Mũta 8
8
1Nũũ mũndũ ũla mũĩ na wĩsĩ kũalyũla maũndũ? Ũĩ nũtumaa mũndũ ethĩwa na ũtanu na kwoneka e mũtanu.
Kũmwĩw'a Mũsumbĩ
2Ĩkaa ũndũ mwĩao wa mũsumbĩ ũkwasya, nũndũ nĩweevĩtie mbee wa Ngai kwĩkaa ũu. 3Ndũkakananĩsye mũsumbĩ yĩla wamina kumya ũtw'ĩo wa ũndũ ũla ũkwenda wĩkwe. 4Nĩkwĩthĩwa ndeto ya mũsumbĩ nĩ ya mũthya na vai mũndũ ũmũkũlya, “Wĩĩka ũu nĩkĩ?” 5Ũla wĩkaa ũndũ mwĩao ũkwasya, ndalikaa mũisyonĩ, na mũndũ mũĩ nĩwĩthĩawa esĩ ĩvinda ya kwĩka kĩla kyaĩlĩte kwĩkwa. 6Naw'o kĩla ũndũ wĩ ĩvinda yaw'o na nzĩa ya ũndũ waĩlĩte kwĩkwa, o na kau mũndũ ethĩawa aitavĩwe nĩ thĩna ũla wĩ naw'o. 7Nũndũ vai mũndũ wĩsĩ kĩla kĩkekĩka ĩvinda yũkĩte, nũũ ũla ũtonya kũweta kĩla kĩkilĩlyĩ kwĩkĩka? 8Vai mũndũ wĩ na ũkũmũ ĩũlũ wa thayũ wake, kana ũtonyi wa kũsiĩĩa kĩkw'ũ mũthenya wake wa kũkw'a wavika. O tondũ mũndũ ũtatonya kũnengwa mwanya ĩvindanĩ ya kaũ, o ta ũu mũndũ mũthũku ndatonya kũvonoka kuma ũthũkunĩ ũla wĩkaa.
Mwĩkalo wa Andũ Athũku na Ala Alũngalu
9Maũndũ asu nĩmo nonete nĩendee kũsũanĩa ĩũlũ wa kĩla kĩkawa nĩ andũ ĩũlũ wa nthĩ. Andũ ĩũlũ wa nthĩ nĩmatũmĩaa ũtonyi ũla me naw'o kũthĩny'a andũ ala angĩ. 10Nĩnonete andũ athũku maithikwa, na andũ maumĩte mathikonĩ maineena ndeto sya kũmakathĩĩa, me o ndũanĩ ĩla andũ asu maneekĩaa mothũku. Ũu o naw'o nĩ mana.
11Yĩla ũtw'ĩo wa ũndũ mũthũku wĩkĩtwe walea kumw'a mĩtũkĩ, andũ nĩmausũawa nĩ wendi wa kwĩka mothũku. 12O na kau mũndũ ũla wĩkaa naĩ nũtonya kwĩka maũndũ na kwĩkala thayũ vandũ va ĩvinda ĩasa, nyie nĩnĩsĩ kana mũndũ ũla wĩ na kĩkĩo kya Ngai e vaseo mbeange, nĩkwĩthĩwa ekalaa aimũkĩa Ngai. 13Ĩndĩ ala mekaa maũndũ ma ũvuku maikethĩwa vaseo. Thayũ woo nĩ ta kyuu na makusaa me anini nũndũ maĩmũkĩaa Ngai. 14Ve ũndũ ũngĩ wa mana ũendeeaa ĩũlũ wa nthĩ, naw'o nĩ kana ve andũ alũngalu makwatawa nĩ maũndũ ala maĩlĩte kũkwata andũ ala mekaa maũndũ mavuku, na ve andũ avuku makwatawa nĩ maũndũ ala maĩlĩte kũkwata ala alũngalu. Ũu o naw'o nyie nĩasya kana nĩ mana.
15Kwoou nĩona kana mũndũ aĩlĩte kũtana yĩla wĩ thayũ, nũndũ vai kĩndũ kĩseo kwake ĩũlũ wa nthĩ ate o kũya, kũnyw'a, na kwĩthĩwa na ũtanu. Maũndũ asu akeethĩawa namo yĩla ũkũtethya wĩa, matukũ onthe ala Ngai ũmũnengete ĩũlũ wa nthĩ.
16Yĩla nasũanĩie nĩmanye kĩla kĩtawa ũĩ na kĩla kĩendeeaa ĩũlũ wa nthĩ, nĩneethĩie kana mũndũ no ekale aisũanĩa ũtukũ na mũthenya, 17na akalea kwĩsa kũmanya mawĩa ala Ngai ũtethasya. O na mũndũ akatata kũmantha ndesa kũmanya. O na kau mũndũ mũĩ aasya kana nĩwĩsĩ, ndatonya kũmanya.
Currently Selected:
Mũta 8: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Mũta 8
8
1Nũũ mũndũ ũla mũĩ na wĩsĩ kũalyũla maũndũ? Ũĩ nũtumaa mũndũ ethĩwa na ũtanu na kwoneka e mũtanu.
Kũmwĩw'a Mũsumbĩ
2Ĩkaa ũndũ mwĩao wa mũsumbĩ ũkwasya, nũndũ nĩweevĩtie mbee wa Ngai kwĩkaa ũu. 3Ndũkakananĩsye mũsumbĩ yĩla wamina kumya ũtw'ĩo wa ũndũ ũla ũkwenda wĩkwe. 4Nĩkwĩthĩwa ndeto ya mũsumbĩ nĩ ya mũthya na vai mũndũ ũmũkũlya, “Wĩĩka ũu nĩkĩ?” 5Ũla wĩkaa ũndũ mwĩao ũkwasya, ndalikaa mũisyonĩ, na mũndũ mũĩ nĩwĩthĩawa esĩ ĩvinda ya kwĩka kĩla kyaĩlĩte kwĩkwa. 6Naw'o kĩla ũndũ wĩ ĩvinda yaw'o na nzĩa ya ũndũ waĩlĩte kwĩkwa, o na kau mũndũ ethĩawa aitavĩwe nĩ thĩna ũla wĩ naw'o. 7Nũndũ vai mũndũ wĩsĩ kĩla kĩkekĩka ĩvinda yũkĩte, nũũ ũla ũtonya kũweta kĩla kĩkilĩlyĩ kwĩkĩka? 8Vai mũndũ wĩ na ũkũmũ ĩũlũ wa thayũ wake, kana ũtonyi wa kũsiĩĩa kĩkw'ũ mũthenya wake wa kũkw'a wavika. O tondũ mũndũ ũtatonya kũnengwa mwanya ĩvindanĩ ya kaũ, o ta ũu mũndũ mũthũku ndatonya kũvonoka kuma ũthũkunĩ ũla wĩkaa.
Mwĩkalo wa Andũ Athũku na Ala Alũngalu
9Maũndũ asu nĩmo nonete nĩendee kũsũanĩa ĩũlũ wa kĩla kĩkawa nĩ andũ ĩũlũ wa nthĩ. Andũ ĩũlũ wa nthĩ nĩmatũmĩaa ũtonyi ũla me naw'o kũthĩny'a andũ ala angĩ. 10Nĩnonete andũ athũku maithikwa, na andũ maumĩte mathikonĩ maineena ndeto sya kũmakathĩĩa, me o ndũanĩ ĩla andũ asu maneekĩaa mothũku. Ũu o naw'o nĩ mana.
11Yĩla ũtw'ĩo wa ũndũ mũthũku wĩkĩtwe walea kumw'a mĩtũkĩ, andũ nĩmausũawa nĩ wendi wa kwĩka mothũku. 12O na kau mũndũ ũla wĩkaa naĩ nũtonya kwĩka maũndũ na kwĩkala thayũ vandũ va ĩvinda ĩasa, nyie nĩnĩsĩ kana mũndũ ũla wĩ na kĩkĩo kya Ngai e vaseo mbeange, nĩkwĩthĩwa ekalaa aimũkĩa Ngai. 13Ĩndĩ ala mekaa maũndũ ma ũvuku maikethĩwa vaseo. Thayũ woo nĩ ta kyuu na makusaa me anini nũndũ maĩmũkĩaa Ngai. 14Ve ũndũ ũngĩ wa mana ũendeeaa ĩũlũ wa nthĩ, naw'o nĩ kana ve andũ alũngalu makwatawa nĩ maũndũ ala maĩlĩte kũkwata andũ ala mekaa maũndũ mavuku, na ve andũ avuku makwatawa nĩ maũndũ ala maĩlĩte kũkwata ala alũngalu. Ũu o naw'o nyie nĩasya kana nĩ mana.
15Kwoou nĩona kana mũndũ aĩlĩte kũtana yĩla wĩ thayũ, nũndũ vai kĩndũ kĩseo kwake ĩũlũ wa nthĩ ate o kũya, kũnyw'a, na kwĩthĩwa na ũtanu. Maũndũ asu akeethĩawa namo yĩla ũkũtethya wĩa, matukũ onthe ala Ngai ũmũnengete ĩũlũ wa nthĩ.
16Yĩla nasũanĩie nĩmanye kĩla kĩtawa ũĩ na kĩla kĩendeeaa ĩũlũ wa nthĩ, nĩneethĩie kana mũndũ no ekale aisũanĩa ũtukũ na mũthenya, 17na akalea kwĩsa kũmanya mawĩa ala Ngai ũtethasya. O na mũndũ akatata kũmantha ndesa kũmanya. O na kau mũndũ mũĩ aasya kana nĩwĩsĩ, ndatonya kũmanya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011