Mũta 7
7
Ũseo wa Ũĩ
1 #
Nth 22.1
Nguma nzeo yĩ kavaa kwĩ mauta me mũuke mũseo;
mũthenya wa kũkw'a wĩ kavaa kwĩ mũthenya wa kũsyawa.
2Nĩ kavaa kũthi nyũmbanĩ ya ala mekũĩa,
kũte kũthi nyũmbanĩ ya ala mekũtana mbokanĩ,
nũndũ ala me thayũ maĩlĩte kũlilikanaa kĩla ĩvinda kana kĩkw'ũ nĩkĩmeteelete.
3Kwĩthĩwa na kĩmako kwĩ kavaa kũte kũtana,
nũndũ ĩtina wa mũndũ kwĩw'a woo nĩwĩthĩawa na ũtanu ngoonĩ yake.
4Ngoo ya mũndũ mũĩ yĩthĩawa vala ve ala mekũĩa,
ĩndĩ ngoo ya mũndũ mũtumanu yĩthĩawa vala ve ũtanu.
5Nĩ kavaa kwĩthukĩĩsya ũkany'o wa mũndũ mũĩ,
kũte kwĩthukĩĩsya ndia ĩyina wathi wa ũkũkumya.
6Ĩtheka ya mũndũ mũtumanu yĩilyĩ ta mĩw'a ĩkũtalĩkanga ĩivĩvw'a na mwaki;
ĩtheka ya ndia yĩthĩawa yĩ ya mana.
7Kwa w'o kũtandĩthya kũtaĩlĩte nĩkũtumaa mũndũ mũĩ atw'ĩka ndia;
na ĩtuvi ya wendeesyo nĩyĩvukasya kĩlĩko kya mũndũ.
8Nĩ kavaa mũminũkĩlyo wa ũndũ kũte wambĩlĩĩlyo waw'o;
ala meteelaa na veva wa wũmĩĩsyo me kavaa kũte ala me na veva wa ngathĩĩo.
9 #
Yak 1.19
Ndũkethĩwe mũndũ ũthataa mĩtũkĩ;
ũthatu wĩkalaa thayũnĩ wa ndia.
10Ndũkakũlye, “Nĩkĩ kwaĩ kũseo ĩvindanĩ ya tene kũte ũmũnthĩ?”
Nũndũ ĩkũlyo yĩu ti ya mũndũ mũĩ.
11Kĩla mũndũ aĩlĩte kwĩthĩwa e mũĩ,
nũndũ kwĩthĩwa na ũĩ nĩ kũseo ta kũnengwa ũtiĩwa.
12Ũĩ nũsũvĩaa mũndũ o tondũ mbesa itonya kũmũsũvĩa,
naw'o ũseo wa ũmanyi nĩ kana mũndũ ũla mũĩ nũtetheeaw'a kwĩkala thayũ nĩ ũĩ ũla wĩ naw'o.
13Sũanĩai maũndũ ala Ngai wĩkĩte.
Nũũ ũtonya kũlũngalya kĩla Ngai ũekete kĩ kĩthyoeku?
14Yĩla maũndũ maseũva ĩthĩwa na ũtanu,
na yĩla mathũka lilikana kana Ngai nũnengae mũndũ ũtanu,
kana akamũlekya akalika mathĩnanĩ;
vai mũndũ wĩsĩ ũnĩ kũkeethĩwa kũilyĩ ata.
15Ĩvindanĩ ya thayũ wakwa yĩla nĩ ya mana, nĩnonete maũndũ maingĩ; andũ alũngalu nĩmakusaa o maendee kwĩthĩwa me alũngalu, na andũ athũku maiendeea kwĩkala thayũ o mayĩka maũndũ mathũku. 16Ndũkeyongeleele ũlũngalu kana kwĩyongeleela ũĩ mũvĩtũku; wĩenda kwĩyananga we mwene nĩkĩ? 17Ndũkethĩwe wĩ mũndũ wusũĩtwe nĩ ũvuku kana kwĩthĩwa mũndũ mũtumanu; wĩenda kũkw'a tene nĩkĩ? 18Ĩsũvĩe kwĩthĩwa wĩ ngalĩko ĩmwe kana ĩla ĩngĩ ya maũndũ asu elĩ. Mũndũ ũla wĩ kĩkĩo kya Ngai, vate nzika ndalea kũendeea nesa o na kũilyĩ ata.
19Ũĩ nũtonya kwĩka mũndũ maũndũ maingĩ kwĩ ũndũ asumbĩ ĩkũmi matonya kwĩka ndũanĩ ĩmwe.
20Kwa w'o, kũi mũndũ ĩũlũ wa nthĩ wĩkaa ũla ũlũngalu kĩla ĩvinda, ũtesaa kwĩka naĩ. 21Ndũkethukĩĩasye maũndũ onthe ala andũ maneenaa, nũndũ nũtonya kwĩw'a mũthũkũmi waku aikũuma, 22nũndũ we o naku nĩwĩsĩ kana nũumĩte andũ angĩ mavinda maingĩ.
23Nĩndatĩte maũndũ aa onthe ngĩtũmĩa ũĩ wakwa. Nĩvo ĩndĩ naisye, “Nĩngwĩthĩwa nĩ mũĩ,” ĩndĩ ũu weethĩwa wĩ vaasa nakwa. 24Kĩla kĩtawa ũĩ nĩ kĩndũ kĩ vinya mũno kũkĩmanya. Nũũ ũtonya ũkũmanya? 25Nĩneeyumisye nĩthĩwe na ũmanyi, na namantha kwĩthĩwa na ũĩ wa kũmanya ũndũ kwĩthĩwa na ũtumanu kũthũkĩte.
26Nĩnĩmanyĩte kĩndũ kĩ woo mbee wa kĩkw'ũ, nakyo nĩ mũndũ mũka ũla nĩ kĩtei; ngoo yake nĩ mũteo, na moko make nĩ mbĩngũ. Mũndũ ũla ũmwendeeasya Ngai nĩwĩsiĩanĩaa na mũndũ mũka ũsu, ĩndĩ mwĩki wa naĩ nũkwataw'a nĩwe. 27Ũu nĩw'o nyie Mũtavany'a nĩmanyĩte nĩendee na kũmantha kũmanya maũndũ o mbola. 28Nĩnaendeeie kũmantha mosũngĩo ma maũndũ angĩ maingĩ, ĩndĩ ndyaamakwata. Katĩ wa aũme ngili nĩnĩmanyĩte kana ve ũmwe mũlũngalu, ĩndĩ katĩ wa aka meana ũu vai ũmwe mũlũngalu naaona. 29Ũndũ ũmwe ũla nĩmanyĩte nĩ kana Ngai oombie mũndũ e mũlũngalu, ĩndĩ ambĩĩa kwĩmanthĩa makosokoso maingĩ.
Currently Selected:
Mũta 7: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Mũta 7
7
Ũseo wa Ũĩ
1 #
Nth 22.1
Nguma nzeo yĩ kavaa kwĩ mauta me mũuke mũseo;
mũthenya wa kũkw'a wĩ kavaa kwĩ mũthenya wa kũsyawa.
2Nĩ kavaa kũthi nyũmbanĩ ya ala mekũĩa,
kũte kũthi nyũmbanĩ ya ala mekũtana mbokanĩ,
nũndũ ala me thayũ maĩlĩte kũlilikanaa kĩla ĩvinda kana kĩkw'ũ nĩkĩmeteelete.
3Kwĩthĩwa na kĩmako kwĩ kavaa kũte kũtana,
nũndũ ĩtina wa mũndũ kwĩw'a woo nĩwĩthĩawa na ũtanu ngoonĩ yake.
4Ngoo ya mũndũ mũĩ yĩthĩawa vala ve ala mekũĩa,
ĩndĩ ngoo ya mũndũ mũtumanu yĩthĩawa vala ve ũtanu.
5Nĩ kavaa kwĩthukĩĩsya ũkany'o wa mũndũ mũĩ,
kũte kwĩthukĩĩsya ndia ĩyina wathi wa ũkũkumya.
6Ĩtheka ya mũndũ mũtumanu yĩilyĩ ta mĩw'a ĩkũtalĩkanga ĩivĩvw'a na mwaki;
ĩtheka ya ndia yĩthĩawa yĩ ya mana.
7Kwa w'o kũtandĩthya kũtaĩlĩte nĩkũtumaa mũndũ mũĩ atw'ĩka ndia;
na ĩtuvi ya wendeesyo nĩyĩvukasya kĩlĩko kya mũndũ.
8Nĩ kavaa mũminũkĩlyo wa ũndũ kũte wambĩlĩĩlyo waw'o;
ala meteelaa na veva wa wũmĩĩsyo me kavaa kũte ala me na veva wa ngathĩĩo.
9 #
Yak 1.19
Ndũkethĩwe mũndũ ũthataa mĩtũkĩ;
ũthatu wĩkalaa thayũnĩ wa ndia.
10Ndũkakũlye, “Nĩkĩ kwaĩ kũseo ĩvindanĩ ya tene kũte ũmũnthĩ?”
Nũndũ ĩkũlyo yĩu ti ya mũndũ mũĩ.
11Kĩla mũndũ aĩlĩte kwĩthĩwa e mũĩ,
nũndũ kwĩthĩwa na ũĩ nĩ kũseo ta kũnengwa ũtiĩwa.
12Ũĩ nũsũvĩaa mũndũ o tondũ mbesa itonya kũmũsũvĩa,
naw'o ũseo wa ũmanyi nĩ kana mũndũ ũla mũĩ nũtetheeaw'a kwĩkala thayũ nĩ ũĩ ũla wĩ naw'o.
13Sũanĩai maũndũ ala Ngai wĩkĩte.
Nũũ ũtonya kũlũngalya kĩla Ngai ũekete kĩ kĩthyoeku?
14Yĩla maũndũ maseũva ĩthĩwa na ũtanu,
na yĩla mathũka lilikana kana Ngai nũnengae mũndũ ũtanu,
kana akamũlekya akalika mathĩnanĩ;
vai mũndũ wĩsĩ ũnĩ kũkeethĩwa kũilyĩ ata.
15Ĩvindanĩ ya thayũ wakwa yĩla nĩ ya mana, nĩnonete maũndũ maingĩ; andũ alũngalu nĩmakusaa o maendee kwĩthĩwa me alũngalu, na andũ athũku maiendeea kwĩkala thayũ o mayĩka maũndũ mathũku. 16Ndũkeyongeleele ũlũngalu kana kwĩyongeleela ũĩ mũvĩtũku; wĩenda kwĩyananga we mwene nĩkĩ? 17Ndũkethĩwe wĩ mũndũ wusũĩtwe nĩ ũvuku kana kwĩthĩwa mũndũ mũtumanu; wĩenda kũkw'a tene nĩkĩ? 18Ĩsũvĩe kwĩthĩwa wĩ ngalĩko ĩmwe kana ĩla ĩngĩ ya maũndũ asu elĩ. Mũndũ ũla wĩ kĩkĩo kya Ngai, vate nzika ndalea kũendeea nesa o na kũilyĩ ata.
19Ũĩ nũtonya kwĩka mũndũ maũndũ maingĩ kwĩ ũndũ asumbĩ ĩkũmi matonya kwĩka ndũanĩ ĩmwe.
20Kwa w'o, kũi mũndũ ĩũlũ wa nthĩ wĩkaa ũla ũlũngalu kĩla ĩvinda, ũtesaa kwĩka naĩ. 21Ndũkethukĩĩasye maũndũ onthe ala andũ maneenaa, nũndũ nũtonya kwĩw'a mũthũkũmi waku aikũuma, 22nũndũ we o naku nĩwĩsĩ kana nũumĩte andũ angĩ mavinda maingĩ.
23Nĩndatĩte maũndũ aa onthe ngĩtũmĩa ũĩ wakwa. Nĩvo ĩndĩ naisye, “Nĩngwĩthĩwa nĩ mũĩ,” ĩndĩ ũu weethĩwa wĩ vaasa nakwa. 24Kĩla kĩtawa ũĩ nĩ kĩndũ kĩ vinya mũno kũkĩmanya. Nũũ ũtonya ũkũmanya? 25Nĩneeyumisye nĩthĩwe na ũmanyi, na namantha kwĩthĩwa na ũĩ wa kũmanya ũndũ kwĩthĩwa na ũtumanu kũthũkĩte.
26Nĩnĩmanyĩte kĩndũ kĩ woo mbee wa kĩkw'ũ, nakyo nĩ mũndũ mũka ũla nĩ kĩtei; ngoo yake nĩ mũteo, na moko make nĩ mbĩngũ. Mũndũ ũla ũmwendeeasya Ngai nĩwĩsiĩanĩaa na mũndũ mũka ũsu, ĩndĩ mwĩki wa naĩ nũkwataw'a nĩwe. 27Ũu nĩw'o nyie Mũtavany'a nĩmanyĩte nĩendee na kũmantha kũmanya maũndũ o mbola. 28Nĩnaendeeie kũmantha mosũngĩo ma maũndũ angĩ maingĩ, ĩndĩ ndyaamakwata. Katĩ wa aũme ngili nĩnĩmanyĩte kana ve ũmwe mũlũngalu, ĩndĩ katĩ wa aka meana ũu vai ũmwe mũlũngalu naaona. 29Ũndũ ũmwe ũla nĩmanyĩte nĩ kana Ngai oombie mũndũ e mũlũngalu, ĩndĩ ambĩĩa kwĩmanthĩa makosokoso maingĩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011