1 TIMOTHEO 2
2
Maũndũ ma kũatĩĩa ũthaithinĩ na maũmbanoni ma Aklĩsto
1 #
Avi 4.6. Ĩndĩ, mbee wa maũndũ onthe, nĩngwĩsũva kana kwĩsũvana, na kũvoya, na kũvoyea, na kũtũnga mũvea, kwĩkawe kwondũ wa andũ onthe; 2kwondũ wa asumbĩ na onthe me na ũnene; nĩ kana twĩthĩwe na thayũ mũuu na mũuo katĩ wa kũmũkĩa Ngai kw’onthe na mwĩkalo mũseo. 3#1 Tim 1.1; 4.10.Ũndũ ũũ nĩ ũseo na nĩwĩtĩkĩlawa kwa Ngai Mũtangĩĩi waitũ; 4#Esek 18.23; 2 Vet 3.9.ũla wendaa andũ onthe matangĩĩwe, na moke mamanye ũla w’o. 5#Alo 3.29,30; Aevl 12.24.Nũndũ Ngai no ũmwe, na mwĩw’anĩthya katĩ wa Ngai na andũ no ũmwe, nake nĩ mũndũ, Klĩsto Yesũ, 6#Aka 1.4; 2.20; Tito 2.14.ũla wenenganie ethĩwe mbovosya ya andũ onthe; ũkũsĩ ũkaumĩlwa mavindanĩ maw’o; 7#2 Tim 1.11; Aka 2.7,8.naw’o kwondũ waw’o nyie niĩtwe nĩthĩwe mũtavan’ya na mũtũmwa (nĩneena w’o, ndiũneena ũvũngũ), mũmanyĩsya wa Andũ‐ma‐mbaĩ‐ingĩ nthĩnĩ wa mũĩkĩĩo na wa ũla w’o.
8Kwondũ wa ũu, nĩenda aũme mavoyae kĩla vandũ, makyũkĩlya moko matheu, vate ũthatu na ngananĩo. 9#1 Vet 3.3–5.Na aka no ta ũu, meyanakavye na kwĩvw’ĩka ngũa imaĩle, vamwe na wĩnyivyo na kĩlĩko; ti na nzw’ĩĩ mbokothe, na thaavu kana lũlũ kana ngũa sya thooa mũnene; 10#1 Tim 5.10.ĩndĩ mevw’ĩke meko maseo (o ũndũ ũmaĩle aka ala maumbũlaa kũmũkĩa Ngai). 11#Aev 5.22.Mũndũ mũka emanyĩsye auĩtye na wĩnyivyo w’onthe. 12#1 Ako 14.34; Mwa 3.16.Ĩndĩ ndĩũmũnenga mũndũ mũka ũthei wa kũmanyĩsya, kana kũsumbĩka mũndũ mũũme, ĩndĩ nĩethĩwe auĩtye. 13#Mwa 1.27; 2.7,22; 1 Ako 11.8,9.Nũndũ Atamu oombiwe mbee, na Eva ĩtina; 14#Mwa 3.6; 2 Ako 11.3.na Atamu ndaakengwa, ĩndĩ mũka akengwa nĩwavalũkile ĩvĩtyonĩ: 15ĩndĩ akatangĩĩwa aisyaa syana, ethĩwa makekala mũĩkĩĩonĩ na wendonĩ na ũtheunĩ vamwe na kilĩko.
Currently Selected:
1 TIMOTHEO 2: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
