ABARUMI 16
16
Amakwania
1Nabekire oyominto Febe ase amaboko aino. Ere nomosubati omokoreri ore ase ekanisa ya Kenkerea. 2Momoroisie ase Omonene, buna egwenerete abachenu, momokonye ase ring’ana rinde rionsi araganie asemore, ekiagera ere obeire ogokonya abanto abange, nonya ninche omonyene nankonyete. 3Nkwanerie Priska na Akwila, abakori emeremo amo nainche ase Kristo Yeso, 4ababete ang’e korua obogima bwabo ase engencho yane. Nabaakeire ng’a mbuya mono, gose tari inche bweka, korende nonya ne chikanisa chionsi chi’abanto b’Ebisaku. 5Nkwanerie boigo ekanisa ere ase enyomba yabo. Nkwanerie Epaineto omwanchwa one, nere orenge bwe ritang’ani ase Asia koonchoka ase Kristo. 6Nkwanerie Mariamu oyokorete emeremo emekong’u ase egati yaino. 7Nkwanerie Androniko na Yunia, abaamate baane, abasibetwe abatomwa ng’a nabaya; barabwo nigo bantang’anerete koba ime ase Kristo. 8Nkwanerie Ampiliato, omwanchwa one ase Omonene. 9Nkwanerie Urubano omokori emeremo amo nainche ase Kristo, na Staku omwanchwa one. 10Nkwanerie Apele oyo bwancheretwe ase Kristo. Nkwanerie abanto b’enyomba y’Aristobulu. 11Nkwanerie Herodioni, omoamate one. Nkwanerie abanto b’enyomba ya Narikiso bare ase Omonene. 12Nkwanerie Turufena na Turufosa, abakori emeremo ase Omonene. Nkwanerie Perisi omwanchwa, oyokorire omokia mono ase Omonene. 13Nkwanerie Rufo omochorwa ase Omonene, na ng’ina ore buna baba asende. 14Nkwanerie Asunkrito, Felegoni, Herme, Patiroba, Herama na abaminto abare amo nabarabwo. 15Nkwanerie Fililogo, Yuli, Nereu na mosubati omwabo, Olimpa na abachenu bonsi abare amo nabarabwo. 16Kwanania na konyunyuntana ase obochenu. Chikanisa chionsi chia Kristo chiabakwanirie.
17Nabasoroire baminto, morigererie baria bakorenta ogwatananekana ne chingencho chikogera abanto bagwe korwa ase okwegena kwabo, chire mamincha y’okworokererigwa mworokereretigwe; mweatanane korwa asebarabwo. 18Naki abanto banga buna abwo tibari gokorera Omonene oito Kristo, korende nechinda chiabo bagokorera abanyene; na ase amang’ana amororo na ay’okwegwenia bang’aina emioyo y’abanto batetenenereti ase ebirengererio biabo. 19Naki okoigwera kwaino kwamanyekanire ase abanto bonsi. Naboigo nagokire ase engencho yaino, korende nindigetie mobe abang’aini ase amang’ana amaya, na abariri ase amang’ana amabe. 20Nyasae bw’omorembe namionogorere Saitani inse y’amagoro aino bwango. Obuya bw’Omonene oito Yeso Kristo bobe amo nainwe.
21Timotheo, omokori emeremo amo nainche, obakwanirie; naboigo Lukio, na Yasoni, na Sosipita, abaamate baane, babakwanirie.
22Inche Teretio, omoriki bwe rirube eri, nabakwanirie ase Omonene.
23Gayo, oyokondoisia inche na ekanisa engima, obakwanirie. Erasto, omogachi bwe chibesa, chi’omochie, na Kwarito oyominto, babakwanirie. 24Obuya bw’Omonene oito Yeso Kristo bobe amo nainwe mwensi. Amina.
Ogosaba kw’ogotogia
25Bono asare ere oyoranyare kobakong’ia ase enchili yane, na ase okorandigwa kwa Yeso Kristo, na ase okomaanorerwa kw’obobisi boria bwabisegete korwa kare, 26korende bono bwaorokigwe ase amariko ’ababani, bwamanyekanire ase abanto b’ebisaku bionsi buna Nyasae o kare na kare achigete, erinde baigwere na kwegena, 27ase Nyasae, omonyene obong’aini bweka, ogotogigwa kare na kae ase Yeso Kristo! Amina.
Currently Selected:
ABARUMI 16: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
ABARUMI 16
16
Amakwania
1Nabekire oyominto Febe ase amaboko aino. Ere nomosubati omokoreri ore ase ekanisa ya Kenkerea. 2Momoroisie ase Omonene, buna egwenerete abachenu, momokonye ase ring’ana rinde rionsi araganie asemore, ekiagera ere obeire ogokonya abanto abange, nonya ninche omonyene nankonyete. 3Nkwanerie Priska na Akwila, abakori emeremo amo nainche ase Kristo Yeso, 4ababete ang’e korua obogima bwabo ase engencho yane. Nabaakeire ng’a mbuya mono, gose tari inche bweka, korende nonya ne chikanisa chionsi chi’abanto b’Ebisaku. 5Nkwanerie boigo ekanisa ere ase enyomba yabo. Nkwanerie Epaineto omwanchwa one, nere orenge bwe ritang’ani ase Asia koonchoka ase Kristo. 6Nkwanerie Mariamu oyokorete emeremo emekong’u ase egati yaino. 7Nkwanerie Androniko na Yunia, abaamate baane, abasibetwe abatomwa ng’a nabaya; barabwo nigo bantang’anerete koba ime ase Kristo. 8Nkwanerie Ampiliato, omwanchwa one ase Omonene. 9Nkwanerie Urubano omokori emeremo amo nainche ase Kristo, na Staku omwanchwa one. 10Nkwanerie Apele oyo bwancheretwe ase Kristo. Nkwanerie abanto b’enyomba y’Aristobulu. 11Nkwanerie Herodioni, omoamate one. Nkwanerie abanto b’enyomba ya Narikiso bare ase Omonene. 12Nkwanerie Turufena na Turufosa, abakori emeremo ase Omonene. Nkwanerie Perisi omwanchwa, oyokorire omokia mono ase Omonene. 13Nkwanerie Rufo omochorwa ase Omonene, na ng’ina ore buna baba asende. 14Nkwanerie Asunkrito, Felegoni, Herme, Patiroba, Herama na abaminto abare amo nabarabwo. 15Nkwanerie Fililogo, Yuli, Nereu na mosubati omwabo, Olimpa na abachenu bonsi abare amo nabarabwo. 16Kwanania na konyunyuntana ase obochenu. Chikanisa chionsi chia Kristo chiabakwanirie.
17Nabasoroire baminto, morigererie baria bakorenta ogwatananekana ne chingencho chikogera abanto bagwe korwa ase okwegena kwabo, chire mamincha y’okworokererigwa mworokereretigwe; mweatanane korwa asebarabwo. 18Naki abanto banga buna abwo tibari gokorera Omonene oito Kristo, korende nechinda chiabo bagokorera abanyene; na ase amang’ana amororo na ay’okwegwenia bang’aina emioyo y’abanto batetenenereti ase ebirengererio biabo. 19Naki okoigwera kwaino kwamanyekanire ase abanto bonsi. Naboigo nagokire ase engencho yaino, korende nindigetie mobe abang’aini ase amang’ana amaya, na abariri ase amang’ana amabe. 20Nyasae bw’omorembe namionogorere Saitani inse y’amagoro aino bwango. Obuya bw’Omonene oito Yeso Kristo bobe amo nainwe.
21Timotheo, omokori emeremo amo nainche, obakwanirie; naboigo Lukio, na Yasoni, na Sosipita, abaamate baane, babakwanirie.
22Inche Teretio, omoriki bwe rirube eri, nabakwanirie ase Omonene.
23Gayo, oyokondoisia inche na ekanisa engima, obakwanirie. Erasto, omogachi bwe chibesa, chi’omochie, na Kwarito oyominto, babakwanirie. 24Obuya bw’Omonene oito Yeso Kristo bobe amo nainwe mwensi. Amina.
Ogosaba kw’ogotogia
25Bono asare ere oyoranyare kobakong’ia ase enchili yane, na ase okorandigwa kwa Yeso Kristo, na ase okomaanorerwa kw’obobisi boria bwabisegete korwa kare, 26korende bono bwaorokigwe ase amariko ’ababani, bwamanyekanire ase abanto b’ebisaku bionsi buna Nyasae o kare na kare achigete, erinde baigwere na kwegena, 27ase Nyasae, omonyene obong’aini bweka, ogotogigwa kare na kae ase Yeso Kristo! Amina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020