ABARUMI 10
10
1Baminto okogania gw’enkoro yane na ogosaba kwane ase Nyasae ase engencho y’Abaisraeli nakwo oko, ng’a batoorigwe. 2Naki nababereire kirori, ng’a mbare nomokia ase Nyasae, korende ase omokia obo tibari nobong’ani. 3Naki kobarabe tibamanyeti oboronge bokorwa ase Nyasae, naende bakorigia goikerania oboronge bwabo abanyene, igo tibebegeti inse ase oboronge bwa Nyasae. 4Naki Kristo nere ore omoerio bw’amachiko, erinde onde bwensi oyoramwegene anyore oboronge.
Enchera enyia y’okonyora oboronge nigo erure ase abanto bonsi
5Naki Musa nigo arigete igoro y’oboronge obo bokorua ase amachiko, ng’a omonto oyorakore aya nabe nobogima ase aya. 6Korenda oboronge boria bokonyorekana ase okwegena nigo bogoteba iga: Toteba ase enkoro yao ime, “Ning’o oragende gochia igore” (engencho yaye nokorenta Kristo inse aa); 7gose, “Ning’o oranyare kogenda aike inse ase eora y’abakure?” (Engencho yaye nokorenta Kristo igoro korwa ase abakure). 8Korende, naki bogoteba? Ring’ana riria nigo rire ang’e naye, ase omonwa oo, na ime ase enkoro yao (eri nering’ana ri’okwegena, nidiria tokorandia). 9Ekiagera koraorokie nomonwa oo, ng’a Yeso nere Omonene, na kwegena ime ase enkoro yao ng’a Nyasae namobogetie korwa ase abakure, notoorigwe. 10Naki ase enkoro omonto nigo akwegena, erio onyora oboronge; na ase omonwa oorokia, erio onyora ogotooreka. 11Amariko nigo agoteba, “Onde bwensi oramwegene takeorora obosooku.” 12Naki gwatananeka tikori ase Abayahudi na Abagiriki, ekiageai ase Abayahudi na Abaginiki, ekiagera Omonene nigo are Omonene o bonsi, na obonda bwaye nigo akoa abanto bonsi abakomorangeria. 13Ekiagera, “Onde bwensi orarangerie erieta ri’Omonene natoorigwe.”
14Inee! Naki baramorangerie ere bataramwegena? Naende naki baramwegene oyo batana koigwa amang’ana igoro yare? Naende naki baraigwe batari nomorandia? 15Naende naki bararandie batatomiri? Buna erikire, “Naki amagoro abo are amaseera, baria bakorandia amang’ana amaya!” 16Korende tari bonsi baigwerete enchili. Naki Isaya nigo agoteba, “Omonene, ning’o bwegenire aya aigure korwa asetore?” 17Ase ayio, okwegena nigo kogocha ase enchera y’okoigwa, na aya tokoigwa nigo agocha korwa ase ring’ana ria Kristo.
18Korende nkoboria nde: Inee! Barabwo tibaigwete? Ee, mbaigwete,
“Eriogi riabo riagendire, riesiareire ase ense engima,
na amang’ana abo aikire chinsinyo chionsi chi’ense
aase abanto bamenyete,”
19Naende nkoboria nde: Inee! Abaisraeli tibamanyete? Agwo ritang’ani Musa nigo agoteba,
“Nimbakore mobe ne ribero ase abanto batari egesaku,
ase egesaku kere ekeriri nigo ndababeyie,”
20Na Isaya nare noboremu bw’ogoteba,
“Nigo nanyorekanete nabatare kondigia;
nkeorokia ase abatare kong’itaa.”
21Korende ase Abaisraeli nigo agoteba, “Omobaso boira nigo nare kobaramborera amaboko aane abanto batari abaigweri korende abaamereria.”
Currently Selected:
ABARUMI 10: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
ABARUMI 10
10
1Baminto okogania gw’enkoro yane na ogosaba kwane ase Nyasae ase engencho y’Abaisraeli nakwo oko, ng’a batoorigwe. 2Naki nababereire kirori, ng’a mbare nomokia ase Nyasae, korende ase omokia obo tibari nobong’ani. 3Naki kobarabe tibamanyeti oboronge bokorwa ase Nyasae, naende bakorigia goikerania oboronge bwabo abanyene, igo tibebegeti inse ase oboronge bwa Nyasae. 4Naki Kristo nere ore omoerio bw’amachiko, erinde onde bwensi oyoramwegene anyore oboronge.
Enchera enyia y’okonyora oboronge nigo erure ase abanto bonsi
5Naki Musa nigo arigete igoro y’oboronge obo bokorua ase amachiko, ng’a omonto oyorakore aya nabe nobogima ase aya. 6Korenda oboronge boria bokonyorekana ase okwegena nigo bogoteba iga: Toteba ase enkoro yao ime, “Ning’o oragende gochia igore” (engencho yaye nokorenta Kristo inse aa); 7gose, “Ning’o oranyare kogenda aike inse ase eora y’abakure?” (Engencho yaye nokorenta Kristo igoro korwa ase abakure). 8Korende, naki bogoteba? Ring’ana riria nigo rire ang’e naye, ase omonwa oo, na ime ase enkoro yao (eri nering’ana ri’okwegena, nidiria tokorandia). 9Ekiagera koraorokie nomonwa oo, ng’a Yeso nere Omonene, na kwegena ime ase enkoro yao ng’a Nyasae namobogetie korwa ase abakure, notoorigwe. 10Naki ase enkoro omonto nigo akwegena, erio onyora oboronge; na ase omonwa oorokia, erio onyora ogotooreka. 11Amariko nigo agoteba, “Onde bwensi oramwegene takeorora obosooku.” 12Naki gwatananeka tikori ase Abayahudi na Abagiriki, ekiageai ase Abayahudi na Abaginiki, ekiagera Omonene nigo are Omonene o bonsi, na obonda bwaye nigo akoa abanto bonsi abakomorangeria. 13Ekiagera, “Onde bwensi orarangerie erieta ri’Omonene natoorigwe.”
14Inee! Naki baramorangerie ere bataramwegena? Naende naki baramwegene oyo batana koigwa amang’ana igoro yare? Naende naki baraigwe batari nomorandia? 15Naende naki bararandie batatomiri? Buna erikire, “Naki amagoro abo are amaseera, baria bakorandia amang’ana amaya!” 16Korende tari bonsi baigwerete enchili. Naki Isaya nigo agoteba, “Omonene, ning’o bwegenire aya aigure korwa asetore?” 17Ase ayio, okwegena nigo kogocha ase enchera y’okoigwa, na aya tokoigwa nigo agocha korwa ase ring’ana ria Kristo.
18Korende nkoboria nde: Inee! Barabwo tibaigwete? Ee, mbaigwete,
“Eriogi riabo riagendire, riesiareire ase ense engima,
na amang’ana abo aikire chinsinyo chionsi chi’ense
aase abanto bamenyete,”
19Naende nkoboria nde: Inee! Abaisraeli tibamanyete? Agwo ritang’ani Musa nigo agoteba,
“Nimbakore mobe ne ribero ase abanto batari egesaku,
ase egesaku kere ekeriri nigo ndababeyie,”
20Na Isaya nare noboremu bw’ogoteba,
“Nigo nanyorekanete nabatare kondigia;
nkeorokia ase abatare kong’itaa.”
21Korende ase Abaisraeli nigo agoteba, “Omobaso boira nigo nare kobaramborera amaboko aane abanto batari abaigweri korende abaamereria.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020