Sav 78
78
Ngai na Andũ make
Savulĩ ĩno yaandĩkiwe nĩ Asavu.
1Inyw'ĩ andũ makwa ĩthukĩĩsyei momanyĩsyo makwa;
teai matũ mwĩw'e ndeto syakwa.
2 #
Mat 13.35
Nĩneena nenyu ngĩtũmĩa ngelekany'o;
nĩneena nthimo sya tene.
3Nĩneena maũndũ ala tweewie na twamanya,
maũndũ ala aaũmae maitũ matũtavisye.
4Tũivitha syana sitũ maũndũ asu,
nĩtũũtavya nzyawa ila syũkĩte meko ma ũkumyo ma Mwĩai Ngai na ũtonyi wake,
na moseng'yo ala wĩkĩte.
5Mwĩai Ngai nĩwanengie andũ ma Ĩsilaeli mĩao,
anenga nzyawa sya Yakovo motw'ĩo.
Nĩweeaĩie aaũmae maitũ mamanyĩsye syana syoo mĩao ĩsu,
6nĩ kana nzyawa ĩla ĩatĩĩe ĩmĩmanye,
syana ila itanamba kũsyawa,
nasyo o ta ũu iimanyĩsya syana sya syo.
7Kwa nzĩa ĩsu syana isu o nasyo ikeekwatya Ngai,
na iikolwa nĩ meko make,
ĩndĩ kĩla ĩvinda ikeekaa ũndũ mĩao yake ĩkwasya.
8Syana isu iikethĩwa iilyĩ ta aaũmae masyo,
ala maĩ nzyawa ng'endu na yaĩ ngoo mbũmũ,
nzyawa ila wĩkwatyo woo kwa Ngai ũtaĩ mũlũmu,
na itaĩ na ũĩkĩĩku kũla ũĩ.
9Andũ ma mbaĩ ya Evalaimu me na mbũta na maangi,
nĩmasembie masyoka mũthenyanĩ wa kaũ.
10Mayaaĩanĩsya ũtianĩo wa Ngai,
nĩmaleile kũatĩĩa mĩao yake.
11Nĩmoolilwe nĩ maũndũ ala weekĩte,
syama ila wamonetye.
12 #
Kuma 7.8—12.32
Nĩweekie syama aaũmae moo mene,
nthĩ ya Misili kĩsionĩ kya Nzoani.
13 #
Kuma 14.21-22
Nĩwaanisye ũkanga na amavĩtĩlya vo;
nĩwatumie kĩw'ũ kĩũngama ta ũkũta.
14 #
Kuma 13.21-22
Mũthenya nĩwamatongoeasya na ĩtu,
na ũtukũ w'onthe aimatongoesya na kyeni kya mwaki.
15 #
Kuma 17.1-7; Mot 20.2-13 Nĩwaatũie mavia weũnĩ,
na amanenga kĩw'ũ kingĩ ta kya ũkanga.
16Nĩwatumie tũlũsĩ tuma ĩvianĩ,
na atuma kĩw'ũ kĩtheea ta mbũsĩ.
17Ĩndĩ nĩmaendeeie kũvĩtĩsya Ngai,
na me weũnĩ mang'endea Ũla wĩ Ĩũlũ Mũno.
18 #
Kuma 16.2-15; Mot 11.4-23,31-35 Nĩmavangie ngoonĩ syoo kũtata Ngai,
kwa kwĩtya lĩu ũla mendaa.
19Nĩmaneeneie Ngai maikũlya atĩĩ,
“Ngai nũtonya kũtũnenga lĩu twĩ weũnĩ?
20Yĩla wakũnie ĩvia, kĩw'ũ kingĩ nĩkyaumie,
na mbũsĩ syavĩtya kĩw'ũ kingĩ.
Ĩndĩ nũtonya kũtũnenga lĩu?
Nũtonya kũnenga andũ make nyama?”
21Yĩla Mwĩai Ngai weewie ũndũ maisye,
nĩwathatie mũno;
nĩwaeteie nzyawa sya Yakovo mwaki,
na athatĩa andũ ma Ĩsilaeli mũno,
22nĩkwĩthĩwa mayaamũĩkĩĩa,
na kwĩkwatya vinya wa ũtangĩĩo wake.
23Ũu wĩ o vo nĩweeaĩie matu,
na avingũa mĩomo ya ĩtunĩ.
24 #
Yoa 6.31
Nĩwauĩisye andũ make lĩu wĩtawa mana maye;
nĩwamanengie lĩu wa ngetha ya mbaa mbeke kuma ĩtunĩ.
25Andũ nĩmaĩe lĩu wa alaĩka;
Ngai nĩwamanengie lĩu kwa wingĩ.
26Nĩwatumie kĩseve kĩvyũ kuma wumĩlonĩ wa syũa kĩuutana matunĩ,
na kwa vinya wake aete kĩseve kuma ngalĩko ya ĩtheo.
27Nĩwauĩisye andũ make nyama mbingĩ ta kĩtoo;
nyũnyi iũlũkĩte singĩvĩte ta kĩthangathĩ kĩla kĩ ũtee wa ũkanga.
28Nĩwatumie nyũnyi isu ivalũkanga vala mambĩte maeema,
kĩla vandũ kũthyũlũlũka maeemanĩ moo.
29Andũ nĩmaĩe mavũna,
nũndũ Ngai nĩwamanengie kĩla mendaa.
30Ĩndĩ wendi ũla maĩ naw'o wa lĩu ũsu ũtanamba kũthela,
o maendee na kũya,
31Ngai nĩwamathatĩie,
na ooaa aũme moo ala maĩ na vinya mũno;
ooaa anake ma Ĩsilaeli ala maĩ aseo vyũ.
32Ĩndĩ ũu w'onthe wĩ o vo nĩmaendeeie kwĩka naĩ,
o na kau Ngai nĩweekaa syama mayaamũĩkĩĩa.
33Kwoou nĩwatumie mĩthenya ya thayũ woo ĩthela ta mĩthũmũ,
na myaka yoo ĩthela na mathĩna.
34Yĩla Ngai wamoaa, ala matiala nĩmamũsyokeaa;
nĩmaumbũlaa na kũmũmantha na kĩthing'ĩĩsyo.
35Nĩmalilikanaa kana Ngai nĩwe ĩvia yoo,
na kana Ngai Ũla wĩ Ĩũlũ Mũno nĩwe mwovosya woo.
36Ĩndĩ nĩmamũkengaa na ndeto syoo;
maũndũ onthe ala mamũtavasya maĩ ma ũvũngũ.
37 #
Meko 8.21
Mayaĩ aĩkĩĩku kũla ũĩ,
na mayeanĩasya ũtianĩo wake namo.
38Ĩndĩ nũndũ Ngai aĩ na tei,
nĩwamaekeie ũthũku woo na ndaamamina.
Mavinda maingĩ nĩwaekaa kũthata,
na ndaaeka ũthatu wake wingĩve vyũ.
39Nĩwalilikanile kana mo no andũ,
na mailyĩ kĩseve kĩla kĩuutanaa na kĩithi.
40Mavinda maingĩ nĩmamũng'endeaa me weũnĩ,
na kũmwĩw'ĩthya woo me kũu.
41Nĩmamũtatie mavinda maingĩ,
na matuma Ũla Mũtheu wa Ĩsilaeli athata.
42Nĩmoolilwe nĩ vinya wake mũnene,
na moolwa nĩ mũthenya ũla wamatangĩĩie kuma kwa amaitha moo,
43yĩla woonanisye syama syake nthĩ ya Misili,
na moseng'yo make kĩsionĩ kĩtawa Nzoani.
44 #
Kuma 7.17-21
Nĩwatumie mbũsĩ syoo itw'ĩka nthakame,
nĩ kana andũ ma Misili maikanyw'e kĩw'ũ kuma tũlũsĩnĩ twoo.
45 #
Kuma 8.1-6,20-24 Nĩwamaeteie ngi mbingĩ syamathĩny'a mũno,
na syoa syatuma nthĩ yoo yanangĩka.
46 #
Kuma 10.12-15
Nĩwaetie itooli syaya lĩu woo ũla waĩ mĩũndanĩ,
na ngie syaya ngetha yoo.
47 #
Kuma 9.22-25
Nĩwaanangie mĩsavivũ yoo na mbua ya mavia,
na aananga mĩkũyũ yoo na mbevo mbingĩ mũno.
48Nĩwooaie ng'ombe syoo na mbua ya mavia,
na ooaa indo syoo na ũtisi.
49Nĩwatumie ũthatu wake mwingĩ ũmakwata,
ũthilĩku, woo na thĩna;
nguthu ya alaĩka ma kwananga.
50Nĩwaekie ũthatu wake ũendee,
ndaamasũvĩa maikakw'e,
ĩndĩ nĩwamaminie na mothĩny'o.
51 #
Kuma 12.29
Nĩwooaie makithathi onthe ma nthĩ ya Misili,
ũsyao wa mbee wa andũ maeemanĩ ma Amu.
52 #
Kuma 13.17-22
Ĩndĩ nĩwatongoeisye andũ make ta mũĩthi;
nĩwamatongoeisye weũnĩ ta ndĩthya ya malondu.
53 #
Kuma 14.26-28
Nĩwamatongoeisye me ũsũvĩonĩ na kwoou mayaakĩa,
ĩndĩ ũkanga nĩwamelilye amaitha moo.
54 #
Kuma 15.17; Yos 3.14-17 Nĩwamaetie nthĩ yake ntheu,
kĩĩmanĩ kĩla woosie na vinya wake.
55 #
Yos 11.16-23
Nĩwalũngilye andũ ala matwĩe vo andũ make maendee kũmĩlika,
na aaĩa andũ ma Ĩsilaeli nthĩ yoo yĩthĩwe ũtiĩwa woo,
na anenga andũ ma Ĩsilaeli mĩsyĩ ya andũ asu matũe vo.
56 #
Asi 2.11-15
Ĩndĩ nĩmatatie Ngai na mang'endea Ũla wĩ Ĩũlũ Mũno;
mayaaĩanĩsya mĩao yake.
57Ĩndĩ andũ asu maĩ ang'endu na maĩ na ũseleke ta aaũmae moo;
maĩ andũ matekwatw'a ta ũta mũthyoeku.
58Nĩmamũthatisye nũndũ wa kũndũ kwoo kwa kũthaithĩa ngai sya mĩvw'anano kũla maseũvĩtye,
Nĩmatumie akwatwa nĩ kĩwĩu nũndũ wa ngai syoo sya mĩvw'anano.
59Yĩla Ngai weewie ũu nĩwathatie mũno,
na alea andũ ma Ĩsilaeli vyũ.
60 #
Yos 18.1; Yel 7.12-14; 26.6 Nĩwatiie Ĩeema yake yĩla yaĩ Silo,#78.60 Silo: Vandũ vala andũ ma Ĩsilaeli mathaithĩaa mbee wa kũsumbĩka kwa Mũsumbĩ Ndeviti
vala nĩvo wekalanasya na andũ.
61 #
1Sam 4.4-22
Nĩwaekie Ĩsandũkũ ya Ũtianĩo,
yĩla nĩyo yaĩ wonany'o wa ũtonyi na ũkumyo wake yĩkuwe nĩ amaitha.
62Nĩwathatiw'e nĩ andũ make,
na atuma moaĩwa nĩ amaitha moo kaũnĩ.
63Anake moo nĩmooaĩiwe kaũnĩ,
kwoou eĩtu moo mayaĩ na anake ma kũmatwaa.
64Athembi moo nĩmooaiwe na ũvyũ,
na ndiwa syoo iyaaĩthĩwa na kyeva.
65Nĩvo ĩndĩ Mwĩai Ngai waamũkie ta mũndũ eĩkomete,
ta ngũmbaũ ĩkũlonza nũndũ wa kũnyw'a ndivai.
66Nĩwalũngilye amaitha make masyoka,
na atuma makwatwa nĩ nthoni tene na tene.
67Nĩwaleile nzyawa sya Yosevu,
na ndaanyuva mbaĩ ya Evalaimu;
68ĩndĩ nĩwanyuvie mbaĩ ya Yuta,
Kĩĩma kya Saioni kĩla wendete mũno.
69Vau nĩvo waakie Ĩkalũ yake ĩtũlu mũno ta ĩtu.
Ta nthĩ ĩla woombie yĩkale tene na tene.
70 #
1Sam 16.11-12; 2Sam 7.8; 1Mav 17.7 Nĩwanyuvie Ndeviti mũthũkũmi wake,
amumya wĩanĩ wa kũĩthya malondu,
71kũla waĩthasya malondu.
Nĩwamumisye wĩanĩ wa kũĩthya malondu ala maĩ na tũtena,
atw'ĩke mũĩthi wa andũ make nzyawa sya Yakovo,
andũ ma Ĩsilaeli ũtiĩwa wake.
72Ndeviti nĩwasũvĩaa andũ asu eyumĩtye na ngoo yake yonthe;
nĩwamatongoeasya na ũmanyi mwingĩ.
Currently Selected:
Sav 78: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sav 78
78
Ngai na Andũ make
Savulĩ ĩno yaandĩkiwe nĩ Asavu.
1Inyw'ĩ andũ makwa ĩthukĩĩsyei momanyĩsyo makwa;
teai matũ mwĩw'e ndeto syakwa.
2 #
Mat 13.35
Nĩneena nenyu ngĩtũmĩa ngelekany'o;
nĩneena nthimo sya tene.
3Nĩneena maũndũ ala tweewie na twamanya,
maũndũ ala aaũmae maitũ matũtavisye.
4Tũivitha syana sitũ maũndũ asu,
nĩtũũtavya nzyawa ila syũkĩte meko ma ũkumyo ma Mwĩai Ngai na ũtonyi wake,
na moseng'yo ala wĩkĩte.
5Mwĩai Ngai nĩwanengie andũ ma Ĩsilaeli mĩao,
anenga nzyawa sya Yakovo motw'ĩo.
Nĩweeaĩie aaũmae maitũ mamanyĩsye syana syoo mĩao ĩsu,
6nĩ kana nzyawa ĩla ĩatĩĩe ĩmĩmanye,
syana ila itanamba kũsyawa,
nasyo o ta ũu iimanyĩsya syana sya syo.
7Kwa nzĩa ĩsu syana isu o nasyo ikeekwatya Ngai,
na iikolwa nĩ meko make,
ĩndĩ kĩla ĩvinda ikeekaa ũndũ mĩao yake ĩkwasya.
8Syana isu iikethĩwa iilyĩ ta aaũmae masyo,
ala maĩ nzyawa ng'endu na yaĩ ngoo mbũmũ,
nzyawa ila wĩkwatyo woo kwa Ngai ũtaĩ mũlũmu,
na itaĩ na ũĩkĩĩku kũla ũĩ.
9Andũ ma mbaĩ ya Evalaimu me na mbũta na maangi,
nĩmasembie masyoka mũthenyanĩ wa kaũ.
10Mayaaĩanĩsya ũtianĩo wa Ngai,
nĩmaleile kũatĩĩa mĩao yake.
11Nĩmoolilwe nĩ maũndũ ala weekĩte,
syama ila wamonetye.
12 #
Kuma 7.8—12.32
Nĩweekie syama aaũmae moo mene,
nthĩ ya Misili kĩsionĩ kya Nzoani.
13 #
Kuma 14.21-22
Nĩwaanisye ũkanga na amavĩtĩlya vo;
nĩwatumie kĩw'ũ kĩũngama ta ũkũta.
14 #
Kuma 13.21-22
Mũthenya nĩwamatongoeasya na ĩtu,
na ũtukũ w'onthe aimatongoesya na kyeni kya mwaki.
15 #
Kuma 17.1-7; Mot 20.2-13 Nĩwaatũie mavia weũnĩ,
na amanenga kĩw'ũ kingĩ ta kya ũkanga.
16Nĩwatumie tũlũsĩ tuma ĩvianĩ,
na atuma kĩw'ũ kĩtheea ta mbũsĩ.
17Ĩndĩ nĩmaendeeie kũvĩtĩsya Ngai,
na me weũnĩ mang'endea Ũla wĩ Ĩũlũ Mũno.
18 #
Kuma 16.2-15; Mot 11.4-23,31-35 Nĩmavangie ngoonĩ syoo kũtata Ngai,
kwa kwĩtya lĩu ũla mendaa.
19Nĩmaneeneie Ngai maikũlya atĩĩ,
“Ngai nũtonya kũtũnenga lĩu twĩ weũnĩ?
20Yĩla wakũnie ĩvia, kĩw'ũ kingĩ nĩkyaumie,
na mbũsĩ syavĩtya kĩw'ũ kingĩ.
Ĩndĩ nũtonya kũtũnenga lĩu?
Nũtonya kũnenga andũ make nyama?”
21Yĩla Mwĩai Ngai weewie ũndũ maisye,
nĩwathatie mũno;
nĩwaeteie nzyawa sya Yakovo mwaki,
na athatĩa andũ ma Ĩsilaeli mũno,
22nĩkwĩthĩwa mayaamũĩkĩĩa,
na kwĩkwatya vinya wa ũtangĩĩo wake.
23Ũu wĩ o vo nĩweeaĩie matu,
na avingũa mĩomo ya ĩtunĩ.
24 #
Yoa 6.31
Nĩwauĩisye andũ make lĩu wĩtawa mana maye;
nĩwamanengie lĩu wa ngetha ya mbaa mbeke kuma ĩtunĩ.
25Andũ nĩmaĩe lĩu wa alaĩka;
Ngai nĩwamanengie lĩu kwa wingĩ.
26Nĩwatumie kĩseve kĩvyũ kuma wumĩlonĩ wa syũa kĩuutana matunĩ,
na kwa vinya wake aete kĩseve kuma ngalĩko ya ĩtheo.
27Nĩwauĩisye andũ make nyama mbingĩ ta kĩtoo;
nyũnyi iũlũkĩte singĩvĩte ta kĩthangathĩ kĩla kĩ ũtee wa ũkanga.
28Nĩwatumie nyũnyi isu ivalũkanga vala mambĩte maeema,
kĩla vandũ kũthyũlũlũka maeemanĩ moo.
29Andũ nĩmaĩe mavũna,
nũndũ Ngai nĩwamanengie kĩla mendaa.
30Ĩndĩ wendi ũla maĩ naw'o wa lĩu ũsu ũtanamba kũthela,
o maendee na kũya,
31Ngai nĩwamathatĩie,
na ooaa aũme moo ala maĩ na vinya mũno;
ooaa anake ma Ĩsilaeli ala maĩ aseo vyũ.
32Ĩndĩ ũu w'onthe wĩ o vo nĩmaendeeie kwĩka naĩ,
o na kau Ngai nĩweekaa syama mayaamũĩkĩĩa.
33Kwoou nĩwatumie mĩthenya ya thayũ woo ĩthela ta mĩthũmũ,
na myaka yoo ĩthela na mathĩna.
34Yĩla Ngai wamoaa, ala matiala nĩmamũsyokeaa;
nĩmaumbũlaa na kũmũmantha na kĩthing'ĩĩsyo.
35Nĩmalilikanaa kana Ngai nĩwe ĩvia yoo,
na kana Ngai Ũla wĩ Ĩũlũ Mũno nĩwe mwovosya woo.
36Ĩndĩ nĩmamũkengaa na ndeto syoo;
maũndũ onthe ala mamũtavasya maĩ ma ũvũngũ.
37 #
Meko 8.21
Mayaĩ aĩkĩĩku kũla ũĩ,
na mayeanĩasya ũtianĩo wake namo.
38Ĩndĩ nũndũ Ngai aĩ na tei,
nĩwamaekeie ũthũku woo na ndaamamina.
Mavinda maingĩ nĩwaekaa kũthata,
na ndaaeka ũthatu wake wingĩve vyũ.
39Nĩwalilikanile kana mo no andũ,
na mailyĩ kĩseve kĩla kĩuutanaa na kĩithi.
40Mavinda maingĩ nĩmamũng'endeaa me weũnĩ,
na kũmwĩw'ĩthya woo me kũu.
41Nĩmamũtatie mavinda maingĩ,
na matuma Ũla Mũtheu wa Ĩsilaeli athata.
42Nĩmoolilwe nĩ vinya wake mũnene,
na moolwa nĩ mũthenya ũla wamatangĩĩie kuma kwa amaitha moo,
43yĩla woonanisye syama syake nthĩ ya Misili,
na moseng'yo make kĩsionĩ kĩtawa Nzoani.
44 #
Kuma 7.17-21
Nĩwatumie mbũsĩ syoo itw'ĩka nthakame,
nĩ kana andũ ma Misili maikanyw'e kĩw'ũ kuma tũlũsĩnĩ twoo.
45 #
Kuma 8.1-6,20-24 Nĩwamaeteie ngi mbingĩ syamathĩny'a mũno,
na syoa syatuma nthĩ yoo yanangĩka.
46 #
Kuma 10.12-15
Nĩwaetie itooli syaya lĩu woo ũla waĩ mĩũndanĩ,
na ngie syaya ngetha yoo.
47 #
Kuma 9.22-25
Nĩwaanangie mĩsavivũ yoo na mbua ya mavia,
na aananga mĩkũyũ yoo na mbevo mbingĩ mũno.
48Nĩwooaie ng'ombe syoo na mbua ya mavia,
na ooaa indo syoo na ũtisi.
49Nĩwatumie ũthatu wake mwingĩ ũmakwata,
ũthilĩku, woo na thĩna;
nguthu ya alaĩka ma kwananga.
50Nĩwaekie ũthatu wake ũendee,
ndaamasũvĩa maikakw'e,
ĩndĩ nĩwamaminie na mothĩny'o.
51 #
Kuma 12.29
Nĩwooaie makithathi onthe ma nthĩ ya Misili,
ũsyao wa mbee wa andũ maeemanĩ ma Amu.
52 #
Kuma 13.17-22
Ĩndĩ nĩwatongoeisye andũ make ta mũĩthi;
nĩwamatongoeisye weũnĩ ta ndĩthya ya malondu.
53 #
Kuma 14.26-28
Nĩwamatongoeisye me ũsũvĩonĩ na kwoou mayaakĩa,
ĩndĩ ũkanga nĩwamelilye amaitha moo.
54 #
Kuma 15.17; Yos 3.14-17 Nĩwamaetie nthĩ yake ntheu,
kĩĩmanĩ kĩla woosie na vinya wake.
55 #
Yos 11.16-23
Nĩwalũngilye andũ ala matwĩe vo andũ make maendee kũmĩlika,
na aaĩa andũ ma Ĩsilaeli nthĩ yoo yĩthĩwe ũtiĩwa woo,
na anenga andũ ma Ĩsilaeli mĩsyĩ ya andũ asu matũe vo.
56 #
Asi 2.11-15
Ĩndĩ nĩmatatie Ngai na mang'endea Ũla wĩ Ĩũlũ Mũno;
mayaaĩanĩsya mĩao yake.
57Ĩndĩ andũ asu maĩ ang'endu na maĩ na ũseleke ta aaũmae moo;
maĩ andũ matekwatw'a ta ũta mũthyoeku.
58Nĩmamũthatisye nũndũ wa kũndũ kwoo kwa kũthaithĩa ngai sya mĩvw'anano kũla maseũvĩtye,
Nĩmatumie akwatwa nĩ kĩwĩu nũndũ wa ngai syoo sya mĩvw'anano.
59Yĩla Ngai weewie ũu nĩwathatie mũno,
na alea andũ ma Ĩsilaeli vyũ.
60 #
Yos 18.1; Yel 7.12-14; 26.6 Nĩwatiie Ĩeema yake yĩla yaĩ Silo,#78.60 Silo: Vandũ vala andũ ma Ĩsilaeli mathaithĩaa mbee wa kũsumbĩka kwa Mũsumbĩ Ndeviti
vala nĩvo wekalanasya na andũ.
61 #
1Sam 4.4-22
Nĩwaekie Ĩsandũkũ ya Ũtianĩo,
yĩla nĩyo yaĩ wonany'o wa ũtonyi na ũkumyo wake yĩkuwe nĩ amaitha.
62Nĩwathatiw'e nĩ andũ make,
na atuma moaĩwa nĩ amaitha moo kaũnĩ.
63Anake moo nĩmooaĩiwe kaũnĩ,
kwoou eĩtu moo mayaĩ na anake ma kũmatwaa.
64Athembi moo nĩmooaiwe na ũvyũ,
na ndiwa syoo iyaaĩthĩwa na kyeva.
65Nĩvo ĩndĩ Mwĩai Ngai waamũkie ta mũndũ eĩkomete,
ta ngũmbaũ ĩkũlonza nũndũ wa kũnyw'a ndivai.
66Nĩwalũngilye amaitha make masyoka,
na atuma makwatwa nĩ nthoni tene na tene.
67Nĩwaleile nzyawa sya Yosevu,
na ndaanyuva mbaĩ ya Evalaimu;
68ĩndĩ nĩwanyuvie mbaĩ ya Yuta,
Kĩĩma kya Saioni kĩla wendete mũno.
69Vau nĩvo waakie Ĩkalũ yake ĩtũlu mũno ta ĩtu.
Ta nthĩ ĩla woombie yĩkale tene na tene.
70 #
1Sam 16.11-12; 2Sam 7.8; 1Mav 17.7 Nĩwanyuvie Ndeviti mũthũkũmi wake,
amumya wĩanĩ wa kũĩthya malondu,
71kũla waĩthasya malondu.
Nĩwamumisye wĩanĩ wa kũĩthya malondu ala maĩ na tũtena,
atw'ĩke mũĩthi wa andũ make nzyawa sya Yakovo,
andũ ma Ĩsilaeli ũtiĩwa wake.
72Ndeviti nĩwasũvĩaa andũ asu eyumĩtye na ngoo yake yonthe;
nĩwamatongoeasya na ũmanyi mwingĩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011