1 ATHESALONIKA 5
5
Kũka kwa Mwĩaĩi, na vata wa ũsyaĩĩsyo
1 #
Mt 24.36. Ĩndĩ ũndũ wa mavinda na syathĩ, ana‐a‐asa, mũi na vata kũandĩkiwa ũndũ. 2#Mt 24.42–44; 2 Vet 3.10; Ũvu 3.3; 16.15.Nũndũ inyw’ĩ ene nĩmwĩsi vyũ kana mũthenya wa Mwĩaĩi wĩũka o ũndũ kĩng’ei kyũkaa ũtukũ. 3#Yel 6.14; Yoa 16.21,22; Mt 24.39; Lk 21.34,35.Ĩvinda yĩla mekwasya, Kwĩ mũuo na vai mũisyo, o ĩvinda yĩu nĩw’o wanangĩko wĩũka ĩũlũ woo mĩtũkĩ, o tondũ woo wa kwaũnya ũkwataa mũndũ mũka wĩ ĩvu; na maikavonoka nongi. 4Ĩndĩ inyw’ĩ, ana‐a‐asa, mũi kĩvindunĩ, ũndũ mũthenya ũsu ũmũvikĩa ta kĩng’ei: 5#Alo 13.12; Aev 5.9.nũndũ inyw’onthe mwĩ ana ma kyeni, na ana ma mũthenya: ithyĩ tũi ma ũtukũ kana ma kĩvindu; 6nũndũ wa ũu tũikakome, ta ala angĩ, ĩndĩ tũsyaĩĩsye na kwĩthĩwa na wĩting’o. 7Nũndũ ala makomaa, makomaa ũtukũ; na ala matoonaa, matoonaa ũtukũ. 8#Aev 6.14–17; Isa 59.17.Ndĩ ithyĩ, nũndũ twĩ ma mũthenya, twĩthĩwe na wĩting’o, tũkĩkĩa ngao ya kĩthũi ya mũĩkĩĩo na wendo; na ngovia yĩthĩwe nĩyo wĩkwatyo wa ũtangĩĩo. 9#1 Ath 1.10; 2 Ath 2.14.Nũndũ Ngai ndaatwia twĩthĩwe ma kũthatĩwa, ĩndĩ ma kwosa ũtangĩĩo kwondũ wa Mwĩaĩi waitũ Yesũ Klĩsto, 10#1 Ath 4.14; Alo 14.8,9.ũla wakwie nũndũ witũ, nĩ kana, ethĩwa nĩtũamũkĩte kana kũkoma, twĩthĩwe thayũ vamwe nake. 11#Yuta 1.20.Kwondũ wa ũu kiakian’yai, na kĩla mũndũ akyaka ũla ũngĩ, o ũndũ mwĩkaa.
Matao ma mĩthemba, na ndeto sya kũminũkĩlya
12 #
1 Ako 16.18; 1 Tim 5.17. Ĩndĩ nĩtũũmwĩsũva, ana‐a‐asa, mũmanye ala mathĩnĩaa wĩa katĩ wenyu, na me ĩũlũ wenyu nthĩnĩ wa Mwĩaĩi, na mamũtaaa inyw’ĩ; 13na kũmataĩa mũno nthĩnĩ wa wendo kwondũ wa wĩa woo. Ĩthĩwai na mũuo inyw’ĩ kwa inyw’ĩ. 14#2 Ath 3.6,11,15.Na nĩtũũmũtaa, ana‐a‐asa, mataaei ala matekalaa nesa, mekĩaei vinya ala me na ngoo mbũthũ, tw’ĩĩkaai ala onzu, ũmĩanĩasyai na andũ onthe. 15#Nth 20.22; Alo 12.17; 1 Vet 3.9.Sisyai kana mũndũ o na wĩva ndakekũle kwa ũngĩ; ĩndĩ mavinda onthe atĩĩaai ũla ũseo, ene kwa ene, na kwa onthe. 16#Avi 4.4.Tanaai mavinda onthe; 17#Lk 18.1; Alo 12.12; Ako 4.2.voyaai mũtekũeka; 18#Aev 5.20.tũngaai mũvea kĩla ũndũnĩ: nũndũ ũu nĩw’o Ngai wendaa nthĩnĩ wa Klĩsto Yesũ ngalĩ ĩ yenyu. 19#1 Ako 14.1,29,30,39.Mũikamũvosye Veva; 20mũikavũthye mawathani; 21#1 Yoa 4.1.oasyai maũndũ onthe; lũmasyai ũla ũseo; 22#Yovu 1.1,8; 2.3.ĩvathanaei na kĩla mũthemba wa ũthũku.
23 #
2 Ath 3.16. Na Ngai wa mũuo mwene namũvathan’ye mwĩthĩwe atheu vyũ; veva na ngoo na mwĩĩ syĩthĩwe syĩ nima, itailĩĩlĩka ũthũku akyũka Mwĩaĩi waitũ Yesũ Klĩsto. 24#1 Ako 1.9; 2 Ath 3.3.E na kĩthito ũla ũmwĩtaa inyw’ĩ, nake akeeka ũu.
25 #
2 Ath 3.1. Ana‐a‐asa, tũvoyeei.
26 #
1 Ako 16.20. Kethyai ana‐a‐asa onthe na ũmumunyano mũtheu. 27Nĩngũmwĩavĩthya kwa Mwĩaĩi nĩ kana valũa ũũ ũsomewe ana‐a‐asa onthe.
28Mumo wa Mwĩaĩi waitũ Yesũ Klĩsto nĩwĩthĩwe vamwe nenyu.
Currently Selected:
1 ATHESALONIKA 5: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
