Sav 77
77
Ũkiakisyo Ĩvindanĩ ya Thĩna
Kwa mwinĩthya: Savulĩ ĩno yaandĩkiwe nĩ Asavu.
1Nĩnĩkaĩlaa Ngai na wasya mũnene,
nĩnĩmwĩkaĩlaa na wasya mũnene nĩ kana ambĩw'e.
2Ĩvindanĩ ya mathĩna nĩnĩvoyaa Mwĩai;
ũtukũ w'onthe nĩnũkĩlasya moko makwa ndeũnoa ngĩvoya,
ĩndĩ thayũ wakwa ndũkwataa ũkiakisyo.
3Nĩnĩsilasya ĩũlũ wa Ngai na ngĩthĩnĩka,
nĩnĩsũanĩaa na kũkw'a ngoo.
Sela
4Nũtumaa nĩkala ũtukũ mũima ndakoma;
nĩ na kĩũũyũ kingĩ ũkethĩa nditonya kũneena.
5Nĩnĩsũanĩaa ĩũlũ wa mĩthenya ĩla mĩvĩtũku,
nĩnĩlilikanaa ĩũlũ wa myaka ya ĩvinda ya tene.
6Nĩlilikanaa wathi wakwa ũtukũ;
nĩnĩsũanĩaa na kwĩkũlya ngoonĩ atĩĩ,
7“Mwĩai Ngai atũekete kũvika tene na tene?
Ndakendeew'a nĩ ithyĩ ĩngĩ?
8Wendo wake ũtaolekaa ko mũthelu kũvika tene na tene?
Akalea kwĩanĩsya watho wake kũvika tene na tene?
9Ngai ko woolilwe nĩ kwĩthĩwa e tei?
Ũthatu wake nĩw'o watumie aeka kwĩthĩwa e tei?”
Sela
10Nĩvo ĩndĩ nasũanĩie nasya, “Nĩna kyeva,
nũndũ Ũla wĩ Ĩũlũ Mũno nũekete kwĩka maũndũ kwondũ wa ũseo witũ!”
11Ngalilikanaa meko maku manene we Mwĩai Ngai,
ĩĩ, ngalilikanaa syama syaku sya tene.
12Ngasũanĩaa ĩũlũ wa mawĩa maku onthe,
na kũsũanĩaa ĩũlũ wa meko maku manene.
13We Ngai maũndũ onthe ala wĩkaa nĩ matheu,
nĩ ngai ĩngĩ yĩva ĩnenevete ta Ngai waitũ?
14Nue Ngai ũla wĩkaa syama,
nĩwonanasya vinya waku andũnĩ ma nthĩ ingĩ.
15Nĩwatangĩĩie andũ maku na vinya waku;
nzyawa sya Yakovo na sya Yosevu.
Sela
16We Ngai yĩla kĩw'ũ kyakwonie;
yĩla kĩw'ũ kyakwonie nĩkyakĩie,
kũla kũliku ũkanganĩ nĩkwatetemie.
17Matu nĩmauisye mbua,
kĩtundumo kyatunduma yayayanĩ;
ũtisi nĩwatisie ngalĩko syonthe.
18Kĩtundumo kyaku nĩkyeew'ĩkie kĩlinginĩ,
ũtisi waku nĩwamulĩkile nthĩ;
nthĩ nĩyatetemie na yathingitha.
19Nzĩa yaku yesĩlĩte ũkanganĩ,
nzĩa yaku yaingĩlĩte kĩw'ũnĩ kingĩ,
ĩndĩ makinya maku mayaaoneka.
20Nĩwatongoeisye andũ maku ta mũĩthi,
me ũtongoinĩ wa Mwose na Alũni.
Currently Selected:
Sav 77: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sav 77
77
Ũkiakisyo Ĩvindanĩ ya Thĩna
Kwa mwinĩthya: Savulĩ ĩno yaandĩkiwe nĩ Asavu.
1Nĩnĩkaĩlaa Ngai na wasya mũnene,
nĩnĩmwĩkaĩlaa na wasya mũnene nĩ kana ambĩw'e.
2Ĩvindanĩ ya mathĩna nĩnĩvoyaa Mwĩai;
ũtukũ w'onthe nĩnũkĩlasya moko makwa ndeũnoa ngĩvoya,
ĩndĩ thayũ wakwa ndũkwataa ũkiakisyo.
3Nĩnĩsilasya ĩũlũ wa Ngai na ngĩthĩnĩka,
nĩnĩsũanĩaa na kũkw'a ngoo.
Sela
4Nũtumaa nĩkala ũtukũ mũima ndakoma;
nĩ na kĩũũyũ kingĩ ũkethĩa nditonya kũneena.
5Nĩnĩsũanĩaa ĩũlũ wa mĩthenya ĩla mĩvĩtũku,
nĩnĩlilikanaa ĩũlũ wa myaka ya ĩvinda ya tene.
6Nĩlilikanaa wathi wakwa ũtukũ;
nĩnĩsũanĩaa na kwĩkũlya ngoonĩ atĩĩ,
7“Mwĩai Ngai atũekete kũvika tene na tene?
Ndakendeew'a nĩ ithyĩ ĩngĩ?
8Wendo wake ũtaolekaa ko mũthelu kũvika tene na tene?
Akalea kwĩanĩsya watho wake kũvika tene na tene?
9Ngai ko woolilwe nĩ kwĩthĩwa e tei?
Ũthatu wake nĩw'o watumie aeka kwĩthĩwa e tei?”
Sela
10Nĩvo ĩndĩ nasũanĩie nasya, “Nĩna kyeva,
nũndũ Ũla wĩ Ĩũlũ Mũno nũekete kwĩka maũndũ kwondũ wa ũseo witũ!”
11Ngalilikanaa meko maku manene we Mwĩai Ngai,
ĩĩ, ngalilikanaa syama syaku sya tene.
12Ngasũanĩaa ĩũlũ wa mawĩa maku onthe,
na kũsũanĩaa ĩũlũ wa meko maku manene.
13We Ngai maũndũ onthe ala wĩkaa nĩ matheu,
nĩ ngai ĩngĩ yĩva ĩnenevete ta Ngai waitũ?
14Nue Ngai ũla wĩkaa syama,
nĩwonanasya vinya waku andũnĩ ma nthĩ ingĩ.
15Nĩwatangĩĩie andũ maku na vinya waku;
nzyawa sya Yakovo na sya Yosevu.
Sela
16We Ngai yĩla kĩw'ũ kyakwonie;
yĩla kĩw'ũ kyakwonie nĩkyakĩie,
kũla kũliku ũkanganĩ nĩkwatetemie.
17Matu nĩmauisye mbua,
kĩtundumo kyatunduma yayayanĩ;
ũtisi nĩwatisie ngalĩko syonthe.
18Kĩtundumo kyaku nĩkyeew'ĩkie kĩlinginĩ,
ũtisi waku nĩwamulĩkile nthĩ;
nthĩ nĩyatetemie na yathingitha.
19Nzĩa yaku yesĩlĩte ũkanganĩ,
nzĩa yaku yaingĩlĩte kĩw'ũnĩ kingĩ,
ĩndĩ makinya maku mayaaoneka.
20Nĩwatongoeisye andũ maku ta mũĩthi,
me ũtongoinĩ wa Mwose na Alũni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011