Mat 28

Kũthayũũka kwa Yesũ

(Mk 16.1-10; Lk 24.1-12; Yoa 20.1-10)

1Ĩtina wa mũthenya wa Savato, Wakyumwa vaa kũkilĩlye kũkya, Meli Makitalene na Meli ũla ũngĩ nĩmaendie makasisye mbũa. 2Kwa kĩthũlũmũko nĩkweethĩiwe na kĩtetemo kĩnene kya nthĩ, na mũlaĩka wa Mwĩai atheea kuma ĩtunĩ, ooka avingilitya yĩla ĩvia yauma mũomonĩ wa mbũa na ayĩkalĩla. 3Mũvw'ano wake wailyĩ ta ũtisi, na ngũa syake syaĩ nzaũ kw'ũ ta ĩa. 4Asikalĩ ala masungaa nĩmatetemie mũno nĩ w'ĩa, na mavalũkanga nthĩ mekala ta andũ akw'ũ.

5Ũla mũlaĩka nĩweeie ala aka atĩĩ, “Ekai kũkĩa; nĩnĩsĩ mwĩmantha Yesũ ũla ũnambiwe. 6Nde vaa, nũthayũũkie o tondũ waĩtye. Kwookai mwone vala mwĩĩ wake ũnaiĩtwe. 7Endai ĩndĩ yu mwĩkalaatĩte mũkamatavye amanyĩw'a make mũmee atĩĩ, ‘Nũthayũũkie kuma kwa akw'ũ, na nũkũthi mũkamwĩthĩae avikie Kalilii; kũu nĩmũũthi kũmwona.’ Kĩu nĩkyo ngwendaa kũmũtavya.”

8Aka asu nĩmaumie vau mbũanĩ na mĩtũkĩ me na w'ĩa ĩndĩ me na ũtanu, na masemba makatavye amanyĩw'a make.

9Kwa kĩthũlũmũko, Yesũ nĩwakomanie namo na amea atĩĩ, “Mũuo nĩ wĩthĩwe nenyu!” Namo mamũthengeea, mamũkwata maũũ na mamũthaitha. 10Nĩvo ĩndĩ Yesũ wameie atĩĩ, “Ekai kũkĩa; endai mũkatavye ana-a-asa makwa nĩmathi Kalilii, na kũu nĩmekũthi kũmbona.”

Livoti ya Asikalĩ ala Masungaa Mbũa

11Aka asu me nzĩanĩ maendete, amwe ma asikalĩ ala masungaa mbũa nĩmaendie mũsyĩ wa Yelũsalemu, na matavya athembi anene maũndũ onthe ala meekĩkĩte. 12Athembi anene nĩmoombanie na atumĩa na masama ũndũ mekwĩka. Nĩmanengie asikalĩ asu mbesa mbingĩ mũno, 13na mamea atĩĩ, “Tavyai andũ mũmee, ‘Amanyĩw'a ma Yesũ mokie ũtukũ tũkomete mooya mwĩĩ wake.’ 14Ethĩwa ũvoo ũsu nũũvikĩa ngavana, ithyĩ nĩtũũneena nake na kũmumya inyw'ĩ mathĩnanĩ.” 15Kwoou asikalĩ asu nĩmoosie mbesa isu na meeka ũu mataviw'e, na ngewa ĩno ya atĩ amanyĩw'a ma Yesũ nĩmooyie mwĩĩ wake, yanyaĩĩkw'a kwa Ayuti kũvika o na ũmũnthĩ.

Yesũ Aimaumĩlĩĩla Amanyĩw'a make

(Mk 16.14-18; Lk 24.36-49; Yoa 20.19-23; Meko 1.6-8)

16 # Mat 26.32; Mk 14.28 Ala amanyĩw'a ĩkũmi na ũmwe nĩmaendie kĩĩmanĩ kĩ Kalilii kĩla Yesũ wameĩte mathi. 17Me vau nĩmamwonie Yesũ na matulya ndu mamũthaitha, o na kau amwe moo maĩ na nzika kana nĩwe. 18Yesũ nĩwamathengeeie na amea atĩĩ, “Ngai nũnengete ũkũmũ ĩũlũ wa syĩndũ syonthe ila syĩ ĩtunĩ na ila syĩ kũũ nthĩ. 19#Meko 1.8 Endai ĩndĩ kwa andũ ma mbaĩ syonthe, mũkamatw'ĩkĩthye amanyĩw'a makwa, na mũimavatisa ĩsyĩtwanĩ ya Asa, na ya Mwana na ya Veva Mũtheu. 20Mamanyĩsyei kũkwata maũndũ onthe ala namwĩaĩie, na manyai kana ngeethĩawa vamwe nenyu kĩla ĩvinda kũvika mũminũkĩlyo wa nthĩ.”

Currently Selected:

Mat 28: KAMBA

Highlight

Copy