Ĩsa 47
47
Ũsilĩlo Ĩũlũ wa Mbavilonĩ
1 #
Ĩsa 13.1—14.23; Yel 50.1—51.64 Mwĩai Ngai easya atĩĩ,
“Theea wĩkale kĩtoonĩ we Mbavilonĩ;
ĩkala mũthanganĩ ũte na kĩvĩla kya kĩ-ũsumbĩ we Mbavilonĩ,
nũndũ ndũkambĩla kwĩwa wĩ mũseo na wĩ mwanake.
2Osa ĩvia ya kũthia ũthie mũtu,
vetanga kĩtambaa kyaku kya kũvw'ĩka ũthyũ.
Umya ngũa yaku ndaasa,
vua maũũ maku na ũyĩinga mbũsĩ.
3Ũkavuwa ngũa woneke wĩ mũthei,
na nthoni syaku ikaumĩlw'a;
ngeeyĩĩvanĩsya na vai mũndũ o na ũmwe ngew'ĩa tei.”
4Mwovosya waitũ, ũla ĩsyĩtwa yake nĩ Mwĩai Ngai Mwene Ũtonyi W'onthe,
nĩwe Ũla Mũtheu wa Ĩsilaeli.
5Mwĩai Ngai easya atĩĩ,
“We nthĩ ya Mbavilonĩ,
ĩkala nthĩ kĩvindunĩ ũvindĩtye,
nũndũ ndũkambĩla kwĩtwa mũnene wa mosumbĩ ala angĩ.
6Nĩnathatĩie andũ makwa,
na navukya ũtiĩwa wakwa.
Nĩnamanenganie ũtonyinĩ waku,
na ndwaamew'ĩa tei,
o na ala akũũ nĩwamathĩnisye mũno.
7Waisye atĩĩ, ‘Nĩendeea kwĩthĩwa nĩ mũsumbĩ kũvika tene na tene.’
Nĩkyo kĩtumi waleile kũsũanĩa maũndũ aa,
kana kũlilikana mũminũkĩlyo wamo.
8 #
Ũvu 18.7-8
“Yu ĩthukĩĩsye we ũla wendete motanu,
we ũla ũsũanĩaa wĩ ũsũvĩonĩ.
Ũsũanĩaa ngoonĩ ũkasya atĩĩ,
‘No inyie, na vai ũngĩ takwa;
ndikatw'ĩka ndiwa kana nĩkw'ĩĩwe nĩ syana.’
9Ĩndĩ maũndũ asu elĩ makakũkwata kwa kĩthũlũmũko mũthenya o ũmwe;
kũkw'ĩĩwa nĩ syana na kũtw'ĩka ndiwa kũkakũkĩa vate ndĩi,
o na kau nũtũmĩaa ũoi na ũwe mwingĩ.
10Nĩweew'aa wĩ ũsũvĩonĩ ũendee kwĩka mothũku maku,
na wasya atĩĩ, ‘Vai mũndũ ũmbene.’
Nĩwaaiw'e nĩ ũĩ na ũmanyi waku,
yĩla wasũanĩie wasya, ‘No inyie nĩ nyioka na vai ũngĩ takwa.’
11Ũkakwatwa nĩ ũthũku,
na ndũkethĩwa ũtonya kũũvetanga.
Ũkakwatwa nĩ wanangĩko ũla ũtakethĩwa ũtonya kũũvetanga,
wanangĩko mũnene ũkakũkĩa kwa kĩthũlũmũko,
na ndũkethĩwa wĩsĩ kana nĩwũkĩte.
12 #
Ĩsa 44.6; Ũvu 1.17; 22.13 “Endeea kũtũmĩa mowe maku na mooi maku maingĩ,
ala wambĩĩie kũtũmĩa kuma wĩ wa mũika,
nĩvatonyeka ũkasinda,
nĩvatonyeka ũkatelemya andũ.
13Nũnoetw'e nĩ motao maingĩ ala ũnengetwe;
athani maku ala mathanaa kwa kũsisya ndata nĩmoke makũtangĩĩe,
ala kĩla mũtiso wa mwei mathanaa maũndũ ala mekũkwata.
14“Makeethĩwa mailyĩ ta mavuti,
na makavĩvw'a nĩ mwaki.
Maikethĩwa matonya kwĩtangĩĩa kuma ũvyũvunĩ mwingĩ wa mwaki ũsu.
Asu maikethĩwa me makaa ma kwota kana mwaki wa kũthengeea mũndũ ote.
15Andũ ala wĩkalĩte wĩkwatĩtye makeethĩwa mailyĩ ũu,
ala wĩthĩĩtwe ũikũlya ũtao kuma wĩ wa mũika.
Onthe makakũtia na kĩla ũmwe aithi na nzĩa yake;
vai ũmwe ũkatiwa akũtangĩĩe.”
Currently Selected:
Ĩsa 47: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 47
47
Ũsilĩlo Ĩũlũ wa Mbavilonĩ
1 #
Ĩsa 13.1—14.23; Yel 50.1—51.64 Mwĩai Ngai easya atĩĩ,
“Theea wĩkale kĩtoonĩ we Mbavilonĩ;
ĩkala mũthanganĩ ũte na kĩvĩla kya kĩ-ũsumbĩ we Mbavilonĩ,
nũndũ ndũkambĩla kwĩwa wĩ mũseo na wĩ mwanake.
2Osa ĩvia ya kũthia ũthie mũtu,
vetanga kĩtambaa kyaku kya kũvw'ĩka ũthyũ.
Umya ngũa yaku ndaasa,
vua maũũ maku na ũyĩinga mbũsĩ.
3Ũkavuwa ngũa woneke wĩ mũthei,
na nthoni syaku ikaumĩlw'a;
ngeeyĩĩvanĩsya na vai mũndũ o na ũmwe ngew'ĩa tei.”
4Mwovosya waitũ, ũla ĩsyĩtwa yake nĩ Mwĩai Ngai Mwene Ũtonyi W'onthe,
nĩwe Ũla Mũtheu wa Ĩsilaeli.
5Mwĩai Ngai easya atĩĩ,
“We nthĩ ya Mbavilonĩ,
ĩkala nthĩ kĩvindunĩ ũvindĩtye,
nũndũ ndũkambĩla kwĩtwa mũnene wa mosumbĩ ala angĩ.
6Nĩnathatĩie andũ makwa,
na navukya ũtiĩwa wakwa.
Nĩnamanenganie ũtonyinĩ waku,
na ndwaamew'ĩa tei,
o na ala akũũ nĩwamathĩnisye mũno.
7Waisye atĩĩ, ‘Nĩendeea kwĩthĩwa nĩ mũsumbĩ kũvika tene na tene.’
Nĩkyo kĩtumi waleile kũsũanĩa maũndũ aa,
kana kũlilikana mũminũkĩlyo wamo.
8 #
Ũvu 18.7-8
“Yu ĩthukĩĩsye we ũla wendete motanu,
we ũla ũsũanĩaa wĩ ũsũvĩonĩ.
Ũsũanĩaa ngoonĩ ũkasya atĩĩ,
‘No inyie, na vai ũngĩ takwa;
ndikatw'ĩka ndiwa kana nĩkw'ĩĩwe nĩ syana.’
9Ĩndĩ maũndũ asu elĩ makakũkwata kwa kĩthũlũmũko mũthenya o ũmwe;
kũkw'ĩĩwa nĩ syana na kũtw'ĩka ndiwa kũkakũkĩa vate ndĩi,
o na kau nũtũmĩaa ũoi na ũwe mwingĩ.
10Nĩweew'aa wĩ ũsũvĩonĩ ũendee kwĩka mothũku maku,
na wasya atĩĩ, ‘Vai mũndũ ũmbene.’
Nĩwaaiw'e nĩ ũĩ na ũmanyi waku,
yĩla wasũanĩie wasya, ‘No inyie nĩ nyioka na vai ũngĩ takwa.’
11Ũkakwatwa nĩ ũthũku,
na ndũkethĩwa ũtonya kũũvetanga.
Ũkakwatwa nĩ wanangĩko ũla ũtakethĩwa ũtonya kũũvetanga,
wanangĩko mũnene ũkakũkĩa kwa kĩthũlũmũko,
na ndũkethĩwa wĩsĩ kana nĩwũkĩte.
12 #
Ĩsa 44.6; Ũvu 1.17; 22.13 “Endeea kũtũmĩa mowe maku na mooi maku maingĩ,
ala wambĩĩie kũtũmĩa kuma wĩ wa mũika,
nĩvatonyeka ũkasinda,
nĩvatonyeka ũkatelemya andũ.
13Nũnoetw'e nĩ motao maingĩ ala ũnengetwe;
athani maku ala mathanaa kwa kũsisya ndata nĩmoke makũtangĩĩe,
ala kĩla mũtiso wa mwei mathanaa maũndũ ala mekũkwata.
14“Makeethĩwa mailyĩ ta mavuti,
na makavĩvw'a nĩ mwaki.
Maikethĩwa matonya kwĩtangĩĩa kuma ũvyũvunĩ mwingĩ wa mwaki ũsu.
Asu maikethĩwa me makaa ma kwota kana mwaki wa kũthengeea mũndũ ote.
15Andũ ala wĩkalĩte wĩkwatĩtye makeethĩwa mailyĩ ũu,
ala wĩthĩĩtwe ũikũlya ũtao kuma wĩ wa mũika.
Onthe makakũtia na kĩla ũmwe aithi na nzĩa yake;
vai ũmwe ũkatiwa akũtangĩĩe.”
BIBLE SOCIETY OF KENYA © 2011