VILEMONA 1
1
Ndeto sya mbee
1 #
Aev 3.1. Vaulo, mwovwa wa Klĩsto Yesũ, na Timotheo mwana‐a‐asa waitũ, valũa ũũ witũ ũmũvikĩe Vilemona mwendwa waitũ na mũtethya wa wĩa vamwe naitũ, 2#Ako 4.17; 2 Tim 2.3.na Avia mwĩĩtũ‐wa‐asa waitũ, na Alikivo mũsikalĩ vamwe naitũ, na ikanisa yĩla yĩ nyũmbanĩ yaku: 3#Alo 1.7.Mumo nĩwĩthĩwe nenyu na mũuo kuma kwa Ngai Asa waitũ na kwa Mwĩaĩi Yesũ Klĩsto.
Wendo na mũĩkĩĩo wa Vilemona
4Nĩmũtũngĩa Ngai wakwa mũvea mavinda onthe, ngĩũweta mboyanĩ syakwa, 5ngĩw’a ũvoo wa wendo waku, na mũĩkĩĩo ũla wĩ naw’o ũmwelekele Mwĩaĩi Yesũ, na atheu onthe: 6#Avi 1.9.nĩ kana mũamba wa mũĩkĩĩo waku wĩthĩwe ũitethya wĩa wa w’o, ũmanyinĩ wa kĩla ũndũ ũseo wĩ nthĩnĩ wenyu, kwondũ wa Klĩsto. 7#2 Ako 7.4.Nũndũ nai na ũtanu mwingĩ na ũkiakisyo kwondũ wa wendo waku, nĩkwĩthĩwa ngoo sya atheu nivuũkĩtw’e nue, mwana‐a‐asa.
Wisũvano kwondũ wa ngombo ndoloku
8Kwondũ wa ũu, o na kau nĩ na ũnyiau w’onthe nthĩnĩ wa Klĩsto kũkwĩaĩa wĩke ũndũ waile, 9ĩndĩ kwondũ wa wendo nĩ kavaa nĩkwĩsũve, nĩkwĩthĩwa nyie Vaulo nĩ mũkũũ, na yu nĩ mwovwa wa Klĩsto Yesũ: 10#Ako 4.9; Aka 4.19; 1 Ako 4.15.10 nĩkwĩsũva ũndũ wa mwana wakwa, ũla nĩsyaĩte nĩ o mwove, nake nĩ Onesimo, 11ũla tene ũtaĩ ũuno kwaku, ĩndĩ yu e ũuno kwaku o na kwakwa: 12nake namũtũma we mwene asyoke kwaku, nake nĩ ngoo yakwa ki: 13#Avi 2.30.ũla nendie ekale nakwa, nĩ kana anthũkũmae vandũ vaku wovwanĩ wa ũla ũvoo mũseo: 14#2 Ako 9.7; 1 Vet 5.2.ĩndĩ ndinenda kwĩka ũndũ vate ũtw’ĩo waku; nĩ kana ũseo waku ndũkethĩwe ta wa kũĩngĩĩw’a, ĩndĩ wĩthĩwe wa kwenda kwaku. 15Nũndũ no kwĩthĩwa nĩ kwondũ wa ũu ataaniw’e naku kavinda, nĩ kana wĩthĩwe nake tene na tene; 16#1 Tim 6.2.kuma yu ti ta ngombo, ĩndĩ nĩ mbee wa ngombo, nĩ mwana‐a‐asa mwendwa; nyie nĩnĩmwendete mũno, ĩndĩ kwaku nĩ mbee mũno, nthĩnĩ wa mwĩĩ o na nthĩnĩ wa Mwĩaĩi. 17Ethĩwa ĩndĩ wĩona nyie nĩ ngwatanĩo vamwe naku, mwĩtĩkĩle we o takwa mwene. 18Ĩndĩ ethĩwa nĩwakũvĩtanĩsye ũndũ, kana e thiĩ naku wa kindũ, andĩka ĩũlũ wakwa; 19#Aka 6.11; 2 Ath 3.17.nyie Vaulo niandĩka ũu na kw’oko kwakwa mwene, nyie ngaĩva: o na ndiũkwĩa kana wĩ thiĩ nakwa wa thayũ waku mwene. 20Ĩĩ, mwana‐a‐asa, nĩthĩwe na ũtanu kwondũ waku nthĩnĩ wa Mwĩaĩi: vuũkya ngoo yakwa nthĩnĩ wa Klĩsto. 21Ngĩĩkĩĩa mũno wĩwi waku nĩngũkũandĩkĩa, ngĩmanya kana ũkeeka o na kũthonoka ũndũ ngwasya. 22#Avi 1.25; 2.24.Ĩndĩ vamwe na ũu nzeũvĩsya vandũ va kwĩkala: nũndũ nĩĩkwatya kwondũ wa mboya syenyu nganengwa kũka kwenyu.
Mũminũkĩlyo
23 #
Ako 1.7; 4.12. Evavila, mwovwa vamwe nakwa nthinĩ wa Klĩsto Yesũ, nĩwaũkethya; 24#Ako 4.10,14.na ta ũu Maliko, na Alisitaliko, na Ndema, na Luka, atethya ma wĩa vamwe nakwa.
25Mumo wa Mwĩaĩi waĩtũ Klĩsto nĩwĩthĩwe na maveva menyu. Ameni.
Currently Selected:
VILEMONA 1: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
