Ĩsa 62
62
Ĩsyĩtwa Yeũ ya Saioni
1Ndivindya, nĩngũneena kwondũ wa Saioni,
na kwondũ wa Yelũsalemu ndithũmũa,
nginya ũlũngalu wayo wumĩle ta kyeni,
na ũtangĩĩo wayo ũyumĩla ta taa wakanĩte.
2Mbaĩ sya andũ ikoona ũlũngalu waku,
na asumbĩ onthe makoona ũkumyo waku.
Ũkeetwa ĩsyĩtwa yeũ,
yĩla Mwĩai Ngai mwene wĩkũnenga.
3Ũkeethĩwa ũilyĩ ta ngovia mbanake ya kĩ-ũsumbĩ ya Mwĩai Ngai,
na ta kĩlaũnĩ kya Ngai waku.
4Ndũketwa ĩngĩ, “Ũla Watiiwe,”
kana nthĩ yaku yĩtwe, “Nthĩ Nthei.”
Ĩsyĩtwa yaku yeũ ũkeetwa, “Ũla Ũmbendeeasya.”
Nthĩ yaku ĩkeetwa, “Ũla Ũtwaĩtwe.”
Nũndũ Mwĩai Ngai nĩwendeeaw'a nue,
na akeethĩwa ailyĩ ta mũũme wa nthĩ yaku.
5O tondũ mwanake ũtwaa mwĩĩtu ũtaamanyana kĩ-mwĩĩ na mũndũ-ũme,
now'o ũla wakũmbie#62.5 ũla wakũmbie: Maandĩko Matheu kĩthyomonĩ kya Kĩevelania maĩtye ana maku. wĩkũtwaa.
O tondũ mũtwaani ũtanĩthaw'a nĩ mũtwawa,
now'o Ngai waku wĩtanĩthw'a nue.
6Ngũtanĩ syaku we Yelũsalemu nĩniĩte asyaĩĩsya.
Mũthenya na ũtukũ asyaĩĩsya asu maikavindya.
Inyw'ĩ ala mũlilikanasya Mwĩai Ngai mũikathũmũe,
7na mũikamũeke athũmũe nginya alũlũmĩĩlye Yelũsalemu,
na kũmĩtw'ĩkĩthya ndũa ĩla ĩkumaw'a nĩ nthĩ yonthe.
8Mwĩai Ngai nĩwĩvĩtĩte kwa nzĩa ya mwanya ũtonyinĩ wake akasya atĩĩ,
“Ndikanengane ĩngĩ ngetha yenyu ya mbaa mbeke ĩtw'ĩke lĩu wa amaitha menyu,
na aeni maikanyw'a ndivai yenyu ĩla mũthũkũmĩe.
9Ĩndĩ ala makethie lĩu nĩmo makaũya,
na kũtaĩa Mwĩai Ngai,
na ala makolanilye nzavivũ,
makanyw'ĩĩa ndivai iwanzanĩ sya Ĩkalũ yakwa.”
10Inyw'ĩ andũ ma Yelũsalemu umaalai ndũanĩ,
na mũiseũvĩsya nzĩa andũ menyu ala masyokete.
Maseũvĩsyei lelũ,
vetangai mavia lelũnĩ ũsu.
Ĩkĩĩai andũ ma nthĩ ingĩ wonany'o nĩ kana mamanye.
11 #
Ĩsa 40.10; Ũvu 22.12 Mwĩai Ngai nũtavanĩtye kĩla vandũ ĩũlũ wa nthĩ akasya atĩĩ,
“Tavyai andũ ma Yelũsalemu mũmee,
‘Mũtangĩĩi wenyu nĩwũkĩte!
Okĩte akuĩte mũthĩnzĩo wake na ĩtuvi yake.’ ”
12Makeetwa Andũ Atheu,
ala movoetw'e nĩ Mwĩai Ngai.
Yelũsalemu ĩkeetwa, “Ndũa ĩla Ngai Wendete,”
“Ndũa ĩla Ngai Ũtaatia.”
Currently Selected:
Ĩsa 62: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
