2Mav 32
32
Mũsumbĩ Senakelivu Aivithũkĩa Yuta
(2Asu 18.13-37; 19.14-19,35-37; Ĩsa 36.1-22; 37.8-38)
1Ĩtina wa maũndũ asu onthe Mũsumbĩ Esekia weekĩte kwa ũĩkĩĩku, Senakelivu mũsumbĩ wa Asuli nĩwookie avithũkĩa Yuta. Nĩwathyũlũlũkile ndũa mbiĩĩe, aisũanĩa kana nũkũisinda itw'ĩke syake. 2Yĩla Esekia woonie kana Senakelivu nĩwooka, na eenda kũkita Yelũsalemu, 3nĩwasũanĩie e na anini make na asikalĩ make ma kaũ ĩũlũ wa kũlinda kĩw'ũ kuma ithimanĩ ila syĩ nza wa ndũa, namo mamũtetheesya. 4Aũme aingĩ nĩmoombanie na malinda ithima syonthe na tũlũsĩ tũla twesĩlĩte kĩsionĩ kĩu. Maneenaa maikũlya atĩĩ, “Asumbĩ ma Asuli matonya kũka makethĩa kĩw'ũ kingĩ ata?” 5Mũsumbĩ nĩwathũkũmie na kĩthito aseũvya kũla kwaĩ kwanangĩku ũkũtanĩ wa kwiĩĩa ndũa, na aaka myako mĩtũlu ya kũsyaĩĩsya ũkũtanĩ ũsu. Nĩwaakie ũkũta ũngĩ nza wa ũsu na alũlũmĩĩlya ngome ndũmu ya Milo ĩla yaĩ Ndũanĩ ya Ndeviti. O ta ũu nĩwaseũvisye mĩio mingĩ ya kaũ na ngao. 6Nĩwanyuvie anene ma asikalĩ ma kaũ ma kũtongoesya andũ na amombanĩsya vala andũ moombanĩaa mũvĩanĩ wa ndũa. Nĩwamekĩie vinya ayasya atĩĩ, 7“Ĩthĩwai na vinya na ũkũmbaũ. Mũikakĩe kana kũkw'a ngoo nũndũ wa mũsumbĩ wa Asuli na asikalĩ aingĩ ala wĩ namo, nĩkwĩthĩwa twĩ na vinya mwingĩ mbee wake. 8E na vinya wa kĩ-mũndũ, ĩndĩ twĩ na Mwĩai Ngai, Ngai waitũ ũla ũtũtetheeasya kũkita.” Andũ nĩmeekĩiwe vinya mũno nĩ ndeto isu sya mũsumbĩ.
9Ĩtina wa maũndũ asu, Senakelivu mũsumbĩ wa Asuli, ũla weelingĩlĩte ndũa ya Lakisi e na asikalĩ make onthe, nĩwatũmie athũkũmi make Yelũsalemu kũla kwĩ Esekia mũsumbĩ wa Yuta, na kũla kwĩ andũ onthe ma Yuta ala maĩ Yelũsalemu. 10Nĩwaĩtye atĩĩ, “Nyie Senakelivu mũsumbĩ wa Asuli, nĩenda kũmanya kĩla kĩtumaa mwĩthĩwa na ũkũmbaũ wa kwĩkala Yelũsalemu yĩ nthyũlũlũke. 11Esekia emwĩa kana Mwĩai Ngai, Ngai wenyu nũkũmũtangĩĩa kuma ũtonyinĩ witũ, ĩndĩ Esekia nũkũmũkenga na kũmũeka mũawe nĩ nzaa na waũni. 12Nĩwe waanangie kũndũ kwa kũthaithĩa kwa Mwĩai Ngai na ithembeo, na ĩndĩ eea andũ ma Yuta na ma Yelũsalemu mathaithĩe na kũvĩvĩsya ũvani kĩthembeonĩ o kĩmwe. 13Nĩkũlya, inyw'ĩ no mwĩsĩ ũndũ nyie na aaũmae makwa tweekanie na andũ onthe ma nthĩ ingĩ, kũla ngai sya nthĩ isu syeethĩawa itonya kũtangĩĩa andũ masyo kuma kũla nĩĩ? 14Nĩ yĩva katĩ wa ngai sya nthĩ isu ila aaũmae makwa maanangie yaĩ ĩtonya kũtangĩĩa andũ mayo kuma ũtonyinĩ wakwa. Yuĩ, ngai yenyu ĩtonya kũmũtangĩĩa kuma ũtonyinĩ wakwa ata? 15Mũikaeke Esekia amũkenge kana amwasye kwa nzĩa ĩsu. Mũikamũĩkĩĩe! Vai ngai ya nthĩ o na yĩva yaaĩthĩwa ĩtonya kũtangĩĩa andũ mayo kuma kwa mũsumbĩ o na ũmwe wa Asuli. Kwoou, ngai ĩsu yenyu ndĩtonya kũmũtangĩĩa!”
16O ta ũu anini ma mũsumbĩ wa Asuli nĩmaneenie syĩndũ nthũku ĩũlũ wa Mwĩai Ngai, na Esekia mũthũkũmi wa Mwĩai Ngai. 17Valũa ũla mũsumbĩ wa Asuli waandĩkĩte waĩ wa kũvũthya Mwĩai Ngai, Ngai wa Ĩsilaeli. Valũa ũsu waĩtye atĩĩ, “Ngai sya nthĩ iyaatangĩĩa andũ masyo kuma ũtonyinĩ wakwa, na o na ngai ya Esekia ndĩmũtangĩĩa e na andũ make kuma kũla nĩĩ.” 18Anini asu maneenie ndeto isu na kĩthyomo kya Kĩevelania, nĩ kana matelemye andũ ma Yelũsalemu ala maĩ ũkũtanĩ na kũmoaa ngoo, nĩ kana makwate ndũa ĩsu vate thĩna. 19Nĩmaneenie ĩũlũ wa Ngai wa Yelũsalemu o ũndũ ũmwe na ũndũ maneenaa ĩũlũ wa ngai sya andũ ala angĩ, ngai sya mĩvw'anano iseũvĩtw'e na moko ma andũ.
20Nĩvo ĩndĩ Mũsumbĩ Esekia na mwathani Ĩsaia mwana wa Amosu, mavoyie Ngai na mamwĩkaĩla amatetheesye. 21Mwĩai Ngai nĩwatũmie mũlaĩka ooaa asikalĩ, na anene ma asikalĩ ma Asuli. Mũsumbĩ nĩwasyokie Asuli e na nthoni mbingĩ. Mũthenya ũmwe e ĩkalũnĩ ya ngai yake, amwe katĩ wa ana make nĩmamũaie na mbyũ syoo.
22Kwoou Mwĩai Ngai nĩwatangĩĩie Mũsumbĩ Esekia na andũ ma Yelũsalemu kuma ũtonyinĩ wa Senakelivu mũsumbĩ wa Asuli, na kuma ũtonyinĩ wa amaitha ala angĩ moo. Nĩwaekie andũ ma Ĩsilaeli mekale na mũuo#32.22 Nĩwaekie andũ ma Ĩsilaeli mekale na mũuo: Kĩthyomo kya Kĩevelania kyaĩtye Nĩwamatongoeisye. me na andũ ma nthĩ ila syamelingĩlĩte.
23Andũ aingĩ nĩmaendie Yelũsalemu makaumĩsye Mwĩai Ngai nthembo, na maitwaĩa Esekia mĩthĩnzĩo. Kuma ĩvinda yĩu andũ ma nthĩ syonthe nĩmambĩĩie kũnenga Esekia ndaĩa.
Kwĩkathĩĩa kwa Esekia na Ũwau wake
(2Asu 20.1-3,12-19; Ĩsa 38.1-3; 39.1-8)
24Ĩvindanĩ yĩu Mũsumbĩ Esekia nĩwawaie mũno weethĩa akilĩlye kũkw'a. Nĩwavoyie, nake Mwĩai Ngai amũnenga wonany'o kana nũkũvoa. 25Ĩndĩ Esekia aĩ na ngathĩĩo mbingĩ na ndaatũnga mũvea kwondũ wa ũseo ũla Ngai wamwĩkĩte. Kwoou Mwĩai Ngai nĩwamũthatĩie, na athatĩa andũ ma Yuta na Yelũsalemu. 26Esekia nĩwaumbũlile nũndũ wa ngathĩĩo ila waĩ nasyo, na o ta ũu namo andũ ma Yuta na Yelũsalemu maumbũla. Kwoou Mwĩai Ngai ndaamakany'a ĩvindanĩ ya Esekia.
Ũthwii na Kũendeea nesa kwa Esekia
27Mũsumbĩ Esekia aĩ na ũthwii mwingĩ, na nĩwanengetwe ndaĩa. Nĩwaseũvĩtye kũndũ kwa kwia thaavu, silĩva, mavia me thooa mũnene, syĩndũ sya kũsamya lĩu nesa, ngao, na syĩndũ syonthe ila syĩ thooa mũnene. 28O ta ũu nĩwaakie kũndũ kwa kwia ngetha ya mbaa mbeke, ndivai, mauta, na aseũvya mĩnanda ya indo syĩ kĩvathũkany'o, na itũũ sya mbũi na malondu. 29Nĩwaakie ndũa, na aĩ na mbũi na malondu maingĩ, nĩkwĩthĩwa Ngai nĩwamũnengete ũthwii mwingĩ. 30Esekia nĩwe walindile ngalĩko ya ĩũlũ ya vala kĩw'ũ kya kĩthima kya Ngioni kyaumĩlĩĩlaa, na akĩnzĩa mũtaũ kyatheea ngalĩko ya ũthũĩlonĩ wa syũa wa Ndũa ya Ndeviti. Nĩwaendeeaa nesa maũndũnĩ onthe ala weekaa. 31Ĩndĩ yĩla andũ me ndaĩa ũsumbĩnĩ wa Mbavilonĩ matũmwa nĩ asumbĩ moo makamũkũlye ĩũlũ wa kyama kĩkĩkie nthĩ ĩsu, Ngai nĩwamũekaa anengane ũsũngĩo, nĩ kana amũtate amanye maũndũ ala me ngoonĩ yake.
Mũminũkĩlyo wa Kũsumbĩka kwa Esekia
(2Asu 20.20-21)
32Maũndũ ala angĩ Esekia weekie yĩla wasumbĩkĩte, na kwĩnengane kwake kũla kwĩ Mwĩai Ngai maandĩkĩtwe Ĩvukunĩ ya Woni wa Mwathani Ĩsaia Mwana wa Amosu, na Ĩvukunĩ ya Maũndũ ma Mavinda ma Asumbĩ ma Yuta na ma Ĩsilaeli. 33Esekia nĩwakwie na athikwa kĩĩmanĩ vala mbũa sya nzyawa sya Ndeviti iĩ. Andũ onthe ma Yuta na ma Yelũsalemu nĩmamũnengie ndaĩa yĩla wakwie. Mwana wake Manase nĩwasumbĩkie ĩtina wake.
Currently Selected:
2Mav 32: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
2Mav 32
32
Mũsumbĩ Senakelivu Aivithũkĩa Yuta
(2Asu 18.13-37; 19.14-19,35-37; Ĩsa 36.1-22; 37.8-38)
1Ĩtina wa maũndũ asu onthe Mũsumbĩ Esekia weekĩte kwa ũĩkĩĩku, Senakelivu mũsumbĩ wa Asuli nĩwookie avithũkĩa Yuta. Nĩwathyũlũlũkile ndũa mbiĩĩe, aisũanĩa kana nũkũisinda itw'ĩke syake. 2Yĩla Esekia woonie kana Senakelivu nĩwooka, na eenda kũkita Yelũsalemu, 3nĩwasũanĩie e na anini make na asikalĩ make ma kaũ ĩũlũ wa kũlinda kĩw'ũ kuma ithimanĩ ila syĩ nza wa ndũa, namo mamũtetheesya. 4Aũme aingĩ nĩmoombanie na malinda ithima syonthe na tũlũsĩ tũla twesĩlĩte kĩsionĩ kĩu. Maneenaa maikũlya atĩĩ, “Asumbĩ ma Asuli matonya kũka makethĩa kĩw'ũ kingĩ ata?” 5Mũsumbĩ nĩwathũkũmie na kĩthito aseũvya kũla kwaĩ kwanangĩku ũkũtanĩ wa kwiĩĩa ndũa, na aaka myako mĩtũlu ya kũsyaĩĩsya ũkũtanĩ ũsu. Nĩwaakie ũkũta ũngĩ nza wa ũsu na alũlũmĩĩlya ngome ndũmu ya Milo ĩla yaĩ Ndũanĩ ya Ndeviti. O ta ũu nĩwaseũvisye mĩio mingĩ ya kaũ na ngao. 6Nĩwanyuvie anene ma asikalĩ ma kaũ ma kũtongoesya andũ na amombanĩsya vala andũ moombanĩaa mũvĩanĩ wa ndũa. Nĩwamekĩie vinya ayasya atĩĩ, 7“Ĩthĩwai na vinya na ũkũmbaũ. Mũikakĩe kana kũkw'a ngoo nũndũ wa mũsumbĩ wa Asuli na asikalĩ aingĩ ala wĩ namo, nĩkwĩthĩwa twĩ na vinya mwingĩ mbee wake. 8E na vinya wa kĩ-mũndũ, ĩndĩ twĩ na Mwĩai Ngai, Ngai waitũ ũla ũtũtetheeasya kũkita.” Andũ nĩmeekĩiwe vinya mũno nĩ ndeto isu sya mũsumbĩ.
9Ĩtina wa maũndũ asu, Senakelivu mũsumbĩ wa Asuli, ũla weelingĩlĩte ndũa ya Lakisi e na asikalĩ make onthe, nĩwatũmie athũkũmi make Yelũsalemu kũla kwĩ Esekia mũsumbĩ wa Yuta, na kũla kwĩ andũ onthe ma Yuta ala maĩ Yelũsalemu. 10Nĩwaĩtye atĩĩ, “Nyie Senakelivu mũsumbĩ wa Asuli, nĩenda kũmanya kĩla kĩtumaa mwĩthĩwa na ũkũmbaũ wa kwĩkala Yelũsalemu yĩ nthyũlũlũke. 11Esekia emwĩa kana Mwĩai Ngai, Ngai wenyu nũkũmũtangĩĩa kuma ũtonyinĩ witũ, ĩndĩ Esekia nũkũmũkenga na kũmũeka mũawe nĩ nzaa na waũni. 12Nĩwe waanangie kũndũ kwa kũthaithĩa kwa Mwĩai Ngai na ithembeo, na ĩndĩ eea andũ ma Yuta na ma Yelũsalemu mathaithĩe na kũvĩvĩsya ũvani kĩthembeonĩ o kĩmwe. 13Nĩkũlya, inyw'ĩ no mwĩsĩ ũndũ nyie na aaũmae makwa tweekanie na andũ onthe ma nthĩ ingĩ, kũla ngai sya nthĩ isu syeethĩawa itonya kũtangĩĩa andũ masyo kuma kũla nĩĩ? 14Nĩ yĩva katĩ wa ngai sya nthĩ isu ila aaũmae makwa maanangie yaĩ ĩtonya kũtangĩĩa andũ mayo kuma ũtonyinĩ wakwa. Yuĩ, ngai yenyu ĩtonya kũmũtangĩĩa kuma ũtonyinĩ wakwa ata? 15Mũikaeke Esekia amũkenge kana amwasye kwa nzĩa ĩsu. Mũikamũĩkĩĩe! Vai ngai ya nthĩ o na yĩva yaaĩthĩwa ĩtonya kũtangĩĩa andũ mayo kuma kwa mũsumbĩ o na ũmwe wa Asuli. Kwoou, ngai ĩsu yenyu ndĩtonya kũmũtangĩĩa!”
16O ta ũu anini ma mũsumbĩ wa Asuli nĩmaneenie syĩndũ nthũku ĩũlũ wa Mwĩai Ngai, na Esekia mũthũkũmi wa Mwĩai Ngai. 17Valũa ũla mũsumbĩ wa Asuli waandĩkĩte waĩ wa kũvũthya Mwĩai Ngai, Ngai wa Ĩsilaeli. Valũa ũsu waĩtye atĩĩ, “Ngai sya nthĩ iyaatangĩĩa andũ masyo kuma ũtonyinĩ wakwa, na o na ngai ya Esekia ndĩmũtangĩĩa e na andũ make kuma kũla nĩĩ.” 18Anini asu maneenie ndeto isu na kĩthyomo kya Kĩevelania, nĩ kana matelemye andũ ma Yelũsalemu ala maĩ ũkũtanĩ na kũmoaa ngoo, nĩ kana makwate ndũa ĩsu vate thĩna. 19Nĩmaneenie ĩũlũ wa Ngai wa Yelũsalemu o ũndũ ũmwe na ũndũ maneenaa ĩũlũ wa ngai sya andũ ala angĩ, ngai sya mĩvw'anano iseũvĩtw'e na moko ma andũ.
20Nĩvo ĩndĩ Mũsumbĩ Esekia na mwathani Ĩsaia mwana wa Amosu, mavoyie Ngai na mamwĩkaĩla amatetheesye. 21Mwĩai Ngai nĩwatũmie mũlaĩka ooaa asikalĩ, na anene ma asikalĩ ma Asuli. Mũsumbĩ nĩwasyokie Asuli e na nthoni mbingĩ. Mũthenya ũmwe e ĩkalũnĩ ya ngai yake, amwe katĩ wa ana make nĩmamũaie na mbyũ syoo.
22Kwoou Mwĩai Ngai nĩwatangĩĩie Mũsumbĩ Esekia na andũ ma Yelũsalemu kuma ũtonyinĩ wa Senakelivu mũsumbĩ wa Asuli, na kuma ũtonyinĩ wa amaitha ala angĩ moo. Nĩwaekie andũ ma Ĩsilaeli mekale na mũuo#32.22 Nĩwaekie andũ ma Ĩsilaeli mekale na mũuo: Kĩthyomo kya Kĩevelania kyaĩtye Nĩwamatongoeisye. me na andũ ma nthĩ ila syamelingĩlĩte.
23Andũ aingĩ nĩmaendie Yelũsalemu makaumĩsye Mwĩai Ngai nthembo, na maitwaĩa Esekia mĩthĩnzĩo. Kuma ĩvinda yĩu andũ ma nthĩ syonthe nĩmambĩĩie kũnenga Esekia ndaĩa.
Kwĩkathĩĩa kwa Esekia na Ũwau wake
(2Asu 20.1-3,12-19; Ĩsa 38.1-3; 39.1-8)
24Ĩvindanĩ yĩu Mũsumbĩ Esekia nĩwawaie mũno weethĩa akilĩlye kũkw'a. Nĩwavoyie, nake Mwĩai Ngai amũnenga wonany'o kana nũkũvoa. 25Ĩndĩ Esekia aĩ na ngathĩĩo mbingĩ na ndaatũnga mũvea kwondũ wa ũseo ũla Ngai wamwĩkĩte. Kwoou Mwĩai Ngai nĩwamũthatĩie, na athatĩa andũ ma Yuta na Yelũsalemu. 26Esekia nĩwaumbũlile nũndũ wa ngathĩĩo ila waĩ nasyo, na o ta ũu namo andũ ma Yuta na Yelũsalemu maumbũla. Kwoou Mwĩai Ngai ndaamakany'a ĩvindanĩ ya Esekia.
Ũthwii na Kũendeea nesa kwa Esekia
27Mũsumbĩ Esekia aĩ na ũthwii mwingĩ, na nĩwanengetwe ndaĩa. Nĩwaseũvĩtye kũndũ kwa kwia thaavu, silĩva, mavia me thooa mũnene, syĩndũ sya kũsamya lĩu nesa, ngao, na syĩndũ syonthe ila syĩ thooa mũnene. 28O ta ũu nĩwaakie kũndũ kwa kwia ngetha ya mbaa mbeke, ndivai, mauta, na aseũvya mĩnanda ya indo syĩ kĩvathũkany'o, na itũũ sya mbũi na malondu. 29Nĩwaakie ndũa, na aĩ na mbũi na malondu maingĩ, nĩkwĩthĩwa Ngai nĩwamũnengete ũthwii mwingĩ. 30Esekia nĩwe walindile ngalĩko ya ĩũlũ ya vala kĩw'ũ kya kĩthima kya Ngioni kyaumĩlĩĩlaa, na akĩnzĩa mũtaũ kyatheea ngalĩko ya ũthũĩlonĩ wa syũa wa Ndũa ya Ndeviti. Nĩwaendeeaa nesa maũndũnĩ onthe ala weekaa. 31Ĩndĩ yĩla andũ me ndaĩa ũsumbĩnĩ wa Mbavilonĩ matũmwa nĩ asumbĩ moo makamũkũlye ĩũlũ wa kyama kĩkĩkie nthĩ ĩsu, Ngai nĩwamũekaa anengane ũsũngĩo, nĩ kana amũtate amanye maũndũ ala me ngoonĩ yake.
Mũminũkĩlyo wa Kũsumbĩka kwa Esekia
(2Asu 20.20-21)
32Maũndũ ala angĩ Esekia weekie yĩla wasumbĩkĩte, na kwĩnengane kwake kũla kwĩ Mwĩai Ngai maandĩkĩtwe Ĩvukunĩ ya Woni wa Mwathani Ĩsaia Mwana wa Amosu, na Ĩvukunĩ ya Maũndũ ma Mavinda ma Asumbĩ ma Yuta na ma Ĩsilaeli. 33Esekia nĩwakwie na athikwa kĩĩmanĩ vala mbũa sya nzyawa sya Ndeviti iĩ. Andũ onthe ma Yuta na ma Yelũsalemu nĩmamũnengie ndaĩa yĩla wakwie. Mwana wake Manase nĩwasumbĩkie ĩtina wake.
BIBLE SOCIETY OF KENYA © 2011