Est-Kĩk 5
5
Esita Aithi vala ve Mũsumbĩ
1a Mũthenyanĩ wa katatũ Esita amina kũvoya, nĩwaumisye ngũa ya kyeva ĩla weekĩĩte ĩvindanĩ yĩu, na eekĩa ngũa syake nzeo mũno. Nĩweeyanakavisye ta mũka wa mũsumbĩ, na avoya ĩngĩ Ngai ũla ũtangĩĩaa na wonaa syĩndũ syonthe. Nĩwoosie athũkũmi make elĩ ma aka na auma nyũmba kwake, ekwatĩlĩte ũmwe wa athũkũmi asu amũtw'ĩĩke, na ũla ũngĩ amaatĩĩe ĩtina akwete mũthya wa ngũa ndaasa ya Esita. 1bEsita aĩ na ũthyũ watisatisaa nũndũ wa wanake. Aĩ na ũtanu ta mũndũ mũka wendetwe, ĩndĩ ngoonĩ yake aĩ na w'ĩa mwingĩ. 1cNĩwalikile esĩla mĩomonĩ yonthe nginya athi kũũngama mbee wa mũsumbĩ. Mũsumbĩ ekalĩte kĩvĩlanĩ kyake kya kĩ-ũsumbĩ, na eekĩĩte ngũa syake sya kĩ-ũsumbĩ, syeekĩĩtwe thaavu na mavia ma thooa mũnene. Mũsumbĩ nĩwatumaa andũ makwatwa nĩ w'ĩa mũno. 1dŨthyũ wa mũsumbĩ wausũĩte ndaĩa, ĩndĩ yĩla woonie Esita nĩwamũsyaisye athatĩte mũno. Esita nĩwatelemile, ũthyũ wake watuka, na athela vinya, na avalũkĩla mũthũkũmi wake mũndũ mũka ũla waĩ nake nĩ kana amũtw'ĩĩke. 1eĨndĩ Ngai nĩwavĩndũie thayũ wa mũsumbĩ atuma ethĩwa na tei. Mũsumbĩ nĩwatelemile na ookĩla mĩtũkĩ kuma kĩvĩlanĩ kyake akwata Esita amwaĩĩsya kĩthũinĩ kyake nginya yĩla wakwatie vinya. Mũsumbĩ nĩwatavisye Esita ndeto nzeo sya kũmũkiakisya. 1fNĩwamũkũlilye atĩĩ, “Wĩna thĩna mwaũ Esita?” Nĩwasyokie amwĩa, “Ninyie mũũme waku, ĩthĩwa na ũkũmbaũ. Mĩao yaitũ yĩthĩawa kwondũ wa andũ ala angĩ; we ndwĩũawa. Thengeea vaa nĩĩ.” Mũsumbĩ nĩwamũkethisye na ngethi ya wendo na amwĩa atĩĩ, “Ndavye kĩla ũkwenda.”
2a Esita nĩweeie mũsumbĩ atĩĩ, “Yĩla nakũsisya we mũnene wakwa, noona ta nĩsyaĩtye mũlaĩka wa Ngai, na natelema nĩ w'ĩa nũndũ wa ũkumyo waku. Kwa w'o wĩ wa kũseng'ya we mũnene wakwa, na ũthyũ waku wusũĩte mumo.” 2bĨndĩ yĩla Esita waendee kũneena, vinya wake nĩwathelile ĩngĩ na avalũka nthĩ. Mũsumbĩ nĩwathĩnĩkie mũno, na athũkũmi make nĩmatatie ũndũ matonya matetheesye Esita.
Esita Aithokya Mũsumbĩ na Amani Mbokanĩ
3 #
Mk 6.23
Mũsumbĩ nĩwamũkũlilye atĩĩ, “Wĩenda kwĩkwe ata we Esita? Vata waku nĩ mwaũ? Nũũnengwa kĩla ũkwenda o na ethĩwa nĩ nyusu ya ũsumbĩ wakwa.”
4Esita nĩwamũsũngĩie amwĩa atĩĩ, “Ethĩwa nũkwona wĩ waĩlu we mũsumbĩ, nĩngũũthokya ũmũnthĩ wĩ na Amani mũke mbokanĩ ĩla nĩseũvĩtye kwondũ waku.”
5Mũsumbĩ nĩweeaie asya atĩĩ, “Mwĩtei Amani mĩtũkĩ nĩ kana twĩke ũndũ Esita ũkwenda.” Kwoou mũsumbĩ na Amani nĩmaendie mbokanĩ ĩsu Esita waseũvĩtye. 6Maendee kũnyw'a ndivai, mũsumbĩ nĩwakũlilye Esita atĩĩ, “Vata waku nĩ mwaũ? Nũũnengwa kĩla ũkwenda. Wĩenda kwĩkwe ata? O na ethĩwa nĩ kũnengwa nyusu ya ũsumbĩ wakwa, ũu nĩw'o ũkwĩkwa.”
7Esita nĩwasũngĩie asya, “Vata wakwa na wendi wakwa nĩ atĩĩ: 8Ethĩwa mũsumbĩ nĩwendeeaw'a ninyie na nũkwona wĩ waĩlu kwĩanĩsya vata na wendi wakwa, vatonyeka we mũsumbĩ wĩ na Amani mwĩũka ũnĩ mbokanĩ ĩla ngũthi kũseũvya kwondũ wenyu. Nĩvo ĩndĩ nĩkũtavya we mũsumbĩ vata wakwa nĩ mwaũ.”
Mũvango wa Amani wa Kũaa Molitekai
9Amani aumĩte mbokanĩ ĩsu aĩ mũtanu na nĩweew'aa e mwĩanĩe. Ĩndĩ yĩla woonie Molitekai mũvĩanĩ wa kũlika kwa mũsumbĩ, na Molitekai alea kũũngama kana kũmũnenga ndaĩa, Amani nĩwathatiw'e mũno nĩwe. 10Ĩndĩ Amani nĩwoomĩĩisye woo ũsu na enũka. Avika mũsyĩ nĩweetie anyanyae make na akũlya kĩveti kyake Nzelesi kĩthĩwe vamwe namo. 11Amani nĩwambĩĩie kwĩkathĩĩa na kũmatavya ũndũ ũthwii wake wĩana, ũtalo wa ana make, na mavinda onthe ala mũsumbĩ ũmũnenevetye akakwata ndaĩa nene, na ũndũ ũmũtw'ĩkĩthĩtye mũndũ mũnene kwĩ ala angĩ ma ndaĩa, na athũkũmi onthe ma mũsumbĩ. 12Nĩwaendeeie kũneena ayasya atĩĩ, “O na Esita mũka wa mũsumbĩ ndanetĩkĩlya mũndũ ũngĩ o na wĩva aendany'e na mũsumbĩ mbokanĩ ĩla eĩseũvĩtye ate o nyie. O na ũnĩ no ũtũthoketye ĩngĩ nĩ na mũsumbĩ. 13Ĩndĩ o na maũndũ asu onthe me o vo, ndĩkwĩw'a nĩ mwĩanĩe yĩla ngwona ũla Mũyuti wĩtawa Molitekai ailyĩ mũvĩanĩ wa kũlika kwa mũsumbĩ.”
14Nĩvo ĩndĩ kĩveti kyake Nzelesi vamwe na anyanyae make onthe mamwĩie atĩĩ, “Ĩnzĩla mũtĩ wĩ na ũasa wa mita mĩongo ĩlĩ na ilĩ, na ũnĩ kwakya ũikũlya mũsumbĩ nĩ kana Molitekai asũw'e vo, na ĩndĩ ũithi ũkatane wĩ na mũsumbĩ mbokanĩ ĩsu.”
Ũtao ũsu nĩwamwendeeisye Amani na kwoou aumya mwĩao nĩ kana mũtĩ ũsu wĩnzĩlwe.
Currently Selected:
Est-Kĩk 5: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Est-Kĩk 5
5
Esita Aithi vala ve Mũsumbĩ
1a Mũthenyanĩ wa katatũ Esita amina kũvoya, nĩwaumisye ngũa ya kyeva ĩla weekĩĩte ĩvindanĩ yĩu, na eekĩa ngũa syake nzeo mũno. Nĩweeyanakavisye ta mũka wa mũsumbĩ, na avoya ĩngĩ Ngai ũla ũtangĩĩaa na wonaa syĩndũ syonthe. Nĩwoosie athũkũmi make elĩ ma aka na auma nyũmba kwake, ekwatĩlĩte ũmwe wa athũkũmi asu amũtw'ĩĩke, na ũla ũngĩ amaatĩĩe ĩtina akwete mũthya wa ngũa ndaasa ya Esita. 1bEsita aĩ na ũthyũ watisatisaa nũndũ wa wanake. Aĩ na ũtanu ta mũndũ mũka wendetwe, ĩndĩ ngoonĩ yake aĩ na w'ĩa mwingĩ. 1cNĩwalikile esĩla mĩomonĩ yonthe nginya athi kũũngama mbee wa mũsumbĩ. Mũsumbĩ ekalĩte kĩvĩlanĩ kyake kya kĩ-ũsumbĩ, na eekĩĩte ngũa syake sya kĩ-ũsumbĩ, syeekĩĩtwe thaavu na mavia ma thooa mũnene. Mũsumbĩ nĩwatumaa andũ makwatwa nĩ w'ĩa mũno. 1dŨthyũ wa mũsumbĩ wausũĩte ndaĩa, ĩndĩ yĩla woonie Esita nĩwamũsyaisye athatĩte mũno. Esita nĩwatelemile, ũthyũ wake watuka, na athela vinya, na avalũkĩla mũthũkũmi wake mũndũ mũka ũla waĩ nake nĩ kana amũtw'ĩĩke. 1eĨndĩ Ngai nĩwavĩndũie thayũ wa mũsumbĩ atuma ethĩwa na tei. Mũsumbĩ nĩwatelemile na ookĩla mĩtũkĩ kuma kĩvĩlanĩ kyake akwata Esita amwaĩĩsya kĩthũinĩ kyake nginya yĩla wakwatie vinya. Mũsumbĩ nĩwatavisye Esita ndeto nzeo sya kũmũkiakisya. 1fNĩwamũkũlilye atĩĩ, “Wĩna thĩna mwaũ Esita?” Nĩwasyokie amwĩa, “Ninyie mũũme waku, ĩthĩwa na ũkũmbaũ. Mĩao yaitũ yĩthĩawa kwondũ wa andũ ala angĩ; we ndwĩũawa. Thengeea vaa nĩĩ.” Mũsumbĩ nĩwamũkethisye na ngethi ya wendo na amwĩa atĩĩ, “Ndavye kĩla ũkwenda.”
2a Esita nĩweeie mũsumbĩ atĩĩ, “Yĩla nakũsisya we mũnene wakwa, noona ta nĩsyaĩtye mũlaĩka wa Ngai, na natelema nĩ w'ĩa nũndũ wa ũkumyo waku. Kwa w'o wĩ wa kũseng'ya we mũnene wakwa, na ũthyũ waku wusũĩte mumo.” 2bĨndĩ yĩla Esita waendee kũneena, vinya wake nĩwathelile ĩngĩ na avalũka nthĩ. Mũsumbĩ nĩwathĩnĩkie mũno, na athũkũmi make nĩmatatie ũndũ matonya matetheesye Esita.
Esita Aithokya Mũsumbĩ na Amani Mbokanĩ
3 #
Mk 6.23
Mũsumbĩ nĩwamũkũlilye atĩĩ, “Wĩenda kwĩkwe ata we Esita? Vata waku nĩ mwaũ? Nũũnengwa kĩla ũkwenda o na ethĩwa nĩ nyusu ya ũsumbĩ wakwa.”
4Esita nĩwamũsũngĩie amwĩa atĩĩ, “Ethĩwa nũkwona wĩ waĩlu we mũsumbĩ, nĩngũũthokya ũmũnthĩ wĩ na Amani mũke mbokanĩ ĩla nĩseũvĩtye kwondũ waku.”
5Mũsumbĩ nĩweeaie asya atĩĩ, “Mwĩtei Amani mĩtũkĩ nĩ kana twĩke ũndũ Esita ũkwenda.” Kwoou mũsumbĩ na Amani nĩmaendie mbokanĩ ĩsu Esita waseũvĩtye. 6Maendee kũnyw'a ndivai, mũsumbĩ nĩwakũlilye Esita atĩĩ, “Vata waku nĩ mwaũ? Nũũnengwa kĩla ũkwenda. Wĩenda kwĩkwe ata? O na ethĩwa nĩ kũnengwa nyusu ya ũsumbĩ wakwa, ũu nĩw'o ũkwĩkwa.”
7Esita nĩwasũngĩie asya, “Vata wakwa na wendi wakwa nĩ atĩĩ: 8Ethĩwa mũsumbĩ nĩwendeeaw'a ninyie na nũkwona wĩ waĩlu kwĩanĩsya vata na wendi wakwa, vatonyeka we mũsumbĩ wĩ na Amani mwĩũka ũnĩ mbokanĩ ĩla ngũthi kũseũvya kwondũ wenyu. Nĩvo ĩndĩ nĩkũtavya we mũsumbĩ vata wakwa nĩ mwaũ.”
Mũvango wa Amani wa Kũaa Molitekai
9Amani aumĩte mbokanĩ ĩsu aĩ mũtanu na nĩweew'aa e mwĩanĩe. Ĩndĩ yĩla woonie Molitekai mũvĩanĩ wa kũlika kwa mũsumbĩ, na Molitekai alea kũũngama kana kũmũnenga ndaĩa, Amani nĩwathatiw'e mũno nĩwe. 10Ĩndĩ Amani nĩwoomĩĩisye woo ũsu na enũka. Avika mũsyĩ nĩweetie anyanyae make na akũlya kĩveti kyake Nzelesi kĩthĩwe vamwe namo. 11Amani nĩwambĩĩie kwĩkathĩĩa na kũmatavya ũndũ ũthwii wake wĩana, ũtalo wa ana make, na mavinda onthe ala mũsumbĩ ũmũnenevetye akakwata ndaĩa nene, na ũndũ ũmũtw'ĩkĩthĩtye mũndũ mũnene kwĩ ala angĩ ma ndaĩa, na athũkũmi onthe ma mũsumbĩ. 12Nĩwaendeeie kũneena ayasya atĩĩ, “O na Esita mũka wa mũsumbĩ ndanetĩkĩlya mũndũ ũngĩ o na wĩva aendany'e na mũsumbĩ mbokanĩ ĩla eĩseũvĩtye ate o nyie. O na ũnĩ no ũtũthoketye ĩngĩ nĩ na mũsumbĩ. 13Ĩndĩ o na maũndũ asu onthe me o vo, ndĩkwĩw'a nĩ mwĩanĩe yĩla ngwona ũla Mũyuti wĩtawa Molitekai ailyĩ mũvĩanĩ wa kũlika kwa mũsumbĩ.”
14Nĩvo ĩndĩ kĩveti kyake Nzelesi vamwe na anyanyae make onthe mamwĩie atĩĩ, “Ĩnzĩla mũtĩ wĩ na ũasa wa mita mĩongo ĩlĩ na ilĩ, na ũnĩ kwakya ũikũlya mũsumbĩ nĩ kana Molitekai asũw'e vo, na ĩndĩ ũithi ũkatane wĩ na mũsumbĩ mbokanĩ ĩsu.”
Ũtao ũsu nĩwamwendeeisye Amani na kwoou aumya mwĩao nĩ kana mũtĩ ũsu wĩnzĩlwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011