĩvanĩsye nũndũ wa naĩ sya aaũmae maitũ,
ĩndĩ yu eka tei waku ũtũvikĩe na mĩtũkĩ,
nĩkwĩthĩwa twĩ na thĩna mwingĩ mũno.
9Ame Ngai mũtangĩĩi waitũ tũtetheesye,
kwondũ wa ũkumyo wa ĩsyĩtwa yaku;
tũvonokye na ũitũekea naĩ sitũ,
kwondũ wa ndaĩa ya ĩsyĩtwa yaku.
10Nĩkĩ andũ ma kuma nthĩ ingĩ meũtũkũlya, “Aĩva Ngai wenyu?”
Eka twone ũikany'a andũ ma nthĩ isu nũndũ wa kũaa athũkũmi maku.
11Ĩthukĩĩsye kũluma kwa ala ove,
na kwa vinya waku mwingĩ ũithasya ala matw'ĩĩwe kũawa.
12We Mwĩai ĩvĩthya kĩla ũmwe wa atũi maitũ mavinda mũonza,
kwondũ wa kĩvũthya kyoo kĩla makũvũthisye nakyo.
13Nĩvo ĩndĩ ithyĩ andũ maku, malondu ma ndĩthya yaku,
twĩkũtũngĩa mũvea tene na tene,
na tũikũtaĩa ĩvindanĩ yonthe yĩla yũkĩte.
Currently Selected:
Sav 79: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
