Alo 13
13
Kũmew'a Atongoi ma Nthĩ
1Kĩla mũndũ aĩlĩte kwĩthĩwa e mwĩwi kwa ala me na ũkũmũ nthĩnĩ wa silikalĩ. Nũndũ ũkũmũ w'onthe wumaa kwa Ngai, na ala me na ũkũmũ methĩawa manengetwe nĩ Ngai. 2Kwoou ũla ũleanaa na ũkũmũ wa atongoi, ethĩawa aileana na kĩla Ngai ũtw'ĩte, na ala mekaa ũu makasilĩlwa. 3Nĩkwĩthĩwa atongoi maitelemasya andũ ala mekaa ũla waĩlu, ĩndĩ nĩ ala mekaa ũla ũthũku. Kwoou nũkwenda wĩkale ũteũkĩa mũndũ ũla wĩ na ũkũmũ? Ĩka ũla waĩlu, nake akakũkathĩĩa. 4Nũndũ nĩ mũthũkũmi wa Ngai wĩ vo nĩ kana akũtethye. Ĩndĩ weeka ũla ũthũku, kwatwa nĩ w'ĩa, nũndũ ndakuaa ũvyũ wa mana; nĩ mũthũkũmi wa Ngai wa kwonany'a ũthatu wa Ngai kwa kũsilĩla ala meeka naĩ. 5Kwondũ wa ũu no nginya mwĩthĩwe mwĩ ewi kwa atongoi ma silikalĩ, ti kwondũ wa kwĩvetana na ũthatu wa Ngai kwĩ kw'oka, ĩndĩ o ta ũu nũndũ wasya wa ngoo wĩkwĩa oou.
6 #
Mat 22.21; Mk 12.17; Lk 20.25 Kĩu nokyo kĩtumi mũĩvaa koti, nĩkwĩthĩwa atongoi nĩ athũkũmi ma Ngai manenganĩte ĩvinda yoo yonthe ũndũnĩ ũsu. 7Kwoou ĩndĩ nengai kĩla ũmwe woo kĩla kĩmwaĩlĩte: Ethĩwa nĩ koti, mũĩvei koti; ethĩwa nĩ mũvothi, mumĩsyei mũvothi; ethĩwa nĩ kĩkĩo, mwony'ei kĩkĩo; ethĩwa nĩ ndaĩa, mũnengei ndaĩa.
Ũndũ Andũ Maĩlĩte Kwĩkalany'a
8Mũikethĩwe mwĩ na thiĩ na mũndũ o na wĩva; thiĩ ũla mwaĩlĩte kwĩthĩwa naw'o no wa kwendana. Nũndũ mũndũ ũla wendaa mũndũ ũla ũngĩ ethĩawa eanĩsya mĩao. 9#Kuma 20.13-15,17; Kũt 5.17-19,21; Ali 19.18 Mĩao ĩno: “Ndũkalaalae, ndũkoae mũndũ, ndũkoye, ndũkew'ĩe syĩndũ syeene ĩtomo,” na mĩao ĩla ĩngĩ yonthe ĩtũngĩanĩĩtwe mwĩaonĩ ũũ: “Mwende mũtũi waku o tondũ wĩyendete we mwene.” 10Ũla ũmwendaa mũtũi wake, ndamwĩkaa ũndũ mũthũku. Kwoou wendo nĩ wĩanĩĩsyo wa mĩao.
11Ĩũlũ wa ũu, inyw'ĩ nĩmwĩsĩ twĩ ĩvinda yĩva. Saa nĩ mũviku wenyu mũamũke kuma toonĩ, nũndũ yu ũtangĩĩo witũ wĩ vakuvĩ kũte ĩvinda yĩla twambĩĩie kũĩkĩĩa. 12Ũtukũ ũendee na kũthela na mũthenya ũkilĩlye kwambĩĩa. Tũekanei na maũndũ ma kĩvindu na tũyosa mĩio ya kaũ ya kyeni. 13Nĩtwĩthĩwe na mũendele mũseo o tondũ andũ mekalaa kwĩ mũthenya. Mũikathi mbokanĩ ite mbaĩlu kana kũlika ũthenginĩ, kana kwĩthĩwa na mĩmeo mĩthũku kana kũtw'ĩka ilaalai. Mũikatw'ĩke andũ ma ĩteta kana kĩwĩu. 14Vandũ va ũu, ĩvw'ĩkei Mwĩai Yesũ Klĩsto, na mũyĩeka kũsũanĩa ĩũlũ wa ũndũ mũkwĩanĩsya mawendi ma mwĩĩ.
Currently Selected:
Alo 13: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Alo 13
13
Kũmew'a Atongoi ma Nthĩ
1Kĩla mũndũ aĩlĩte kwĩthĩwa e mwĩwi kwa ala me na ũkũmũ nthĩnĩ wa silikalĩ. Nũndũ ũkũmũ w'onthe wumaa kwa Ngai, na ala me na ũkũmũ methĩawa manengetwe nĩ Ngai. 2Kwoou ũla ũleanaa na ũkũmũ wa atongoi, ethĩawa aileana na kĩla Ngai ũtw'ĩte, na ala mekaa ũu makasilĩlwa. 3Nĩkwĩthĩwa atongoi maitelemasya andũ ala mekaa ũla waĩlu, ĩndĩ nĩ ala mekaa ũla ũthũku. Kwoou nũkwenda wĩkale ũteũkĩa mũndũ ũla wĩ na ũkũmũ? Ĩka ũla waĩlu, nake akakũkathĩĩa. 4Nũndũ nĩ mũthũkũmi wa Ngai wĩ vo nĩ kana akũtethye. Ĩndĩ weeka ũla ũthũku, kwatwa nĩ w'ĩa, nũndũ ndakuaa ũvyũ wa mana; nĩ mũthũkũmi wa Ngai wa kwonany'a ũthatu wa Ngai kwa kũsilĩla ala meeka naĩ. 5Kwondũ wa ũu no nginya mwĩthĩwe mwĩ ewi kwa atongoi ma silikalĩ, ti kwondũ wa kwĩvetana na ũthatu wa Ngai kwĩ kw'oka, ĩndĩ o ta ũu nũndũ wasya wa ngoo wĩkwĩa oou.
6 #
Mat 22.21; Mk 12.17; Lk 20.25 Kĩu nokyo kĩtumi mũĩvaa koti, nĩkwĩthĩwa atongoi nĩ athũkũmi ma Ngai manenganĩte ĩvinda yoo yonthe ũndũnĩ ũsu. 7Kwoou ĩndĩ nengai kĩla ũmwe woo kĩla kĩmwaĩlĩte: Ethĩwa nĩ koti, mũĩvei koti; ethĩwa nĩ mũvothi, mumĩsyei mũvothi; ethĩwa nĩ kĩkĩo, mwony'ei kĩkĩo; ethĩwa nĩ ndaĩa, mũnengei ndaĩa.
Ũndũ Andũ Maĩlĩte Kwĩkalany'a
8Mũikethĩwe mwĩ na thiĩ na mũndũ o na wĩva; thiĩ ũla mwaĩlĩte kwĩthĩwa naw'o no wa kwendana. Nũndũ mũndũ ũla wendaa mũndũ ũla ũngĩ ethĩawa eanĩsya mĩao. 9#Kuma 20.13-15,17; Kũt 5.17-19,21; Ali 19.18 Mĩao ĩno: “Ndũkalaalae, ndũkoae mũndũ, ndũkoye, ndũkew'ĩe syĩndũ syeene ĩtomo,” na mĩao ĩla ĩngĩ yonthe ĩtũngĩanĩĩtwe mwĩaonĩ ũũ: “Mwende mũtũi waku o tondũ wĩyendete we mwene.” 10Ũla ũmwendaa mũtũi wake, ndamwĩkaa ũndũ mũthũku. Kwoou wendo nĩ wĩanĩĩsyo wa mĩao.
11Ĩũlũ wa ũu, inyw'ĩ nĩmwĩsĩ twĩ ĩvinda yĩva. Saa nĩ mũviku wenyu mũamũke kuma toonĩ, nũndũ yu ũtangĩĩo witũ wĩ vakuvĩ kũte ĩvinda yĩla twambĩĩie kũĩkĩĩa. 12Ũtukũ ũendee na kũthela na mũthenya ũkilĩlye kwambĩĩa. Tũekanei na maũndũ ma kĩvindu na tũyosa mĩio ya kaũ ya kyeni. 13Nĩtwĩthĩwe na mũendele mũseo o tondũ andũ mekalaa kwĩ mũthenya. Mũikathi mbokanĩ ite mbaĩlu kana kũlika ũthenginĩ, kana kwĩthĩwa na mĩmeo mĩthũku kana kũtw'ĩka ilaalai. Mũikatw'ĩke andũ ma ĩteta kana kĩwĩu. 14Vandũ va ũu, ĩvw'ĩkei Mwĩai Yesũ Klĩsto, na mũyĩeka kũsũanĩa ĩũlũ wa ũndũ mũkwĩanĩsya mawendi ma mwĩĩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011