Ĩsa 55
55
Tei wa Ngai kwa Andũ Onthe
1 #
Ũvu 21.6; 22.17 Mwĩai Ngai easya atĩĩ,
“Ũkai inyw'onthe ala mwĩ na waũni,
ũkai vala ve kĩw'ũ;
o na ũla ũte na mbesa,
nĩoke athooe na aiya!
Ũkai mũthooe ndivai na ĩia,
vate mbesa na mũtekũĩva kĩndũ.
2Nĩkĩ mũkwananga mbesa mũithooa kĩla nakyo ti lĩu,
na kũnoa mũithũkũmĩa kĩla kĩtamũvũnĩthya?
Mbĩthukĩĩsyei nesa, na yai kĩla kĩseo,
na mũyĩtanĩthya na lĩu ũla mũseo vyũ.
3 #
Meko 13.34
“Ĩthukĩĩsyei na mũyũka vala nĩĩ,
mbĩthukĩĩsyei nĩ kana mũendee kwĩkala thayũ.
Nĩngũseũvya ũtianĩo wa tene na tene nenyu,
wendo wakwa ũtaolekaa ũla nathie Ndeviti.
4Nĩnatw'ĩkĩthisye Ndeviti ngũsĩ kũla kwĩ mbaĩ sya andũ,
mũtongoi na mũnene wa mbaĩ sya andũ.
5Kwa w'o ũkeeta andũ ma mbaĩ ũtesĩ,
na andũ ma mbaĩ itakwĩsĩ makasemba moke kũla ũĩ,
nũndũ wa Mwĩai Ngai, Ngai waku,
na nũndũ wa Ũla Mũtheu wa Ĩsilaeli,
nĩkwĩthĩwa nũtumĩte ũkumw'a.”
6“Mũmanthei Mwĩai Ngai yu ũtonya kwoneka,
mwĩkaĩlei yu wĩ vakuvĩ.
7Ũla mũthũku nĩatie mĩendele yake mĩthũku,
na ũla ũte mũlũngalu aiekana na mosũanĩo make mathũku;
nĩamũsyokee Mwĩai Ngai nĩ kana amwĩw'ĩe tei,
amũsyokee Ngai waitũ nũndũ nũkũmũekea vyũ.
8“Mosũanĩo makwa ti ũndũ ũmwe na mosũanĩo menyu,
o na nzĩa syenyu tisyo nzĩa syakwa.
Nĩasya ũu nyie Mwĩai Ngai
9O tondũ matu me ĩũlũ kwĩ nthĩ,
now'o nzĩa syakwa syĩ ĩũlũ kwĩ nzĩa syenyu,
na mosũanĩo makwa kwĩ mosũanĩo menyu.
10 #
2Ako 9.10
O tondũ mbua na ĩa itheeaa kuma ĩtunĩ,
na iisyokaa kw'o itanyithĩtye nthĩ,
na kũtuma syĩndũ imea na kwĩana,
ikasyaĩa andũ mbeũ ya kũvanda na lĩu wa kũya,
11now'o ndeto ĩla nĩneenaa yĩthĩawa ĩilyĩ;
ndĩkanzyokea mana, ĩndĩ ĩkeanĩsya ũndũ ngwenda,
na kwĩanĩsya ũndũ ũla nĩmĩtũmĩte ĩkeanĩsye.
12Mũkaumaala na ũtanu,
na kũtongoew'a mũthi na mũuo.
Iĩma na tũlĩma ikambĩĩa kwina syĩ mbee wenyu,
na mĩtĩ yonthe ya kĩthekanĩ ĩkakũnangany'a moko.
13Mĩtalakwe ĩkamea vala vameete mĩw'a,
na mĩtĩ yĩ matũ mathungu ĩimea vandũ va mĩtae.
Ũndũ ũsu ũkeethĩwa wa kũlilikany'a andũ maũndũ ala Mwĩai Ngai wĩkĩte,
wonany'o wa tene ne tene ũla ũtakavetwa.”
Currently Selected:
Ĩsa 55: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 55
55
Tei wa Ngai kwa Andũ Onthe
1 #
Ũvu 21.6; 22.17 Mwĩai Ngai easya atĩĩ,
“Ũkai inyw'onthe ala mwĩ na waũni,
ũkai vala ve kĩw'ũ;
o na ũla ũte na mbesa,
nĩoke athooe na aiya!
Ũkai mũthooe ndivai na ĩia,
vate mbesa na mũtekũĩva kĩndũ.
2Nĩkĩ mũkwananga mbesa mũithooa kĩla nakyo ti lĩu,
na kũnoa mũithũkũmĩa kĩla kĩtamũvũnĩthya?
Mbĩthukĩĩsyei nesa, na yai kĩla kĩseo,
na mũyĩtanĩthya na lĩu ũla mũseo vyũ.
3 #
Meko 13.34
“Ĩthukĩĩsyei na mũyũka vala nĩĩ,
mbĩthukĩĩsyei nĩ kana mũendee kwĩkala thayũ.
Nĩngũseũvya ũtianĩo wa tene na tene nenyu,
wendo wakwa ũtaolekaa ũla nathie Ndeviti.
4Nĩnatw'ĩkĩthisye Ndeviti ngũsĩ kũla kwĩ mbaĩ sya andũ,
mũtongoi na mũnene wa mbaĩ sya andũ.
5Kwa w'o ũkeeta andũ ma mbaĩ ũtesĩ,
na andũ ma mbaĩ itakwĩsĩ makasemba moke kũla ũĩ,
nũndũ wa Mwĩai Ngai, Ngai waku,
na nũndũ wa Ũla Mũtheu wa Ĩsilaeli,
nĩkwĩthĩwa nũtumĩte ũkumw'a.”
6“Mũmanthei Mwĩai Ngai yu ũtonya kwoneka,
mwĩkaĩlei yu wĩ vakuvĩ.
7Ũla mũthũku nĩatie mĩendele yake mĩthũku,
na ũla ũte mũlũngalu aiekana na mosũanĩo make mathũku;
nĩamũsyokee Mwĩai Ngai nĩ kana amwĩw'ĩe tei,
amũsyokee Ngai waitũ nũndũ nũkũmũekea vyũ.
8“Mosũanĩo makwa ti ũndũ ũmwe na mosũanĩo menyu,
o na nzĩa syenyu tisyo nzĩa syakwa.
Nĩasya ũu nyie Mwĩai Ngai
9O tondũ matu me ĩũlũ kwĩ nthĩ,
now'o nzĩa syakwa syĩ ĩũlũ kwĩ nzĩa syenyu,
na mosũanĩo makwa kwĩ mosũanĩo menyu.
10 #
2Ako 9.10
O tondũ mbua na ĩa itheeaa kuma ĩtunĩ,
na iisyokaa kw'o itanyithĩtye nthĩ,
na kũtuma syĩndũ imea na kwĩana,
ikasyaĩa andũ mbeũ ya kũvanda na lĩu wa kũya,
11now'o ndeto ĩla nĩneenaa yĩthĩawa ĩilyĩ;
ndĩkanzyokea mana, ĩndĩ ĩkeanĩsya ũndũ ngwenda,
na kwĩanĩsya ũndũ ũla nĩmĩtũmĩte ĩkeanĩsye.
12Mũkaumaala na ũtanu,
na kũtongoew'a mũthi na mũuo.
Iĩma na tũlĩma ikambĩĩa kwina syĩ mbee wenyu,
na mĩtĩ yonthe ya kĩthekanĩ ĩkakũnangany'a moko.
13Mĩtalakwe ĩkamea vala vameete mĩw'a,
na mĩtĩ yĩ matũ mathungu ĩimea vandũ va mĩtae.
Ũndũ ũsu ũkeethĩwa wa kũlilikany'a andũ maũndũ ala Mwĩai Ngai wĩkĩte,
wonany'o wa tene ne tene ũla ũtakavetwa.”
BIBLE SOCIETY OF KENYA © 2011