AVILIVI 4
4
Matao
1 #
2 Ako 1.14; 1 Ath 2.19,20. Kwondũ wa ũu, ana‐a‐asa makwa ala nendete mũno na ala nĩ na mea ma kũmwona, ũtanu wakwa na ngovia ya ũsumbĩ, ũngamai na ũlũmu nthĩnĩ wa Mwĩaĩi, endwa makwa.
2Nĩmwĩsũva Euotia, na nĩmwĩsũva Sinitike nake, methĩwe na kĩlilikano kimwe nthĩnĩ wa Mwĩaĩi. 3#Sav 69.28; Lk 10.20.Ĩĩ, na nĩngũkwisũva we, mwovanĩw’a wa w’o vamwe nakwa wĩanĩ, ũmatethye aka asu, nũndũ nĩmatethisye wĩa vamwe nakwa ũla ũvoonĩ mũseo, vamwe na Kilemendi nake, na ala angĩ atethya ma wĩa vamwe nakwa. Nao masyĩtwa moo me ĩvukunĩ ya thayũ.
4 #
Avi 3.1; 2 Ako 13.11. Tanaai nthĩnĩ wa Mwĩaĩi mavinda onthe: na ĩngĩ nĩngwasya Tanaai. 5#Aevl 10.37; Yak 5.8,9.Wũmĩĩsyo wenyu ũmanyĩke nĩ andũ onthe, Mwĩaĩi e vakuvĩ. 6#Mt 6.25–34; Ako 4.2; 1 Vet 5.7; Sav 145.18; Yoa 14.27.Mũikemakĩe kwa ũndũ o na wĩva; ĩndĩ kĩla ũndũnĩ mavata menyu nĩmatavanw’e kwa Ngai na kũvoya na kwĩsũva vamwe na kũtũnga mũvea. 7#Ako 3.15.Na mũuo wa Ngai, ũla ũvĩtũkĩte ũmanyi w’onthe, ũkasũvĩaa ngoo syenyu na mosũanĩo menyu nthĩnĩ wa Klĩsto Yesũ.
8 #
Alo 12.17. Kũminũkĩlya, ana‐a‐asa, maũndũ o na meva ala ma w’o, maũndũ o na meva ala me na ndaĩa, maũndũ o na meva ala malũngalu, maũndũ o na meva ala matheu, maũndũ o na meva ala ma kwendeesya, maũndũ o na meva ala me na nguma nzeo; ethĩwa ve ũseo o na wĩva w’onthe, na ethĩwa ve ndaĩa o na yĩva yonthe, malilikanei maũndũ asu. 9#1 Ath 5.23; Alo 16.20; 1 Ako 14.33.Maũndũ ala mweemanyĩisye kwakwa na kũmosa na kũmew’a na kũmona, mekei maũndũ asu: na Ngai wa mũuo akeethĩwa vamwe nenyu.
Ndaĩa ya Vaulo nũndũ wa ũseo wa Avilivi
10Ĩndĩ nĩtana mũno nthĩnĩ wa Mwĩaĩi, atĩ yu nĩmwambĩlĩlye ĩngĩ kũndilikana; na nĩmwandilikene w’o, ĩndĩ mũtyaaona ũthei. 11#1 Tim 6.6.Ti atĩ nĩneena ũu nũndũ nĩ na vata: nũndũ nĩneemanyĩisye, ũndũnĩ o na wĩva ũla nĩ naw’o, kwĩthĩwa ndi na ũndũ. 12#2 Ako 6.10.Nĩnĩsĩ ũndũ kũilyĩ kũnyivĩwa, na nĩnĩsĩ ũndũ kũilyĩ kwingĩvĩwa nakw’o: kĩla ũndũnĩ na maũndũnĩ onthe nĩnĩmanyĩĩtye kũvũna o na kwĩw’a nzaa, kwĩthĩwa na nyingĩ na kũnyivĩwa. 13#2 Ako 12.10; 2 Tim 4.17.Nĩndonya maũndũ onthe nthĩnĩ wake ũla ũndonyethasya. 14Ĩndĩ mwekie nesa mũno mweethĩwa na mũamba nakwa mathinanĩ makwa. 15#2 Ako 11.9.Nenyu ene nĩmwĩsĩ, inyw’ĩ Avilivi, kana wambĩlĩlyonĩ wa ũla ũvoo mũseo, yĩla naumie Masetonia, vaiai ĩkanisa yaĩ na mũamba nakwa ũndũnĩ ũũ wa kũnengane na kwosa, ate o inyw’ĩ inyw’oka; 16nĩkwĩthĩwa o na kũu Thesalonika nĩmwandetee ũtethyo kwondũ wa vata wakwa, o na ti ĩvinda yĩmwe. 17#1 Ako 9.11.Ti kwĩthĩwa nĩngũwenda ũla mũthĩnzĩo; ĩndĩ nĩngwenda ũsyao ũla wingĩvaa ũtalonĩ wenyu. 18#Kuma 29.18; Esek 20.41; Avi 2.25.Ĩndĩ nĩ na syĩndũ syonthe, na nĩningĩvĩwe: na ĩngĩ nĩnusũĩte, nũndũ nĩnĩsyosete mokonĩ ma Evavilotito syĩndũ ila syumĩte kwenyu, nĩ mũuke mũseo, nĩ nthembo ĩtĩkĩlawa, ĩla ĩmwendeeasya Ngai. 19Na Ngai wakwa akawĩanĩsya kĩla vata wenyu kwĩanana na ũthwii wake ndaĩanĩ nthĩnĩ wa Klĩsto Yesũ. 20Na yu Ngai, Asa waitũ, nataĩwe tene na tene. Ameni.
Ngethi ya mũtaanĩsyo
21Ngethesyai kĩla mũtheu nthĩnĩ wa Klĩsto Yesũ. Ana‐a‐asa ala me nakwa nĩmamũkethya. 22#Avi 1.13.Atheu onthe nĩmamũkethya, na mũno nĩ ala ma nyũmba ya Kaisali.
23Mumo wa Mwĩaĩi Yesũ Klĩsto nĩwĩthĩwe na maveva menyu.
Currently Selected:
AVILIVI 4: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
