Popular Bible Verses from AVILIVI 4

Share

Mũikemakĩe kwa ũndũ o na wĩva; ĩndĩ kĩla ũndũnĩ mavata menyu nĩmatavanw’e kwa Ngai na kũvoya na kwĩsũva vamwe na kũtũnga mũvea.

Na mũuo wa Ngai, ũla ũvĩtũkĩte ũmanyi w’onthe, ũkasũvĩaa ngoo syenyu na mosũanĩo menyu nthĩnĩ wa Klĩsto Yesũ.

Kũminũkĩlya, ana‐a‐asa, maũndũ o na meva ala ma w’o, maũndũ o na meva ala me na ndaĩa, maũndũ o na meva ala malũngalu, maũndũ o na meva ala matheu, maũndũ o na meva ala ma kwendeesya, maũndũ o na meva ala me na nguma nzeo; ethĩwa ve ũseo o na wĩva w’onthe, na ethĩwa ve ndaĩa o na yĩva yonthe, malilikanei maũndũ asu.

Nĩndonya maũndũ onthe nthĩnĩ wake ũla ũndonyethasya.

Tanaai nthĩnĩ wa Mwĩaĩi mavinda onthe: na ĩngĩ nĩngwasya Tanaai.

Na Ngai wakwa akawĩanĩsya kĩla vata wenyu kwĩanana na ũthwii wake ndaĩanĩ nthĩnĩ wa Klĩsto Yesũ.

Maũndũ ala mweemanyĩisye kwakwa na kũmosa na kũmew’a na kũmona, mekei maũndũ asu: na Ngai wa mũuo akeethĩwa vamwe nenyu.

Wũmĩĩsyo wenyu ũmanyĩke nĩ andũ onthe, Mwĩaĩi e vakuvĩ.

Nĩnĩsĩ ũndũ kũilyĩ kũnyivĩwa, na nĩnĩsĩ ũndũ kũilyĩ kwingĩvĩwa nakw’o: kĩla ũndũnĩ na maũndũnĩ onthe nĩnĩmanyĩĩtye kũvũna o na kwĩw’a nzaa, kwĩthĩwa na nyingĩ na kũnyivĩwa.

Ti atĩ nĩneena ũu nũndũ nĩ na vata: nũndũ nĩneemanyĩisye, ũndũnĩ o na wĩva ũla nĩ naw’o, kwĩthĩwa ndi na ũndũ.