Alo 12
12
Kwĩthĩwa Thayũ nĩ kana Tũmũthũkũme Ngai
1Nĩngũmwĩsũva ĩndĩ mbaitũ, nũndũ wa tei mwingĩ ũla Ngai ũtwonetye, mwĩyumye inyw'ĩ ene ta nthembo yĩ thayũ, ntheu na ya kũmwendeesya Ngai. Ĩsu nĩyo nzĩa ĩla mbaĩlu yenyu ya kũmũthaitha Ngai. 2Mũikaatĩĩe mĩkalĩle ya andũ ma nthĩ ĩno, ĩndĩ ĩtĩkĩlyai Ngai amũalyũle ngoonĩ kwa kũmũtũnga eũ ilĩkonĩ syenyu. Nĩvo ĩndĩ mwĩĩthĩwa mũtonya kũmanya kĩla Ngai ũkwenda, nakyo nĩ kĩla kĩseo, kĩmwendeeasya na kyaĩlu.
3Kumana na mumo ũla Ngai ũnengete nĩngũmũtavya inyw'onthe: Mũikatate kwĩyosa ta mwĩ anene kũthonoka ũndũ mwaĩlĩte kwĩthĩwa mwĩana. Mosũanĩo menyu methĩwe meanĩe, na kĩla ũmwe wenyu akĩtw'ĩĩa kwĩanana na kĩthimo kya mũĩkĩĩo kĩla Ngai ũmũnengete. 4#1Ako 12.12 Nĩkwĩthĩwa o tondũ nthĩnĩ wa mwĩĩ ũmwe vethĩawa mamutha maingĩ, na kĩla yĩmwe yĩthĩawa na wĩa wĩ kĩvathũkany'o na yĩla yĩngĩ, 5o ta ũu naitũ o na kau twĩ aingĩ, twĩ mwĩĩ ũmwe nthĩnĩ wa Klĩsto, na kĩla ũmwe nĩ ĩmutha ya ũla ũngĩ. 6#1Ako 12.4-11 Twĩ na mĩthĩnzĩo yĩ kĩvathũkany'o kwĩanana na mumo ũla Ngai ũtũnengete. Ethĩwa mũndũ anengetwe mũthĩnzĩo wa kwathana, nĩ aũtũmĩe kwĩanana na ũndũ mũĩkĩĩo wake wĩana. 7Ethĩwa nĩ wa ũthũkũmi, nĩ enengane ũthũkũminĩ wake; ethĩwa nĩ wa kũmanyĩsya, nĩ amanyĩsye; 8ethĩwa nĩ wa kũthangaasya andũ ala angĩ, nĩ amathangaasye; ethĩwa nĩ wa kũnengane motethyo, nĩ anengane kwa ũlau; ethĩwa nĩ wa ũtongoi, nĩ atongosye nesa; ethĩwa nĩ wa kwĩw'ĩa andũ ala angĩ tei, nĩ amew'ĩe tei e na ũtanu.
9Wendo wenyu nĩwĩthĩwe wĩ wa w'o. Menai ũndũ w'onthe mũthũku, na mũilũmya ũla ũseo. 10Endanaai na wendo ta wa andũ masyaanĩw'e, na kĩla ũmwe ainenga ũla ũngĩ ndaĩa ĩla nene. 11Mũikaaleele kĩthitonĩ kyenyu, ĩndĩ ĩthĩwai mwĩ athangaau vevanĩ mũimũthũkũma Mwĩai. 12Wĩkwatyo wenyu nũmũtanasye; ĩthĩwai na wũmĩĩsyo yĩla mwĩ mathĩnanĩ, na voyaai kĩla ĩvinda. 13Tethasyai aĩkĩĩi ala angĩ mavatanĩ moo, na mũithokasya aeni na ũlau.
14 #
Mat 5.44; Lk 6.28 Athimaai ala mamũthĩnasya; ĩĩ, maathimaei na mũikamaumanĩe. 15Tanai vamwe na ala meũtana; ĩai na ala mekũĩa. 16#Nth 3.7 Ĩkalai mwĩ na mwĩw'ano katĩ wenyu; mũikethĩwe na mĩtũlyo, ĩndĩ tumai ndũũ na andũ ala mavũthaw'a.#12.16 tumai ndũũ na andũ ala mavũthaw'a: Kana tethyai mawĩa ala mavũthaw'a Mũikeyose ta mwĩ oĩ mũno.
17Mũikaĩvanĩsye ũthũku kwa ũthũku, ĩndĩ tatai kwĩka kĩla andũ onthe monaa kĩ kĩseo. 18Ethĩwa nĩkũtonyeka ngalĩkonĩ ĩla yenyu, ĩkalai na mũuo na andũ onthe. 19#Kũt 32.35 Mũikaaĩyĩĩvanĩsye endwa makwa, ekai Ngai aĩvanĩsye. Nĩkwĩthĩwa Maandĩkonĩ Matheu Mwĩai nũneenete akasya: “Ũĩvanĩsyo nĩ wakwa; ninyie ngaĩvanĩsya.” 20#Nth 25.21-22 Vandũ va kwĩyĩĩvanĩsya ĩkai ũndũ Maandĩko Matheu mekwasya: “Ethĩwa mũmaitha waku e na nzaa, mũathĩsye. Na ethĩwa e na waũni, mwĩkĩe kĩw'ũ anyw'e. Weeka ũu ũkatuma akwatwa nĩ nthoni mbingĩ.” 21Mũiketĩkĩle mũkĩlw'e vinya nĩ ũthũku, ĩndĩ kĩlyai ũthũku vinya kwa kwĩka ũla ũseo.
Currently Selected:
Alo 12: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Alo 12
12
Kwĩthĩwa Thayũ nĩ kana Tũmũthũkũme Ngai
1Nĩngũmwĩsũva ĩndĩ mbaitũ, nũndũ wa tei mwingĩ ũla Ngai ũtwonetye, mwĩyumye inyw'ĩ ene ta nthembo yĩ thayũ, ntheu na ya kũmwendeesya Ngai. Ĩsu nĩyo nzĩa ĩla mbaĩlu yenyu ya kũmũthaitha Ngai. 2Mũikaatĩĩe mĩkalĩle ya andũ ma nthĩ ĩno, ĩndĩ ĩtĩkĩlyai Ngai amũalyũle ngoonĩ kwa kũmũtũnga eũ ilĩkonĩ syenyu. Nĩvo ĩndĩ mwĩĩthĩwa mũtonya kũmanya kĩla Ngai ũkwenda, nakyo nĩ kĩla kĩseo, kĩmwendeeasya na kyaĩlu.
3Kumana na mumo ũla Ngai ũnengete nĩngũmũtavya inyw'onthe: Mũikatate kwĩyosa ta mwĩ anene kũthonoka ũndũ mwaĩlĩte kwĩthĩwa mwĩana. Mosũanĩo menyu methĩwe meanĩe, na kĩla ũmwe wenyu akĩtw'ĩĩa kwĩanana na kĩthimo kya mũĩkĩĩo kĩla Ngai ũmũnengete. 4#1Ako 12.12 Nĩkwĩthĩwa o tondũ nthĩnĩ wa mwĩĩ ũmwe vethĩawa mamutha maingĩ, na kĩla yĩmwe yĩthĩawa na wĩa wĩ kĩvathũkany'o na yĩla yĩngĩ, 5o ta ũu naitũ o na kau twĩ aingĩ, twĩ mwĩĩ ũmwe nthĩnĩ wa Klĩsto, na kĩla ũmwe nĩ ĩmutha ya ũla ũngĩ. 6#1Ako 12.4-11 Twĩ na mĩthĩnzĩo yĩ kĩvathũkany'o kwĩanana na mumo ũla Ngai ũtũnengete. Ethĩwa mũndũ anengetwe mũthĩnzĩo wa kwathana, nĩ aũtũmĩe kwĩanana na ũndũ mũĩkĩĩo wake wĩana. 7Ethĩwa nĩ wa ũthũkũmi, nĩ enengane ũthũkũminĩ wake; ethĩwa nĩ wa kũmanyĩsya, nĩ amanyĩsye; 8ethĩwa nĩ wa kũthangaasya andũ ala angĩ, nĩ amathangaasye; ethĩwa nĩ wa kũnengane motethyo, nĩ anengane kwa ũlau; ethĩwa nĩ wa ũtongoi, nĩ atongosye nesa; ethĩwa nĩ wa kwĩw'ĩa andũ ala angĩ tei, nĩ amew'ĩe tei e na ũtanu.
9Wendo wenyu nĩwĩthĩwe wĩ wa w'o. Menai ũndũ w'onthe mũthũku, na mũilũmya ũla ũseo. 10Endanaai na wendo ta wa andũ masyaanĩw'e, na kĩla ũmwe ainenga ũla ũngĩ ndaĩa ĩla nene. 11Mũikaaleele kĩthitonĩ kyenyu, ĩndĩ ĩthĩwai mwĩ athangaau vevanĩ mũimũthũkũma Mwĩai. 12Wĩkwatyo wenyu nũmũtanasye; ĩthĩwai na wũmĩĩsyo yĩla mwĩ mathĩnanĩ, na voyaai kĩla ĩvinda. 13Tethasyai aĩkĩĩi ala angĩ mavatanĩ moo, na mũithokasya aeni na ũlau.
14 #
Mat 5.44; Lk 6.28 Athimaai ala mamũthĩnasya; ĩĩ, maathimaei na mũikamaumanĩe. 15Tanai vamwe na ala meũtana; ĩai na ala mekũĩa. 16#Nth 3.7 Ĩkalai mwĩ na mwĩw'ano katĩ wenyu; mũikethĩwe na mĩtũlyo, ĩndĩ tumai ndũũ na andũ ala mavũthaw'a.#12.16 tumai ndũũ na andũ ala mavũthaw'a: Kana tethyai mawĩa ala mavũthaw'a Mũikeyose ta mwĩ oĩ mũno.
17Mũikaĩvanĩsye ũthũku kwa ũthũku, ĩndĩ tatai kwĩka kĩla andũ onthe monaa kĩ kĩseo. 18Ethĩwa nĩkũtonyeka ngalĩkonĩ ĩla yenyu, ĩkalai na mũuo na andũ onthe. 19#Kũt 32.35 Mũikaaĩyĩĩvanĩsye endwa makwa, ekai Ngai aĩvanĩsye. Nĩkwĩthĩwa Maandĩkonĩ Matheu Mwĩai nũneenete akasya: “Ũĩvanĩsyo nĩ wakwa; ninyie ngaĩvanĩsya.” 20#Nth 25.21-22 Vandũ va kwĩyĩĩvanĩsya ĩkai ũndũ Maandĩko Matheu mekwasya: “Ethĩwa mũmaitha waku e na nzaa, mũathĩsye. Na ethĩwa e na waũni, mwĩkĩe kĩw'ũ anyw'e. Weeka ũu ũkatuma akwatwa nĩ nthoni mbingĩ.” 21Mũiketĩkĩle mũkĩlw'e vinya nĩ ũthũku, ĩndĩ kĩlyai ũthũku vinya kwa kwĩka ũla ũseo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011