Sav 124
124
Ngai Mũsũvĩi wa Andũ make.
Savulĩ ĩno yaandĩkiwe nĩ Ndeviti
1Kethĩwa Mwĩai Ngai ndaĩ ngalĩkonĩ ĩla yaitũ,
we Ĩsilaeli kwa weta!
2Kethĩwa Mwĩai Ngai ndaĩ ngalĩkonĩ ĩla yaitũ,
yĩla amaitha matũvithũkĩie,
3nĩvo ĩndĩ methĩwa matũmelilye twĩ thayũ,
yĩla matũthatĩie mũno.
4Kĩw'ũ kingĩ kĩthĩwa kyatũkuie,
kĩw'ũ kĩthĩwa kyatũvw'ĩkie.
5Kĩw'ũ kĩna itulumo kĩthĩwa kyatũvw'ĩkie.
6Mwĩai Ngai nĩataĩwe,
ũla ũtaaeka amaitha maitũ matũmine.
7Nĩtwavonokie ta nyũnyi kuma kĩteinĩ kya atei mayo,
kĩtei nĩ kĩtw'ĩku na tũkavonoka!
8Ũtethyo witũ wĩ ĩsyĩtwanĩ ya Mwĩai Ngai,
ũla woombie ĩtu na nthĩ.
Currently Selected:
Sav 124: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
