TITO 3
3
Mwĩkalo wa Ũklĩsto na musingi waw’o
1 #
1 Vet 2.13. Malilikan’ye kwĩnyivĩasya anene, na ala me na ũkũmũ, na kũmew’a, methĩwe meyũmbanĩte kĩla wĩanĩ mũseo, 2#Avi 4.5.maikaneenee mũndũ o na wĩva naĩ, kana kũtetan’ya, methĩwe me avoo, makyonan’ya ũuu w’onthe kwa andũ onthe. 3#1 Ako 6.11; Aev 2.2; 5.8.Nĩkwĩthĩwa ithyĩ naitũ tene twaĩ atũmanu, tũtyaĩ ewi, twaĩ akenge, tũkĩthũkũma mawendi na motanu ma nthĩ ma mĩthemba mingĩ, tũkĩkalya mathayũ maitũ maũndũnĩ mai, na kwĩw’anĩa iwĩu, tũkimeneka, na kũmenana ithyĩ kwa ithyĩ. 4#Tito 2.11; Nth 8.31.Ĩndĩ yĩla ũseo wa Ngai Mũtangĩĩi waitũ, na wendo wake welekele andũ, waumilile, 5#Aev 2.8,9; 5.26; Yoa 3.5; 2 Tim 1.9.ti kwondũ wa meko ma ũlũngalu, ala ithyĩ tweekie, ĩndĩ kwĩanana na tei wake nĩwatũtangĩĩe, kwondũ wa kũthambw’a kwa kũsyawa ĩngĩ, na kũtw’ĩkĩthw’a eũ nĩ Veva Mũtheu, 6#Yoe 2.28.ũla watwonoesye kwa wingĩ, kwondũ wa Yesũ Klĩsto Mũtangĩĩi waitũ; 7#Alo 3.24.nĩ kana, ũndũ wa kũtalĩlwa ũlũngalu kwondũ wa mumo wake, tũtonye kũtuwa atiĩwa kwĩanana na wĩkwatyo wa thayũ ũtathela. 8Ndeto nĩ ya kũĩkĩĩwa, na kwondũ wa maũndũ aa nĩngwenda ũneene na vinya, nĩ kana ala metĩkĩlĩte Ngai mesũvĩe mũno mekae meko maseo. Maũndũ aa nĩ maseo na me na ũtandĩthyo andũnĩ: 9#1 Tim 4.7.ĩndĩ mokũlyo ma ũtumanu, na mosyaanĩo, na mateta, na kũkita ũndũ wa ĩla mĩao, ĩvete maũndũnĩ asu; nũndũ mati na ũtandĩthyo na nĩ ma mana. 10#2 Yoa 10; Mt 18.15,16.Mũndũ ũla ũetae kĩvathũkangano, ĩtina wa kũmũtaa ya mbee na ya kelĩ, mũlee; 11#1 Tim 6.4,5.ũkĩmanya kana mũndũ ũilyĩ ũsu nũalyũkĩte, na ekaa naĩ, nĩwĩsilĩlĩte mwene kwĩthĩwa nĩ mũvĩtan’ya.
Maũtũmane ma ũtaanĩsyo
12 #
2 Tim 4.12. Yĩla nĩtũma Alitema kwaku, kana Tikiko, ĩthangaasye kũka Nikovoli vala nĩĩ: nĩkwĩthĩwa nĩnĩminĩte kũtw’a kwĩkala kw’o ĩvinda ya mbevo. 13#Meko 18.24; 1 Ako 3.5,6.Matethye mũno Nzena ũla mũmanyĩsya wa mĩao na Avolo kyalonĩ kyoo, matikanyivĩwe nĩ kĩndũ o na kĩmwe. 14#Tito 2.14; Mt 7.19; Aev 4.28,29.Na andũ maitũ nao memanyĩsye kwĩyĩkalya mawĩanĩ maseo kwondũ wa kwĩanĩsya mavata, nĩ kana matikethĩwe mate na ũsyao.
15Andũ onthe ala me vamwe nakwa nĩmaũkethya. Tũkethesye ala matwendaa nthĩnĩ wa ũla mũĩkĩĩo.
Mumo nĩwĩthĩwe nenyu inyw’onthe.
Currently Selected:
TITO 3: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
