2Mav 12
12
Mũsumbĩ Sisaki wa Misili Aivithũkĩa Yuta
(1Asu 14.25-28)
1Ĩtina wa ũsumbĩ wa Leovoamu kwĩthĩwa wĩ mũlũmu na wĩ na vinya, we e na andũ onthe ma Ĩsilaeli nĩmaekie kũatĩĩa Mĩao ya Mwĩai Ngai. 2Nũndũ wa kũlea kwĩw'a Mwĩai Ngai, Sisaki mũsumbĩ wa Misili nĩwavithũkĩie Yelũsalemu mwakanĩ wa katano wa kũsumbĩka kwa Leovoamu. 3Ookie e na makasya ma kaũ ngili ĩmwe na maana elĩ, na asikalĩ ngili mĩongo thanthatũ ma kũlĩsa mbalasinĩ. O ta ũu nĩwookie kuma Misili e na asikalĩ angĩ matatalĩka: Alimbya, Asukii na Aethiovia. 4Nĩwakwatie ndũa mbiĩĩe sya Yuta na ooka nginya Yelũsalemu.
5Mwathani Semaia nĩwaendie vala ve Mũsumbĩ Leovoamu na atongoi ma Yuta, ala moombanĩte Yelũsalemu makĩĩte Sisaki, na amea atĩĩ, “Ũũ nĩw'o Mwĩai Ngai ũkwasya, ‘Inyw'ĩ nĩmũndiĩte, kwoou nakwa nĩnĩmũtiĩte na kũmũeka mũthĩnw'e nĩ Sisaki.’ ”
6Nĩvo ĩndĩ atongoi asu ma Ĩsilaeli vamwe na mũsumbĩ meenyivisye na masya atĩĩ, “Mwĩai Ngai nĩ mũlũngalu.”
7Yĩla Mwĩai Ngai woonie kana nĩmenyivĩtye, nĩwaneenie na Semaia ĩngĩ amwĩa atĩĩ, “Nũndũ nĩmenyivĩtye ndimamina vyũ, ĩndĩ nĩngũmavonokya mĩtũkĩ. Ndiĩtĩkĩla Sisaki amamine. Ndionosya ũthatu wakwa ĩũlũ wa Yelũsalemu kwĩsĩla vala ve Sisaki. 8Ĩndĩ nĩmeũtw'ĩka athũkũmi ma Sisaki, nĩ kana mamanye kĩvathũkany'o katĩ wa kũnthũkũma na kũthũkũma asumbĩ ma nthĩ.”
9 #
1Asu 10.16-17; 2Mav 9.15-16 Kwoou Sisaki mũsumbĩ wa Misili nĩwavithũkĩie Yelũsalemu. Nĩwakuie ũthwii w'onthe ũla waĩ Ĩkalũnĩ na ũla waĩ nyũmbanĩ ya kĩ-ũsumbĩ. Akuie kĩla kĩndũ, vamwe na ngao sya thaavu ila Solomoni waseũvĩtye. 10Kwoou Mũsumbĩ Leovoamu nĩwaseũvisye ngao sya mbulonzi vandũ va isu sya thaavu, na aia ngao isu ũsũvĩonĩ wa anene ma asikalĩ, ala masungaa mĩvĩa ya kũlika nyũmbanĩ ya kĩ-ũsumbĩ. 11Kĩla ĩvinda mũsumbĩ aithi Ĩkalũnĩ, asikalĩ asu nĩmeethĩawa makuĩte ngao isu, na ĩtina wa ũu nĩmaitũngaa kasũmbanĩ ka asikalĩ ma kũsunga. 12Nũndũ Mũsumbĩ Leovoamu nĩweenyivisye, Mwĩai Ngai nĩwaekie kũmũthatĩa, na ndaamũmina vyũ. Ũu wĩ o vo, maũndũ ma nthĩ ya Yuta nĩmaendeeie nesa.
Ũelesyo Mũkuvĩ ĩũlũ wa Ũsumbĩ wa Leovoamu
13Mũsumbĩ Leovoamu nĩwaendeeie kwĩthĩwa e mũlũmu e Yelũsalemu, na aendeea kũsumbĩka. Leovoamu aĩ na ũkũũ wa myaka mĩongo ĩna na ũmwe yĩla wambĩĩie kũsumbĩka. Nĩwasumbĩkie myaka ĩkũmi na mũonza e Yelũsalemu, ndũa ĩla Mwĩai Ngai wanyuvĩte mbaĩnĩ syonthe sya Ĩsilaeli nĩ kana athaithĩawe vo. Nyinyia wa Leovoamu eetawa Naama, ũla waĩ Mũamimoni. 14Leovoamu nĩwavĩtĩisye Mwĩai Ngai, nũndũ ndaaĩyumya kwĩka kwenda kwa Mwĩai Ngai.
15Maũndũ ala Leovoamu weekie yĩla wasumbĩkĩte, kuma ma mbee nginya ma mũthya, nĩmaandĩkĩtwe Mavukunĩ ma Maũndũ ma Mavinda ma Mwathani Semaia, na ma Ito, ũla woonaa maũndũ. Kweethĩawa kaũ ũtathelaa katĩ wa Leovoamu na Yelovoamu. 16Leovoamu nĩwakwie na athikwa Ndũanĩ ya Ndeviti, na Aviya mwana wake atw'ĩka mũsumbĩ ĩtina wake.
Currently Selected:
2Mav 12: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
2Mav 12
12
Mũsumbĩ Sisaki wa Misili Aivithũkĩa Yuta
(1Asu 14.25-28)
1Ĩtina wa ũsumbĩ wa Leovoamu kwĩthĩwa wĩ mũlũmu na wĩ na vinya, we e na andũ onthe ma Ĩsilaeli nĩmaekie kũatĩĩa Mĩao ya Mwĩai Ngai. 2Nũndũ wa kũlea kwĩw'a Mwĩai Ngai, Sisaki mũsumbĩ wa Misili nĩwavithũkĩie Yelũsalemu mwakanĩ wa katano wa kũsumbĩka kwa Leovoamu. 3Ookie e na makasya ma kaũ ngili ĩmwe na maana elĩ, na asikalĩ ngili mĩongo thanthatũ ma kũlĩsa mbalasinĩ. O ta ũu nĩwookie kuma Misili e na asikalĩ angĩ matatalĩka: Alimbya, Asukii na Aethiovia. 4Nĩwakwatie ndũa mbiĩĩe sya Yuta na ooka nginya Yelũsalemu.
5Mwathani Semaia nĩwaendie vala ve Mũsumbĩ Leovoamu na atongoi ma Yuta, ala moombanĩte Yelũsalemu makĩĩte Sisaki, na amea atĩĩ, “Ũũ nĩw'o Mwĩai Ngai ũkwasya, ‘Inyw'ĩ nĩmũndiĩte, kwoou nakwa nĩnĩmũtiĩte na kũmũeka mũthĩnw'e nĩ Sisaki.’ ”
6Nĩvo ĩndĩ atongoi asu ma Ĩsilaeli vamwe na mũsumbĩ meenyivisye na masya atĩĩ, “Mwĩai Ngai nĩ mũlũngalu.”
7Yĩla Mwĩai Ngai woonie kana nĩmenyivĩtye, nĩwaneenie na Semaia ĩngĩ amwĩa atĩĩ, “Nũndũ nĩmenyivĩtye ndimamina vyũ, ĩndĩ nĩngũmavonokya mĩtũkĩ. Ndiĩtĩkĩla Sisaki amamine. Ndionosya ũthatu wakwa ĩũlũ wa Yelũsalemu kwĩsĩla vala ve Sisaki. 8Ĩndĩ nĩmeũtw'ĩka athũkũmi ma Sisaki, nĩ kana mamanye kĩvathũkany'o katĩ wa kũnthũkũma na kũthũkũma asumbĩ ma nthĩ.”
9 #
1Asu 10.16-17; 2Mav 9.15-16 Kwoou Sisaki mũsumbĩ wa Misili nĩwavithũkĩie Yelũsalemu. Nĩwakuie ũthwii w'onthe ũla waĩ Ĩkalũnĩ na ũla waĩ nyũmbanĩ ya kĩ-ũsumbĩ. Akuie kĩla kĩndũ, vamwe na ngao sya thaavu ila Solomoni waseũvĩtye. 10Kwoou Mũsumbĩ Leovoamu nĩwaseũvisye ngao sya mbulonzi vandũ va isu sya thaavu, na aia ngao isu ũsũvĩonĩ wa anene ma asikalĩ, ala masungaa mĩvĩa ya kũlika nyũmbanĩ ya kĩ-ũsumbĩ. 11Kĩla ĩvinda mũsumbĩ aithi Ĩkalũnĩ, asikalĩ asu nĩmeethĩawa makuĩte ngao isu, na ĩtina wa ũu nĩmaitũngaa kasũmbanĩ ka asikalĩ ma kũsunga. 12Nũndũ Mũsumbĩ Leovoamu nĩweenyivisye, Mwĩai Ngai nĩwaekie kũmũthatĩa, na ndaamũmina vyũ. Ũu wĩ o vo, maũndũ ma nthĩ ya Yuta nĩmaendeeie nesa.
Ũelesyo Mũkuvĩ ĩũlũ wa Ũsumbĩ wa Leovoamu
13Mũsumbĩ Leovoamu nĩwaendeeie kwĩthĩwa e mũlũmu e Yelũsalemu, na aendeea kũsumbĩka. Leovoamu aĩ na ũkũũ wa myaka mĩongo ĩna na ũmwe yĩla wambĩĩie kũsumbĩka. Nĩwasumbĩkie myaka ĩkũmi na mũonza e Yelũsalemu, ndũa ĩla Mwĩai Ngai wanyuvĩte mbaĩnĩ syonthe sya Ĩsilaeli nĩ kana athaithĩawe vo. Nyinyia wa Leovoamu eetawa Naama, ũla waĩ Mũamimoni. 14Leovoamu nĩwavĩtĩisye Mwĩai Ngai, nũndũ ndaaĩyumya kwĩka kwenda kwa Mwĩai Ngai.
15Maũndũ ala Leovoamu weekie yĩla wasumbĩkĩte, kuma ma mbee nginya ma mũthya, nĩmaandĩkĩtwe Mavukunĩ ma Maũndũ ma Mavinda ma Mwathani Semaia, na ma Ito, ũla woonaa maũndũ. Kweethĩawa kaũ ũtathelaa katĩ wa Leovoamu na Yelovoamu. 16Leovoamu nĩwakwie na athikwa Ndũanĩ ya Ndeviti, na Aviya mwana wake atw'ĩka mũsumbĩ ĩtina wake.
BIBLE SOCIETY OF KENYA © 2011