Sav 76
76
Ngai Aisinda Amaitha make
Kwa mwinĩthya: Aitũmĩa mĩio ya Mbathi yĩ ndii. Savulĩ ĩno yaandĩkiwe nĩ Asavu
1Ngai nĩwĩsĩkĩe Yuta;
ĩsyĩtwa yake nĩyĩnengetwe ndaĩa Ĩsilaeli.
2Wĩkalo wake wĩ Yelũsalemu;
atũaa Kĩĩmanĩ kya Saioni.
3Vau nĩ vo watũlangĩle maangi ma amaitha;
atũlanga ngao, mbyũ na mĩio ya kaũ.
Sela
4We Ngai wusũĩtwe nĩ ũkumyo,
wĩ wa kũseng'ya mbee wa iĩma sya tene na tene.
5Asikalĩ me vinya nĩmaveniwe ila matavĩte,
na yu makomete me akw'ũ.
Ngũmbaũ sya kaũ nĩsyaemiwe nĩ kũtũmĩa moko masyo.
6Yĩla Ngai wa Yakovo wamatelemilye,
mbalasi na ala maitũlĩte nĩmakwie.
7Ĩndĩ we wĩ wa kũkĩwa;
nũũ ũtonya kũũngama mbee waku yĩla wĩ mũthatu.
8Kuma ĩtunĩ nĩwaumisye ũtw'ĩo wa ũsilĩlo,
nthĩ nĩyakĩie na yavindya;
9yĩla we Ngai waũngamie wumye ũtw'ĩo,
nĩ kana ũtangĩĩe onthe ala mathĩnaw'a ĩũlũ wa nthĩ.
Sela
10Kwa w'o ũthatu wa mũndũ ũtumaa ũtaĩwa,
na ala mavonokaa kuma ũthatunĩ waku makatanĩa mboka syaku.
11Ĩvĩtei kũla kwĩ Mwĩai Ngai, Ngai wenyu, na mũyĩanĩsya mawĩvĩto menyu;
nthĩ syonthe ila imũthyũlũlũkĩte nietee ũla waĩlĩte kũkĩwa mĩthĩnzĩo.
12Nũtumaa atongoi menyivya,
na nũkĩawa nĩ asumbĩ ĩũlũ wa nthĩ.
Currently Selected:
Sav 76: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
