Sav 108
108
Kũvoya Ũsindi kuma kwa Ngai
(Sav 57.7-11; 60.5-12)
Savulĩ ĩno yaandĩkiwe nĩ Ndeviti.
1Ame Ngai thayũ wakwa nĩwĩlũmĩtye;
thayũ wakwa nĩwĩlũmĩtye.
Ngaina na ũkũtaĩa.
Amũka thayũ wakwa!
2Amũkai ngitaa nene na ngitaa nini!
Nakwa ngaamũka syũa yĩtanauma.
3Ame Mwĩai Ngai ngakũtũngĩa mũvea andũnĩ onthe;
ngakwinĩa mbathi sya ũkũtaĩa andũnĩ onthe.
4Nũndũ wendo waku ũtaolekaa nĩ mũnene na ũvikĩte matunĩ,
ũĩkĩĩku waku ũvikĩte matunĩ.
5Ame Ngai taĩwa ĩũlũ ĩtunĩ,
na ũkumyo waku wĩthĩwe kĩla vandũ ĩũlũ wa nthĩ.
6Tũtangĩĩe na ũitũtetheesya na ũtonyi waku,
nĩ kana ala wendete mavonokw'e.
7Ngai nũneenete kuma vandũnĩ vake vatheu akasya atĩĩ,
“Ngaany'a Sekemu nĩna ũsindi mũnene,
na ngĩaanĩsya andũ makwa Mwanda wa Sukothi.
8Ngileati nĩ yakwa na Manase nĩ yakwa;
Evalaimu nĩ ngovia ya kũseseea mũtwe wakwa,
na Yuta nĩyo ndata yakwa ya kĩ-ũsumbĩ.
9Moavi nĩyo kalaĩ kakwa ka kũthambĩa;
ngekya kĩatũ kyakwa Etomu;
ngookĩlya wasya wa ũtanu namina kũsinda Vilisitia.”
10Nũũ ũla wĩndwaa ndũanĩ mbiĩĩe?
Nũũ ũla wĩndongoesya kũthi Etomu?
11Ame Ngai we tyo ue ũtũleete?
Nũleete kũendany'a na asikalĩ maitũ ma kaũ.
12Tũtetheesye kũsinda amaitha,
nĩkwĩthĩwa ũtethyo wa mũndũ nĩ wa mana.
13Ngai e ngalĩkonĩ ĩla yaitũ tũkasinda;
akasinda amaitha maitũ.
Currently Selected:
Sav 108: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
