1Ako 5
5
Mwĩkalo Mũthũku Mũno Ĩkanisanĩ ya Kolintho
1 #
Kũt 22.30
Kwa w'o kwĩtw'ĩka kana kwĩ na mwĩkalo mũthũku mũno wa ũlaalai katĩ wenyu, o na ũtawetanĩw'a na andũ ala mate Aklĩsto. Atĩ ve mũndũ ũmwe katĩ wenyu wosete kĩveti kya ĩthe wake! 2Na no mũkwĩkathĩĩa! Vandũ va ũu, mwaĩlĩte kwĩthĩwa mũyĩĩa, na mũndũ ũsu wĩkĩte ũu ailũngw'a vyũ aume ĩkanisanĩ. 3O na kau nyie nĩ vaasa nenyu, nĩ vamwe nenyu kĩ-veva, na o ta nĩ o kũu nĩnĩminĩte kumya ũsilĩlo 4ĩũlũ wa mũndũ ũsu wĩkĩte kĩndũ kya mũthemba ũsu. Yĩla mwĩĩthĩwa mũmbanĩte ĩsyĩtwanĩ ya Yesũ Klĩsto, nakwa nũmbanĩte nenyu vevanĩ, kwa ũtonyi wa Mwĩai waitũ Yesũ Klĩsto, 5mwĩnengane mũndũ ũsu kwa Satani mwĩĩ wake wanangwe, nĩ kana thayũ wake wĩĩthĩwa ũtonya kũtangĩĩwa Mũthenyanĩ wa kũka ĩngĩ kwa Mwĩai.
6 #
Aka 5.9
Kwĩkathĩĩa kwenyu ti kũseo! Nĩkũlya nũndũ mũtesĩ kana mbota nini mũno ĩtumaa mũtu mwingĩ mũkime wimba? 7#Kuma 12.5 Ĩthesyei vyũ mwĩkye kũasa ĩla mbota ya tene ya naĩ, nĩ kana mwĩthĩwe ta mũtu wakimwa oyu ũte mbota, o tondũ nĩsĩ kana mũi na mbota. Nũndũ Klĩsto ũla nĩ kalondu kaitũ ka Vasaka nũthembetwe. 8#Kuma 13.7; Kũt 16.3 Kwoou nĩtũtanĩe mboka yaitũ ya Vasaka, na ti yĩna ĩla mbota ya tene ya ũthũku na naĩ, ĩndĩ yĩna mũkate ũte mbota wa ũtheu na ũw'o.
9Nthĩnĩ wa valũa ũla namũandĩkĩie, nĩnamwĩie mũikaavulane na andũ me na mwĩkalo mũthũku wa ũlaalai. 10Vau ndyawetaa ĩũlũ wa andũ ma nthĩ ĩno ala me na mwĩkalo mũthũku wa ũlaalai, kana me na ĩtomo, kana avutani, kana athaithi ma ngai sya mĩvw'anano, nũndũ kũlea kũvulana namo no inyw'ĩ mumie kũũ ĩũlũ wa nthĩ. 11Nyie namwĩaa mũikavulane na mũndũ o na wĩva wĩyĩtaa Mũklĩsto, ĩndĩ wĩkalaa mwĩkalo mũthũku wa ũlaalai, kana wa ĩtomo, kana mũthaithi wa ngai sya mĩvw'anano, kana ũneeneaa andũ ala angĩ naĩ, kana mũthengi kana mũvutani. Mũndũ wa mũthemba ũsu o na mũikaaĩsanĩe nake.
12Ve vata mwaũ wakwa kũsilĩla andũ ala me nza wa ĩkanisa? Inyw'ĩ mũyaĩlĩte kũsilĩla o ala me nthĩnĩ wa ĩkanisa? 13#Kũt 13.5; 17.7 Ngai nĩwe ũsilĩlaa ala me nza wa ĩkanisa. O tondũ Maandĩko Matheu maĩtye, “Lũngyai mũndũ ũla wĩkaa ũla ũthũku kuma vala mũĩ.”
Currently Selected:
1Ako 5: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
1Ako 5
5
Mwĩkalo Mũthũku Mũno Ĩkanisanĩ ya Kolintho
1 #
Kũt 22.30
Kwa w'o kwĩtw'ĩka kana kwĩ na mwĩkalo mũthũku mũno wa ũlaalai katĩ wenyu, o na ũtawetanĩw'a na andũ ala mate Aklĩsto. Atĩ ve mũndũ ũmwe katĩ wenyu wosete kĩveti kya ĩthe wake! 2Na no mũkwĩkathĩĩa! Vandũ va ũu, mwaĩlĩte kwĩthĩwa mũyĩĩa, na mũndũ ũsu wĩkĩte ũu ailũngw'a vyũ aume ĩkanisanĩ. 3O na kau nyie nĩ vaasa nenyu, nĩ vamwe nenyu kĩ-veva, na o ta nĩ o kũu nĩnĩminĩte kumya ũsilĩlo 4ĩũlũ wa mũndũ ũsu wĩkĩte kĩndũ kya mũthemba ũsu. Yĩla mwĩĩthĩwa mũmbanĩte ĩsyĩtwanĩ ya Yesũ Klĩsto, nakwa nũmbanĩte nenyu vevanĩ, kwa ũtonyi wa Mwĩai waitũ Yesũ Klĩsto, 5mwĩnengane mũndũ ũsu kwa Satani mwĩĩ wake wanangwe, nĩ kana thayũ wake wĩĩthĩwa ũtonya kũtangĩĩwa Mũthenyanĩ wa kũka ĩngĩ kwa Mwĩai.
6 #
Aka 5.9
Kwĩkathĩĩa kwenyu ti kũseo! Nĩkũlya nũndũ mũtesĩ kana mbota nini mũno ĩtumaa mũtu mwingĩ mũkime wimba? 7#Kuma 12.5 Ĩthesyei vyũ mwĩkye kũasa ĩla mbota ya tene ya naĩ, nĩ kana mwĩthĩwe ta mũtu wakimwa oyu ũte mbota, o tondũ nĩsĩ kana mũi na mbota. Nũndũ Klĩsto ũla nĩ kalondu kaitũ ka Vasaka nũthembetwe. 8#Kuma 13.7; Kũt 16.3 Kwoou nĩtũtanĩe mboka yaitũ ya Vasaka, na ti yĩna ĩla mbota ya tene ya ũthũku na naĩ, ĩndĩ yĩna mũkate ũte mbota wa ũtheu na ũw'o.
9Nthĩnĩ wa valũa ũla namũandĩkĩie, nĩnamwĩie mũikaavulane na andũ me na mwĩkalo mũthũku wa ũlaalai. 10Vau ndyawetaa ĩũlũ wa andũ ma nthĩ ĩno ala me na mwĩkalo mũthũku wa ũlaalai, kana me na ĩtomo, kana avutani, kana athaithi ma ngai sya mĩvw'anano, nũndũ kũlea kũvulana namo no inyw'ĩ mumie kũũ ĩũlũ wa nthĩ. 11Nyie namwĩaa mũikavulane na mũndũ o na wĩva wĩyĩtaa Mũklĩsto, ĩndĩ wĩkalaa mwĩkalo mũthũku wa ũlaalai, kana wa ĩtomo, kana mũthaithi wa ngai sya mĩvw'anano, kana ũneeneaa andũ ala angĩ naĩ, kana mũthengi kana mũvutani. Mũndũ wa mũthemba ũsu o na mũikaaĩsanĩe nake.
12Ve vata mwaũ wakwa kũsilĩla andũ ala me nza wa ĩkanisa? Inyw'ĩ mũyaĩlĩte kũsilĩla o ala me nthĩnĩ wa ĩkanisa? 13#Kũt 13.5; 17.7 Ngai nĩwe ũsilĩlaa ala me nza wa ĩkanisa. O tondũ Maandĩko Matheu maĩtye, “Lũngyai mũndũ ũla wĩkaa ũla ũthũku kuma vala mũĩ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011