Sav 137
137
Kĩĩo kya Andũ ma Ĩsilaeli me Nthĩ ya Ũeninĩ
1Twĩ ũtee wa mbũsĩ sya Mbavilonĩ,
nĩtwekalile nthĩ vau na twaĩa,
yĩla twalilikanile Saioni.
2Nĩtwanĩkie ngitaa sitũ,
mĩtĩnĩ ĩla ĩmeaa ũtee wa ũsĩ.
3Nĩkwĩthĩwa ala matũkwatĩte nĩmendaa twine;
ala matũthĩnasya nĩmendaa tũmatanĩthye mayasya,
“Twinĩei wathi ũmwe wa mbathi sya Saioni!”
4Tũtonya ata kwina wathi wa Mwĩai Ngai,
twĩ nthĩ ya ũeninĩ?
5Ethĩwa ngoolwa nue we Yelũsalemu,
kw'oko kwakwa kwa aũme nĩkũlwe nĩ wĩa wa kw'o!
6Ũĩmĩ wakwa nĩwĩthĩwe ũtatonya kwina ĩngĩ,
ethĩwa ndikakũlilikana,
ethĩwa ndikakũtala we Yelũsalemu kwĩthĩwa ũtanu wakwa mũnene!
7Ame Mwĩai Ngai lilikana ũndũ Aetomu meekie,
mũthenyanĩ ũla Yelũsalemu yasindiwe,
ũndũ maneenaa mayasya,
“Myanange! Myanange nginya wambĩlĩĩlyo wayo!”
8 #
Ũvu 18.6
We Mbavilonĩ weteelete kwanangwa!
Nĩ mũathime ũla wĩkũĩvanĩsya,
nũndũ wa ũndũ ũtwĩkĩte;
9nĩ mũathime ũla wĩosa twana twaku,
na kũtũng'atangany'a mavianĩ.
Currently Selected:
Sav 137: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
