1 TIMOTHEO 3
3
Mwĩkalo wa asyaĩĩsya ma ĩkanisa
1 #
Meko 20.28. Ndeto nĩ ya kwĩtĩkĩlwa, Ethĩwa mũndũ eenda wĩa wa mũsyaĩĩsya wa ĩkanisa, eenda wĩa mũseo. 2#Tito 1.6,7.Mũsyaĩĩsya ĩndĩ mũvaka ethĩwe ataweteka ũthũku, mũũme wa kĩveti o kĩmwe, mwĩting’u, wĩ na kĩlĩko, mwaĩlu, mũthokya wa aeni, wĩ na ũtonyi wa kũmanyĩsya; 3ndakethiwe mũnywi wa ũkĩ, kana mũkũni wa andũ; ĩndĩ ethĩwe e mũuu, ti mũndũ wa kũtetan’ya, na ti mwendi wa mbesa; 4#1 Sam 2.12.mũndũ ũla ũũngamĩaa nyũmba yake nesa, mũndũ wĩ na syana syĩ na winyivyo vamwe na kĩkĩo kyonthe; 5(ĩndĩ ethĩwa mũndũ ndesĩ kũũngamĩa nyũmba yake, akasũvĩa ata ĩkanisa ya Ngai?) 6Ti mũndũ ũla wĩtĩkĩlĩte mĩtũkĩ, nĩkwĩthiwa eekathĩĩa akavalũka ũsilĩlonĩ wa Satani. 7#1 Tim 5.10; 2 Ako 8.21; 1 Ako 5.12,13.Na ĩngĩ mũvaka ala me ũtee methĩwe na ũkũsĩ kana nĩ mũseo; ndakavalũke na kũwetwa ũthũku na kũlika mũkwanĩ wa Satani. 8#Avi 1.1; Meko 6.3.No ta ũu athũkũmi mũvaka methĩwe andũ me kĩkĩo, ti andũ me na nĩmĩ ilĩ, ti anywi ma mbinyu mbingĩ, ti mwendi wa kũunwa nĩ syĩndũ itamwaĩle; 9nĩmethĩwe makĩkwata nzama ya ũla mũĩkĩĩo na wasya mũtheu wa ngoo. 10Na asu nao mambe kũow’a; na ĩtina nĩmathũkũme, ethĩwa matiũweteka ũthũku. 11#Tito 2.3.Aka nao, no ta ũu, methĩwe na kĩkĩo, na ti ailĩanĩli, ĩndĩ eting’u, ala me na kĩthito maũndũnĩ onthe. 12Athũkũmi methĩwe kĩla ũmwe mũũme wa kĩveti o kĩmwe, maiũngamĩa syana syoo na nyũmba syoo nesa. 13Nũndũ ala mathũkũmĩte nesa, wĩa wa ũtumĩa wa ĩkanisa, meyoneaa nguma nzeo, na ũkũmbaũ mũnene mũĩkĩĩonĩ ũla wĩ nthĩnĩ wa Klĩsto Yesũ.
Ũnene wa mũthaithĩle witũ
14Nakũandĩkĩa maũndũ aa, ngĩkwatya kũka kwaku mĩtũkĩ; 15#2 Tim 2.2; Aev 2.19–22.ĩndĩ ethĩwa nĩĩkala mũno, naandĩka nĩ kana ũmanye ũndũ andũ maĩle kwĩyĩkalya nyũmbanĩ ya Ngai, nayo nĩ ĩkanisa ya Ngai ũla wĩ thayũ, kĩtuĩ na wambĩlĩlyo wa ũla w’o. 16#Yoa 1.14; 16.10; Alo 1.4; Mko 16.19.Na vate ngananĩo nzama ya kũmũkĩa Ngai nĩ nene;
We ũla wonaniw’e e na mwĩĩ, Atalĩlwa ũlũngalu vevanĩ, Ooneka nĩ alaĩka, Atavanw’a kwa Andũ‐ma‐mbaĩ‐ingĩ, Eetĩkĩlwa kũũ nthĩ Atwawa ĩũlũ ũtheunĩ mũtisu.
Currently Selected:
1 TIMOTHEO 3: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
