ABARUMI 9
9
Ogwechanda gwa Paulo ase eagencho y’ogotegena kw’Abaisraeli
1Nigo ngokwana ekeene ase Kristo, tindi goteba oborimo. Okomanya gw’enkoro yane ime, gokwamorekirwe n’Omoika Omochenu, kwambereire korori, 2ng’a ninde nobororo obonge na ogwechanda kogendererete ase enkoro yane. 3Naki nanga naganetie ng’a ndagererigwe inche omonyene na gwatananwa korwa ase Kristo ase engencho y’abaminto abare b’eamate yane ase egesaku giaito. 4Barabwo n’Abaisraeli, bakorirwe koba abana ba Nyasae, barorire, obonene, bancheirwe okobwatana, baeirwe amachiko ne ribaga ri’ogosasima Nyasae, baeirwe ne chiira chiaye. 5Naki abagaaka baito ba kare nababo, na korwa asebare Kristo nao aiboretwe buna mwanyabanto; ere nigo are Nyasae igoro ase ebinto bionsi, oyorabakwe goika kare na kare. Amina.
Chiira chia Nyasae tichiamochete goikeranigwa
6Tari ng’a ring’ana ria Nyasae ndiasinyire goikeranigwa. Naki tari bonsi abare ab’egesaku ki’Abaisraeli bare Abaisraeli b’ekene; 7gose tari bonsi bare abana ba Ibrahimu ekiagera baruete ase oroiboro rwaye, otatiga, “Ase Isaka oroiboro rwao narwatorwe.” 8Engencho yaye, tari abana b’ororeria bare abana ba Nyasae, korende nabana b’eira bakobarwa ng’a noroiboro rwaye. 9Nake ring’ana ri’eira neri, “Ekero kenga buna eke ninchiche, inyore ng’a Sara onyorire omwana omoisia.” 10Gose tari igo rioka, korende Rebeka nere nabogoretie oborito ase omosacha oyomo, nere Isaka sokoro yaito. 11,12Naki ekero abana baria konya bataraiborwa na batarakora amaya gose amabe, ng’ina nigo atebetigwe, “Oyo omonene nakorere oyo omoke.” Igo omoroberio o Nyasae bw’ogochora goika ogenderere, tari ase engencho y’ogokora kw’abanto, korende ase okorangeria kwaye. 13Naki igo erikire, “Namwanchire Yakobo, korende namogechire Esau.”
Nyasae nomonyene oboronge
14Ninki rende toratebe? Ogotaba boronge nkore ase Nyasae? Yaya, taibo! 15Naki nigo atebetie Musa, “Nimororere amabera ere oyo ndarorere amabera, na nimororere amabeebe ere oyo ndarorere amabeebe.” 16Ase igo, tari ng’a nigo ere ase ogwancha kw’omonto, gose nokw’oria ogokora omokia, korende nokw’oria okororera amabera, nere Nyasae. 17Naki amariko nigo agoteba ase Farao, “Nigo nagotenenetie, erinde nyorokie okobua kwane asore, na erieta riane nario rirararigwe ase ense yonsi.” 18Ase igo, oyo arigetie kororera amabera, nigo akomororera amabera, na oyo arigetie gokora abe omokong’u ase enkoro yaye, nigo akomokora abe omokong’u.
Nyasae nomogambi omonene
19Aande gose nontebie, “Nase ki nonya mbono Nyasae akonyora okomocha ase mwanyabanto? Naki ning’o oranyare koamereria okorigia kwaye?” 20Mwanyabanto, aye naye ng’o okoiraneria Nyasae? Inee! Egento getongire nakemotebie oyogetongete, “Ninki gwankorerete iga?” 21Gose omokori chinyongo tari nokobua igoro ase esike, ase ribomba ri’esike gokora egento ekemo eki’ogosikwa, na ekende kebe getari nogosikwa? 22Naki rende onye Nyasae okorigia koorokia endamwamu yaye, na komanyia abanto okobua kwaye, na ase oboremereria obonge akabogorerania nebinto biria bi’endamwamu biakorirwe ase ogosareka, 23erinde aorokie obonda bw’obonene bwaye, ase ebinto biria bi’amabera ebiaroisetie korwa kare binyore obonene? 24Abwo nintwe, twarangeretigwe nere, tari korwa ase Abayahudi boka, korende nonya nkorwa ase abanto b’Ebisaku boigo. 25Naboigo akwanete ase ebuku ya Hosea,
“Abanto baria batarenge abanto baane,
nimbaroke abanto baane;
na oyotarenge omwanchwa one,
nimoroke omwanchwa one.”
26“Nabe aase aria barabwo batebetigwe: Inwe timori abanto baane,
abwo babarije ababa ba Nyasae ore moyo.”
27Isaya nere ogoaka eriogi riaye igoro y’Abaisraeli, ogoteba, “Omobaro bw’Abaisraeli nonya bare buna omokenye ore nyancha, abatigarete nabwo boka barache gotoorigwa; 28naki Omonene nache ase ense agambe ekina, akenache na kogekoora.” 29Naende buna Isaya atang’anete gokwana.
“Onye Omonene bw’Emeganda atatotigerete oroiboro,
nanga nigo twabete buna Sodomu,
na koreng’anigwa na Gomora.”
Ekiagerete Abaisraeli bakagwa
30Ninki rende toratebe? Ng’a abanto b’Ebisaku, abatarenge korigia oboronge mbanyorete oboronge boria bw’okwegena; 31korende Abaisraeli abare korigia oboronge bokorwa ase amachiko, tibaikerete oboronge boria. 32Nase ki? Ekiagera tibarenge koborigia ase enchera y’okwegena, korende nase enchera y’ogokora, Bakagochwa igoro ase rigena riria rikogocha; 33buna erikire,
“Rigereria, nabekire ase Sayoni rigena riragoche abanto,
na egetare kerabaiyerie inse,
na onde bwensi oramwegene takorora obosooku.”
Currently Selected:
ABARUMI 9: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
ABARUMI 9
9
Ogwechanda gwa Paulo ase eagencho y’ogotegena kw’Abaisraeli
1Nigo ngokwana ekeene ase Kristo, tindi goteba oborimo. Okomanya gw’enkoro yane ime, gokwamorekirwe n’Omoika Omochenu, kwambereire korori, 2ng’a ninde nobororo obonge na ogwechanda kogendererete ase enkoro yane. 3Naki nanga naganetie ng’a ndagererigwe inche omonyene na gwatananwa korwa ase Kristo ase engencho y’abaminto abare b’eamate yane ase egesaku giaito. 4Barabwo n’Abaisraeli, bakorirwe koba abana ba Nyasae, barorire, obonene, bancheirwe okobwatana, baeirwe amachiko ne ribaga ri’ogosasima Nyasae, baeirwe ne chiira chiaye. 5Naki abagaaka baito ba kare nababo, na korwa asebare Kristo nao aiboretwe buna mwanyabanto; ere nigo are Nyasae igoro ase ebinto bionsi, oyorabakwe goika kare na kare. Amina.
Chiira chia Nyasae tichiamochete goikeranigwa
6Tari ng’a ring’ana ria Nyasae ndiasinyire goikeranigwa. Naki tari bonsi abare ab’egesaku ki’Abaisraeli bare Abaisraeli b’ekene; 7gose tari bonsi bare abana ba Ibrahimu ekiagera baruete ase oroiboro rwaye, otatiga, “Ase Isaka oroiboro rwao narwatorwe.” 8Engencho yaye, tari abana b’ororeria bare abana ba Nyasae, korende nabana b’eira bakobarwa ng’a noroiboro rwaye. 9Nake ring’ana ri’eira neri, “Ekero kenga buna eke ninchiche, inyore ng’a Sara onyorire omwana omoisia.” 10Gose tari igo rioka, korende Rebeka nere nabogoretie oborito ase omosacha oyomo, nere Isaka sokoro yaito. 11,12Naki ekero abana baria konya bataraiborwa na batarakora amaya gose amabe, ng’ina nigo atebetigwe, “Oyo omonene nakorere oyo omoke.” Igo omoroberio o Nyasae bw’ogochora goika ogenderere, tari ase engencho y’ogokora kw’abanto, korende ase okorangeria kwaye. 13Naki igo erikire, “Namwanchire Yakobo, korende namogechire Esau.”
Nyasae nomonyene oboronge
14Ninki rende toratebe? Ogotaba boronge nkore ase Nyasae? Yaya, taibo! 15Naki nigo atebetie Musa, “Nimororere amabera ere oyo ndarorere amabera, na nimororere amabeebe ere oyo ndarorere amabeebe.” 16Ase igo, tari ng’a nigo ere ase ogwancha kw’omonto, gose nokw’oria ogokora omokia, korende nokw’oria okororera amabera, nere Nyasae. 17Naki amariko nigo agoteba ase Farao, “Nigo nagotenenetie, erinde nyorokie okobua kwane asore, na erieta riane nario rirararigwe ase ense yonsi.” 18Ase igo, oyo arigetie kororera amabera, nigo akomororera amabera, na oyo arigetie gokora abe omokong’u ase enkoro yaye, nigo akomokora abe omokong’u.
Nyasae nomogambi omonene
19Aande gose nontebie, “Nase ki nonya mbono Nyasae akonyora okomocha ase mwanyabanto? Naki ning’o oranyare koamereria okorigia kwaye?” 20Mwanyabanto, aye naye ng’o okoiraneria Nyasae? Inee! Egento getongire nakemotebie oyogetongete, “Ninki gwankorerete iga?” 21Gose omokori chinyongo tari nokobua igoro ase esike, ase ribomba ri’esike gokora egento ekemo eki’ogosikwa, na ekende kebe getari nogosikwa? 22Naki rende onye Nyasae okorigia koorokia endamwamu yaye, na komanyia abanto okobua kwaye, na ase oboremereria obonge akabogorerania nebinto biria bi’endamwamu biakorirwe ase ogosareka, 23erinde aorokie obonda bw’obonene bwaye, ase ebinto biria bi’amabera ebiaroisetie korwa kare binyore obonene? 24Abwo nintwe, twarangeretigwe nere, tari korwa ase Abayahudi boka, korende nonya nkorwa ase abanto b’Ebisaku boigo. 25Naboigo akwanete ase ebuku ya Hosea,
“Abanto baria batarenge abanto baane,
nimbaroke abanto baane;
na oyotarenge omwanchwa one,
nimoroke omwanchwa one.”
26“Nabe aase aria barabwo batebetigwe: Inwe timori abanto baane,
abwo babarije ababa ba Nyasae ore moyo.”
27Isaya nere ogoaka eriogi riaye igoro y’Abaisraeli, ogoteba, “Omobaro bw’Abaisraeli nonya bare buna omokenye ore nyancha, abatigarete nabwo boka barache gotoorigwa; 28naki Omonene nache ase ense agambe ekina, akenache na kogekoora.” 29Naende buna Isaya atang’anete gokwana.
“Onye Omonene bw’Emeganda atatotigerete oroiboro,
nanga nigo twabete buna Sodomu,
na koreng’anigwa na Gomora.”
Ekiagerete Abaisraeli bakagwa
30Ninki rende toratebe? Ng’a abanto b’Ebisaku, abatarenge korigia oboronge mbanyorete oboronge boria bw’okwegena; 31korende Abaisraeli abare korigia oboronge bokorwa ase amachiko, tibaikerete oboronge boria. 32Nase ki? Ekiagera tibarenge koborigia ase enchera y’okwegena, korende nase enchera y’ogokora, Bakagochwa igoro ase rigena riria rikogocha; 33buna erikire,
“Rigereria, nabekire ase Sayoni rigena riragoche abanto,
na egetare kerabaiyerie inse,
na onde bwensi oramwegene takorora obosooku.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020