2Mav 33
33
Mũsumbĩ Manase wa Yuta
(2Asu 21.1-9)
1Manase atw'ĩkie mũsumbĩ e na ũkũũ wa myaka ĩkũmi na ĩlĩ. Asumbĩkie vandũ va myaka mĩongo ĩtano na ĩtano e Yelũsalemu. 2#Yel 15.4 Nĩweekie maũndũ ala matamwendeeasya Mwĩai Ngai; eekie maũndũ mathũku ala meekawa nĩ andũ ma mbaĩ ila Mwĩai Ngai walũngilye syauma nthĩ ya Kanaani, andũ ma Ĩsilaeli maendee kũlika nthĩ ĩsu. 3Nĩwaakie ĩngĩ kũndũ kwa kũthaithĩa iĩmanĩ ĩũlũ, kũla Esekia ĩthe wake waanangie. O ta ũu nĩwaakie ithembeo sya ngai ĩla yĩtawa Mbaali, na aseũvya mũvw'anano wa ngai nga ĩla yĩtawa Asela. O ta ũu Manase nĩwathaithaa ndata. 4#2Mav 6.6 Nĩwaakie ithembeo sya ngai sya mĩvw'anano Ĩkalũnĩ ya Mwĩai Ngai, vala Mwĩai Ngai waĩtye aĩlĩte kũthaithĩawa. 5Nĩwaakie ithembeo sya kũthaithĩa ndata iwanzanĩ syelĩ sya Ĩkalũ. 6Nĩwathembeie ana make Mwandanĩ wa Mbeni-inomu ta nthembo ya kũvĩvw'a. Nĩwaũasya, na kũingya nyũnyi, aĩ mũoi, na nĩwakũlasya ala mamanyaa maũndũ kwĩsĩla mavevanĩ ma andũ ala makwie, na aoi. Nĩweekie maũndũ mathũku matamwendeeasya Mwĩai Ngai, na kwoou amũthatya mũno. 7#1Asu 9.3-5; 2Mav 7.12-18 Nĩwoosie mũvw'anano wa ngai ĩla wasũvĩtye awĩnzĩla Ĩkalũnĩ, vala Ngai waneenete na Ndeviti na mwana wake Solomoni akamea atĩĩ, “Vaa Yelũsalemu, Ĩkalũnĩ yĩĩ, nĩvo nĩnyuvĩte katĩ wa isio syonthe sya mbaĩ ĩkũmi na ilĩ sya Ĩsilaeli, vethĩwe vandũ vala naĩlĩte kũthaithĩawa. 8Ethĩwa andũ ma Ĩsilaeli makeeka maũndũ onthe ala nĩmeaĩe; kwĩanĩsya mĩao yakwa, motw'ĩo, na myamũlo ĩla manengiwe nĩ Mwose, ndikamaeka malũngw'e kuma nthĩ ĩla nanengie aaũmae moo.” 9Ĩndĩ Manase nĩwatongoeisye andũ ma Yuta na ma Yelũsalemu kũlika naĩnĩ; nĩmeekie naĩ nthũku mũno mbee wa ila syeekawa nĩ andũ ma nthĩ ila Mwĩai Ngai walũngilye nthĩ ya Kanaani, nĩ kana andũ ma Ĩsilaeli malike vo.
Manase Ayumbũla
10Mwĩai Ngai nĩwaneenie na Manase na andũ make, ĩndĩ mayaaĩthukĩĩsya. 11Kwoou Mwĩai Ngai nĩwaekie anene ma asikalĩ ma kaũ ma Asuli mavithũkĩe nthĩ ya Yuta. Nĩmakwatie Manase, mamwĩkĩa ngome ĩnyiũũ, mamwova na nyololo sya mbulonzi, na mamũtwaa Mbavilonĩ. 12E thĩnanĩ, nĩweenyivisye, asyokea Mwĩai Ngai, Ngai wake, na amwĩsũva amũtetheesye. 13Nĩwavoyie, na Ngai eew'a kwĩsũvana, na mboya syake, na atuma asyoka Yelũsalemu ũsumbĩnĩ wake. Nĩvo ĩndĩ Manase wamanyie kana Mwĩai Ngai nĩ Ngai.
14Ĩtina wa maũndũ asu, Manase nĩwaakie ũkũta wa nza ngalĩko ya wumĩlonĩ wa syũa wa Ndũa ya Ndeviti, kuma Mwandanĩ ũla wĩ kĩthimanĩ kya Ngioni ngalĩko ya ĩũlũ, kũvika vala ve Mũomo wa Makũyũ na kĩsio kya ndũa kĩtawa Oveli. Awakie wĩ mũtũlu mũno, na o ta ũu nĩwanyuvie mũnene ũmwe wa asikalĩ ma kaũ ethĩwe e mũnene wa kĩkundi kya asikalĩ nthĩnĩ wa kĩla ndũa mbiĩĩe ya Yuta. 15Nĩwavetangie ngai ngeni, mũvw'anano ũla waiĩte Ĩkalũnĩ ya Mwĩai Ngai, na ithembeo syonthe ila waakĩte kĩĩmanĩ vala Ĩkalũ ya Mwĩai Ngai yaakĩtwe, na ila syaĩ kũndũ kũngĩ Yelũsalemu. Nĩwekisye syĩndũ isu syonthe nza wa ndũa. 16Nĩwaakie kĩthembeo kya Mwĩai Ngai ĩngĩ, na athembea vo nthembo sya ngwatanĩo, na nthembo sya kũtũnga mũvea. Nĩweeie andũ ma Yuta mathũkũme Mwĩai Ngai, Ngai wa Ĩsilaeli. 17O na kau andũ nĩmaendeeie kũthembea kũndũnĩ kũla kũngĩ kwa kũthaithĩa, mathembeaa Mwĩai Ngai, Ngai woo e weka.
Mũminũkĩlyo wa Kũsumbĩka kwa Manase
(2Asu 21.17-18)
18Maũndũ ala angĩ Manase weekie yĩla wasumbĩkĩte, mboya yake kũla kwĩ Ngai wake, na ndeto ila athani maneenaa nake ĩsyĩtwanĩ ya Mwĩai Ngai, Ngai wa Ĩsilaeli, maandĩkĩtwe Ĩvukunĩ ya Maũndũ ma Mavinda ma Asumbĩ ma Ĩsilaeli. 19Mboya ĩla wavoyie, na ũsũngĩo wa Ngai, ũelesyo wa naĩ ila weekie atanamba kumbũla; maũndũ mathũku ala weekie, kũndũ kwa kũthaithĩa mĩvw'anano kũla waseũvisye, mavisa ma ngai nga ĩla yĩtawa Asela ala waseũvisye, na mĩvw'anano ĩla wathaithaa, syonthe iandĩkĩtwe Ĩvukunĩ ya Maũndũ ma Athani. 20Manase nĩwakwie, na athikwa nyũmbanĩ yake ya kĩ-ũsumbĩ. Mwana wake Amoni nĩwatw'ĩkie mũsumbĩ ĩtina wake.
Mũsumbĩ Amoni wa Yuta
(2Asu 21.19-26)
21Amoni atw'ĩkie mũsumbĩ wa Yuta e na ũkũũ wa myaka mĩongo ĩlĩ na ĩlĩ. Asumbĩkie vandũ va myaka ĩlĩ e Yelũsalemu. 22Nĩwavĩtĩisye Mwĩai Ngai o tondũ ĩthe wake Manase weekie, na athaitha ngai sya mĩvw'anano ila ĩthe wake wathaithaa. 23Ndaaĩnyĩvya na kũsyokea Mwĩai Ngai ta Manase ĩthe wake; nĩweekie naĩ mbingĩ mbee wa ĩthe wake.
24Anini ma Amoni nĩmamũseũvĩisye mũvango mũthũku, na mamũaĩa nyũmbanĩ yake ya kĩ-ũsumbĩ. 25Andũ ma Yuta nĩmooaie andũ ala mooaie Amoni na matw'ĩkĩthya Yosia mwana wake Mũsumbĩ ĩtina wake.
Currently Selected:
2Mav 33: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
2Mav 33
33
Mũsumbĩ Manase wa Yuta
(2Asu 21.1-9)
1Manase atw'ĩkie mũsumbĩ e na ũkũũ wa myaka ĩkũmi na ĩlĩ. Asumbĩkie vandũ va myaka mĩongo ĩtano na ĩtano e Yelũsalemu. 2#Yel 15.4 Nĩweekie maũndũ ala matamwendeeasya Mwĩai Ngai; eekie maũndũ mathũku ala meekawa nĩ andũ ma mbaĩ ila Mwĩai Ngai walũngilye syauma nthĩ ya Kanaani, andũ ma Ĩsilaeli maendee kũlika nthĩ ĩsu. 3Nĩwaakie ĩngĩ kũndũ kwa kũthaithĩa iĩmanĩ ĩũlũ, kũla Esekia ĩthe wake waanangie. O ta ũu nĩwaakie ithembeo sya ngai ĩla yĩtawa Mbaali, na aseũvya mũvw'anano wa ngai nga ĩla yĩtawa Asela. O ta ũu Manase nĩwathaithaa ndata. 4#2Mav 6.6 Nĩwaakie ithembeo sya ngai sya mĩvw'anano Ĩkalũnĩ ya Mwĩai Ngai, vala Mwĩai Ngai waĩtye aĩlĩte kũthaithĩawa. 5Nĩwaakie ithembeo sya kũthaithĩa ndata iwanzanĩ syelĩ sya Ĩkalũ. 6Nĩwathembeie ana make Mwandanĩ wa Mbeni-inomu ta nthembo ya kũvĩvw'a. Nĩwaũasya, na kũingya nyũnyi, aĩ mũoi, na nĩwakũlasya ala mamanyaa maũndũ kwĩsĩla mavevanĩ ma andũ ala makwie, na aoi. Nĩweekie maũndũ mathũku matamwendeeasya Mwĩai Ngai, na kwoou amũthatya mũno. 7#1Asu 9.3-5; 2Mav 7.12-18 Nĩwoosie mũvw'anano wa ngai ĩla wasũvĩtye awĩnzĩla Ĩkalũnĩ, vala Ngai waneenete na Ndeviti na mwana wake Solomoni akamea atĩĩ, “Vaa Yelũsalemu, Ĩkalũnĩ yĩĩ, nĩvo nĩnyuvĩte katĩ wa isio syonthe sya mbaĩ ĩkũmi na ilĩ sya Ĩsilaeli, vethĩwe vandũ vala naĩlĩte kũthaithĩawa. 8Ethĩwa andũ ma Ĩsilaeli makeeka maũndũ onthe ala nĩmeaĩe; kwĩanĩsya mĩao yakwa, motw'ĩo, na myamũlo ĩla manengiwe nĩ Mwose, ndikamaeka malũngw'e kuma nthĩ ĩla nanengie aaũmae moo.” 9Ĩndĩ Manase nĩwatongoeisye andũ ma Yuta na ma Yelũsalemu kũlika naĩnĩ; nĩmeekie naĩ nthũku mũno mbee wa ila syeekawa nĩ andũ ma nthĩ ila Mwĩai Ngai walũngilye nthĩ ya Kanaani, nĩ kana andũ ma Ĩsilaeli malike vo.
Manase Ayumbũla
10Mwĩai Ngai nĩwaneenie na Manase na andũ make, ĩndĩ mayaaĩthukĩĩsya. 11Kwoou Mwĩai Ngai nĩwaekie anene ma asikalĩ ma kaũ ma Asuli mavithũkĩe nthĩ ya Yuta. Nĩmakwatie Manase, mamwĩkĩa ngome ĩnyiũũ, mamwova na nyololo sya mbulonzi, na mamũtwaa Mbavilonĩ. 12E thĩnanĩ, nĩweenyivisye, asyokea Mwĩai Ngai, Ngai wake, na amwĩsũva amũtetheesye. 13Nĩwavoyie, na Ngai eew'a kwĩsũvana, na mboya syake, na atuma asyoka Yelũsalemu ũsumbĩnĩ wake. Nĩvo ĩndĩ Manase wamanyie kana Mwĩai Ngai nĩ Ngai.
14Ĩtina wa maũndũ asu, Manase nĩwaakie ũkũta wa nza ngalĩko ya wumĩlonĩ wa syũa wa Ndũa ya Ndeviti, kuma Mwandanĩ ũla wĩ kĩthimanĩ kya Ngioni ngalĩko ya ĩũlũ, kũvika vala ve Mũomo wa Makũyũ na kĩsio kya ndũa kĩtawa Oveli. Awakie wĩ mũtũlu mũno, na o ta ũu nĩwanyuvie mũnene ũmwe wa asikalĩ ma kaũ ethĩwe e mũnene wa kĩkundi kya asikalĩ nthĩnĩ wa kĩla ndũa mbiĩĩe ya Yuta. 15Nĩwavetangie ngai ngeni, mũvw'anano ũla waiĩte Ĩkalũnĩ ya Mwĩai Ngai, na ithembeo syonthe ila waakĩte kĩĩmanĩ vala Ĩkalũ ya Mwĩai Ngai yaakĩtwe, na ila syaĩ kũndũ kũngĩ Yelũsalemu. Nĩwekisye syĩndũ isu syonthe nza wa ndũa. 16Nĩwaakie kĩthembeo kya Mwĩai Ngai ĩngĩ, na athembea vo nthembo sya ngwatanĩo, na nthembo sya kũtũnga mũvea. Nĩweeie andũ ma Yuta mathũkũme Mwĩai Ngai, Ngai wa Ĩsilaeli. 17O na kau andũ nĩmaendeeie kũthembea kũndũnĩ kũla kũngĩ kwa kũthaithĩa, mathembeaa Mwĩai Ngai, Ngai woo e weka.
Mũminũkĩlyo wa Kũsumbĩka kwa Manase
(2Asu 21.17-18)
18Maũndũ ala angĩ Manase weekie yĩla wasumbĩkĩte, mboya yake kũla kwĩ Ngai wake, na ndeto ila athani maneenaa nake ĩsyĩtwanĩ ya Mwĩai Ngai, Ngai wa Ĩsilaeli, maandĩkĩtwe Ĩvukunĩ ya Maũndũ ma Mavinda ma Asumbĩ ma Ĩsilaeli. 19Mboya ĩla wavoyie, na ũsũngĩo wa Ngai, ũelesyo wa naĩ ila weekie atanamba kumbũla; maũndũ mathũku ala weekie, kũndũ kwa kũthaithĩa mĩvw'anano kũla waseũvisye, mavisa ma ngai nga ĩla yĩtawa Asela ala waseũvisye, na mĩvw'anano ĩla wathaithaa, syonthe iandĩkĩtwe Ĩvukunĩ ya Maũndũ ma Athani. 20Manase nĩwakwie, na athikwa nyũmbanĩ yake ya kĩ-ũsumbĩ. Mwana wake Amoni nĩwatw'ĩkie mũsumbĩ ĩtina wake.
Mũsumbĩ Amoni wa Yuta
(2Asu 21.19-26)
21Amoni atw'ĩkie mũsumbĩ wa Yuta e na ũkũũ wa myaka mĩongo ĩlĩ na ĩlĩ. Asumbĩkie vandũ va myaka ĩlĩ e Yelũsalemu. 22Nĩwavĩtĩisye Mwĩai Ngai o tondũ ĩthe wake Manase weekie, na athaitha ngai sya mĩvw'anano ila ĩthe wake wathaithaa. 23Ndaaĩnyĩvya na kũsyokea Mwĩai Ngai ta Manase ĩthe wake; nĩweekie naĩ mbingĩ mbee wa ĩthe wake.
24Anini ma Amoni nĩmamũseũvĩisye mũvango mũthũku, na mamũaĩa nyũmbanĩ yake ya kĩ-ũsumbĩ. 25Andũ ma Yuta nĩmooaie andũ ala mooaie Amoni na matw'ĩkĩthya Yosia mwana wake Mũsumbĩ ĩtina wake.
BIBLE SOCIETY OF KENYA © 2011