Ĩsa 56
56
Ũtangĩĩo nĩ wa Andũ ma Mbaĩ Syonthe
1Mwĩai Ngai easya atĩĩ,
“Atĩĩaai sila wa katĩ na kwĩkaa ũla waĩlu,
nĩkwĩthĩwa ũtangĩĩo wakwa wĩ vakuvĩ,
na ũlũngalu wakwa ũkilĩlye kũvuanw'a.
2Nĩ mũathime mũndũ ũla wĩkaa ũu,
na wĩkĩaa kĩthito kwĩanĩsya maũndũ asu,
ũla wĩkalasya mũthenya wa Savato wĩ mũtheu na ndaũvukasya,
na wĩsiĩĩaa ndakeke ũthũku o na ũmwe.”
3“Mũndũ wa nthĩ ĩngĩ ũla wĩkwatasya Mwĩai Ngai ndakaneene asye,
‘Vate nzika Mwĩai Ngai akambetanga kuma kũla kwĩ andũ make.’
Nake mũndũ ũla mũvakũe ndakaneene asye,
‘Nyie nĩilyĩ ta mũtĩ mũmũ.’
4Nĩkwĩthĩwa nyie Mwĩai Ngai nĩasya atĩĩ,
‘Andũ avakũe ala mekalasya mĩthenya ya Savato yĩ mĩtheu,
ala mekaa maũndũ ala mambendeeasya,
na kwĩanĩsya ũtianĩo wakwa,
5ngamekĩĩa kĩtuĩ kya ũlilikany'o Ĩkalũnĩ yakwa,
na mayĩthĩwa na ndaĩa ĩvĩtũkĩte ya kwĩthĩwa na syana.
Ngamanenga ĩsyĩtwa ya tene na tene,
yĩla yĩtakola.’ ”
6O ta ũu Mwĩai Ngai eĩa andũ ma nthĩ ingĩ,
ala malũmanasya nake mamũthũkũme,
mamwende na maitw'ĩka athũkũmi make,
na andũ onthe ala meanĩasya mwĩao wa Savato na mataũtũlaa,
na kwĩanĩsya ũtianĩo wake,
7“Ngamũete kĩĩmanĩ kyakwa kĩtheu,
na ngĩtuma mũtana mwĩ nyũmbanĩ yakwa ya mboya.
Ngeetĩkĩla nthembo syenyu sya kũvĩvw'a,
na nthembo ila ingĩ mwĩumĩsya kĩthembeonĩ kyakwa,
nũndũ nyũmba yakwa ĩkeetawa nyũmba ya mboya ya andũ onthe.”
8Mwĩai Ngai Mũsumbĩ ũla wũmbanasya andũ ma Ĩsilaeli, ala matavĩtwe makatwawa nthĩ ya ũeninĩ easya atĩĩ,
“Ngoombany'a andũ angĩ methĩwe vamwe na asu,
eka ala nĩminĩte kũmbany'a.”
Atongoi ma Ĩsilaeli Maitũlwa Mũtĩ
9Ũkai inyw'ĩ nyamũ syonthe ila mbai,
ũkai mũye inyw'ĩ nyamũ syonthe sya kĩthekanĩ!
10Asyaĩĩsya onthe ma Ĩsilaeli nĩ ilalinda;
onthe mai na ũmanyi.
Onthe mailyĩ ta ngitĩ ivindĩtye ki ila itakũmaa;
nĩmakomaa na kũota na nĩmendete kũkoma.
11Mailyĩ ta ngitĩ syendete kũya ila itavũnaa;
atongoi asu nĩ aĩthi mate na ũmanyi;
mekaa maũndũ ala mekwenda,
na kĩla ũmwe amanthaa kwĩyĩuna we mwene.
12Maneenanasya ene kwa ene makasya atĩĩ,
“Ũka tũthi tũkanyw'e ndivai;
tũthi tũnyw'e tũmilwe!
Ũnĩ ũkeethĩwa ũilyĩ ũmũnthĩ,
kana o na wĩ mũseango.”
Currently Selected:
Ĩsa 56: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 56
56
Ũtangĩĩo nĩ wa Andũ ma Mbaĩ Syonthe
1Mwĩai Ngai easya atĩĩ,
“Atĩĩaai sila wa katĩ na kwĩkaa ũla waĩlu,
nĩkwĩthĩwa ũtangĩĩo wakwa wĩ vakuvĩ,
na ũlũngalu wakwa ũkilĩlye kũvuanw'a.
2Nĩ mũathime mũndũ ũla wĩkaa ũu,
na wĩkĩaa kĩthito kwĩanĩsya maũndũ asu,
ũla wĩkalasya mũthenya wa Savato wĩ mũtheu na ndaũvukasya,
na wĩsiĩĩaa ndakeke ũthũku o na ũmwe.”
3“Mũndũ wa nthĩ ĩngĩ ũla wĩkwatasya Mwĩai Ngai ndakaneene asye,
‘Vate nzika Mwĩai Ngai akambetanga kuma kũla kwĩ andũ make.’
Nake mũndũ ũla mũvakũe ndakaneene asye,
‘Nyie nĩilyĩ ta mũtĩ mũmũ.’
4Nĩkwĩthĩwa nyie Mwĩai Ngai nĩasya atĩĩ,
‘Andũ avakũe ala mekalasya mĩthenya ya Savato yĩ mĩtheu,
ala mekaa maũndũ ala mambendeeasya,
na kwĩanĩsya ũtianĩo wakwa,
5ngamekĩĩa kĩtuĩ kya ũlilikany'o Ĩkalũnĩ yakwa,
na mayĩthĩwa na ndaĩa ĩvĩtũkĩte ya kwĩthĩwa na syana.
Ngamanenga ĩsyĩtwa ya tene na tene,
yĩla yĩtakola.’ ”
6O ta ũu Mwĩai Ngai eĩa andũ ma nthĩ ingĩ,
ala malũmanasya nake mamũthũkũme,
mamwende na maitw'ĩka athũkũmi make,
na andũ onthe ala meanĩasya mwĩao wa Savato na mataũtũlaa,
na kwĩanĩsya ũtianĩo wake,
7“Ngamũete kĩĩmanĩ kyakwa kĩtheu,
na ngĩtuma mũtana mwĩ nyũmbanĩ yakwa ya mboya.
Ngeetĩkĩla nthembo syenyu sya kũvĩvw'a,
na nthembo ila ingĩ mwĩumĩsya kĩthembeonĩ kyakwa,
nũndũ nyũmba yakwa ĩkeetawa nyũmba ya mboya ya andũ onthe.”
8Mwĩai Ngai Mũsumbĩ ũla wũmbanasya andũ ma Ĩsilaeli, ala matavĩtwe makatwawa nthĩ ya ũeninĩ easya atĩĩ,
“Ngoombany'a andũ angĩ methĩwe vamwe na asu,
eka ala nĩminĩte kũmbany'a.”
Atongoi ma Ĩsilaeli Maitũlwa Mũtĩ
9Ũkai inyw'ĩ nyamũ syonthe ila mbai,
ũkai mũye inyw'ĩ nyamũ syonthe sya kĩthekanĩ!
10Asyaĩĩsya onthe ma Ĩsilaeli nĩ ilalinda;
onthe mai na ũmanyi.
Onthe mailyĩ ta ngitĩ ivindĩtye ki ila itakũmaa;
nĩmakomaa na kũota na nĩmendete kũkoma.
11Mailyĩ ta ngitĩ syendete kũya ila itavũnaa;
atongoi asu nĩ aĩthi mate na ũmanyi;
mekaa maũndũ ala mekwenda,
na kĩla ũmwe amanthaa kwĩyĩuna we mwene.
12Maneenanasya ene kwa ene makasya atĩĩ,
“Ũka tũthi tũkanyw'e ndivai;
tũthi tũnyw'e tũmilwe!
Ũnĩ ũkeethĩwa ũilyĩ ũmũnthĩ,
kana o na wĩ mũseango.”
BIBLE SOCIETY OF KENYA © 2011