Sav 2
2
Mũsumbĩ Ũnyuvĩtwe nĩ Ngai
1 #
Meko 4.25-26
Nĩkĩ andũ ma mbaĩ ingĩ mavangaa mĩvango mĩthũku?
Nĩkĩ andũ mavangaa maũndũ,
na maũndũ asu maitw'ĩka ma mana?
2Asumbĩ ma nthĩ nĩmeyũmbanasya,
na atongoi mayũmbana vamwe masame,
ũndũ meũleana na Mwĩai Ngai,
na kũleana na mũsumbĩ ũla Ngai ũnyuvĩte.
3Maneenaa makasya atĩĩ, “Nĩtwĩthasye kuma ũsumbĩnĩ woo,
na tũyĩkya vaasa syĩndũ ila matwovete nasyo.”
4Ũla ũsumbĩkaa e ĩtunĩ nũmathekeeaa,
Mwĩai Ngai nũmavũthasya.
5Nĩvo ĩndĩ ũmakanasya ũthatunĩ wake,
na kũmatelemya ũthilĩkunĩ wake ayasya,
6“Nĩniĩte mũsumbĩ wakwa,
Kĩĩmanĩ kyakwa kĩtheu kya Saioni.”
7 #
Meko 13.33; Aevl 1.5; 5.5 Mũsumbĩ eneena ayasya,
“Nĩngũtavany'a ũndũ Mwĩai Ngai ũneenete.
Aneenete akambĩa, ‘We wĩ mwana wakwa,
ũmũnthĩ nĩnatw'ĩka ĩthe waku.
8Ngũlye, nakwa ngakũnenga andũ ma mbaĩ syonthe ĩũlũ wa nthĩ ũmasumbĩke,
nthĩ yonthe ĩkatw'ĩka yaku.
9 #
Ũvu 2.26-27; 12.5; 19.15 Ũkamasumbĩka wĩ na ũkũmũ,
na kũmanyaĩĩkya ta ilĩo sya mbisũ.’ ”
10Yu ĩndĩ, inyw'ĩ asumbĩ ĩthĩwai mwĩ oĩ,
inyw'ĩ asumbĩ ma nthĩ ĩw'ai ũkany'o ũũ.
11Thũkũmai Mwĩai Ngai mwĩ na kĩkĩo kyake,
na tanai na kũtetema.
12Nengai mwana wake ndaĩa ndakese kũthata,
na mũikw'a mĩtũkĩ,
nũndũ nũtonya kũmũthatĩa mĩtũkĩ.
Nĩ aathime onthe ala mevithaa nthĩnĩ wa Ngai.
Currently Selected:
Sav 2: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
