MEKO MA ATŨMWA 9
9
Kũtangĩĩwa kwa Saulo
(MEKO MA ATŨMWA 22.6–16; 26.12–18)
1 #
Meko 8.3. Ĩndĩ Saulo nake, kũveva kwake kwaĩ kũmakan’ya na kũmoaa amanyĩw’a ma Mwĩaĩi, aenda kwa mũthembi mũnene, 2na amwĩtya mavalũa ma ũthi nao Ndamasiku masinakokenĩ, nĩ kana oona andũ ma ĩla Nzĩa, o na ethĩwa nĩ aũme kana aka, amaete me ove Yelusaleme. 3#1 Ako 15.8.Nake aendete na nzĩa, kweethĩwa aithengeea vakuvĩ na Ndamasiku: na oyu, o ĩmwe, kyeni kyauma ĩtunĩ kyakena ngalĩ syake syonthe: 4nake avalũka nthĩ, na eew’a wasya ũineena nake, Saulo, Saulo, nĩkĩ ũũnthĩn’ya? 5#Meko 5.39.Nake akũlya, Nue ũũ, Mwĩaĩi? Nake amũsũngĩa, Ninyie Yesũ ũla ũũthĩn’ya: (nĩ vinya kwaku kũtheela mũsenge. 6Nake aitelema na kũseng’a, asya, Mwĩaĩi, wĩenda nĩke ata?) Amwĩa, Ũkĩla, ũvote ndũanĩ, na ũkatavw’a ũndũ waĩle kwĩka. 7Na andũ ala maendanĩtye nake maũngama makilĩtye ki, makĩw’a wasya, ĩngĩ maiaaona mũndũ. 8Na Saulo ookĩla nthĩ; na asalukya metho make, ndaaona kĩndũ; na mamũtongoesya mamũkwete kw’oko, na mamũtwaa Ndamasiku. 9Nake ekala mĩthenya ĩtatũ atekwona, na ateũya kana kũnyw’a.
Saulo e Ndamasiku
10 #
Meko 10.17; 16.9. Na kwaĩ mũmanyĩw’a ũmwe Ndamasiku, wetawa Anania; na Mwĩaĩi aneena nake woninĩ, amwĩta, Anania. Nake eetĩka, Sisya, ninyioo Mwĩaĩi. 11#Meko 21.39.Na Mwĩaĩi amwĩa, Ũkila, ũthi nzĩanĩ ĩla yĩtawa Ndũngalu, noikũlya nyũmbanĩ ya Yutasi mũndũ ũmwe wĩtawa Saulo, mũndũ wa Taliso: nũndũ sisya, nũnũũvoya; 12na nĩwonete mũndũ wĩtawa Anania aivota, na akilĩĩla moko ĩũlũ wake, nĩ kana atonye kũnengwa kwona. 13Ĩndĩ Anania amũsũngĩa, Mwĩaĩi, nĩnĩw’ĩte na andũ aingĩ ũvoo wa mũndũ ũsu, ũndũ wĩkĩte atheu maku kũya Yelusaleme mothũku maingĩ: 14#1 Ako 1.2; Meko 22.16; 2 Tim 2.22.na vaa e na ũkũmũ wumĩte kwa athembi anene amove onthe ala mawetaa syĩtwa yaku. 15#Alo 1.5; Meko 25.13; 27.24; 2 Ako 4.7.Ĩndĩ Mwĩaiĩ amwia, Enda: nĩkwĩthĩwa we nĩ mũio mũnyuve kwakwa, wa ũkua syĩtwa yakwa kwa Andũ‐ma‐mbaĩ‐ingĩ, na asumbĩ, na andũ ma mbaĩ ya Isilaeli: 16#Meko 23.29; 2 Ako 11.23–28.nũndũ nyie, ngamwon’ya maũndũ ũndũ meana, ala matatĩa ũmũkwata kwondũ wa syĩtwa yakwa. 17Na Anania athi, na alika nyũmba; na aimwilĩĩla moko make asya, Mwana‐a‐asa Saulo, ũla Mwĩaĩi nĩwandũma, nake nĩwe Yesũ, ũnakumĩlĩle nzĩanĩ ĩla ũnookĩte nayo, nĩ kana ũtonye kũnengwa kwona na kusũwa nĩ Veva Mũtheu. 18Na oyuyu kwavalũka syĩndũ kuma methonĩ make ta makwaũ, nake anengwa kwona; na ookĩla na avatiswa; 19na ĩndĩ aya lĩu na eethĩwa na vinya.
Nake ekala vamwe na amanyĩw’a ala maĩ Ndamasiku mĩthenya ĩmwe. 20Na oyu masinakokenĩ amũtavan’ya Yesũ kana nĩwe Mwana wa Ngai. 21#Meko 8.1; 9.1,14; 26.10.Na onthe ala mamwĩwie maseng’a, na masya, Ũũ tiwe ũla ũnamanangaa ala manayĩkaĩlaa syĩtwa yĩĩ Yelusaleme? Nake anookĩte vaa kwondũ wa ũu, nĩ kana amatwae me ove kwa athembi anene. 22#Meko 18.28.Ĩndĩ Saulo ongeleka kũya vinya, na aimakĩlya ũĩ Ayuti ala matwĩe Ndamasiku, akyonan’ya kana ũsu nĩwe Klĩsto.
23 #
Meko 23.12–29. Na mĩthenya mingĩ yavĩta, Ayuti masaman’ya vamwe, mamũae: 24#Meko 23.16.ĩndĩ nzama yoo yamanyĩka nĩ Saulo. Nao mamwoveesya mbingĩlonĩ mũthenya na ũtukũ, kana matonye kũmũaa: 25#2 Ako 11.32,33.ĩndĩ amanyĩw’a mamwosa na ũtukũ na mamũtheelelya ũvainĩ e kĩkavũnĩ.
Saulo e Yelusaleme na Taliso
26 #
Aka 1.17–19. Na avika Yelusaleme, atata kwĩyosan’ya na amanyĩw’a: na onthe nĩmamũkĩaa, matekwĩtĩkĩla kana we nĩ mũmanyĩw’a. 27#Meko 9.20.Ĩndĩ Valanava amwosa, na amũete kwa atũmwa, na amatavya ũndũ wamwonie Mwĩaĩi nzĩanĩ, na ũndũ waneenie nake, na ũndũ watavanisye na ũkũmbaũ syĩtwanĩ ya Yesũ ku Ndamasiku. 28Na aĩ vamwe nao akĩlika na akyumaala Yelusaleme, 29akĩtavan’ya na ũkũmbaũ syĩtwanĩ ya Mwĩaĩi: na aneena na aikananĩa na Ayuti ma Ũkiliki; ĩndĩ mamantha ũmũaa. 30#Meko 11.25; Aka 1.21.Na ana‐a‐ĩthe mamanya mamũtheesya Kaisalea, na mamwĩa athi Taliso.
31Na ĩndĩ ĩkanisa ya nthĩ yonthe ya Yutia na Kalilii na Samalia yaĩ na mũuo, na kwakĩka, na kũendeea kũmũkĩa Mwĩaĩi, na ũkiakisyonĩ wa Veva Mũtheu, na yaingĩva.
Vetelo aivosya andũ Lita
32Na kweethĩwa, Vetelo aianganga ku kw’onthe, atheea kwa atheu ala matwĩe Lita. 33Na ku oona mũndũ, syĩtwa yake Ainea, ũla wamamĩte ũkomonĩ wake myaka nyanya; nĩkwĩthĩwa aĩ mwau mamutha. 34Na Vetelo amwĩa, Ainea, Yesũ Klĩsto nũnũũkũvosya: ũkĩla walan’ye ũkomo waku. Na oyu ookĩla 35Na onthe ala matwĩe Lita na Saloni mamwona, na mamwĩthyũũĩa Mwĩaĩi.
Ndolokasi aithayũũkw’a
36Na Yova kwaĩ mũmanyĩw’a ũmwe wetawa Tavitha, ũalyũlo wayo nĩ, Ndolokasi: mũndũ mũka ũsu ausũĩte meko maseo ala wekaa vamwe na kumya motethyo. 37Na mĩthenya ĩsu akwatwa nĩ ũwau, na akw’a: na mamũthambya, mamwia nyũmbanĩ ya ĩũlũ. 38Na nĩkwĩthĩwa ndũa ya Lita yaĩ vakuvĩ na Yova, ala amanyĩw’a meew’a kana Vetelo e kw’o, mamatũma andũ elĩ kwake, maimwĩsũva, makyasya, Ndũkekale, ũka kwĩtũ. 39Na Vetelo ookĩla na aendan’ya nao. Na avika, mambata nake nyũmbanĩ ĩla ya ĩũlũ: na aka ndiwa onthe maũngama nake makĩĩa, na maimwon’ya itonyeo na ngũa syonthe ila Ndolokasi watumĩte, yĩla waĩ vamwe nao. 40#Mko 5.40,41.Ĩndĩ Vetelo amaumaalya onthe, na atulya ndu, avoya; na eethyũũa elekela kimba, asya, Tavitha, ũkĩla. Nake asalukya metho; na amwona Vetelo, ookĩla ekala nthĩ. 41#Meko 9.32.Nake amũnenga kw’oko kwake, amũkĩlya; na ĩndĩ ameta atheu na aka ndiwa, amanenga we, e thayũ. 42Na ũndũ ũsu wamanyĩka ndũa yonthe ya Yova: na aingĩ mamwĩtĩkĩla Mwĩaĩi. 43#Meko 10.6.Na Vetelo ekala vo Yova mĩthenya mingĩ kwa mũndũ wetawa Simoni, mũseũvya wa ithuma.
Currently Selected:
MEKO MA ATŨMWA 9: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
