Ĩsa 34
34
Ngai Akasilĩla Mbaĩ ingĩ
1Thengeeai inyw'ĩ andũ ma nthĩ ingĩ mwĩw'e,
ĩthukĩĩsyei inyw'ĩ andũ!
Nthĩ na syonthe ila syĩ nthĩnĩ wayo nĩsyĩthukĩĩsye,
nthĩ yonthe na syĩndũ syonthe ila syumaa nthĩnĩ wayo nĩsyĩthukĩĩsye.
2Mwĩai Ngai nũthatĩe nthĩ syonthe,
na nũthatĩe asikalĩ masyo onthe ma kaũ,
nũmatw'ĩĩe na akamanengane moawe.
3Asikalĩ ala meũawa makekw'a nza,
na mũuke mũthũku wa simba syoo ũkeew'ĩka;
nthakame yoo ĩketĩka kĩla vandũ iĩmanĩ.
4 #
Mat 24.29; Mk 13.25; Lk 21.26; Ũvu 6.13-14 Ndata syonthe sya ĩtunĩ ikatw'ĩka kĩtoo,
na matu makakũnzwa ũndũ ĩvuku yĩkũnzawa.
Ndata syonthe sya ĩtunĩ ikavalũka,
o tondũ matũ ma mũsavivũ kana mũkũyũ mavalũkaa mooma.
5 #
Ĩsa 63.1-6; Yel 49.7-22; Esek 25.12-14; 35.1-15; Amo 1.11-12; Ova 1-14; Mal 1.2-5 Ũvyũ wa Mwĩai Ngai wamina kũtethya wĩa waw'o matunĩ,
ũkatheea ũkasilĩle andũ ma nthĩ ya Etomu,
andũ ala ũtw'ĩte maminwe.
6Ũvyũ wa Mwĩai Ngai wusũĩte nthakame na mathunya,
wusũĩte nthakame ya tũtena twa malondu na ya mbũi,
na mathunya ma mbio sya ndũũme.
Nũndũ Mwĩai Ngai akaumĩsya nthembo ndũanĩ ya Mbosila,
andũ aingĩ ma nthĩ ya Etomu makooawa.
7Atongoi ma Etomu me vinya ta mboo,
me vinya ta nzaũ,
ĩndĩ makooawa vamwe na andũ ala angĩ.
Nthĩ yoo ĩkanyw'a nthakame ĩkole,
na mũthanga woo ũkanow'a nĩ mathunya.
8Nũndũ Mwĩai Ngai nũtw'ĩte mũthenya wa kũĩvanĩsya,
aĩvanĩsye kũla kwĩ amaitha ma Saioni.
9Kĩw'ũ kya mbũsĩ sya nthĩ ya Etomu kĩkaalyũka kĩtw'ĩke lami,
na mũthanga wayo ũkaalyũka ũtw'ĩke lavuti;
nthĩ ya Etomu ĩkatw'ĩka lami wakanĩte!
10 #
Ũvu 14.11; 19.3 Ndũa ĩsu ĩkavya ũtukũ na mũthenya ĩtekũvoa;
syũki ya yo yĩkambataa tene na tene.
Kuma nzyawa ĩmwe kũthi ĩla ĩngĩ nthĩ ĩno ĩkekalaa yĩ nthei;
vai mũndũ ũkamĩsĩla tene na tene.
11Ilũĩ na nzee ikatũaa nthĩ ĩno,
ndunduuli na ngũngũũ ikekalaa vo.
Mwĩai Ngai akatuma nthĩ ĩno ĩvũavũana,
na aitheesya kavilũ ka kĩthokoo ĩũlũ wa atongoi mayo.
12Atongoi mayo maikethĩwa na nthĩ ĩtonya kwĩtwa ũsumbĩ,
atongoi mayo onthe makathela.
13Mĩw'a ĩkamea nyũmbanĩ nene mbanakavye syayo,
syĩnyeelya na ikuthu ikamea nyũmbanĩ ndũmu syayo.
Ĩkeethĩwa ũtũo wa mbĩwa,
na wĩkalo wa nyaa.
14Nyamũ mbai sya kĩthekanĩ ikakomanĩa vo na mbiti,
mbũi sya kĩthekanĩ ikananĩasya vo;
ĩĩ, vau nĩvo ĩimũ yĩla yĩendaa ũtukũ yĩthũmũa,
na syonthe iikwata kũndũ kwa kũthũmũa.
15Vau nĩvo ndunduuli yĩaka ndala na kũlekya matumbĩ,
ĩkavw'ĩkĩa matumbĩ asu yalĩkye na kũsũvĩa maswii mayo ungu wa nthwau syayo;
ĩĩ, vau nĩvo mbolosya syĩũmbanĩa,
kĩla ĩmwe nga yĩna ĩngĩ nũme.
16Manthai na mũisoma ĩvukunĩ ya Mwĩai Ngai:
Vai ĩmwe ya nyamũ isu ĩkethĩwa ĩte vo,
vai ĩmwe nga ĩkethĩwa ĩte na ĩngĩ nũme.
Nũndũ Mwĩai Ngai nĩwĩaĩte ũu,
na Veva wake nũsyũmbanĩtye.
17Mwĩai Ngai nũaĩĩte kĩla ĩmwe vandũ vayo,
nũthimĩte nthĩ ĩsu na ũlii na akaiaanĩsya yo;
ikamĩmesya tene na tene,
ikekalaa vo kuma nzyawa ĩmwe kũthi ĩla ĩngĩ.
Currently Selected:
Ĩsa 34: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 34
34
Ngai Akasilĩla Mbaĩ ingĩ
1Thengeeai inyw'ĩ andũ ma nthĩ ingĩ mwĩw'e,
ĩthukĩĩsyei inyw'ĩ andũ!
Nthĩ na syonthe ila syĩ nthĩnĩ wayo nĩsyĩthukĩĩsye,
nthĩ yonthe na syĩndũ syonthe ila syumaa nthĩnĩ wayo nĩsyĩthukĩĩsye.
2Mwĩai Ngai nũthatĩe nthĩ syonthe,
na nũthatĩe asikalĩ masyo onthe ma kaũ,
nũmatw'ĩĩe na akamanengane moawe.
3Asikalĩ ala meũawa makekw'a nza,
na mũuke mũthũku wa simba syoo ũkeew'ĩka;
nthakame yoo ĩketĩka kĩla vandũ iĩmanĩ.
4 #
Mat 24.29; Mk 13.25; Lk 21.26; Ũvu 6.13-14 Ndata syonthe sya ĩtunĩ ikatw'ĩka kĩtoo,
na matu makakũnzwa ũndũ ĩvuku yĩkũnzawa.
Ndata syonthe sya ĩtunĩ ikavalũka,
o tondũ matũ ma mũsavivũ kana mũkũyũ mavalũkaa mooma.
5 #
Ĩsa 63.1-6; Yel 49.7-22; Esek 25.12-14; 35.1-15; Amo 1.11-12; Ova 1-14; Mal 1.2-5 Ũvyũ wa Mwĩai Ngai wamina kũtethya wĩa waw'o matunĩ,
ũkatheea ũkasilĩle andũ ma nthĩ ya Etomu,
andũ ala ũtw'ĩte maminwe.
6Ũvyũ wa Mwĩai Ngai wusũĩte nthakame na mathunya,
wusũĩte nthakame ya tũtena twa malondu na ya mbũi,
na mathunya ma mbio sya ndũũme.
Nũndũ Mwĩai Ngai akaumĩsya nthembo ndũanĩ ya Mbosila,
andũ aingĩ ma nthĩ ya Etomu makooawa.
7Atongoi ma Etomu me vinya ta mboo,
me vinya ta nzaũ,
ĩndĩ makooawa vamwe na andũ ala angĩ.
Nthĩ yoo ĩkanyw'a nthakame ĩkole,
na mũthanga woo ũkanow'a nĩ mathunya.
8Nũndũ Mwĩai Ngai nũtw'ĩte mũthenya wa kũĩvanĩsya,
aĩvanĩsye kũla kwĩ amaitha ma Saioni.
9Kĩw'ũ kya mbũsĩ sya nthĩ ya Etomu kĩkaalyũka kĩtw'ĩke lami,
na mũthanga wayo ũkaalyũka ũtw'ĩke lavuti;
nthĩ ya Etomu ĩkatw'ĩka lami wakanĩte!
10 #
Ũvu 14.11; 19.3 Ndũa ĩsu ĩkavya ũtukũ na mũthenya ĩtekũvoa;
syũki ya yo yĩkambataa tene na tene.
Kuma nzyawa ĩmwe kũthi ĩla ĩngĩ nthĩ ĩno ĩkekalaa yĩ nthei;
vai mũndũ ũkamĩsĩla tene na tene.
11Ilũĩ na nzee ikatũaa nthĩ ĩno,
ndunduuli na ngũngũũ ikekalaa vo.
Mwĩai Ngai akatuma nthĩ ĩno ĩvũavũana,
na aitheesya kavilũ ka kĩthokoo ĩũlũ wa atongoi mayo.
12Atongoi mayo maikethĩwa na nthĩ ĩtonya kwĩtwa ũsumbĩ,
atongoi mayo onthe makathela.
13Mĩw'a ĩkamea nyũmbanĩ nene mbanakavye syayo,
syĩnyeelya na ikuthu ikamea nyũmbanĩ ndũmu syayo.
Ĩkeethĩwa ũtũo wa mbĩwa,
na wĩkalo wa nyaa.
14Nyamũ mbai sya kĩthekanĩ ikakomanĩa vo na mbiti,
mbũi sya kĩthekanĩ ikananĩasya vo;
ĩĩ, vau nĩvo ĩimũ yĩla yĩendaa ũtukũ yĩthũmũa,
na syonthe iikwata kũndũ kwa kũthũmũa.
15Vau nĩvo ndunduuli yĩaka ndala na kũlekya matumbĩ,
ĩkavw'ĩkĩa matumbĩ asu yalĩkye na kũsũvĩa maswii mayo ungu wa nthwau syayo;
ĩĩ, vau nĩvo mbolosya syĩũmbanĩa,
kĩla ĩmwe nga yĩna ĩngĩ nũme.
16Manthai na mũisoma ĩvukunĩ ya Mwĩai Ngai:
Vai ĩmwe ya nyamũ isu ĩkethĩwa ĩte vo,
vai ĩmwe nga ĩkethĩwa ĩte na ĩngĩ nũme.
Nũndũ Mwĩai Ngai nĩwĩaĩte ũu,
na Veva wake nũsyũmbanĩtye.
17Mwĩai Ngai nũaĩĩte kĩla ĩmwe vandũ vayo,
nũthimĩte nthĩ ĩsu na ũlii na akaiaanĩsya yo;
ikamĩmesya tene na tene,
ikekalaa vo kuma nzyawa ĩmwe kũthi ĩla ĩngĩ.
BIBLE SOCIETY OF KENYA © 2011