2Mav 13
13
Aviya Ayũkita na Yelovoamu
(1Asu 15.1-8)
1Mwakanĩ wa ĩkũmi na nyanya wa kũsumbĩka kwa Yelovoamu mũsumbĩ wa Ĩsilaeli, Aviya nĩwambĩlĩĩlye kũsumbĩka Yuta. 2Asumbĩkie myaka ĩtatũ e Yelũsalemu. Nyinyia wake eetawa Mikaia#13.2 Mikaia: Maandĩko ma Ndeto ya Ngai ma Ũtianĩo Mũkũũ kĩthyomonĩ kya Kĩkiliki maĩtye Maaka ĩndĩ kĩthyomonĩ kya Kĩevelania maĩtye Mikaia (Sisya 2Mav. 11.20-22 na 1Asu 15.2) mwĩĩtu wa Ũlieli wa ndũa ya Ngivea.
Aviya na Yelovoamu mekalaa mayũkita. 3Aviya aendie kũkita e vamwe na nguthu ya Asikalĩ ngili maana ana, ala maĩ ngũmbaũ, nake Yelovoamu ooka kũkita nake e na nguthu ya asikalĩ ngili maana nyanya, ala maĩ ngũmbaũ.
4Mũsumbĩ Aviya nĩwaũngamie Kĩĩmanĩ kya Nzemalaimu ĩũlũ; kĩĩma kĩu kĩ nthĩ yĩ iĩma ya Evalaimu. Nĩwaneenie asya atĩĩ, “Mbĩthukĩĩsye we Yelovoamu na andũ ma Ĩsilaeli onthe! 5Nũndũ mũtesĩ kana Mwĩai Ngai, Ngai wa Ĩsilaeli nĩwaseũvisye ũtianĩo ũtakanangĩka na Ndeviti vamwe na ana make, amanenga ũsumbĩ wa Ĩsilaeli ĩvinda yonthe yĩla yũkĩte? 6Ĩndĩ Yelovoamu mwana wa Nevati, mũthũkũmi wa Solomoni mwana wa Ndeviti nĩwamũng'endeie mũnene wake. 7Andũ amwe athe na mate kĩlĩko, nĩmoombanĩie vala ve Yelovoamu na mang'endea Leovoamu mwana wa Solomoni, yĩla Leovoamu waĩ wa mũika na ũtaĩ anamba kũmanya kumya motw'ĩo, na ndaĩ atonya kũmasiĩĩa. 8Inyw'ĩ nĩmũvangĩte kũsiĩĩa ũsumbĩ wa Mwĩai Ngai, ũla wanengie nzyawa sya Ndeviti. Mwĩ na nguthu nene mũno ya asikalĩ ma kaũ, na mwĩ na tũsaũ twa thaavu tũla Yelovoamu wamũseũvĩisye twĩthĩwe ngai syenyu. 9Inyw'ĩ nĩmwalũngilye athembi ma Mwĩai Ngai, ana ma Alũni, na Alivai, na mweenyuvĩa athembi o ũndũ andũ ma nthĩ ingĩ mekaa. Mũndũ o na wĩva ũla wũkaa e na kasalũ kana ndũũme mũonza nĩ kana avathwe ethĩwe mũthembi, nũnyuvawa akatw'ĩka mũthembi wa ngai isu syenyu sya mana.
10“Ĩndĩ ithyĩ, Mwĩai Ngai nĩwe Ngai waitũ, na tũyaamũtia. Athembi ala mathũkũmaa Mwĩai Ngai nĩ ana ma Alũni, na Alivai nĩmamatetheeasya. 11Kĩla kwakya na kĩla wĩoo nĩmathembeaa Mwĩai Ngai nthembo sya kũvĩvw'a na ũvani wĩ mũuke mũseo, nĩmaiaa mĩkate ĩthembewe Ngai mesanĩ ya thaavu mũthei, na kĩla wĩoo nĩmakwatasya taa ila syĩ kĩndũnĩ kya thaavu kya kwilĩĩla taa. Ithyĩ nĩtwĩkaa kwĩanana na ũndũ Mwĩai Ngai, Ngai waitũ weeaie, ĩndĩ inyw'ĩ nĩmũmũtiĩte. 12Ngai mwene nĩwe mũtongoi waitũ, na athembi make me vaa me na masoo, meyũmbanĩtye kũmavuva nĩ kana twambĩĩe kũkita nenyu. Inyw'ĩ ana ma Ĩsilaeli, mũikokite na Mwĩai Ngai, Ngai wa aaũmae menyu, nũndũ mũitonya kũsinda!”
13Ĩndĩ ĩvindanĩ o yĩu, Yelovoamu aĩ anatũma asikalĩ amwe make makavithũkĩe nguthu ya asikalĩ ma kaũ ma Yuta kuma ĩtina woo, namo asikalĩ ala angĩ ma Ĩsilaeli maimavithũkĩa kuma ngalĩko ya mbee. 14Yĩla asikalĩ ma Yuta masyaisye ĩtina moona kana nĩmathyũlũlũkĩtwe, nĩmeekaĩlile Mwĩai Ngai amatethye, na athembi mavuva masoo. 15Nĩvo ĩndĩ andũ ma Yuta malonzanilye na wasya mũnene wa kaũ. Yĩla andũ ma Yuta malonzanilye, Ngai nĩwatumie Yelovoamu na andũ onthe ma Ĩsilaeli masindwa nĩ Aviya na andũ ma Yuta. 16Andũ ma Ĩsilaeli nĩmasembie makĩĩte andũ ma Yuta, na Ngai atuma masindwa nĩ andũ asu ma Yuta. 17Aviya e na andũ make nĩmooaie andũ aingĩ ma Ĩsilaeli. Mooaie asikalĩ ngũmbaũ ma Ĩsilaeli ngili maana atano. 18Kwoou andũ ma Ĩsilaeli nĩmasindiwe nĩ na andũ ma Yuta, nũndũ andũ ma Yuta nĩmeekwatisye Mwĩai Ngai, Ngai wa aaũmae moo.
19Aviya nĩwasembanisye Yelovoamu na amũvena ndũa ya Mbethi-eli, Yesana na Eveloni, vamwe na motũi ala meelingĩlĩte ndũa isu. 20Yelovoamu ndaasyoka kwĩthĩwa na vinya ĩngĩ ĩvindanĩ ya Aviya. Mũminũkĩlyonĩ Mwĩai Ngai nĩwamũkũnie na akw'a.
21Ĩndĩ Aviya nĩwaendeeie kwĩthĩwa e na ũtonyi mwingĩ. Nĩwatwaie iveti ĩkũmi na inya, na aĩ na ana mĩongo ĩlĩ na elĩ, na eĩtu ĩkũmi na thanthatũ. 22Maũndũ ala angĩ onthe Aviya weekie yĩla wasumbĩkĩte; ala weekie na ala waneenie, maandĩkĩtwe ũvoonĩ wa Mwathani Ito.
Currently Selected:
2Mav 13: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
2Mav 13
13
Aviya Ayũkita na Yelovoamu
(1Asu 15.1-8)
1Mwakanĩ wa ĩkũmi na nyanya wa kũsumbĩka kwa Yelovoamu mũsumbĩ wa Ĩsilaeli, Aviya nĩwambĩlĩĩlye kũsumbĩka Yuta. 2Asumbĩkie myaka ĩtatũ e Yelũsalemu. Nyinyia wake eetawa Mikaia#13.2 Mikaia: Maandĩko ma Ndeto ya Ngai ma Ũtianĩo Mũkũũ kĩthyomonĩ kya Kĩkiliki maĩtye Maaka ĩndĩ kĩthyomonĩ kya Kĩevelania maĩtye Mikaia (Sisya 2Mav. 11.20-22 na 1Asu 15.2) mwĩĩtu wa Ũlieli wa ndũa ya Ngivea.
Aviya na Yelovoamu mekalaa mayũkita. 3Aviya aendie kũkita e vamwe na nguthu ya Asikalĩ ngili maana ana, ala maĩ ngũmbaũ, nake Yelovoamu ooka kũkita nake e na nguthu ya asikalĩ ngili maana nyanya, ala maĩ ngũmbaũ.
4Mũsumbĩ Aviya nĩwaũngamie Kĩĩmanĩ kya Nzemalaimu ĩũlũ; kĩĩma kĩu kĩ nthĩ yĩ iĩma ya Evalaimu. Nĩwaneenie asya atĩĩ, “Mbĩthukĩĩsye we Yelovoamu na andũ ma Ĩsilaeli onthe! 5Nũndũ mũtesĩ kana Mwĩai Ngai, Ngai wa Ĩsilaeli nĩwaseũvisye ũtianĩo ũtakanangĩka na Ndeviti vamwe na ana make, amanenga ũsumbĩ wa Ĩsilaeli ĩvinda yonthe yĩla yũkĩte? 6Ĩndĩ Yelovoamu mwana wa Nevati, mũthũkũmi wa Solomoni mwana wa Ndeviti nĩwamũng'endeie mũnene wake. 7Andũ amwe athe na mate kĩlĩko, nĩmoombanĩie vala ve Yelovoamu na mang'endea Leovoamu mwana wa Solomoni, yĩla Leovoamu waĩ wa mũika na ũtaĩ anamba kũmanya kumya motw'ĩo, na ndaĩ atonya kũmasiĩĩa. 8Inyw'ĩ nĩmũvangĩte kũsiĩĩa ũsumbĩ wa Mwĩai Ngai, ũla wanengie nzyawa sya Ndeviti. Mwĩ na nguthu nene mũno ya asikalĩ ma kaũ, na mwĩ na tũsaũ twa thaavu tũla Yelovoamu wamũseũvĩisye twĩthĩwe ngai syenyu. 9Inyw'ĩ nĩmwalũngilye athembi ma Mwĩai Ngai, ana ma Alũni, na Alivai, na mweenyuvĩa athembi o ũndũ andũ ma nthĩ ingĩ mekaa. Mũndũ o na wĩva ũla wũkaa e na kasalũ kana ndũũme mũonza nĩ kana avathwe ethĩwe mũthembi, nũnyuvawa akatw'ĩka mũthembi wa ngai isu syenyu sya mana.
10“Ĩndĩ ithyĩ, Mwĩai Ngai nĩwe Ngai waitũ, na tũyaamũtia. Athembi ala mathũkũmaa Mwĩai Ngai nĩ ana ma Alũni, na Alivai nĩmamatetheeasya. 11Kĩla kwakya na kĩla wĩoo nĩmathembeaa Mwĩai Ngai nthembo sya kũvĩvw'a na ũvani wĩ mũuke mũseo, nĩmaiaa mĩkate ĩthembewe Ngai mesanĩ ya thaavu mũthei, na kĩla wĩoo nĩmakwatasya taa ila syĩ kĩndũnĩ kya thaavu kya kwilĩĩla taa. Ithyĩ nĩtwĩkaa kwĩanana na ũndũ Mwĩai Ngai, Ngai waitũ weeaie, ĩndĩ inyw'ĩ nĩmũmũtiĩte. 12Ngai mwene nĩwe mũtongoi waitũ, na athembi make me vaa me na masoo, meyũmbanĩtye kũmavuva nĩ kana twambĩĩe kũkita nenyu. Inyw'ĩ ana ma Ĩsilaeli, mũikokite na Mwĩai Ngai, Ngai wa aaũmae menyu, nũndũ mũitonya kũsinda!”
13Ĩndĩ ĩvindanĩ o yĩu, Yelovoamu aĩ anatũma asikalĩ amwe make makavithũkĩe nguthu ya asikalĩ ma kaũ ma Yuta kuma ĩtina woo, namo asikalĩ ala angĩ ma Ĩsilaeli maimavithũkĩa kuma ngalĩko ya mbee. 14Yĩla asikalĩ ma Yuta masyaisye ĩtina moona kana nĩmathyũlũlũkĩtwe, nĩmeekaĩlile Mwĩai Ngai amatethye, na athembi mavuva masoo. 15Nĩvo ĩndĩ andũ ma Yuta malonzanilye na wasya mũnene wa kaũ. Yĩla andũ ma Yuta malonzanilye, Ngai nĩwatumie Yelovoamu na andũ onthe ma Ĩsilaeli masindwa nĩ Aviya na andũ ma Yuta. 16Andũ ma Ĩsilaeli nĩmasembie makĩĩte andũ ma Yuta, na Ngai atuma masindwa nĩ andũ asu ma Yuta. 17Aviya e na andũ make nĩmooaie andũ aingĩ ma Ĩsilaeli. Mooaie asikalĩ ngũmbaũ ma Ĩsilaeli ngili maana atano. 18Kwoou andũ ma Ĩsilaeli nĩmasindiwe nĩ na andũ ma Yuta, nũndũ andũ ma Yuta nĩmeekwatisye Mwĩai Ngai, Ngai wa aaũmae moo.
19Aviya nĩwasembanisye Yelovoamu na amũvena ndũa ya Mbethi-eli, Yesana na Eveloni, vamwe na motũi ala meelingĩlĩte ndũa isu. 20Yelovoamu ndaasyoka kwĩthĩwa na vinya ĩngĩ ĩvindanĩ ya Aviya. Mũminũkĩlyonĩ Mwĩai Ngai nĩwamũkũnie na akw'a.
21Ĩndĩ Aviya nĩwaendeeie kwĩthĩwa e na ũtonyi mwingĩ. Nĩwatwaie iveti ĩkũmi na inya, na aĩ na ana mĩongo ĩlĩ na elĩ, na eĩtu ĩkũmi na thanthatũ. 22Maũndũ ala angĩ onthe Aviya weekie yĩla wasumbĩkĩte; ala weekie na ala waneenie, maandĩkĩtwe ũvoonĩ wa Mwathani Ito.
BIBLE SOCIETY OF KENYA © 2011