Ĩsa 15
15
Ngai Akaananga Moavi
1 #
Ĩsa 25.10-12; Yel 48.1-47; Esek 25.8-11; Amo 2.1-3; Nzev 2.8-11 Ii nĩ ndeto ngito ila Ngai waneenie ĩũlũ wa Moavi:
Ndũa ya Ali ĩla yĩ nthĩ ya Moavi nĩyanangĩtwe ũtukũnĩ o ũmwe!
Ndũa ya Kili ĩla yĩ nthĩ ya Moavi nĩyanangĩtwe ũtukũnĩ o ũmwe!
2Andũ ma Ndivoni nĩmekwambata,
kũndũnĩ kũtũlu kwa kũthaithĩa nĩ kana makaĩe me kw'o.
Andũ ma Moavi nĩmekũĩa nũndũ wa Nevo na Meteva;
mũtwe wa kĩla mũndũ wenzetwe ũvaa,
na ing'ew'a syonthe nĩ mbenze vyũ.
3Meĩsĩla nzĩanĩ mekĩĩte ngũa ngaamu sya makunia;
onthe mena kyeva na nĩmekũĩa mũno,
me nyũmbanĩ syoo ĩũlũ na iwanzanĩ sya ndũa.
4Andũ ma Esivoni na ma Eleale nĩmekũĩa,
wasya woo nũkwĩw'ĩka o na kũvika Yaasa.
O na asikalĩ ma Moavi nĩmekũĩa na wasya mũnene,
nĩmekũtetema nĩ w'ĩa.
5Ngoo yakwa nĩkũĩa nũndũ wa Moavi!
Andũ mayo makĩĩte makathi Nzoali,
na o na makathi kũvika Ekilathi-selisiya.
Mambatĩte na nzĩa ya kũthi Luithi maĩĩte,
me nzĩanĩ ya kũthi Olonaimu,
meĩa nũndũ wa kũminwa kwoo.
6Kĩw'ũ kya Nimilimu nĩ kĩng'alu;
nyeki nĩyũmĩte, vuvĩ nũvovete,
vai kĩndũ kĩũ kĩtialĩte.
7Kwoou andũ meinga Kalũsĩ ka Mĩtĩ ĩmeaa ũtee wa ũsĩ,
makuĩte ũthwii woo w'onthe ũla moombanisye,
na makakua kyonthe kĩla meeyũmbanĩsye makaia.
8Nĩkwĩthĩwa ve kĩĩo kĩla vandũ nthĩ ya Moavi,
kĩĩo kyoo nĩkĩvikĩte Ekilaimu,
kũmeta kwoo nĩkũvikĩte Mbeeli-elimu.
9Kĩw'ũ kya Ndivoni kyusũĩte nthakame,
ĩndĩ o na ũu wĩ o vo Ngai akaetee Ndivoni thĩna mwingĩ mbeange.
Ala anini makatiala thayũ na maikĩa maume nthĩ ya Moavi,
akamaetee mũnyambũ ũmoae.
Currently Selected:
Ĩsa 15: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 15
15
Ngai Akaananga Moavi
1 #
Ĩsa 25.10-12; Yel 48.1-47; Esek 25.8-11; Amo 2.1-3; Nzev 2.8-11 Ii nĩ ndeto ngito ila Ngai waneenie ĩũlũ wa Moavi:
Ndũa ya Ali ĩla yĩ nthĩ ya Moavi nĩyanangĩtwe ũtukũnĩ o ũmwe!
Ndũa ya Kili ĩla yĩ nthĩ ya Moavi nĩyanangĩtwe ũtukũnĩ o ũmwe!
2Andũ ma Ndivoni nĩmekwambata,
kũndũnĩ kũtũlu kwa kũthaithĩa nĩ kana makaĩe me kw'o.
Andũ ma Moavi nĩmekũĩa nũndũ wa Nevo na Meteva;
mũtwe wa kĩla mũndũ wenzetwe ũvaa,
na ing'ew'a syonthe nĩ mbenze vyũ.
3Meĩsĩla nzĩanĩ mekĩĩte ngũa ngaamu sya makunia;
onthe mena kyeva na nĩmekũĩa mũno,
me nyũmbanĩ syoo ĩũlũ na iwanzanĩ sya ndũa.
4Andũ ma Esivoni na ma Eleale nĩmekũĩa,
wasya woo nũkwĩw'ĩka o na kũvika Yaasa.
O na asikalĩ ma Moavi nĩmekũĩa na wasya mũnene,
nĩmekũtetema nĩ w'ĩa.
5Ngoo yakwa nĩkũĩa nũndũ wa Moavi!
Andũ mayo makĩĩte makathi Nzoali,
na o na makathi kũvika Ekilathi-selisiya.
Mambatĩte na nzĩa ya kũthi Luithi maĩĩte,
me nzĩanĩ ya kũthi Olonaimu,
meĩa nũndũ wa kũminwa kwoo.
6Kĩw'ũ kya Nimilimu nĩ kĩng'alu;
nyeki nĩyũmĩte, vuvĩ nũvovete,
vai kĩndũ kĩũ kĩtialĩte.
7Kwoou andũ meinga Kalũsĩ ka Mĩtĩ ĩmeaa ũtee wa ũsĩ,
makuĩte ũthwii woo w'onthe ũla moombanisye,
na makakua kyonthe kĩla meeyũmbanĩsye makaia.
8Nĩkwĩthĩwa ve kĩĩo kĩla vandũ nthĩ ya Moavi,
kĩĩo kyoo nĩkĩvikĩte Ekilaimu,
kũmeta kwoo nĩkũvikĩte Mbeeli-elimu.
9Kĩw'ũ kya Ndivoni kyusũĩte nthakame,
ĩndĩ o na ũu wĩ o vo Ngai akaetee Ndivoni thĩna mwingĩ mbeange.
Ala anini makatiala thayũ na maikĩa maume nthĩ ya Moavi,
akamaetee mũnyambũ ũmoae.
BIBLE SOCIETY OF KENYA © 2011