Ĩsa 46
46
Ngai sya Mbavilonĩ
1“Ngai ĩla yĩtawa Mbeli nĩ mbalũku,
na ngai ĩla yĩtawa Nevo nĩ mbanangĩku.
Mĩvw'anano yasyo ĩkuĩtwe nĩ mang'oi na ng'ombe,
syĩndũ isu mũkuaa syaĩkĩtw'e ta mĩio ĩũlũ wa nyamũ inoete.
2Inyw'ĩ ngai sya mĩvw'anano nĩmũũvalũka na kwanangĩka,
mũitonya kwĩtangĩĩa inyw'ĩ ene,
o nenyu nĩmũkũtavwa mũtwawe nthĩ ya ũeninĩ.
3“Mbĩthukĩĩsyei inyw'ĩ nzyawa sya Yakovo,
inyw'ĩ ũtialo wa andũ makwa Ĩsilaeli.
Nyie nĩnĩmũsũvĩĩte kuma mwĩ ĩvunĩ ya inyia wenyu,
na ngamũtongoesya kuma mwasyawa.
4Ninyie Ngai wenyu,
kũvika o na mwakũa na kũmesya mbuĩ.
Nĩnamũmbie na ngamũsũvĩa;
ngamũtetheesya na kũmũtangĩĩa.
5“Mũkangelekany'a naũ na kũmbĩanany'a naũ?
Mũkanzianĩsya naũ nĩ kana tũvw'anane?
6Andũ nĩmatulũlaa thaavu kuma mĩvukonĩ yoo,
na maithima silĩva na ithimi;
nĩmatuvaa ũla ũseũvasya syĩndũ sya thaavu na aimaseũvĩsya ngai nasyo,
nĩvo ĩndĩ makumanaa na kũmĩthaitha.
7Nĩmamyũkĩlasya makamilĩĩla ituonĩ na kũmĩkua;
nĩmamiaa vala yaĩlĩte kwiwa, na ĩyĩũngama vau;
ndĩtonya kuma vau yiĩtwe.
Yĩla mũndũ wamĩvoya ndĩmũsũngĩaa,
kana ĩkamũtangĩĩa kuma thĩnanĩ wake.
8“Lilikanai ũndũ ũsu na mũiũsũanĩa,
ũsũanĩei ngoonĩ syenyu inyw'ĩ avĩtany'a.
9Lilikanai maũndũ ala meekĩkie tene,
nĩkwĩthĩwa ninyie Ngai, na vai ũngĩ,
ninyie Ngai, na vai ũngĩ ũilyĩ takwa.
10Kuma mwambĩlĩĩlyonĩ nĩnatavanisye maũndũ ala makekĩka;
kuma tene nĩnawetie maũndũ ala matanamba kwĩkĩka nasya,
‘Mũvango wakwa ũkeanĩa,
na ngeanĩsya w'onthe ũla ngwenda.’
11Nĩngwĩta nyũnyi ĩĩsaa nyama kuma wumĩlonĩ wa syũa;
mũndũ wĩsĩ mũvango wakwa aume nthĩ yĩ kũasa.
Nĩnaneena na nĩngũtuma ũndũ ũla naneena wĩkĩka;
nĩnĩvangĩte na nĩngwĩanĩsya mũvango wakwa.
12“Mbĩthukĩĩsyei inyw'ĩ andũ mwĩ ngoo mbũmũ,
inyw'ĩ ala mwĩ vaasa na ũtangĩĩo.
13Nĩngũthengeesya ũtangĩĩo wakwa,
ndwĩ vaasa na ndwĩĩkalanga.
Nĩngũete ũtangĩĩo Saioni,
kwondũ wa Ĩsilaeli ũtaĩo wakwa.”
Currently Selected:
Ĩsa 46: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 46
46
Ngai sya Mbavilonĩ
1“Ngai ĩla yĩtawa Mbeli nĩ mbalũku,
na ngai ĩla yĩtawa Nevo nĩ mbanangĩku.
Mĩvw'anano yasyo ĩkuĩtwe nĩ mang'oi na ng'ombe,
syĩndũ isu mũkuaa syaĩkĩtw'e ta mĩio ĩũlũ wa nyamũ inoete.
2Inyw'ĩ ngai sya mĩvw'anano nĩmũũvalũka na kwanangĩka,
mũitonya kwĩtangĩĩa inyw'ĩ ene,
o nenyu nĩmũkũtavwa mũtwawe nthĩ ya ũeninĩ.
3“Mbĩthukĩĩsyei inyw'ĩ nzyawa sya Yakovo,
inyw'ĩ ũtialo wa andũ makwa Ĩsilaeli.
Nyie nĩnĩmũsũvĩĩte kuma mwĩ ĩvunĩ ya inyia wenyu,
na ngamũtongoesya kuma mwasyawa.
4Ninyie Ngai wenyu,
kũvika o na mwakũa na kũmesya mbuĩ.
Nĩnamũmbie na ngamũsũvĩa;
ngamũtetheesya na kũmũtangĩĩa.
5“Mũkangelekany'a naũ na kũmbĩanany'a naũ?
Mũkanzianĩsya naũ nĩ kana tũvw'anane?
6Andũ nĩmatulũlaa thaavu kuma mĩvukonĩ yoo,
na maithima silĩva na ithimi;
nĩmatuvaa ũla ũseũvasya syĩndũ sya thaavu na aimaseũvĩsya ngai nasyo,
nĩvo ĩndĩ makumanaa na kũmĩthaitha.
7Nĩmamyũkĩlasya makamilĩĩla ituonĩ na kũmĩkua;
nĩmamiaa vala yaĩlĩte kwiwa, na ĩyĩũngama vau;
ndĩtonya kuma vau yiĩtwe.
Yĩla mũndũ wamĩvoya ndĩmũsũngĩaa,
kana ĩkamũtangĩĩa kuma thĩnanĩ wake.
8“Lilikanai ũndũ ũsu na mũiũsũanĩa,
ũsũanĩei ngoonĩ syenyu inyw'ĩ avĩtany'a.
9Lilikanai maũndũ ala meekĩkie tene,
nĩkwĩthĩwa ninyie Ngai, na vai ũngĩ,
ninyie Ngai, na vai ũngĩ ũilyĩ takwa.
10Kuma mwambĩlĩĩlyonĩ nĩnatavanisye maũndũ ala makekĩka;
kuma tene nĩnawetie maũndũ ala matanamba kwĩkĩka nasya,
‘Mũvango wakwa ũkeanĩa,
na ngeanĩsya w'onthe ũla ngwenda.’
11Nĩngwĩta nyũnyi ĩĩsaa nyama kuma wumĩlonĩ wa syũa;
mũndũ wĩsĩ mũvango wakwa aume nthĩ yĩ kũasa.
Nĩnaneena na nĩngũtuma ũndũ ũla naneena wĩkĩka;
nĩnĩvangĩte na nĩngwĩanĩsya mũvango wakwa.
12“Mbĩthukĩĩsyei inyw'ĩ andũ mwĩ ngoo mbũmũ,
inyw'ĩ ala mwĩ vaasa na ũtangĩĩo.
13Nĩngũthengeesya ũtangĩĩo wakwa,
ndwĩ vaasa na ndwĩĩkalanga.
Nĩngũete ũtangĩĩo Saioni,
kwondũ wa Ĩsilaeli ũtaĩo wakwa.”
BIBLE SOCIETY OF KENYA © 2011