1Mav 25
25
Aini ma Ĩkalũnĩ
1Mũsumbĩ Ndeviti vamwe na atongoi ma Alivai nĩmanyuvie mĩsyĩ ĩmwe ya Alivai matongoeasye ũthaithi. Manyuvie mĩsyĩ ya Asavu, Emani na Yetuthuni. Andũ ma mĩsyĩ ĩsu manengiwe wĩa wa kũtavany'a ũvoo wa Ngai kwa nzĩa ya kwina makũnĩte ngitaa nini, ngitaa nene na tũmasaya. Ũũ nĩw'o ũatĩanĩo wa masyĩtwa ma andũ ala matethasya wĩa ũsu:
2Ana ma Asavu me ana: Nzakuli, Yosevu, Nethania, na Asalela. Matongoew'e nĩ Asavu ĩthe woo, ũla watavanasya ũvoo wa Ngai yĩla mũsumbĩ wamwĩaĩa atavany'e.
3Ana thanthatũ ma Yetuthuni: Ngetalia, Nzeli, Yesaia, Simei, Asavia na Matithia. Matongoew'e nĩ Yetuthuni ĩthe woo, na nĩmatavanasya ũvoo wa Ngai kwa nzĩa ya kwina makũnĩte ngitaa nini. Mainaa mbathi sya kũtaĩa na kũtũngĩa Mwĩai Ngai mũvea.
4Ana ĩkũmi na ana ma Emani: Mbukia, Matania, Usieli, Sevueli, Yelimothi, Anania, Anani, Eliatha, Ngitaliti, Lomamiti-eseli, Yosivekasa, Malilothi, Othili, na Maasiothi. 5Asu onthe maĩ ana ma Emani ũla waĩ mwathani wa mũsumbĩ. Ngai anengie Emani ana asu ĩkũmi na ana, na eĩtu atatũ o tondũ wathanĩte kana akatuma Emani anengwa ndaĩa. 6Ana asu onthe nĩmakũnaa tũmasaya, ngitaa nene na ngitaa nini yĩla ũthaithi ũendee Ĩkalũnĩ, matongoew'e nĩ ĩthe woo. Asavu, Yetuthuni na Emani maatĩĩaa mwĩao wa mũsumbĩ.
7Aũme asu onthe mĩongo ĩlĩ na ana nĩmeesĩ kwina mũno; Alivai ala angĩ o namo maĩ amanyĩsye kwina. Onthe maĩ aũme maana elĩ na mĩongo nyanya na nyanya.
8Nĩmakũnaa kula nĩ kana mamanye mawĩa ala maĩlĩte kũtethya; ala akũũ na ala ma mũika, ala mesĩ kwina mũno, o na ala manambĩĩie kwina mĩtũkĩ, onthe nĩmakũnaa kula.
9Kula ya mbee, ĩla yaĩ ya Asavu, yavalũkĩle Yosevu, ana make na ana-a-ĩthe make; onthe maĩ andũ ĩkũmi na elĩ.#25.9 ana make na ana-a-ĩthe make; onthe maĩ andũ ĩkũmi na elĩ: Ndeto ii syĩ Maandĩkonĩ Matheu ma kĩthyomo kya Kĩkiliki, ĩndĩ iivo Maandĩkonĩ ma kĩthyomo kya Kĩevelania.
Kula ya kelĩ yavalũkĩle Ngetalia, ana-a-ĩthe make na ana make; onthe maĩ andũ ĩkũmi na elĩ.
10Kula ya katatũ yavalũkĩle Nzakuli, ana make na ana-a-ĩthe make; onthe maĩ andũ ĩkũmi na elĩ.
11Kula ya kana yavalũkĩle Isili,#25.11 Isili: Ĩsyĩtwa yĩĩ no yo Nzeli ana make, na ana-a-ĩthe make; onthe maĩ andũ ĩkũmi na elĩ.
12Kula ya katano yavalũkĩle Nethania, ana make na ana-a-ĩthe make; onthe maĩ andũ ĩkũmi na elĩ.
13Kula ya thanthatũ yavalũkĩle Mbukia, ana make na ana-a-ĩthe make; onthe maĩ andũ ĩkũmi na elĩ.
14Kula ya mũonza yavalũkĩle Yesalela,#25.14 Yesalela: Ĩsyĩtwa yĩĩ noyo Asalela ana make na ana-a-ĩthe make; onthe maĩ andũ ĩkũmi na elĩ.
15Kula ya nyanya yavalũkĩle Yesaia, ana make na ana-a-ĩthe make; onthe maĩ andũ ĩkũmi na elĩ.
16Kula ya kenda yavalũkĩle Matania, ana make na ana-a-ĩthe make; onthe maĩ andũ ĩkũmi na elĩ.
17Kula ya ĩkũmi yavalũkĩle Simei, ana make na ana-a-ĩthe make; onthe maĩ andũ ĩkũmi na elĩ.
18Kula ya ĩkũmi na ĩmwe yavalũkĩle Asaleli,#25.18 Asaleli: Ĩsyĩtwa yĩĩ no yo Usieli ana make na ana-a-ĩthe make; onthe maĩ andũ ĩkũmi na elĩ.
19Kula ya ĩkũmi na ilĩ yavalũkĩle Asavia, ana make na ana-a-ĩthe make; onthe maĩ andũ ĩkũmi na elĩ.
20Kula ya ĩkũmi na itatũ yavalũkĩle Suvaeli, ana make na ana-a-ĩthe make; onthe maĩ andũ ĩkũmi na elĩ.
21Kula ya ĩkũmi na inya yavalũkĩle Matithia, ana make na ana-a-ĩthe make; onthe maĩ andũ ĩkũmi na elĩ.
22Kula ya ĩkũmi na itano yavalũkĩle Yelemothi, ana make na ana ana-a-ĩthe make; onthe maĩ andũ ĩkũmi na elĩ.
23Kula ya ĩkũmi na thanthatũ yavalũkĩle Aanania, ana make na ana-a-ĩthe make; onthe maĩ andũ ĩkũmi na elĩ.
24Kula ya ĩkũmi na mũonza yavalũkĩle Yosivekasa, ana make na ana-a-ĩthe make; onthe maĩ andũ ĩkũmi na elĩ.
25Kula ya ĩkũmi na nyanya yavalũkĩle Aanani, ana make na ana-a-ĩthe make; onthe maĩ andũ ĩkũmi na elĩ.
26Kula ya ĩkũmi na kenda yavalũkĩle Malothi, ana make na ana-a-ĩthe make; onthe maĩ andũ ĩkũmi na elĩ.
27Kula ya mĩongo ĩlĩ yavalũkĩle Eliatha, ana make na ana-a-ĩthe make; onthe maĩ andũ ĩkũmi na elĩ.
28Kula ya mĩongo ĩlĩ na ĩmwe yavalũkĩle Othuli, ana make na ana-a-ĩthe make; onthe maĩ andũ ĩkũmi na elĩ.
29Kula ya mĩongo ĩlĩ na yavalũkĩle Ngitaliti, ana make na ana-a-ĩthe make; onthe maĩ andũ ĩkũmi na elĩ.
30Kula ya mĩongo ĩlĩ na itatũ yavalũkĩle Maasiothi, ana make na ana-a-ĩthe make; onthe maĩ andũ ĩkũmi na elĩ.
31Kula ya mĩongo ĩlĩ na inya yavalũkĩle Lomamiti-eseli, ana make na ana-a-ĩthe make; onthe maĩ andũ ĩkũmi na elĩ.
Currently Selected:
1Mav 25: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
