MEKO MA ATŨMWA 15
15
Aklĩsto ma Andũ‐ma‐mbaĩ‐ingĩ na Mĩao ya Mose
1 #
Aka 5.2. Na andũ amwe matheea kuma Yutia na mamanyĩsya ala ana‐a‐asa, maiasya, Mwalea kwaĩkwa kũatĩĩa kĩthĩo kya Mose, mũitonya kũtangĩĩwa. 2#Meko 11.30; Aka 2.1.Na Vaulo na Valanava maĩ manakananĩa na ũkũlan’ya nao mũno, ala ana‐a‐asa matw’a kana Vaulo na Valanava, na angĩ amwe mamo, mambate mathi Yelusaleme kwa atũmwa na atumĩa kwondũ wa ũkũlyo ũsu. 3Namo ĩndĩ, maumaaw’a nĩ ĩkanisa, mavĩtĩla Voenike na Samalia, maitavan’ya kwĩthyũũĩa Ngai kwa Andũ‐ma‐mbaĩ‐ingĩ: na matan’ya ana‐a‐asa na ũtanu mũnene. 4#Meko 14.27.Na mavika Yelusaleme, mooswa nĩ ĩkanisa na atũmwa na atumĩa, na mamatavya maũndũ onthe ala Ngai wĩkĩte namo. 5Ĩndĩ mookĩla amwe meetĩkĩlĩte, ma kĩthemba kya Avalisĩ, masya, Nĩmaĩlwe nĩ kwaĩkwa, na kwĩaĩwa makwate mĩao ya Mose.
Nzama ya Yelusaleme
6Na ala atũmwa na atumĩa moombana vamwe kũsũanĩa ũndũ ũsũ. 7#Meko 10.44; 11.15.Na maĩ manakũlan’ya mũno, Vetelo aũngama, amea,
Ana‐a‐asa, nĩmwĩsĩ kana tene Ngai nĩwanyuvie kwenyu, kana Andũ‐ma‐mbaĩ‐ingĩ mew’e na kanyw’a wakwa ndeto ya ũla ũvoo mũseo, na kwĩtĩkĩla. 8Na Ngai, ũla wĩsĩ ngoo, amakũsĩĩa, aimanenga Veva Mũtheu, o ũndũ watũnengie ithyĩ; 9#Meko 10.34.na ndaaĩkĩa kĩvathũkan’yo katĩ waitũ nao, aimathesya ngoo syoo nũndũ wa kũĩkĩĩa. 10#Aka 3.10; 5.1; Mt 11.30.Na ĩndĩ nĩkĩ yu mũũmũtata Ngai, mũimekĩa amanyĩw’a ngingonĩ ĩsoki yĩla aasa maitũ o naitũ twaemiwe nĩ ũkua? 11#Aka 2.16; Aev 2.4–10.Ĩndĩ nĩtwĩtĩkĩle kana ithyĩ tũkatangĩĩwa nũndũ wa mumo wa Mwĩaĩi Yesũ o tamo.
12Na ĩkomano yonthe yavindya ki; na yeethukĩĩsya Valanava na Vaulo maimatavya ũvoo wa syama na momakyo ala Ngai wĩkĩte kwa Andũ‐ma‐mbaĩ‐ingĩ namo. 13#Meko 21.18; Aka 2.9.Nao mamina ũneena, Yakovo asũngĩa, aiasya,
Ana‐a‐asa, mbĩthukĩĩsyai: 14#Meko 15.7–9; Lk 1.68.Simoni nĩwatũngĩlĩla ũndũ Ngai wambie kũmokĩa Andũ‐ma‐mbaĩ‐ingĩ, nĩ kana aumye andũ katĩ wamo kwondũ wa syĩtwa yake. 15#Amo 9.11,12.Na ndeto sya athani syosanaa na ũu; ũndũ kũandĩkĩtwe, 16#Yel 12.15.Ĩtina wa maũndũ aa ngaalũka,
Nakwa ngaaka wĩkalo wa Ndaviti, ũla mũvalũku;
Na ngatũngĩĩa kũla waombokie,
Na ngawũũngamya:
17Nĩ kana ũtialo wa andũ ũmũmanthe Mwĩaĩi,
Na Andũ‐ma‐mbaĩ‐ingĩ onthe, ala syĩtwa yakwa yĩũwetwa ĩũlũ woo,
18 #
Isa 45.21. Easya ũu Mwĩaĩi, ũla ũtumaa maũndũ aa mamanyĩka kuma tene.
19 #
Mwa 9.4; Ali 3.17; 5.2; 17.10–16. Kwondũ wa ũu, nĩtw’a atĩ tũikamanyamasye Andũ‐ma‐mbaĩ‐ingĩ ala meĩthyũũa na ũmwelekela Ngai; 20ĩndĩ nĩtũmaandĩkĩe, mevathane na movukyo na mĩvw’anano, na ũlaalai, na syĩndũ ila sitĩtwe, o na nthakame. 21#Meko 13.15.Nũndũ kuma mavinda ma tene kĩla ndũanĩ Mose e na ala matavanasya ũvoo wake, ũkĩsomeawa masinakokenĩ mĩthenya yonthe ya savato.
Valũa kwa Aklĩsto ma Andũ‐ma‐mbaĩ‐ingĩ
22Na ĩndĩ atũmwa na atumĩa, vamwe na ĩkanisa yonthe, moona nĩ ũseo kũnyuva andũ amwe moo, na kũmatũma Andiokia vamwe na Vaulo na Valanava; namo nĩ aa, Yutasi wĩtawa syĩtwa yĩngĩ Valisava, na Sila, andũ me na nguma katĩ wa ana‐a‐asa: 23na maandĩka na ũmatwaĩa namo, Atũmwa na atumĩa, ana‐a‐asa, valũa ũũ witũ ũmavikĩe ana‐a‐asa ma Andũ‐ma‐mbaĩ‐ingĩ ala me Andiokia na Silia na Silisia, nũvoo: 24#Meko 15.1.Nĩkwĩthĩwa nĩtwĩw’ĩte kana andũ amwe ala maumie kwitũ nĩmamũthĩnitye na ndeto syoo, na kũthyũũa ngoo syenyu; nao tũiaameaĩa; 25naitũ twonete nĩ ũseo, nĩkwĩthĩwa twĩw’anĩte na ngoo ĩmwe, kũnyuva andũ na kũmatũma kwenyu vamwe na endwa maitũ Valanava na Vaulo, 26andũ ala malikĩtye mathayũ moo mũisyonĩ kwondũ wa syĩtwa ya Mwĩaĩi waitũ Yesũ Klĩsto. 27Ĩndĩ twatũma Yutasi na Sila, nao ene makamũtavya ndeto isu na makanyw’a moo. 28#Mt 23.4.Nĩkwĩthĩwa Veva Mũtheu onie nĩ ũseo, naitũ no ta ũu, tũikamwaĩkye inyw’ĩ mũio ũthonokete maũndũ aa me na vata wa kwĩthĩwa: 29nao nĩ aa, kana mwĩvathane na syĩndũ ila syũaĩawa mĩvw’anano, na nthakame, na syĩndũ ila sitĩtwe, na ũlaalai; mweesũvĩa maũndũ asu, kũkeethĩwa ũseo kwenyu. Ĩkalai na ũvoo.
30Namo, mamina kũnengwa ũthei, matheea Andiokia; na moomban’ya ikomano yonthe vamwe, mamanenga ũla valũa. 31Nao moosoma, matana nũndũ wa ũkiakisyo ũsu. 32#Meko 11.27; 13.1.Na Yutasi na Sila, kwa kwĩthĩwa maĩ athani, mamataa ana‐a‐asa na ndeto nyingĩ, na ũmalũlũmĩlya. 33Nao mekala vo ĩvinda ĩasa, meew’a mathi na mũuo, nao mauma kwa ana‐a‐asa masyoka kwa ala mamatũmie. ( 34Ĩndi Sila nĩwendie kwĩkalanga kw’o.) 35Ĩndĩ Vaulo na Valanava mekala Andiokia, makĩmanyĩsya na kũtavan’ya ndeto ya Mwĩaĩi, me na andũ angĩ aingĩ.
Vaulo na Valanava maitaanĩsya
36 #
1 Ath 3.5. Na mithenya ĩmwe yavĩta Vaulo amwĩa Valanava, Tũalũke ĩndĩ yu tũmasisye ana‐a‐asa ala me ndũanĩ syonthe kũla twatavanisye ndeto ya Mwĩaĩi, ũndũ mailyĩ. 37#Meko 12.12,25.Na Valanava endie Yoana aendan’ye nao, ũla wetawa syĩtwa yĩngĩ Maliko. 38#Ako 4.10.Ĩndĩ Vaulo oona ti ũseo kũthi na ũsu ũla wamatiie Vambilia, alea ũlika ũla wĩanĩ vamwe namo. 39#Meko 4.36; 13.4.Na ĩndĩ kwookĩla ĩteta yai, na mataanĩsya ũmwe na ũla ũngĩ, na Valanava oosa Maliko aendan’ya nake, na athi na ngalawa Kuvolo: 40ĩndĩ Vaulo amũnyuva Sila, nake aumaala, anenganwe mumonĩ wa Mwĩaĩi nĩ ana‐a‐asa. 41Nake avĩtĩla Silia na Silisia aimalũlũmĩlya makanisa.
Currently Selected:
MEKO MA ATŨMWA 15: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
