Ĩsa 35
35
Ala Ovosye Maisyoka Saioni
1Nthĩ nyũmũ ĩkatana,
weũ ũkatana na malaa mailaũka vo.
O tondũ mũlosi ũlaũkaa,
2weũ ũkalaũka mũno,
ũkatana mũno na ũyina.
Weũ ũsu ũkanengwa ndaĩa ta iĩma sya Levanoni,
ũkeethĩwa na wanake ta wa isio sya Kalimeli na Saloni.
Andũ onthe makoona ndaĩa ya Mwĩai Ngai,
makoona ũnene wa Ngai waitũ.
3 #
Aevl 12.12
Ĩkĩai vinya moko ala monzu,
na mũilũlũmĩĩlya mau ala mate na vinya.
4Matavyei ala me na w'ĩa ngoonĩ mũmee atĩĩ:
“Ĩthĩwai na vinya, mũikakĩe!
Ngai wenyu nĩwũkĩte kũmũtangĩĩa,
okĩte kũkany'a amaitha menyu.”
5 #
Mat 11.5; Lk 7.22 Nĩvo ĩndĩ metho ma ilalinda mesalukw'a,
na matũ ma ũla ũtew'aa mevingũka.
6Ũla wĩ maũũ mathũku akathaanyũka ta ndaatai,
na ũla ũtaneenaa akaina na ũtanu.
Kĩw'ũ kĩkavulutya weũnĩ,
na nthĩ nyũmũ ĩkeethĩwa na tũlũsĩ.
7Kĩthangathĩ kĩvyũ kĩkatw'ĩka ndia ya kĩw'ũ,
na nthĩ nyiau ĩkeethĩwa na ithima sya kĩw'ũ.
Kũla mbĩwa syĩkalaa kũkatw'ĩka ĩia,
na kũkamea nyeki, mĩangi na makangaa.
8Vau vakeethĩwa lelũ,
naw'o ũkeetawa, “Nzĩa ya Ũtheu.”
Andũ avuku maikesĩla nzĩanĩ ĩsu,
ĩndĩ ĩkeethĩwa ya ala ovosye,
aendi ma kyalo na andũ atumanu maikaa mesĩlĩte nzĩanĩ ĩsu.#35.8 maikaa mesĩlĩte nzĩanĩ ĩsu: Maandĩko amwe ma Ndeto ya Ngai maĩtye maikesĩla nzĩanĩ ĩsu.
9Nzĩanĩ ĩsu vaikethĩwa mũnyambũ,
o na vai nyamũ mbai ĩkamĩsĩla;
nyamũ isu iikonekela vo,
ĩndĩ no ala ovosye makesĩla vo.
10Ala movoetw'e nĩ Mwĩai Ngai makasyoka,
makooka Saioni mainĩte mbathi;
makeethĩwa na ũtanu wa tene na tene;
makekalaa na ũtanu na mũyo,
maikasyoka kwĩthĩwa na kyeva kana kĩmako.
Currently Selected:
Ĩsa 35: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 35
35
Ala Ovosye Maisyoka Saioni
1Nthĩ nyũmũ ĩkatana,
weũ ũkatana na malaa mailaũka vo.
O tondũ mũlosi ũlaũkaa,
2weũ ũkalaũka mũno,
ũkatana mũno na ũyina.
Weũ ũsu ũkanengwa ndaĩa ta iĩma sya Levanoni,
ũkeethĩwa na wanake ta wa isio sya Kalimeli na Saloni.
Andũ onthe makoona ndaĩa ya Mwĩai Ngai,
makoona ũnene wa Ngai waitũ.
3 #
Aevl 12.12
Ĩkĩai vinya moko ala monzu,
na mũilũlũmĩĩlya mau ala mate na vinya.
4Matavyei ala me na w'ĩa ngoonĩ mũmee atĩĩ:
“Ĩthĩwai na vinya, mũikakĩe!
Ngai wenyu nĩwũkĩte kũmũtangĩĩa,
okĩte kũkany'a amaitha menyu.”
5 #
Mat 11.5; Lk 7.22 Nĩvo ĩndĩ metho ma ilalinda mesalukw'a,
na matũ ma ũla ũtew'aa mevingũka.
6Ũla wĩ maũũ mathũku akathaanyũka ta ndaatai,
na ũla ũtaneenaa akaina na ũtanu.
Kĩw'ũ kĩkavulutya weũnĩ,
na nthĩ nyũmũ ĩkeethĩwa na tũlũsĩ.
7Kĩthangathĩ kĩvyũ kĩkatw'ĩka ndia ya kĩw'ũ,
na nthĩ nyiau ĩkeethĩwa na ithima sya kĩw'ũ.
Kũla mbĩwa syĩkalaa kũkatw'ĩka ĩia,
na kũkamea nyeki, mĩangi na makangaa.
8Vau vakeethĩwa lelũ,
naw'o ũkeetawa, “Nzĩa ya Ũtheu.”
Andũ avuku maikesĩla nzĩanĩ ĩsu,
ĩndĩ ĩkeethĩwa ya ala ovosye,
aendi ma kyalo na andũ atumanu maikaa mesĩlĩte nzĩanĩ ĩsu.#35.8 maikaa mesĩlĩte nzĩanĩ ĩsu: Maandĩko amwe ma Ndeto ya Ngai maĩtye maikesĩla nzĩanĩ ĩsu.
9Nzĩanĩ ĩsu vaikethĩwa mũnyambũ,
o na vai nyamũ mbai ĩkamĩsĩla;
nyamũ isu iikonekela vo,
ĩndĩ no ala ovosye makesĩla vo.
10Ala movoetw'e nĩ Mwĩai Ngai makasyoka,
makooka Saioni mainĩte mbathi;
makeethĩwa na ũtanu wa tene na tene;
makekalaa na ũtanu na mũyo,
maikasyoka kwĩthĩwa na kyeva kana kĩmako.
BIBLE SOCIETY OF KENYA © 2011