1Ako 4
4
Ũthũkũmi wa Atũmwa
1Andũ nĩmaĩlĩte kũtwosa ithyĩ ta athũkũmi ma Klĩsto tũnengetwe kũũngamĩa syĩmbithĩ sya Ngai. 2Kĩndũ kĩmwe kyendekete kwa aũngamĩi ma mũthemba ũsu nĩkwĩthĩwa me aĩkĩĩku. 3Nyie nditelemaw'a nĩ kũsilĩlwa nĩ inyw'ĩ, kana o na kũsilĩlwa nĩ andũ; o nakwa nyie mwene ndyĩsilĩlaa. 4Wasya wakwa wa ngoo nĩ mũtheu, ĩndĩ kĩu kĩituma ndw'ĩka kana ndi na ĩvĩtyo. Ũla ũmbĩkuũaa nĩ Mwĩai. 5Kwoou mũikasilĩle mũndũ o na wĩva ĩvinda yĩte ĩviku; eteelai nginya Mwĩai oke. Akaumĩlya kyeninĩ maũndũ ala yu mavithe kĩvindunĩ, na akaumbũany'a mosũanĩo ma ngoo sya andũ. Vau ĩndĩ kĩla mũndũ akakwata kuma kwa Ngai ndaĩa ĩla ĩmwaĩlĩte.
6Natũmĩa ngelekany'o ya Avolo nakwa mwene maũndũnĩ aa kwondũ wenyu mbaitũ, nĩ kana mwĩmanyĩsye kuma vala tũĩ, na nĩ kana mũikathonoke kĩla kĩandĩke. Vai ũmwe wenyu waĩlĩte kwĩkathĩĩa na mũndũ mũna na aivũthya ũngĩ. 7Nũũ ũla wonaa kĩndũ kĩ kĩvathũkany'o nthĩnĩ wake? Nĩ kyaũ wĩ nakyo kĩla ũtaaĩka kũnengwa? Ethĩwa ĩndĩ wĩkĩte kũnengwa, nĩkĩ ĩndĩ ũkwĩkathĩĩa ta ũtekĩte kũnengwa?
8Inyw'ĩ kote mwĩ na kyonthe kĩla mũkwenda! Ko mũtatw'ĩkĩte athwii! O na tũtevo nĩmwatw'ĩkie asumbĩ! Nĩw'a mũyo mũtw'ĩkĩte asumbĩ, o naitũ tũkasumbĩka nenyu. 9Nĩona Ngai ta ũtũvangĩle naku ĩtina ithyĩ atũmwa, ta andũ matw'ĩĩwe kũawa; nũndũ tũtw'ĩkĩte andũ ma kũsyaĩĩw'a nĩ nthĩ yonthe: Nĩ alaĩka na nĩ andũ. 10Ithyĩ kwondũ wa Klĩsto twĩ atumanu, ĩndĩ inyw'ĩ ko mũte oĩ nthĩnĩ wa Klĩsto! Ithyĩ twĩ onzu, ĩndĩ inyw'ĩ ko mũte vinya! Ithyĩ tũvũthĩtw'e mũno, ĩndĩ inyw'ĩ ko mũtanengetwe ndaĩa. 11Kũvika o nayu tũtindaa na nzaa na waũni; twĩkĩaa ngũa ndw'ĩku, nĩtũvũawa nĩ andũ, na tũi na vandũ va kũkoma. 12#Meko 18.3 O ta ũu nĩtwĩnoasya mũno kwa kũtethya wĩa wa moko. Twaumangwa, twĩkaa kũathima; twathĩnw'a, nĩtũmĩĩasya; 13twaneenewa naĩ, tũsũngĩaa na ndeto syĩ na ũuu. Tũtw'ĩkĩte ta mavuti ma nthĩ ĩno, na ta ĩko ĩũlũ wa nthĩ kũvika o nayu.
14Ndiũmũandĩkĩa maũndũ aa nĩ kana nĩmwĩw'ĩthye nthoni, ĩndĩ nĩmũmanyĩsye ta syana syakwa nendete. 15O na kau mwĩ na andũ aingĩ ma kũmũmanyĩsya maũndũ ma Ũklĩsto, mwĩ na ĩthe ũmwe. Natw'ĩkie ĩthe wenyu nthĩnĩ wa Yesũ Klĩsto kwa kũmũetee Ũvoo Mũseo. 16#1Ako 11.1; Avi 3.17 Kwoou nĩngũmwĩsũva mũatĩĩe ngelekany'o yakwa. 17Kwa kĩtumi kĩu nĩngũmũtũmĩa Timotheo mwana wakwa nthĩnĩ wa Mwĩai nĩmwendete na wa kwĩkwatw'a, nĩ kana amũlilikany'e maũndũ ala nyie nĩatĩĩaa nthĩnĩ wa Klĩsto, namo nĩ ala nĩmanyĩasya kĩla vandũ nthĩnĩ wa kĩla ĩkanisa.
18Amwe menyu nĩmakwatĩtwe nĩ kwĩkathĩĩa mayona ta ndakoka ĩngĩ kwenyu. 19Ĩndĩ nĩngũka kwenyu mĩtũkĩ, ethĩwa nĩkw'o kwenda kwa Mwĩai, na ngeemanyĩa nyie mwene, vinya ũla andũ asu mekwĩkathĩĩa naw'o, eka o kũneena. 20Nĩkwĩthĩwa ũsumbĩ wa Ngai tyo kũneena kw'oka, ĩndĩ nĩ meko. 21Mwĩenda ata ĩndĩ? Mwĩenda nũke na mũnzyũ, kana mwĩenda nũke na veva wa wendo na ũuu?
Currently Selected:
1Ako 4: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
1Ako 4
4
Ũthũkũmi wa Atũmwa
1Andũ nĩmaĩlĩte kũtwosa ithyĩ ta athũkũmi ma Klĩsto tũnengetwe kũũngamĩa syĩmbithĩ sya Ngai. 2Kĩndũ kĩmwe kyendekete kwa aũngamĩi ma mũthemba ũsu nĩkwĩthĩwa me aĩkĩĩku. 3Nyie nditelemaw'a nĩ kũsilĩlwa nĩ inyw'ĩ, kana o na kũsilĩlwa nĩ andũ; o nakwa nyie mwene ndyĩsilĩlaa. 4Wasya wakwa wa ngoo nĩ mũtheu, ĩndĩ kĩu kĩituma ndw'ĩka kana ndi na ĩvĩtyo. Ũla ũmbĩkuũaa nĩ Mwĩai. 5Kwoou mũikasilĩle mũndũ o na wĩva ĩvinda yĩte ĩviku; eteelai nginya Mwĩai oke. Akaumĩlya kyeninĩ maũndũ ala yu mavithe kĩvindunĩ, na akaumbũany'a mosũanĩo ma ngoo sya andũ. Vau ĩndĩ kĩla mũndũ akakwata kuma kwa Ngai ndaĩa ĩla ĩmwaĩlĩte.
6Natũmĩa ngelekany'o ya Avolo nakwa mwene maũndũnĩ aa kwondũ wenyu mbaitũ, nĩ kana mwĩmanyĩsye kuma vala tũĩ, na nĩ kana mũikathonoke kĩla kĩandĩke. Vai ũmwe wenyu waĩlĩte kwĩkathĩĩa na mũndũ mũna na aivũthya ũngĩ. 7Nũũ ũla wonaa kĩndũ kĩ kĩvathũkany'o nthĩnĩ wake? Nĩ kyaũ wĩ nakyo kĩla ũtaaĩka kũnengwa? Ethĩwa ĩndĩ wĩkĩte kũnengwa, nĩkĩ ĩndĩ ũkwĩkathĩĩa ta ũtekĩte kũnengwa?
8Inyw'ĩ kote mwĩ na kyonthe kĩla mũkwenda! Ko mũtatw'ĩkĩte athwii! O na tũtevo nĩmwatw'ĩkie asumbĩ! Nĩw'a mũyo mũtw'ĩkĩte asumbĩ, o naitũ tũkasumbĩka nenyu. 9Nĩona Ngai ta ũtũvangĩle naku ĩtina ithyĩ atũmwa, ta andũ matw'ĩĩwe kũawa; nũndũ tũtw'ĩkĩte andũ ma kũsyaĩĩw'a nĩ nthĩ yonthe: Nĩ alaĩka na nĩ andũ. 10Ithyĩ kwondũ wa Klĩsto twĩ atumanu, ĩndĩ inyw'ĩ ko mũte oĩ nthĩnĩ wa Klĩsto! Ithyĩ twĩ onzu, ĩndĩ inyw'ĩ ko mũte vinya! Ithyĩ tũvũthĩtw'e mũno, ĩndĩ inyw'ĩ ko mũtanengetwe ndaĩa. 11Kũvika o nayu tũtindaa na nzaa na waũni; twĩkĩaa ngũa ndw'ĩku, nĩtũvũawa nĩ andũ, na tũi na vandũ va kũkoma. 12#Meko 18.3 O ta ũu nĩtwĩnoasya mũno kwa kũtethya wĩa wa moko. Twaumangwa, twĩkaa kũathima; twathĩnw'a, nĩtũmĩĩasya; 13twaneenewa naĩ, tũsũngĩaa na ndeto syĩ na ũuu. Tũtw'ĩkĩte ta mavuti ma nthĩ ĩno, na ta ĩko ĩũlũ wa nthĩ kũvika o nayu.
14Ndiũmũandĩkĩa maũndũ aa nĩ kana nĩmwĩw'ĩthye nthoni, ĩndĩ nĩmũmanyĩsye ta syana syakwa nendete. 15O na kau mwĩ na andũ aingĩ ma kũmũmanyĩsya maũndũ ma Ũklĩsto, mwĩ na ĩthe ũmwe. Natw'ĩkie ĩthe wenyu nthĩnĩ wa Yesũ Klĩsto kwa kũmũetee Ũvoo Mũseo. 16#1Ako 11.1; Avi 3.17 Kwoou nĩngũmwĩsũva mũatĩĩe ngelekany'o yakwa. 17Kwa kĩtumi kĩu nĩngũmũtũmĩa Timotheo mwana wakwa nthĩnĩ wa Mwĩai nĩmwendete na wa kwĩkwatw'a, nĩ kana amũlilikany'e maũndũ ala nyie nĩatĩĩaa nthĩnĩ wa Klĩsto, namo nĩ ala nĩmanyĩasya kĩla vandũ nthĩnĩ wa kĩla ĩkanisa.
18Amwe menyu nĩmakwatĩtwe nĩ kwĩkathĩĩa mayona ta ndakoka ĩngĩ kwenyu. 19Ĩndĩ nĩngũka kwenyu mĩtũkĩ, ethĩwa nĩkw'o kwenda kwa Mwĩai, na ngeemanyĩa nyie mwene, vinya ũla andũ asu mekwĩkathĩĩa naw'o, eka o kũneena. 20Nĩkwĩthĩwa ũsumbĩ wa Ngai tyo kũneena kw'oka, ĩndĩ nĩ meko. 21Mwĩenda ata ĩndĩ? Mwĩenda nũke na mũnzyũ, kana mwĩenda nũke na veva wa wendo na ũuu?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011