2Mav 26
26
Usia Mũsumbĩ wa Yuta
(2Asu 14.21-22; 15.1-7)
1Andũ onthe ma Yuta nĩmanyuvie Usia, ũla waĩ na ũkũũ wa myaka ĩkũmi na thanthatũ, mamũtw'ĩkĩthya mũsumbĩ ĩtina wa ĩthe wake Amasia. 2Ĩtina wa kĩkw'ũ kya Amasia, Usia nĩwaakie ĩngĩ ndũa ya Elathi na amyosa yatw'ĩka ya Yuta.
3Usia atw'ĩkie mũsumbĩ e na ũkũũ wa myaka ĩkũmi na thanthatũ, na asumbĩka vandũ va myaka mĩongo ĩtano na ĩlĩ e Yelũsalemu. Inyia wake eetawa Yekolia kuma Yelũsalemu. 4Nĩweekaa maũndũ ala mamwendeeasya Mwĩai Ngai, o tondũ Amasia ĩthe wake weekaa. 5Ĩvindanĩ yonthe yĩla Nzekalia, ũla wamũmanyĩasya kũmwĩw'a Ngai waĩ thayũ, Usia nĩwathũkũmie Mwĩai Ngai kwa ũĩkĩĩku, nake Ngai atuma maũndũ make maendeea nesa.
6Usia nĩwaendie kũkita na Avilisiti, na aomboanga ngũta sya ndũa ya Ngathi, ya Yavine na ya Asitoti. Nĩwaakie ndũa kĩsionĩ kya Asitoti na kũndũ kũngĩ nthĩ ya Avilisiti. 7Ngai nĩwamũtetheeisye kũsinda Avilisiti, Aalavu ala matwĩe Nguli-mbaali na Ameuni. 8Aamimoni nĩmaumĩasya Usia mũvothi. Usia nĩwaendeeie kwĩthĩwa e na ũtonyi nginya nguma yake yathi kũvika mĩvakanĩ ya Misili.
9Usia nĩwaakie myako mĩtũlu ndũanĩ ya Yelũsalemu; amyakie Mũvĩanĩ wa Konanĩ, Mũvĩanĩ wa Mwandanĩ, na o ta ũu aaka vala ũkũta wa ndũa ĩsu wavĩndũkĩle. Nĩwalũlũmĩĩilye myako ĩsu. 10O ta ũu nĩwaakie myako mĩtũlu weũnĩ, na enza ithima mbingĩ nũndũ aĩ na indo mbingĩ, ila syaĩ nguumo wa iĩma na ũiĩnĩ. Nũndũ nĩwendete ũĩmi, aĩ na andũ mathũkũmaa mĩũndanĩ yake na aĩmĩi ma mĩsavivũ, ala mathũkũmaa iĩmanĩ na kũndũ kũla kwĩ mũthanga mũnou.
11Usia aĩ na asikalĩ aingĩ amanyĩsye nesa na meyũmbanĩtye kũkita. Maanĩtw'e kwĩanana na ũndũ matalĩtwe na makaandĩkwa nĩ mũandĩki Yeieli na mũtongoi Maaseia, ala maĩ ungu wa Aanania ũmwe wa anini ma mũsumbĩ. 12Asikalĩ asu ngũmbaũ maĩ na atongoi ngili ilĩ na maana thanthatũ. 13Atongoi asu maũngamĩe asikalĩ ngili maana atatũ na mũonza, na maana atano; asikalĩ asu maĩ amanyĩsye nesa na maĩ na ũtonyi wa kũkita na amaitha ma mũsumbĩ. 14Usia nĩwanengete asikalĩ asu make ngao, matumo, ngovia nũmu sya kũsiĩĩa mũtwe, tũkoti twa kyũma, mbũta na maangi, na mavia ma kwĩkya na ikũtha. 15Andũ ala mamũseũvĩasya syĩndũ Yelũsalemu, nĩmamũseũvĩsye syĩndũ sya kwĩkya maangi na sya kwĩkya mavia manene, kuma ĩla myakonĩ mĩtũlu na konanĩ sya ngũta sya ndũa. Nguma yake nĩyanyaĩĩkie kĩla vandũ na eethĩwa na ũtonyi mwingĩ, nũndũ wa ũtethyo ũla Ngai wamũnengete.
Mũsumbĩ Usia Aikanw'a nũndũ wa Kwĩkathĩĩa kwake
16Yĩla mũsumbĩ Usia weethĩiwe na vinya, nĩwambĩĩie kwĩkathĩĩa na ũndũ ũsu waete ũvalũku wake. Nĩweethĩiwe ate mũĩkĩĩku kũla kwĩ Mwĩai Ngai, Ngai wake na alika Ĩkalũnĩ akavĩvĩsye ũvani kĩthembeonĩ kya kũvĩvĩsya ũvani. 17Mũthembi Asalia e na athembi angĩ ngũmbaũ mĩongo nyanya nĩmalikile mamũatĩĩa. 18#Kuma 30.7-8; Mot 3.10 Nĩmakanisye Mũsumbĩ Usia na mamwĩa atĩĩ, “Usia, ndwĩ na mwanya wa kũvĩvĩsya Mwĩai Ngai ũvani. No athembi me oka, ala nĩ nzyawa sya Alũni, mavathĩtwe nĩ kana mekae ũu. Uma vaa Ĩkalũnĩ; nĩwavĩtĩsya Mwĩai Ngai, nayu ndwĩĩthĩwa na ndaĩa ĩngĩ.” 19Usia aũngyĩ vau Ĩkalũnĩ e ũtee wa kĩthembeo kya kũvĩvĩsya ũvani na akakwata kĩtoeesya kya ũvani. Yĩla wathatĩie athembi asu, o kwa mĩtũkĩ nĩwakwatiwe nĩ ũwau wa mangũ ũthyũnĩ wake. 20Asalia Mũthembi Mũnene na athembi ala angĩ nĩmasyaisye ũthyũ wa Usia, na moona wĩ na ũwau wa mangũ. Kwoou nĩmamumaalilye mĩtũkĩ. Usia o nake nĩweekalaatile nũndũ Mwĩai Ngai nĩwamũkanĩtye.
21Kuma ĩvinda yĩu nginya kũkw'a kwake, Usia ekalile na ũwau ũsu. Ekalaa nyũmbanĩ yake yĩ ũtee e weka, nũndũ ndaĩ atonya kũlika Ĩkalũnĩ. Yothamu mwana wake nĩwe waũngamĩe maũndũ nyũmbanĩ ya kĩ-ũsumbĩ, na nĩwe watongoesye andũ ma nthĩ ĩsu.
22Maũndũ ala angĩ onthe Usia weekie yĩla wasumbĩkĩte, kuma ala ma mbee nginya ma mũthya, maandĩkĩtwe nĩ mwathani Ĩsaia mwana wa Amosu. 23#Ĩsa 6.1 Usia nĩwakwie na athikwa vala asumbĩ mathikawa, ĩndĩ nũndũ wa ũwau wake, ndaathikwa mbũanĩ ya kĩ-ũsumbĩ. Yothamu mwana wake nĩwatw'ĩkie mũsumbĩ ĩtina wake.
Currently Selected:
2Mav 26: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
2Mav 26
26
Usia Mũsumbĩ wa Yuta
(2Asu 14.21-22; 15.1-7)
1Andũ onthe ma Yuta nĩmanyuvie Usia, ũla waĩ na ũkũũ wa myaka ĩkũmi na thanthatũ, mamũtw'ĩkĩthya mũsumbĩ ĩtina wa ĩthe wake Amasia. 2Ĩtina wa kĩkw'ũ kya Amasia, Usia nĩwaakie ĩngĩ ndũa ya Elathi na amyosa yatw'ĩka ya Yuta.
3Usia atw'ĩkie mũsumbĩ e na ũkũũ wa myaka ĩkũmi na thanthatũ, na asumbĩka vandũ va myaka mĩongo ĩtano na ĩlĩ e Yelũsalemu. Inyia wake eetawa Yekolia kuma Yelũsalemu. 4Nĩweekaa maũndũ ala mamwendeeasya Mwĩai Ngai, o tondũ Amasia ĩthe wake weekaa. 5Ĩvindanĩ yonthe yĩla Nzekalia, ũla wamũmanyĩasya kũmwĩw'a Ngai waĩ thayũ, Usia nĩwathũkũmie Mwĩai Ngai kwa ũĩkĩĩku, nake Ngai atuma maũndũ make maendeea nesa.
6Usia nĩwaendie kũkita na Avilisiti, na aomboanga ngũta sya ndũa ya Ngathi, ya Yavine na ya Asitoti. Nĩwaakie ndũa kĩsionĩ kya Asitoti na kũndũ kũngĩ nthĩ ya Avilisiti. 7Ngai nĩwamũtetheeisye kũsinda Avilisiti, Aalavu ala matwĩe Nguli-mbaali na Ameuni. 8Aamimoni nĩmaumĩasya Usia mũvothi. Usia nĩwaendeeie kwĩthĩwa e na ũtonyi nginya nguma yake yathi kũvika mĩvakanĩ ya Misili.
9Usia nĩwaakie myako mĩtũlu ndũanĩ ya Yelũsalemu; amyakie Mũvĩanĩ wa Konanĩ, Mũvĩanĩ wa Mwandanĩ, na o ta ũu aaka vala ũkũta wa ndũa ĩsu wavĩndũkĩle. Nĩwalũlũmĩĩilye myako ĩsu. 10O ta ũu nĩwaakie myako mĩtũlu weũnĩ, na enza ithima mbingĩ nũndũ aĩ na indo mbingĩ, ila syaĩ nguumo wa iĩma na ũiĩnĩ. Nũndũ nĩwendete ũĩmi, aĩ na andũ mathũkũmaa mĩũndanĩ yake na aĩmĩi ma mĩsavivũ, ala mathũkũmaa iĩmanĩ na kũndũ kũla kwĩ mũthanga mũnou.
11Usia aĩ na asikalĩ aingĩ amanyĩsye nesa na meyũmbanĩtye kũkita. Maanĩtw'e kwĩanana na ũndũ matalĩtwe na makaandĩkwa nĩ mũandĩki Yeieli na mũtongoi Maaseia, ala maĩ ungu wa Aanania ũmwe wa anini ma mũsumbĩ. 12Asikalĩ asu ngũmbaũ maĩ na atongoi ngili ilĩ na maana thanthatũ. 13Atongoi asu maũngamĩe asikalĩ ngili maana atatũ na mũonza, na maana atano; asikalĩ asu maĩ amanyĩsye nesa na maĩ na ũtonyi wa kũkita na amaitha ma mũsumbĩ. 14Usia nĩwanengete asikalĩ asu make ngao, matumo, ngovia nũmu sya kũsiĩĩa mũtwe, tũkoti twa kyũma, mbũta na maangi, na mavia ma kwĩkya na ikũtha. 15Andũ ala mamũseũvĩasya syĩndũ Yelũsalemu, nĩmamũseũvĩsye syĩndũ sya kwĩkya maangi na sya kwĩkya mavia manene, kuma ĩla myakonĩ mĩtũlu na konanĩ sya ngũta sya ndũa. Nguma yake nĩyanyaĩĩkie kĩla vandũ na eethĩwa na ũtonyi mwingĩ, nũndũ wa ũtethyo ũla Ngai wamũnengete.
Mũsumbĩ Usia Aikanw'a nũndũ wa Kwĩkathĩĩa kwake
16Yĩla mũsumbĩ Usia weethĩiwe na vinya, nĩwambĩĩie kwĩkathĩĩa na ũndũ ũsu waete ũvalũku wake. Nĩweethĩiwe ate mũĩkĩĩku kũla kwĩ Mwĩai Ngai, Ngai wake na alika Ĩkalũnĩ akavĩvĩsye ũvani kĩthembeonĩ kya kũvĩvĩsya ũvani. 17Mũthembi Asalia e na athembi angĩ ngũmbaũ mĩongo nyanya nĩmalikile mamũatĩĩa. 18#Kuma 30.7-8; Mot 3.10 Nĩmakanisye Mũsumbĩ Usia na mamwĩa atĩĩ, “Usia, ndwĩ na mwanya wa kũvĩvĩsya Mwĩai Ngai ũvani. No athembi me oka, ala nĩ nzyawa sya Alũni, mavathĩtwe nĩ kana mekae ũu. Uma vaa Ĩkalũnĩ; nĩwavĩtĩsya Mwĩai Ngai, nayu ndwĩĩthĩwa na ndaĩa ĩngĩ.” 19Usia aũngyĩ vau Ĩkalũnĩ e ũtee wa kĩthembeo kya kũvĩvĩsya ũvani na akakwata kĩtoeesya kya ũvani. Yĩla wathatĩie athembi asu, o kwa mĩtũkĩ nĩwakwatiwe nĩ ũwau wa mangũ ũthyũnĩ wake. 20Asalia Mũthembi Mũnene na athembi ala angĩ nĩmasyaisye ũthyũ wa Usia, na moona wĩ na ũwau wa mangũ. Kwoou nĩmamumaalilye mĩtũkĩ. Usia o nake nĩweekalaatile nũndũ Mwĩai Ngai nĩwamũkanĩtye.
21Kuma ĩvinda yĩu nginya kũkw'a kwake, Usia ekalile na ũwau ũsu. Ekalaa nyũmbanĩ yake yĩ ũtee e weka, nũndũ ndaĩ atonya kũlika Ĩkalũnĩ. Yothamu mwana wake nĩwe waũngamĩe maũndũ nyũmbanĩ ya kĩ-ũsumbĩ, na nĩwe watongoesye andũ ma nthĩ ĩsu.
22Maũndũ ala angĩ onthe Usia weekie yĩla wasumbĩkĩte, kuma ala ma mbee nginya ma mũthya, maandĩkĩtwe nĩ mwathani Ĩsaia mwana wa Amosu. 23#Ĩsa 6.1 Usia nĩwakwie na athikwa vala asumbĩ mathikawa, ĩndĩ nũndũ wa ũwau wake, ndaathikwa mbũanĩ ya kĩ-ũsumbĩ. Yothamu mwana wake nĩwatw'ĩkie mũsumbĩ ĩtina wake.
BIBLE SOCIETY OF KENYA © 2011