2Mav 27
27
Yothamu Mũsumbĩ wa Yuta
(2Asu 15.32-38)
1Yothamu atw'ĩkie mũsumbĩ e na ũkũũ wa myaka mĩongo ĩlĩ na ĩtano. Asumbĩkie vandũ va myaka ĩkũmi na thanthatũ e Yelũsalemu. Inyia wake eetawa Yelusa mwĩĩtu wa Nzatoki. 2Yothamu nĩweekaa maũndũ ala mamwendeeasya Mwĩai Ngai, o tondũ Usia ĩthe wake weekaa, ĩndĩ we ndaalika Ĩkalũnĩ ta Usia ĩthe wake. Ũu wĩ o vo andũ nĩmaendeeie kwĩka naĩ.
3Nĩwaakie ĩngĩ Mũvĩa wa Ĩũlũ wa Ĩkalũ, na o ta ũu atethya wĩa mwingĩ wa kwaka ũkũta wa ndũa ya Yelũsalemu kĩsionĩ kĩla kĩtawa Oveli. 4Nĩwaakie ndũa nthĩ yĩ iĩma ya Yuta, na aaka kũndũ kwa kwĩvitha, na myako mĩtũlu mĩtitũnĩ yĩ iĩmanĩ. 5Yothamu nĩwokitie na mũsumbĩ wa Aamimoni na amũsinda. Mwakanĩ ũsu, Aamimoni nĩmamumĩisye koti wa kĩlo ngili itatũ na maana ana sya silĩva, kĩlo milioni ĩmwe sya nganũ na kĩlo milioni ĩmwe sya nganũ ĩla yĩtawa Mbaale. Aamimoni nĩmamumĩisye silĩva, nganũ na mbaale syĩ na ũito wĩana ũu myakanĩ ĩlĩ ĩla yaatĩĩe. 6Kwoou Yothamu nĩwaendeeie kwĩthĩwa na ũtonyi, nũndũ aĩ mwĩwi na aĩ mũĩkĩĩku kũla kwĩ Mwĩai Ngai. 7Maũndũ ala angĩ onthe Yothamu weekie yĩla wasumbĩkĩte; makaũ ala wokitie na mĩvango yake, maandĩkĩtwe Ĩvukunĩ ya Asumbĩ ma Ĩsilaeli na ma Yuta. 8Yothamu ambĩĩie kũsumbĩka e na ũkũũ wa myaka mĩongo ĩlĩ na ĩtano, na asumbĩka vandũ va myaka ĩkũmi na thanthatũ e Yelũsalemu. 9Nĩwakwie na athikwa Ndũanĩ ya Ndeviti. Aasu mwana wake nĩwatw'ĩkie mũsumbĩ ĩtina wake.
Currently Selected:
2Mav 27: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
2Mav 27
27
Yothamu Mũsumbĩ wa Yuta
(2Asu 15.32-38)
1Yothamu atw'ĩkie mũsumbĩ e na ũkũũ wa myaka mĩongo ĩlĩ na ĩtano. Asumbĩkie vandũ va myaka ĩkũmi na thanthatũ e Yelũsalemu. Inyia wake eetawa Yelusa mwĩĩtu wa Nzatoki. 2Yothamu nĩweekaa maũndũ ala mamwendeeasya Mwĩai Ngai, o tondũ Usia ĩthe wake weekaa, ĩndĩ we ndaalika Ĩkalũnĩ ta Usia ĩthe wake. Ũu wĩ o vo andũ nĩmaendeeie kwĩka naĩ.
3Nĩwaakie ĩngĩ Mũvĩa wa Ĩũlũ wa Ĩkalũ, na o ta ũu atethya wĩa mwingĩ wa kwaka ũkũta wa ndũa ya Yelũsalemu kĩsionĩ kĩla kĩtawa Oveli. 4Nĩwaakie ndũa nthĩ yĩ iĩma ya Yuta, na aaka kũndũ kwa kwĩvitha, na myako mĩtũlu mĩtitũnĩ yĩ iĩmanĩ. 5Yothamu nĩwokitie na mũsumbĩ wa Aamimoni na amũsinda. Mwakanĩ ũsu, Aamimoni nĩmamumĩisye koti wa kĩlo ngili itatũ na maana ana sya silĩva, kĩlo milioni ĩmwe sya nganũ na kĩlo milioni ĩmwe sya nganũ ĩla yĩtawa Mbaale. Aamimoni nĩmamumĩisye silĩva, nganũ na mbaale syĩ na ũito wĩana ũu myakanĩ ĩlĩ ĩla yaatĩĩe. 6Kwoou Yothamu nĩwaendeeie kwĩthĩwa na ũtonyi, nũndũ aĩ mwĩwi na aĩ mũĩkĩĩku kũla kwĩ Mwĩai Ngai. 7Maũndũ ala angĩ onthe Yothamu weekie yĩla wasumbĩkĩte; makaũ ala wokitie na mĩvango yake, maandĩkĩtwe Ĩvukunĩ ya Asumbĩ ma Ĩsilaeli na ma Yuta. 8Yothamu ambĩĩie kũsumbĩka e na ũkũũ wa myaka mĩongo ĩlĩ na ĩtano, na asumbĩka vandũ va myaka ĩkũmi na thanthatũ e Yelũsalemu. 9Nĩwakwie na athikwa Ndũanĩ ya Ndeviti. Aasu mwana wake nĩwatw'ĩkie mũsumbĩ ĩtina wake.
BIBLE SOCIETY OF KENYA © 2011