Est-Kĩk 6
6
Mũsumbĩ Ainenga Molitekai Ndaĩa
1Ũtukũ ũsu mũsumbĩ ndaakwata too. Kwoou nĩweeaie aetewe ĩvuku ya ũlilikany'o, nayo nĩ ĩvuku yĩla yaandĩkawa maũndũ ala meekĩkaa mavinda me kĩvathũkany'o na aisomewa. 2Ĩvukunĩ yĩu nĩveethĩiwe vaandĩkĩtwe kana Molitekai nĩwe waumbũie mũvango wa kũaa Mũsumbĩ Aasuelo, ũla waseũvĩtw'e nĩ Mbikithana na Telesi, ala aũme elĩ avakũe masungaa nyũmba ya mũsumbĩ. 3Nĩvo ĩndĩ mũsumbĩ wakũlilye atĩĩ, “Nĩ ĩtuvi kana ndaĩa myaũ ĩla ithyĩ twamũnengie Molitekai nũndũ wa kwĩka ũu?”
Athũkũmi make mamũsũngĩa, “Vai ũndũ o na ũmwe twaamwĩka.” 4Mũsumbĩ nĩwakũlilye atĩĩ, “Ve ũmwe katĩ wa anini makwa wĩ vakuvĩ?”
Amani aĩ anamina kũvika oou kĩwanzanĩ kĩla kĩ nza wa nyũmba ya mũsumbĩ. Ookĩte kũkũlya mũsumbĩ aumye mwĩao nĩ kana Molitekai oawe kwa kũsũw'a mũtĩnĩ ũla waĩ anenzĩla. 5Kwoou athũkũmi asu nĩmamũsũngĩie mamwĩa atĩĩ, “Amani nĩ ũya ũũngyĩ vaya nza eteelete akwone.”
Mũsumbĩ asya, “Mwĩei nĩ alike.”
6Amani nĩwalikile na mũsumbĩ amũkũlya atĩĩ, “Wĩona mũndũ ũla mũsumbĩ wendeew'a nĩ kũmũnenga ndaĩa aĩlĩte kwĩkwa ata?”
Amani nĩwasũanĩie na eekũlya, “Nũũ ũngĩ eka nyie mũsumbĩ wendeew'a nĩ kũmũnenga ndaĩa?”
7Amani nĩwasũngĩie mũsumbĩ amwĩa atĩĩ, “Mũndũ ũla mũsumbĩ wendeew'a nĩ kũnenga ndaĩa, 8aĩlĩte kũetewe ngũa ndaasa ya kĩ-ũsumbĩ katĩ wa ila mũsumbĩ wĩkĩaa. O ta ũu anengwe ĩmwe katĩ wa mbalasi ila ikuaa mũsumbĩ, yovetwe mũtwenĩ wayo na mũsivi wa kĩ-ũsumbĩ. 9Osa ũmwe wa athũkũmi maku ala ma ndaĩa anengwe ngũa ĩsu ekĩe mũndũ ũsu mũsumbĩ ũkwendeew'a nĩwe, na aimũtũlya mbalasinĩ na kũmũtongoesya amwĩsĩlye ndũanĩ katĩ aneenete na kwasya: ‘Sisyai mwone ndaĩa ĩla mũsumbĩ ũnengae mũndũ ũla wendeew'a nĩwe!’ ”
10Nĩvo ĩndĩ mũsumbĩ weeie Amani atĩĩ, “Enda mĩtũkĩ ũete ngũa ĩsu na mbalasi o tondũ wasya, na ũyĩka Molitekai, ũla Mũyuti wĩkalaa mũvĩanĩ wa kũlika kwa mũsumbĩ maũndũ asũ waweta onthe. Ndũkalee kwĩka ũndũ o na wĩva katĩ wamo.”
11Kwoou Amani nĩwaendie aete ngũa ĩsu na mbalasi. Nĩwamwĩkĩie Molitekai ngũa ĩsu na amũtongoesya atũlĩte mbalasinĩ, amwĩsĩlĩtye ndũanĩ katĩ. Nĩwaneenaa e mbee wake ayasya atĩĩ, “Sisyai mwone ndaĩa ĩla mũsumbĩ ũnengae mũndũ ũla wendeew'a nĩwe!”
12Ĩtina wa maũndũ asu, Molitekai nĩwasyokie athi kwĩkala mũvĩanĩ kũlika kwa mũsumbĩ. Ĩndĩ Amani nĩwaendie mũsyĩ ekalaatĩte, e na kyeva kingĩ na kũvw'ĩka ũthyũ wake nĩ nthoni. 13Nĩwatavisye kĩveti kyake na anyanyae make maũndũ onthe ala meekĩka kwake. Nĩvo ĩndĩ atai ma Amani na kĩveti kyake mamwĩie atĩĩ, “Ethĩwa Molitekai ũsu wambĩĩa kwosa ndaĩa yaku nĩ Mũyuti, ndwĩĩthĩwa ũtonya kũmũsinda, ĩndĩ vate ndĩi nũkũũvalũkya.”
Kũawa kwa Amani
14Maendee kũneena nake, ala aũme avakũe mekalaa kwa mũsumbĩ nĩmookie mekalaatĩte matwae Amani mbokanĩ ĩla Esita waseũvĩtye.
Currently Selected:
Est-Kĩk 6: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011