Ĩsa 20

Ĩsaia Ayonany'a kana Misili na Ethiovia Ikasindwa

1Salikoni mũsumbĩ wa Asuli nĩwatũmie mũnene wake wa asikalĩ akavithũkĩe ndũa ya Asitoti. Mũnene ũsu wa asikalĩ nĩwamĩvithũkĩie na amĩkwata. 2Ĩvindanĩ yĩu, Mwĩai Ngai eeĩte Ĩsaia mwana wa Amosu atĩĩ, “Enda ũkaumye ngũa ĩsu ngaamu ya ĩkunia wĩĩkĩĩte na ũyumya iatũ isu wĩkĩĩte.” Ĩsaia nĩweekie ũndũ Mwĩai Ngai wamwĩie, na ambĩĩa kũthi e mũthei na ate na iatũ. 3Mwaka ũsu Asitoti yakwatiwe, Mwĩai Ngai nĩwaneenie asya atĩĩ, “O tondũ mũthũkũmi wakwa Ĩsaia wĩthĩĩtwe aithi e mũthei na ate na iatũ vandũ va myaka ĩtatũ, ta wonany'o na ũkũsĩ kwa andũ ma Misili na Ethiovia, 4now'o mũsumbĩ wa Asuli ũkatwaa andũ ma Misili na ma Ethiovia nthĩ ya ũeninĩ me atave. Akatwaa ala akũũ vamwe na syana, onthe me athei, mate na iatũ na me na itimba ite mbw'ĩke, na kwa kwĩka ũu aimasonokya. 5Nĩvo ĩndĩ ala mekwatasya Ethiovia na kwĩkathĩĩa na Misili makatelema na kũsaanĩw'a. 6Mũthenya ũsu, andũ ala matũaa Vilisitia ũtee wa ũkanga makaneena masye atĩĩ, ‘Kwa sisyai ũndũ ũla wamakwata andũ ala tũneekwatasya, na tũnaendaa kũkũlya ũtethyo, nĩ kana matũtangĩĩe kuma kwa mũsumbĩ wa Asuli! Yu ĩndĩ naitũ tũkavonoka ata?’ ”

Currently Selected:

Ĩsa 20: KAMBA

Highlight

Copy

Compare