ALOMI 5
5
Ũsyao wa mũĩkĩĩo
1 #
Alo 3.24,28; 4.24; Isa 53.5. Ĩndĩ twatalĩlwa ũlũngalu nũndũ wa mũĩkĩĩo, twĩ an mũuo na Ngai kwondũ wa Mwĩaĩi waitũ Yesũ Klĩsto; 2#Aev 3.12; Alo 3.23.na kwondũ wake nĩtwonete kwondũ wa kũĩkĩĩa ũthei wa kũvota nthĩnĩ wa mumo ũũ ũla tũũngeme nthĩnĩ waw’o; na nĩtũtanaa wĩkwatyonĩ wa ũtheu mũtisu wa Ngai. 3#Yak 1.2,3; 1 Vet 1.5–7.Na ti ũu w’oka, ĩndĩ nĩtũtanaa mathĩnanĩ maitũ namo: twĩsĩ kana mathĩna maetae wũmĩĩsyo; 4na wũmĩĩsyo ũetae ũlũmu; na ũlũmu ũetae wĩkwatyo; 5#Sav 22.5; 25.20; Aevl 6.18,19.na wĩkwatyo ndũsonokasya; nũndũ wendo wa Ngai nĩwonoetwe ngoonĩ sitũ nĩ Veva Mũtheu ũla tũnengetwe.
Wendo wa Ngai wonanĩtw’e kĩkw’ũnĩ kya Klĩsto
6Nũndũ yĩla twaĩ onzu, ĩvinda yeanĩa Klĩsto amakw’ĩĩa ala matakĩaa Ngai. 7Nũndũ nĩ vinya mũndũ kũkw’a kwondũ wa mũndũ mũlũngalu: ĩndĩ no kwĩthĩwa ve ũmwe ũtonya kũkw’a kwondũ wa mũndũ mũseo. 8#Yoa 3.16; 1 Yoa 4.10.Ĩndĩ Ngai nĩwonanisye wendo wake mwene kwitũ, atĩ yĩla twaĩ athe, Klĩsto akw’a kwondũ witũ. 9#Alo 1.18; 2.5,8.Ĩndĩ mbee mũno, yu tũtalĩlwe ũlũngalu nũndũ wa nthakame yake, tũkatangĩĩwa nĩwe kuma ũthatunĩ wa Ngai. 10#Alo 8.7.Nũndũ ethĩwa, yĩla twaĩ amaitha, twew’anĩthw’e na Ngai kwondũ wa kĩkw’ũ kya Mwana wake, mbee mũno ĩtina wa kwĩw’anĩthw’a, tũkatangĩĩwa nĩ thayũ wake; 11na ti ũu w’oka, ĩndĩ nĩtũtanaa nthĩnĩ wa Ngai nũndũ wa Mwĩaĩi waitũ Yesũ Klĩsto, ũla kwondũ wake yu nĩtwosete ũla wĩw’anĩthyo.
Kĩkw’ũ kwondũ wa Atamu, thayũ kwondũ wa Klĩsto
12 #
Mwa 2.17; 3.9; Alo 6.23. Kwondũ wa ũu, nũndũ wa mũndũ ũmwe naĩ yalikile kũũ nthĩ, na kĩkw’ũ kwondũ wa naĩ; na kwa ũu kĩkw’ũ kyavikĩa andũ onthe, nĩkwĩthĩwa onthe nĩmeekie naĩ:— 13nũndũ ĩla mĩao ĩtanoka naĩ yaĩ kũũ nthĩ; ĩndĩ naĩ ndĩtalawa mĩao ĩte vo. 14#1 Ako 15.21,22,45,55.Ĩndĩ kĩkw’ũ kyasumbikie kuma Atamu kũvika Mose, o na ĩũlũ wa ala matekĩte naĩ ya mũthemba wa ĩvĩtyo ya Atamu, nake nĩ ngelekan’yo ya ũla ũkoka. 15Ĩndĩ ũla mũthĩnzĩo ndũilyĩ ta yĩla ĩvĩtyo. Nũndũ ethĩwa aingĩ makwie nĩ ĩvĩtyo ya ũmwe, mbee mũno mumo wa Ngai, na ũla mũthĩnzĩo nũndũ wa mumo wa mũndũ o ũmwe, Yesũ Klĩsto, waingĩva kwa aingĩ. 16Na ũla mũthĩnzĩo ndũilyĩ ta ũndũ ũla waumie ĩvĩtyonĩ ya mũndũ ũmwe ũla wavĩtisye: nũndũ ũsilĩlo waumie kwa ũmwe waete ũsilĩlo ũtw’ĩtwe, ĩndĩ ũla mũthĩnzĩo nĩwookie kwondũ wa mavĩtyo maingĩ waete kũtalĩlwa ũlũngalu. 17Nũndũ ethĩwa kwondu wa ĩvĩtyo ya ũla ũmwe, kĩkw’ũ kyasumbĩkie ũndũ wa ũmwe; mbee mũno ala mosaa wingĩ wa mumo na wa mũthĩnzĩo wa ũlũngalu makasumbĩka thayũnĩ kwondũ wa ũmwe, Yesũ Klĩsto. 18#1 Ako 15.22.Ĩndĩ o tondũ ũsilĩlo ũtw’ĩtwe wookie ĩũlũ wa andũ onthe kwondũ wa ĩvĩtyo yĩmwe; o ta ũu kwondũ wa wĩko ũmwe wa ũlũngalu ũla mũthĩnzĩo wookie kwa andũ onthe, waete kũtalĩlwa ũlũngalu wa thayũ. 19#Isa 53.11.Nũndũ wa kũlea kwĩw’a kwa mũndũ ũmwe aingĩ matwiwe athe, o ta ũu kwondũ wa kwĩw’a kwa ũmwe, aingĩ makatuwa alũngalu. 20#Alo 4.15; 7.8; Aka 3.19.Na ila mĩao nayo nĩyalikile, nĩ kana yĩla ĩvĩtyo yingĩvw’e; ĩndĩ yĩla naĩ yaingĩvie, mumo waingĩvie mũno mbee: 21#Alo 6.23.nĩ kana, o tondũ naĩ yasumbĩkie kũvikĩa kĩkw’ũ, o ta ũu mumo ũsumbĩke kwondũ wa ũlũngalu kũvikĩa thayũ ũtathela kwondũ wa Yesũ Klĩsto Mwĩaĩi waitũ.
Currently Selected:
ALOMI 5: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
