Meko 13
13
Valanava na Saũlo Mainyuvwa na Kũtũmwa
1Ĩkanisanĩ ya Andiokia kwaĩ andũ amwe maĩ athani na angĩ maĩ amanyĩsya, namo nĩ vamwe na Valanava, Simioni ũla kwa ĩsyĩtwa yĩngĩ weetawa Mwiũ, Lũkio kuma Kũlene, Manaeni ũla waeanĩiw'e na Elote#13.1 Elote: Ũũ nĩ Elote Andivasi ũla wasumbĩkĩte Kalilii yonthe, na aĩ Mwana wa Elote Mũnene ũla waĩ ngavana, na Saũlo. 2Maendee na kũmũthaitha Mwĩai na kũtĩĩa kũya, Veva Mũtheu nĩwameie atĩĩ, “Tũmai Valanava na Saũlo mathi makatethye wĩa ũla namanyuvĩie.” 3Nĩvo ĩndĩ ĩtina wa kũtĩĩa kũya na kũvoya mamailĩĩle moko na mamaeka mathi.
Valanava na Saũlo Maitavany'a Saivulasi
4Kwoou Valanava na Saũlo nĩmatũmiwe nĩ Veva Mũtheu, na matheea mathi Seleũsia. Nĩmaumie vau me melinĩ mathi kĩthamanĩ kĩtawa Saivulasi. 5Nĩmavikie ndũanĩ ya Salamisi na mambĩĩa kũtavany'a ndeto ya Ngai nyũmbanĩ sya Ayuti sya kũthaithĩa na kũmbanĩa. Yoana ũla kwa ĩsyĩtwa yĩngĩ weetawa Maliko aĩ vamwe namo ta mũtetheesya woo.
6Nĩmaumie mũthya ũmwe wa kĩthama kĩu mathi kũvika ũla ũngĩ, ndũanĩ yĩtawa Vambo, na vau mavethĩa mũndũ ũmwe Mũyuti weekaa syama weetawa Valĩ-Yesũ, na waasya we nĩ mwathani. 7Valĩ-Yesũ aĩ na mũnene wa kĩthama kĩu weetawa Sengio Vaũlo nake aĩ mũndũ mũĩ mũno. Mũnene ũsu nĩwatũmanie Valanava na Saũlo ayenda ew'e ndeto ya Ngai. 8Ĩndĩ Elimasi, ũla mũndũ weekaa syama (ũsu nĩw'o ũalyũlo wa ĩsyĩtwa yake kwa Kĩkiliki) atata kũmasiĩĩa nĩ kana mũnene ũsu ndakamũĩkĩĩe Mwĩai. 9Ĩndĩ nake Saũlo, ũla kwa ĩsyĩtwa yĩngĩ wĩtawa Vaũlo, ausũĩtwe nĩ Veva Mũtheu, nĩwamũkũnũĩie mũndũ mũe ũsu metho, 10na amwĩa atĩĩ, “Thi naku we mwana wa Satani na mũmaitha wa maũndũ onthe ala maĩlu; mũkengani ũũ mũnene na mwĩki wa ũthũku. We ndũeka kũthyoekya nzĩa ndũngalu sya Mwĩai? 11Ĩndĩ yu Mwĩai nũkũũkany'a; nũũtw'ĩka kĩlalinda na kwoou vandũ va kavinda ndwĩĩthĩwa ũtonya kwona kyeni kya syũa.” O vau kwa vau metho ma Elimasi nĩmakwatiwe nĩ mbindu na aeka kwona nthĩ, na ambĩĩa kũthi aivavata aimantha mũndũ wa kũmũkwata kw'oko amũtongoesye. 12Yĩla ũla mũnene wa kĩthama woonie kĩla kyeekĩka, nĩwaseng'iw'e mũno nĩ ũmanyĩsyo ĩũlũ wa Mwĩai na amũĩkĩĩa.
Valanava na Vaũlo me Andiokia Nthĩ ya Visindia
13Vaũlo na andũ ala waendanĩtye namo nĩmaumie Vambo me melinĩ, mainganĩsya mathi ndũanĩ ya Velika ĩla yĩ kĩsionĩ kya Vambilia. Me vau, Yoana ũla kwa ĩsyĩtwa yĩngĩ weetawa Maliko nĩwamatiie asyoka Yelũsalemu, 14ĩndĩ mo maendeea na kyalo mauma Velika mathi ndũanĩ ya Andiokia ĩla yĩ nthĩ ya Visindia. Mũthenyanĩ wa Savato nĩmaendie nyũmbanĩ ya Ayuti ya kũthaithĩa na kũmbanĩa mekala nthĩ. 15Ĩtina wa Maandĩko Matheu kũsomwa kuma ĩvukunĩ ya Mĩao na ya momanyĩsyo ma athani, atongoi ma nyũmba ĩsu ya Ayuti ya kũthaithĩa na kũmbanĩa nĩmatũmanie vala ve Valanava na Vaũlo mewe, “Ana-a-asa, ethĩwa mwĩ na ndeto ya kũthuthya andũ aa neenai yu.”
16Vaũlo nĩwaũngamie, ookĩlya kw'oko andũ mavindya na ambĩĩa kũneena ayasya atĩĩ, “Mbaitũ andũ ma Ĩsilaeli, na andũ onthe ala mwĩ na kĩkĩo kya Ngai, kwa mbĩthukĩĩsyei! 17#Kuma 1.7; 12.51 Ngai wa andũ ma Ĩsilaeli nĩwanyuvie aaũmae maitũ, na atw'ĩkĩthya andũ asu mbaĩ nene ĩvinda yĩla mekalaa ũeninĩ nthĩ ya Misili. Kwa ũtonyi wake mũnene nĩwamatongoeisye amaumya nthĩ ĩsu, 18#Mot 14.34; Kũt 1.31 na vandũ va myaka mĩongo ĩna oomĩanĩsya namo#13.18 oomĩanĩsya namo: Maandĩko amwe ma tene ma Ndeto ya Ngai maĩtye amasũvĩa me weũnĩ. 19#Kũt 7.1; Yos 14.1 Nĩvo ĩndĩ Ngai watumie mbaĩ mũonza ila syatwĩe nthĩ ya Kanaani iminwa, na nthĩ ĩsu yoo amĩnenga andũ asu make yĩthĩwe ũtiĩwa woo.
20 #
Asi 2.16; 1Sam 3.20 “Maũndũ asu onthe makuie myaka maana ana na mĩongo ĩtano. Ĩtina wa ũu, Ngai nĩwamanengie asili mamatongoesye kũka kũvika ĩvinda ya mwathani Samũeli. 21#1Sam 8.5; 10.21 Vau ĩndĩ nĩmakũlilye manengwe mũsumbĩ, na Ngai amanenge Saũlo mwana wa Kisi kuma mbaĩnĩ ya Mbengyameni, na amasumbĩka vandũ va myaka mĩongo ĩna. 22#1Sam 13.14; 16.12; Sav 89.20 Ĩtina Ngai nĩwamũvetie Saũlo na anyuva Ndeviti ethĩwe mũsumbĩ woo. Ngai nĩwaneenie ũndũ wake asya, ‘Ndeviti mwana wa Yese nĩ mũndũ wa mũthemba ũla nendete, na akekaa kyonthe kĩla ngwenda eke.’ 23Kuma nzyawanĩ sya Ndeviti, Ngai nũnengete andũ ma Ĩsilaeli Mũtangĩĩi o tondũ wathanĩte, nake nĩ Yesũ. 24#Mk 1.4; Lk 3.3 Ĩndĩ mbee wa kũka kwa Yesũ, Yoana Mũvatisi nĩwatavisye andũ onthe ma Ĩsilaeli nĩmelile kwondũ wa naĩ syoo na maivatiswa. 25#Mat 3.11; Mk 1.7; Lk 3.16; Yoa 1.20,27 Yoana aendee na kũminũkĩlĩĩlya ũthũkũmi wake nĩweeie andũ atĩĩ, ‘Inyw'ĩ mwonaa ta inyie ũũ? Nyie ti inyie ũla mweteele! Aiee, ũsu okĩte ĩtina wakwa, na o na ndyaĩlĩtwe nĩ kũthasya mĩkwa ya iatũ syake.’#13.25 Athũkũmi nĩmo mathaasya iatũ sya anene moo, ĩndĩ Yoana eenda kwĩyonany'a kana we nĩ mũnini kũte mũthũkũmi
26“Mbaitũ, nzyawa sya Avalaamu na ala mwĩ vaa mwĩ na kĩkĩo kya Ngai, ũvoo ũũ wa ũtangĩĩo ũetetwe kwondũ witũ ithyonthe. 27Andũ ma Yelũsalemu vamwe na atongoi moo mayaamanya kana Yesũ nĩwe Mũtangĩĩi, o na mayaaelewa nĩ ndeto sya athani ila isomawa kĩla mũthenya wa Savato, ĩndĩ kwa kũmũtw'ĩĩa Yesũ kũawa, meanĩĩsya ndeto isu sya athani. 28#Mat 27.22-23; Mk 15.13-14; Lk 23.21-23; Yoa 19.15 O na kau Ayuti mayaaona kĩndũ kĩtuma Yesũ atw'ĩĩwa kũawa, nĩmamũkũlilye Vilato aumye mwĩao Yesũ oawe. 29#Mat 27.57-61; Mk 15.42-47; Lk 23.50-56; Yoa 19.38-42 Mamina kwĩanĩĩsya maũndũ onthe ala Maandĩko Matheu mawetete ĩũlũ wa Yesũ, nĩmamũtheeisye kuma ngelany'onĩ na mamũthika. 30Ĩndĩ Ngai amũthaayũũkya kuma kwa akw'ũ, 31#Meko 1.3 nake vandũ va mĩthenya mingĩ, amaumĩlĩĩla andũ ala maendanisye nake kuma Kalilii kũthi Yelũsalemu. Andũ asu yu nĩmo ngũsĩ syake kwa andũ ma Ĩsilaeli. 32Ithyĩ naitũ twĩmũtavya Ũvoo Mũseo wa kana kĩla Ngai wathie aaũmae maitũ, 33#Sav 2.7 nũkĩanĩĩsye kwitũ ithyĩ nzyawa syoo kwa kũmũthayũũkya Yesũ kuma kwa akw'ũ. Ũu now'o kũilyĩ o tondũ kũandĩkĩtwe nthĩnĩ wa Savulĩ wa kelĩ ĩũlũ wa Yesũ:
‘We wĩ mwana wakwa,
ũmũnthĩ nĩnatw'ĩka Ĩthe waku.’
34 #
Ĩsa 55.3
Na kw'o kũthayũũkw'a kwake kuma kwa akw'ũ atakakw'a ĩngĩ, Ngai nũneenete ĩũlũ wakw'o na ndeto ii:
‘Ngamũathima inyw'ĩ na moathimo o ta ala namwathie Ndeviti,
ala matheu na maĩkĩĩka.’
35 #
Sav 16.10
Ĩĩ, o na vandũnĩ vangĩ nthĩnĩ wa Savulĩ nĩvaandĩkĩtwe atĩĩ:
‘Ndũkaeka mwĩĩ wa Mũtheu waku woe.’
36Nĩkwĩthĩwa Ndeviti ĩvindanĩ yake, amina kwĩanĩĩsya ũthũkũmi ũla Ngai wamũvangĩĩte nĩwakwie, athikwa vakuvĩ na aaũmae make na mwĩĩ wake woa. 37Ĩndĩ mwĩĩ wa ũla Ngai wamũthayũũkisye kuma kwa akw'ũ ndwaaoa. 38Kwoou ana-a-asa, manyai kana nĩ kwĩsĩla kwa Yesũ ũvoo wa ũekeo wa naĩ ũũtavanw'a kwenyu. 39O ta ũu, nĩ kwĩsĩla kwake andũ onthe ala maĩkĩĩaa, mathaaw'a kuma mothũkunĩ onthe ala mataĩ matonya kũthaw'a nĩ Mĩao ya Mwose. 40Ĩsũvĩei ĩndĩ mũikakwatwe nĩ kĩla kĩwetetwe ĩvukunĩ ya athani:
41 #
Ava 1.5
‘Nĩmwenei inyw'ĩ andũ ma kũvũthya!
Seng'ai na mũikw'a!
Nũndũ nĩngwĩka ũndũ ĩvindanĩ yĩĩ mwĩ thayũ,
ũndũ mũtakaĩkĩĩa o na mwatavw'a nĩ mũndũ!’ ”
42Vaũlo na Valanava maumaalĩte nyũmbanĩ ĩsu ya Ayuti ya kũthaithĩa na kũmbanĩa, andũ nĩmamakũlilye mematavya ĩngĩ maũndũ asu Savato ĩla yaatĩĩe. 43Wũmbano ũsu wathela, Ayuti aingĩ na andũ aingĩ malikĩte ũthaithinĩ wa Kĩyuti nĩmaatĩĩie Vaũlo na Valanava. Atũmwa asu nĩmaneenie namo na mamathuthya maendee kwĩkala mumonĩ wa Ngai.
44Yĩla Savato ĩsu yaatĩĩe yavikie, vakuvĩ andũ onthe ma ndũa ĩsu nĩmookie wũmbanonĩ mew'e ndeto ya Ngai. 45Ĩndĩ yĩla Ayuti moonie andũ asu maingĩvĩte ũu, nĩmalikilwe nĩ kĩwĩu kingĩ na mambĩĩa kũkananĩsya ndeto ila Vaũlo wanenaa o vamwe na kũmũumanga. 46Nĩvo ĩndĩ Vaũlo na Valanava mamasũngĩie na ũkũmbaũ mũnene mamea atĩĩ, “Twaĩ tũtavany'e ndeto ya Ngai kwenyu mbee, ĩndĩ yu nũndũ nĩmũmĩleete na kwona inyw'ĩ ene mũtaĩlĩtwe nĩ thayũ wa tene na tene, ithyĩ nĩtũkũekana nenyu tũthi kwa Andũ-ma-mbaĩ-ingĩ. 47#Ĩsa 42.6; 49.6 O naw'o ũu now'o Mwĩai ũtwĩaĩĩte ndetonĩ ii:
‘Nyie nĩngũtw'ĩte wĩthĩwe kyeni kwa Andũ-ma-mbaĩ-ingĩ,
nĩ kana ũetee andũ onthe ĩũlũ wa nthĩ ũtangĩĩo.’ ”
48Andũ-ma-mbaĩ-ingĩ meew'a ndeto isu, nĩmatanie na makumya ndeto ya Ngai mũno, na onthe ala manyuvĩtwe kwondũ wa thayũ ũtathela mamũĩkĩĩa Mwĩai.
49Ũvoo ĩũlũ wa Mwĩai nĩwanyaĩĩkie kĩla vandũ kĩsionĩ kĩu. 50Ĩndĩ Ayuti nĩmaingĩanĩisye Vaũlo na Valanava kũla kwĩ aka ma mbaĩ ingĩ maĩ na kĩkĩo kya Ngai na manengetwe ndaĩa, na aũme ala maĩ atongoi anene ma ndũa ĩsu. Nĩmambĩĩie kũthĩny'a Vaũlo na Valanava na mamalũngya maume nthĩ yoo. 51#Mat 10.14; Mk 6.11; Lk 9.5; 10.11 Atũmwa asu nĩmatiie mamatuangĩa kĩtoo kĩla kyaĩ maũũnĩ na mathi Ĩkoniamu. 52Ĩndĩ mo aĩkĩĩi ma Mwĩai ala maĩ kũu Andiokia maĩ atanu mũno, na mausũĩtwe nĩ Veva Mũtheu.
Currently Selected:
Meko 13: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Meko 13
13
Valanava na Saũlo Mainyuvwa na Kũtũmwa
1Ĩkanisanĩ ya Andiokia kwaĩ andũ amwe maĩ athani na angĩ maĩ amanyĩsya, namo nĩ vamwe na Valanava, Simioni ũla kwa ĩsyĩtwa yĩngĩ weetawa Mwiũ, Lũkio kuma Kũlene, Manaeni ũla waeanĩiw'e na Elote#13.1 Elote: Ũũ nĩ Elote Andivasi ũla wasumbĩkĩte Kalilii yonthe, na aĩ Mwana wa Elote Mũnene ũla waĩ ngavana, na Saũlo. 2Maendee na kũmũthaitha Mwĩai na kũtĩĩa kũya, Veva Mũtheu nĩwameie atĩĩ, “Tũmai Valanava na Saũlo mathi makatethye wĩa ũla namanyuvĩie.” 3Nĩvo ĩndĩ ĩtina wa kũtĩĩa kũya na kũvoya mamailĩĩle moko na mamaeka mathi.
Valanava na Saũlo Maitavany'a Saivulasi
4Kwoou Valanava na Saũlo nĩmatũmiwe nĩ Veva Mũtheu, na matheea mathi Seleũsia. Nĩmaumie vau me melinĩ mathi kĩthamanĩ kĩtawa Saivulasi. 5Nĩmavikie ndũanĩ ya Salamisi na mambĩĩa kũtavany'a ndeto ya Ngai nyũmbanĩ sya Ayuti sya kũthaithĩa na kũmbanĩa. Yoana ũla kwa ĩsyĩtwa yĩngĩ weetawa Maliko aĩ vamwe namo ta mũtetheesya woo.
6Nĩmaumie mũthya ũmwe wa kĩthama kĩu mathi kũvika ũla ũngĩ, ndũanĩ yĩtawa Vambo, na vau mavethĩa mũndũ ũmwe Mũyuti weekaa syama weetawa Valĩ-Yesũ, na waasya we nĩ mwathani. 7Valĩ-Yesũ aĩ na mũnene wa kĩthama kĩu weetawa Sengio Vaũlo nake aĩ mũndũ mũĩ mũno. Mũnene ũsu nĩwatũmanie Valanava na Saũlo ayenda ew'e ndeto ya Ngai. 8Ĩndĩ Elimasi, ũla mũndũ weekaa syama (ũsu nĩw'o ũalyũlo wa ĩsyĩtwa yake kwa Kĩkiliki) atata kũmasiĩĩa nĩ kana mũnene ũsu ndakamũĩkĩĩe Mwĩai. 9Ĩndĩ nake Saũlo, ũla kwa ĩsyĩtwa yĩngĩ wĩtawa Vaũlo, ausũĩtwe nĩ Veva Mũtheu, nĩwamũkũnũĩie mũndũ mũe ũsu metho, 10na amwĩa atĩĩ, “Thi naku we mwana wa Satani na mũmaitha wa maũndũ onthe ala maĩlu; mũkengani ũũ mũnene na mwĩki wa ũthũku. We ndũeka kũthyoekya nzĩa ndũngalu sya Mwĩai? 11Ĩndĩ yu Mwĩai nũkũũkany'a; nũũtw'ĩka kĩlalinda na kwoou vandũ va kavinda ndwĩĩthĩwa ũtonya kwona kyeni kya syũa.” O vau kwa vau metho ma Elimasi nĩmakwatiwe nĩ mbindu na aeka kwona nthĩ, na ambĩĩa kũthi aivavata aimantha mũndũ wa kũmũkwata kw'oko amũtongoesye. 12Yĩla ũla mũnene wa kĩthama woonie kĩla kyeekĩka, nĩwaseng'iw'e mũno nĩ ũmanyĩsyo ĩũlũ wa Mwĩai na amũĩkĩĩa.
Valanava na Vaũlo me Andiokia Nthĩ ya Visindia
13Vaũlo na andũ ala waendanĩtye namo nĩmaumie Vambo me melinĩ, mainganĩsya mathi ndũanĩ ya Velika ĩla yĩ kĩsionĩ kya Vambilia. Me vau, Yoana ũla kwa ĩsyĩtwa yĩngĩ weetawa Maliko nĩwamatiie asyoka Yelũsalemu, 14ĩndĩ mo maendeea na kyalo mauma Velika mathi ndũanĩ ya Andiokia ĩla yĩ nthĩ ya Visindia. Mũthenyanĩ wa Savato nĩmaendie nyũmbanĩ ya Ayuti ya kũthaithĩa na kũmbanĩa mekala nthĩ. 15Ĩtina wa Maandĩko Matheu kũsomwa kuma ĩvukunĩ ya Mĩao na ya momanyĩsyo ma athani, atongoi ma nyũmba ĩsu ya Ayuti ya kũthaithĩa na kũmbanĩa nĩmatũmanie vala ve Valanava na Vaũlo mewe, “Ana-a-asa, ethĩwa mwĩ na ndeto ya kũthuthya andũ aa neenai yu.”
16Vaũlo nĩwaũngamie, ookĩlya kw'oko andũ mavindya na ambĩĩa kũneena ayasya atĩĩ, “Mbaitũ andũ ma Ĩsilaeli, na andũ onthe ala mwĩ na kĩkĩo kya Ngai, kwa mbĩthukĩĩsyei! 17#Kuma 1.7; 12.51 Ngai wa andũ ma Ĩsilaeli nĩwanyuvie aaũmae maitũ, na atw'ĩkĩthya andũ asu mbaĩ nene ĩvinda yĩla mekalaa ũeninĩ nthĩ ya Misili. Kwa ũtonyi wake mũnene nĩwamatongoeisye amaumya nthĩ ĩsu, 18#Mot 14.34; Kũt 1.31 na vandũ va myaka mĩongo ĩna oomĩanĩsya namo#13.18 oomĩanĩsya namo: Maandĩko amwe ma tene ma Ndeto ya Ngai maĩtye amasũvĩa me weũnĩ. 19#Kũt 7.1; Yos 14.1 Nĩvo ĩndĩ Ngai watumie mbaĩ mũonza ila syatwĩe nthĩ ya Kanaani iminwa, na nthĩ ĩsu yoo amĩnenga andũ asu make yĩthĩwe ũtiĩwa woo.
20 #
Asi 2.16; 1Sam 3.20 “Maũndũ asu onthe makuie myaka maana ana na mĩongo ĩtano. Ĩtina wa ũu, Ngai nĩwamanengie asili mamatongoesye kũka kũvika ĩvinda ya mwathani Samũeli. 21#1Sam 8.5; 10.21 Vau ĩndĩ nĩmakũlilye manengwe mũsumbĩ, na Ngai amanenge Saũlo mwana wa Kisi kuma mbaĩnĩ ya Mbengyameni, na amasumbĩka vandũ va myaka mĩongo ĩna. 22#1Sam 13.14; 16.12; Sav 89.20 Ĩtina Ngai nĩwamũvetie Saũlo na anyuva Ndeviti ethĩwe mũsumbĩ woo. Ngai nĩwaneenie ũndũ wake asya, ‘Ndeviti mwana wa Yese nĩ mũndũ wa mũthemba ũla nendete, na akekaa kyonthe kĩla ngwenda eke.’ 23Kuma nzyawanĩ sya Ndeviti, Ngai nũnengete andũ ma Ĩsilaeli Mũtangĩĩi o tondũ wathanĩte, nake nĩ Yesũ. 24#Mk 1.4; Lk 3.3 Ĩndĩ mbee wa kũka kwa Yesũ, Yoana Mũvatisi nĩwatavisye andũ onthe ma Ĩsilaeli nĩmelile kwondũ wa naĩ syoo na maivatiswa. 25#Mat 3.11; Mk 1.7; Lk 3.16; Yoa 1.20,27 Yoana aendee na kũminũkĩlĩĩlya ũthũkũmi wake nĩweeie andũ atĩĩ, ‘Inyw'ĩ mwonaa ta inyie ũũ? Nyie ti inyie ũla mweteele! Aiee, ũsu okĩte ĩtina wakwa, na o na ndyaĩlĩtwe nĩ kũthasya mĩkwa ya iatũ syake.’#13.25 Athũkũmi nĩmo mathaasya iatũ sya anene moo, ĩndĩ Yoana eenda kwĩyonany'a kana we nĩ mũnini kũte mũthũkũmi
26“Mbaitũ, nzyawa sya Avalaamu na ala mwĩ vaa mwĩ na kĩkĩo kya Ngai, ũvoo ũũ wa ũtangĩĩo ũetetwe kwondũ witũ ithyonthe. 27Andũ ma Yelũsalemu vamwe na atongoi moo mayaamanya kana Yesũ nĩwe Mũtangĩĩi, o na mayaaelewa nĩ ndeto sya athani ila isomawa kĩla mũthenya wa Savato, ĩndĩ kwa kũmũtw'ĩĩa Yesũ kũawa, meanĩĩsya ndeto isu sya athani. 28#Mat 27.22-23; Mk 15.13-14; Lk 23.21-23; Yoa 19.15 O na kau Ayuti mayaaona kĩndũ kĩtuma Yesũ atw'ĩĩwa kũawa, nĩmamũkũlilye Vilato aumye mwĩao Yesũ oawe. 29#Mat 27.57-61; Mk 15.42-47; Lk 23.50-56; Yoa 19.38-42 Mamina kwĩanĩĩsya maũndũ onthe ala Maandĩko Matheu mawetete ĩũlũ wa Yesũ, nĩmamũtheeisye kuma ngelany'onĩ na mamũthika. 30Ĩndĩ Ngai amũthaayũũkya kuma kwa akw'ũ, 31#Meko 1.3 nake vandũ va mĩthenya mingĩ, amaumĩlĩĩla andũ ala maendanisye nake kuma Kalilii kũthi Yelũsalemu. Andũ asu yu nĩmo ngũsĩ syake kwa andũ ma Ĩsilaeli. 32Ithyĩ naitũ twĩmũtavya Ũvoo Mũseo wa kana kĩla Ngai wathie aaũmae maitũ, 33#Sav 2.7 nũkĩanĩĩsye kwitũ ithyĩ nzyawa syoo kwa kũmũthayũũkya Yesũ kuma kwa akw'ũ. Ũu now'o kũilyĩ o tondũ kũandĩkĩtwe nthĩnĩ wa Savulĩ wa kelĩ ĩũlũ wa Yesũ:
‘We wĩ mwana wakwa,
ũmũnthĩ nĩnatw'ĩka Ĩthe waku.’
34 #
Ĩsa 55.3
Na kw'o kũthayũũkw'a kwake kuma kwa akw'ũ atakakw'a ĩngĩ, Ngai nũneenete ĩũlũ wakw'o na ndeto ii:
‘Ngamũathima inyw'ĩ na moathimo o ta ala namwathie Ndeviti,
ala matheu na maĩkĩĩka.’
35 #
Sav 16.10
Ĩĩ, o na vandũnĩ vangĩ nthĩnĩ wa Savulĩ nĩvaandĩkĩtwe atĩĩ:
‘Ndũkaeka mwĩĩ wa Mũtheu waku woe.’
36Nĩkwĩthĩwa Ndeviti ĩvindanĩ yake, amina kwĩanĩĩsya ũthũkũmi ũla Ngai wamũvangĩĩte nĩwakwie, athikwa vakuvĩ na aaũmae make na mwĩĩ wake woa. 37Ĩndĩ mwĩĩ wa ũla Ngai wamũthayũũkisye kuma kwa akw'ũ ndwaaoa. 38Kwoou ana-a-asa, manyai kana nĩ kwĩsĩla kwa Yesũ ũvoo wa ũekeo wa naĩ ũũtavanw'a kwenyu. 39O ta ũu, nĩ kwĩsĩla kwake andũ onthe ala maĩkĩĩaa, mathaaw'a kuma mothũkunĩ onthe ala mataĩ matonya kũthaw'a nĩ Mĩao ya Mwose. 40Ĩsũvĩei ĩndĩ mũikakwatwe nĩ kĩla kĩwetetwe ĩvukunĩ ya athani:
41 #
Ava 1.5
‘Nĩmwenei inyw'ĩ andũ ma kũvũthya!
Seng'ai na mũikw'a!
Nũndũ nĩngwĩka ũndũ ĩvindanĩ yĩĩ mwĩ thayũ,
ũndũ mũtakaĩkĩĩa o na mwatavw'a nĩ mũndũ!’ ”
42Vaũlo na Valanava maumaalĩte nyũmbanĩ ĩsu ya Ayuti ya kũthaithĩa na kũmbanĩa, andũ nĩmamakũlilye mematavya ĩngĩ maũndũ asu Savato ĩla yaatĩĩe. 43Wũmbano ũsu wathela, Ayuti aingĩ na andũ aingĩ malikĩte ũthaithinĩ wa Kĩyuti nĩmaatĩĩie Vaũlo na Valanava. Atũmwa asu nĩmaneenie namo na mamathuthya maendee kwĩkala mumonĩ wa Ngai.
44Yĩla Savato ĩsu yaatĩĩe yavikie, vakuvĩ andũ onthe ma ndũa ĩsu nĩmookie wũmbanonĩ mew'e ndeto ya Ngai. 45Ĩndĩ yĩla Ayuti moonie andũ asu maingĩvĩte ũu, nĩmalikilwe nĩ kĩwĩu kingĩ na mambĩĩa kũkananĩsya ndeto ila Vaũlo wanenaa o vamwe na kũmũumanga. 46Nĩvo ĩndĩ Vaũlo na Valanava mamasũngĩie na ũkũmbaũ mũnene mamea atĩĩ, “Twaĩ tũtavany'e ndeto ya Ngai kwenyu mbee, ĩndĩ yu nũndũ nĩmũmĩleete na kwona inyw'ĩ ene mũtaĩlĩtwe nĩ thayũ wa tene na tene, ithyĩ nĩtũkũekana nenyu tũthi kwa Andũ-ma-mbaĩ-ingĩ. 47#Ĩsa 42.6; 49.6 O naw'o ũu now'o Mwĩai ũtwĩaĩĩte ndetonĩ ii:
‘Nyie nĩngũtw'ĩte wĩthĩwe kyeni kwa Andũ-ma-mbaĩ-ingĩ,
nĩ kana ũetee andũ onthe ĩũlũ wa nthĩ ũtangĩĩo.’ ”
48Andũ-ma-mbaĩ-ingĩ meew'a ndeto isu, nĩmatanie na makumya ndeto ya Ngai mũno, na onthe ala manyuvĩtwe kwondũ wa thayũ ũtathela mamũĩkĩĩa Mwĩai.
49Ũvoo ĩũlũ wa Mwĩai nĩwanyaĩĩkie kĩla vandũ kĩsionĩ kĩu. 50Ĩndĩ Ayuti nĩmaingĩanĩisye Vaũlo na Valanava kũla kwĩ aka ma mbaĩ ingĩ maĩ na kĩkĩo kya Ngai na manengetwe ndaĩa, na aũme ala maĩ atongoi anene ma ndũa ĩsu. Nĩmambĩĩie kũthĩny'a Vaũlo na Valanava na mamalũngya maume nthĩ yoo. 51#Mat 10.14; Mk 6.11; Lk 9.5; 10.11 Atũmwa asu nĩmatiie mamatuangĩa kĩtoo kĩla kyaĩ maũũnĩ na mathi Ĩkoniamu. 52Ĩndĩ mo aĩkĩĩi ma Mwĩai ala maĩ kũu Andiokia maĩ atanu mũno, na mausũĩtwe nĩ Veva Mũtheu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011