Ĩsa 14
14
Andũ ma Ĩsilaeli makasyoka kuma Nthĩ ya Ũeninĩ
1Mwĩai Ngai akeew'ĩa nzyawa sya Yakovo tei, akanyuva andũ ma Ĩsilaeli ĩngĩ. Akamatũnga nthĩ ĩla yoo ene, na andũ ma mbaĩ ingĩ makooka na kwĩkalany'a namo. 2Andũ ma nthĩ ingĩ makoosa andũ ma Ĩsilaeli na kũmatetheesya masyoke nthĩ yoo, ĩla manengiwe nĩ Mwĩai Ngai. Andũ ma Ĩsilaeli makoosa andũ asu mamatw'ĩkĩthye athũkũmi moo ma aũme na ma aka me nthĩ ĩsu yoo. Makakwata ũkombo ala mamakwatĩte, na makasumbĩka ala mamathĩnasya.
Mũsumbĩ wa Mbavilonĩ e Nthĩ ya ala Akw'ũ
3We Ĩsilaeli, yĩla Mwĩai Ngai wĩkũthũmũsya kuma kyalyanĩ na thĩnanĩ waku, na kuma wĩanĩ mũito ũla wathũkũmĩthiw'e, 4ũkainĩa mũsumbĩ wa Mbavilonĩ wathi ũũ wa kĩvũthya wasye atĩĩ:
“Kaĩ ũla ũthĩnasya andũ yu ndevo ĩngĩ!
Ũng'endu wake nĩ mũthelu!
5Mwĩai Ngai nũtũlĩte ndata ya ala athũku,
nũtũlĩte ndata ya kĩ-ũsumbĩ ya atongoi,
6ĩla makũnaa andũ nayo me na ũthatu mate kũnoa,
na masumbĩkaa andũ nayo na kũmathĩny'a mate na tei.
7Yu nthĩ yonthe nĩ ĩuĩtye na yĩ na mũuo;
kĩla mũndũ eina na ũtanu.
8O na mĩtĩ ya mĩtalakwe na mĩkũũ ya Levanoni,
nĩkũtana nũndũ wa kũsindwa kwaku,
na yĩneena ĩkasya atĩĩ,
‘Kuma yĩla wanyiviw'e,
vai mũtemi wa mĩtĩ waaũka kũtũtema.’
9“Vala maveva ma ala akw'ũ mekalaa nĩvakweteelete na ũtanu,
nĩ kana vakũthokye yĩla wĩũka.
Veũkĩlya maveva ma ala akw'ũ makũkethye,
maveva ma onthe ala maĩ atongoi ma nthĩ;
vemokĩlya onthe ala maĩ asumbĩ ma nthĩ,
kuma ivĩlanĩ syoo sya kĩ-ũsumbĩ.
10Onthe makaneena makwĩe atĩĩ,
‘We o naku nĩwĩthĩĩtwe wĩ mwonzu o taitũ!
Nũtw'ĩkĩte o taitũ!
11Kwĩnenevya kwaku nĩkũtheetw'e nginya vala maveva ma ala akw'ũ mekalaa,
vamwe na mawasya ma ngitaa syaku nene.
Myeenya nĩyo ĩtw'ĩkĩte kĩtanda kyaku,
na iinyũ nĩsyo ikũvw'ĩkĩte.’
12 #
Ũvu 8.10; 9.1 Kaĩ nũvalũkĩte kuma ĩtunĩ,
we ũla waĩ na kyeni ta Ndata ya Kĩoko!
Nĩwĩkĩtw'e nthĩ,
we ũla wasindie nthĩ ingĩ!
13 #
Mat 11.23; Lk 10.15 Waneenie ngoonĩ yaku wasya atĩĩ,
‘Ngambata nginya ĩtunĩ,
na kwia kĩvĩla kyakwa kya kĩ-ũsumbĩ ĩũlũ wa ndata sya Ngai.
Ngekala kĩĩmanĩ kĩla ngai syũmbanĩaa,
kũndũ kũasa ngalĩko ya ĩũlũ.
14Ngambata nĩvĩtũke matu ala me ĩũlũ,
ngeetw'ĩkĩthya ta Ũla wĩ Ĩũlũ Mũno.’
15Ĩndĩ we nũtheetw'e nginya vala maveva ma ala akw'ũ mekalaa,
ũtheetw'e kũndũ kũliku ĩimanĩ.
16“Ala mekwona makakũketeea,
na makasũanĩa ĩũlũ waku na kũkũlya atĩĩ,
‘Ũũ nĩwe ũla watumaa nthĩ ĩthingitha,
ũla watumaa mosumbĩ matetema,
17ũla watw'ĩkĩthisye nthĩ weũ,
aananga ndũa syayo,
na alea kũthasya ovwa make menũke?’
18Asumbĩ onthe ma nthĩ mathikĩtwe na ndaĩa,
kĩla ũmwe e mbũanĩ yake mwene.
19Ĩndĩ we wĩkĩtw'e nza, vaasa na mbũa yaku,
ta kana kasyaĩtwe ke kakw'ũ ĩvinda yĩte ĩviku,
kala katumaa andũ matelema yĩla makona,
na ta kimba kĩkinyangĩwe nthĩ,
ũvw'ĩkanĩw'e na ala oae, ala matonyetwe na ũvyũ,
ala mekĩtw'e ĩimanĩ yĩ mavia.
20Ndũkathikwa ta asumbĩ ala angĩ,
nĩkwĩthĩwa nĩwanangĩte nthĩ yaku,
na nĩwũaĩte andũ maku.
“Nzyawa sya eki ma naĩ,
iikaalilikanwe ĩngĩ!
21Seũvyai vandũ va kũaĩa ana make,
nũndũ wa mavĩtyo ma aaũmae moo,
maikese kũkĩla na kũmesya nthĩ,
na mayaka ndũa syusũe nthĩ yonthe.”
Ngai Akaananga Mbavilonĩ
22Mwĩai Ngai Mwene Ũtonyi W'onthe easya atĩĩ, “Ngavithũkĩa ndũa ya Mbavilonĩ na kũmyananga vyũ. Ngaananga syĩndũ syonthe, ndũa yonthe na ngĩmina syana syonthe na andũ onthe ala meĩthĩwa matialĩte me thayũ. Nĩasya ũu nyie Mwĩai Ngai. 23Ngatw'ĩkĩthya ndũa ĩno ũtũo wa nzee, na ĩyĩthĩwa yusũĩte ndia sya kĩw'ũ, na ngamĩtuta na ũtuti wa kwananga. Nĩasya ũu nyie Mwĩai Ngai Mwene Ũtonyi W'onthe.”
Ngai Akamina Asuli
24 #
Ĩsa 10.5-34; Naũ 1.1—3.19; Nzev 2.13-15 Mwĩai Ngai Mwene Ũtonyi W'onthe nĩwĩvĩtĩte akasya atĩĩ:
“O ũndũ navangie,
nĩw'o kũkethĩwa,
na o ũndũ natwie,
no w'o kũkekĩka.
25Ngamina Asuli me nthĩ yakwa,
na ngamaangĩa nthĩ iĩmanĩ syakwa;
ngaumya andũ makwa ĩsoki ya kũthĩnw'a nĩ Asuli,
na kũmaũa mũio wa kũthĩnw'a nĩmo.”
26Ũsu nĩw'o ũtw'ĩo ũla ũtw'ĩtwe ĩũlũ wa nthĩ yonthe,
na ũsu nĩw'o ũkany'o ũla wĩnengwa nthĩ syonthe.
27Ethĩwa Mwĩai Ngai Mwene Ũtonyi W'onthe nũtw'ĩte ũu,
nũũ ũla ũtonya kũalyũla ũtw'ĩo wake?
Nũtambũũkĩtye kw'oko kwake akany'e,
nũũ ũla ũtonya kũmũsiĩĩa?
Ngai Akamina Avilisiti
28 #
2Asu 16.20; 2Mav 28.27 Ii nĩ ndeto ngito ila Ngai waneenie mwakanĩ ũla Mũsumbĩ Aasu wakwie:
29 #
Yel 47.1-7; Esek 25.15-17; Yoe 3.4-8; Amo 1.6-8; Nzev 2.4-7; Nzek 9.5-7 “Mũikatane inyw'ĩ Avilisiti onthe,
nũndũ ndata ĩla yamũkũnie nĩ ndũlĩku;
nĩkwĩthĩwa nzoka ĩkasyaa kĩmbuva,
nakyo kĩmbuva kĩkasyaa nzoka ya kĩko ĩũlũkaa yĩ sumu.
30Makithathi ma ngya makaĩsaa makavũna,
na athĩni makekalaa na mũuo;
ĩndĩ ngooaa nzyawa syenyu na nzaa,
na andũ menyu onthe ala makatiala ngamoaa.
31Inyw'ĩ andũ ala mwĩ mũvĩanĩ kayai;
inyw'ĩ ala mwĩ ndũanĩ ĩai.
Inyw'ĩ Avilisiti onthe, tetemai nĩ w'ĩa!
Nĩkwĩthĩwa asikalĩ aingĩ nĩmokĩte kuma ngalĩko ya ĩũlũ,
na vai ũmwe katĩ woo wĩ w'ĩa.”
32Andũ ala matũmĩtwe ma nthĩ ĩsu,
makanengwa ũsũngĩo ũilyĩ ata?
Makasũngĩwa atĩĩ,
“Mwĩai Ngai nĩwakĩte Saioni akamĩlũlũmĩĩlya,
na andũ make ala mathĩnaw'a makeevitha nthĩnĩ wayo.”
Currently Selected:
Ĩsa 14: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Ĩsa 14
14
Andũ ma Ĩsilaeli makasyoka kuma Nthĩ ya Ũeninĩ
1Mwĩai Ngai akeew'ĩa nzyawa sya Yakovo tei, akanyuva andũ ma Ĩsilaeli ĩngĩ. Akamatũnga nthĩ ĩla yoo ene, na andũ ma mbaĩ ingĩ makooka na kwĩkalany'a namo. 2Andũ ma nthĩ ingĩ makoosa andũ ma Ĩsilaeli na kũmatetheesya masyoke nthĩ yoo, ĩla manengiwe nĩ Mwĩai Ngai. Andũ ma Ĩsilaeli makoosa andũ asu mamatw'ĩkĩthye athũkũmi moo ma aũme na ma aka me nthĩ ĩsu yoo. Makakwata ũkombo ala mamakwatĩte, na makasumbĩka ala mamathĩnasya.
Mũsumbĩ wa Mbavilonĩ e Nthĩ ya ala Akw'ũ
3We Ĩsilaeli, yĩla Mwĩai Ngai wĩkũthũmũsya kuma kyalyanĩ na thĩnanĩ waku, na kuma wĩanĩ mũito ũla wathũkũmĩthiw'e, 4ũkainĩa mũsumbĩ wa Mbavilonĩ wathi ũũ wa kĩvũthya wasye atĩĩ:
“Kaĩ ũla ũthĩnasya andũ yu ndevo ĩngĩ!
Ũng'endu wake nĩ mũthelu!
5Mwĩai Ngai nũtũlĩte ndata ya ala athũku,
nũtũlĩte ndata ya kĩ-ũsumbĩ ya atongoi,
6ĩla makũnaa andũ nayo me na ũthatu mate kũnoa,
na masumbĩkaa andũ nayo na kũmathĩny'a mate na tei.
7Yu nthĩ yonthe nĩ ĩuĩtye na yĩ na mũuo;
kĩla mũndũ eina na ũtanu.
8O na mĩtĩ ya mĩtalakwe na mĩkũũ ya Levanoni,
nĩkũtana nũndũ wa kũsindwa kwaku,
na yĩneena ĩkasya atĩĩ,
‘Kuma yĩla wanyiviw'e,
vai mũtemi wa mĩtĩ waaũka kũtũtema.’
9“Vala maveva ma ala akw'ũ mekalaa nĩvakweteelete na ũtanu,
nĩ kana vakũthokye yĩla wĩũka.
Veũkĩlya maveva ma ala akw'ũ makũkethye,
maveva ma onthe ala maĩ atongoi ma nthĩ;
vemokĩlya onthe ala maĩ asumbĩ ma nthĩ,
kuma ivĩlanĩ syoo sya kĩ-ũsumbĩ.
10Onthe makaneena makwĩe atĩĩ,
‘We o naku nĩwĩthĩĩtwe wĩ mwonzu o taitũ!
Nũtw'ĩkĩte o taitũ!
11Kwĩnenevya kwaku nĩkũtheetw'e nginya vala maveva ma ala akw'ũ mekalaa,
vamwe na mawasya ma ngitaa syaku nene.
Myeenya nĩyo ĩtw'ĩkĩte kĩtanda kyaku,
na iinyũ nĩsyo ikũvw'ĩkĩte.’
12 #
Ũvu 8.10; 9.1 Kaĩ nũvalũkĩte kuma ĩtunĩ,
we ũla waĩ na kyeni ta Ndata ya Kĩoko!
Nĩwĩkĩtw'e nthĩ,
we ũla wasindie nthĩ ingĩ!
13 #
Mat 11.23; Lk 10.15 Waneenie ngoonĩ yaku wasya atĩĩ,
‘Ngambata nginya ĩtunĩ,
na kwia kĩvĩla kyakwa kya kĩ-ũsumbĩ ĩũlũ wa ndata sya Ngai.
Ngekala kĩĩmanĩ kĩla ngai syũmbanĩaa,
kũndũ kũasa ngalĩko ya ĩũlũ.
14Ngambata nĩvĩtũke matu ala me ĩũlũ,
ngeetw'ĩkĩthya ta Ũla wĩ Ĩũlũ Mũno.’
15Ĩndĩ we nũtheetw'e nginya vala maveva ma ala akw'ũ mekalaa,
ũtheetw'e kũndũ kũliku ĩimanĩ.
16“Ala mekwona makakũketeea,
na makasũanĩa ĩũlũ waku na kũkũlya atĩĩ,
‘Ũũ nĩwe ũla watumaa nthĩ ĩthingitha,
ũla watumaa mosumbĩ matetema,
17ũla watw'ĩkĩthisye nthĩ weũ,
aananga ndũa syayo,
na alea kũthasya ovwa make menũke?’
18Asumbĩ onthe ma nthĩ mathikĩtwe na ndaĩa,
kĩla ũmwe e mbũanĩ yake mwene.
19Ĩndĩ we wĩkĩtw'e nza, vaasa na mbũa yaku,
ta kana kasyaĩtwe ke kakw'ũ ĩvinda yĩte ĩviku,
kala katumaa andũ matelema yĩla makona,
na ta kimba kĩkinyangĩwe nthĩ,
ũvw'ĩkanĩw'e na ala oae, ala matonyetwe na ũvyũ,
ala mekĩtw'e ĩimanĩ yĩ mavia.
20Ndũkathikwa ta asumbĩ ala angĩ,
nĩkwĩthĩwa nĩwanangĩte nthĩ yaku,
na nĩwũaĩte andũ maku.
“Nzyawa sya eki ma naĩ,
iikaalilikanwe ĩngĩ!
21Seũvyai vandũ va kũaĩa ana make,
nũndũ wa mavĩtyo ma aaũmae moo,
maikese kũkĩla na kũmesya nthĩ,
na mayaka ndũa syusũe nthĩ yonthe.”
Ngai Akaananga Mbavilonĩ
22Mwĩai Ngai Mwene Ũtonyi W'onthe easya atĩĩ, “Ngavithũkĩa ndũa ya Mbavilonĩ na kũmyananga vyũ. Ngaananga syĩndũ syonthe, ndũa yonthe na ngĩmina syana syonthe na andũ onthe ala meĩthĩwa matialĩte me thayũ. Nĩasya ũu nyie Mwĩai Ngai. 23Ngatw'ĩkĩthya ndũa ĩno ũtũo wa nzee, na ĩyĩthĩwa yusũĩte ndia sya kĩw'ũ, na ngamĩtuta na ũtuti wa kwananga. Nĩasya ũu nyie Mwĩai Ngai Mwene Ũtonyi W'onthe.”
Ngai Akamina Asuli
24 #
Ĩsa 10.5-34; Naũ 1.1—3.19; Nzev 2.13-15 Mwĩai Ngai Mwene Ũtonyi W'onthe nĩwĩvĩtĩte akasya atĩĩ:
“O ũndũ navangie,
nĩw'o kũkethĩwa,
na o ũndũ natwie,
no w'o kũkekĩka.
25Ngamina Asuli me nthĩ yakwa,
na ngamaangĩa nthĩ iĩmanĩ syakwa;
ngaumya andũ makwa ĩsoki ya kũthĩnw'a nĩ Asuli,
na kũmaũa mũio wa kũthĩnw'a nĩmo.”
26Ũsu nĩw'o ũtw'ĩo ũla ũtw'ĩtwe ĩũlũ wa nthĩ yonthe,
na ũsu nĩw'o ũkany'o ũla wĩnengwa nthĩ syonthe.
27Ethĩwa Mwĩai Ngai Mwene Ũtonyi W'onthe nũtw'ĩte ũu,
nũũ ũla ũtonya kũalyũla ũtw'ĩo wake?
Nũtambũũkĩtye kw'oko kwake akany'e,
nũũ ũla ũtonya kũmũsiĩĩa?
Ngai Akamina Avilisiti
28 #
2Asu 16.20; 2Mav 28.27 Ii nĩ ndeto ngito ila Ngai waneenie mwakanĩ ũla Mũsumbĩ Aasu wakwie:
29 #
Yel 47.1-7; Esek 25.15-17; Yoe 3.4-8; Amo 1.6-8; Nzev 2.4-7; Nzek 9.5-7 “Mũikatane inyw'ĩ Avilisiti onthe,
nũndũ ndata ĩla yamũkũnie nĩ ndũlĩku;
nĩkwĩthĩwa nzoka ĩkasyaa kĩmbuva,
nakyo kĩmbuva kĩkasyaa nzoka ya kĩko ĩũlũkaa yĩ sumu.
30Makithathi ma ngya makaĩsaa makavũna,
na athĩni makekalaa na mũuo;
ĩndĩ ngooaa nzyawa syenyu na nzaa,
na andũ menyu onthe ala makatiala ngamoaa.
31Inyw'ĩ andũ ala mwĩ mũvĩanĩ kayai;
inyw'ĩ ala mwĩ ndũanĩ ĩai.
Inyw'ĩ Avilisiti onthe, tetemai nĩ w'ĩa!
Nĩkwĩthĩwa asikalĩ aingĩ nĩmokĩte kuma ngalĩko ya ĩũlũ,
na vai ũmwe katĩ woo wĩ w'ĩa.”
32Andũ ala matũmĩtwe ma nthĩ ĩsu,
makanengwa ũsũngĩo ũilyĩ ata?
Makasũngĩwa atĩĩ,
“Mwĩai Ngai nĩwakĩte Saioni akamĩlũlũmĩĩlya,
na andũ make ala mathĩnaw'a makeevitha nthĩnĩ wayo.”
BIBLE SOCIETY OF KENYA © 2011