1 ABAKORINTO 1
1
Ogokwania na ogoaka ng’a mbuya mono
1Inche Paulo narangeretigwe koba omotomwa o Kristo Yeso ase ogwancha kwa Nyasae.
Inche amo noyominto Sostene 2nkobarikera tore inwe ab’ekanisa ya Nyasae ere ase Korinto, inwe abamwachenirwe ase Kristo Yeso, abamwarangerigwe koba abachenu amo na bonsi abakorangeria erieta ri’Omonene oito Yeso Kristo kera aase, nere Omonene obo na oyoito.
3Obuya bobe asemore, na omorembe, bikorwa ase Nyasae Tata oito, na ase Omonene Yeso Kristo.
4Botambe nigo nkomoakera Nyasae ng’a mbuya mono ase engencho yaino, ase engencho y’obuya bwa Nyasae mwaetwe ase Kristo Yeso. 5Ase kera enchera mogatenenkigwa ime asare ase chinkwana chionsi, ne chisemi chionsi, 6buna oborori bwa Kristo bwabekirwe chinguru ase egati yaino. 7Na bono timoremeiri keegwa kende gionsi, komoganyete okoorokigwa kw’Omonene oito Yeso Kristo. 8Nere orabakong’ie goika omoerio, erinde timocha koba nokomocha ase rituko riria ri’Omonene oito Yeso Kristo. 9Nyasae nomwegenwa, oyobarangeirie mosoe ase obomo bw’Omwana oye, Yeso Kristo Omonene oito.
Omoika bw’ogwatananekana ime ase ekanisa
10Nabasoroire inwe, baminto, ase erieta ri’Omonene oito Yeso Kristo, mokwane mwensi ayamo, erinde ogwatananekana tikoba asemore; korende mobe nokobwatana ase ebirengererio ebimo na okogamba okomo. 11Naki baminto, natebigwe nabanto ba nyomba mwa Kloe, ng’a eriomana ndire ase egati yaino. 12Engencho yagera nakwana bo neye, ng’a oyomo ore ase egati yaino nigo agoteba, “Inche noyo o Paulo,” na oyonde, “Inche noyo bw’Apolo,” na oyonde, “Inche noyo o Kefa,” na oyonde, “Inche noyo o Kristo.” 13Inee! Kristo naatananekire? Gose Paulo nere obambetwe ase engencho yaino? Gose igo mwabatisetwe ase erieta ria Paulo? 14Namoakeire Nyasae ng’a mbuya mono, ase engencho ntabatisete monto onde, asemore otatiga Krispo na Gayo, 15erinde onde tacha goteba ng’a mwabatisetwe ase erieta riane. 16(Naende nkabatisa abanto ba nyomba mwa Stefana. Kobua ase abwo, tinkomanya gose nabatisete monto onde.) 17Naki Kristo tantomete ng’a mbatise, korende ndandie enchili, tari ase obong’aini bw’amang’ana, erinde omosalaba o Kristo tokorwa koba egento kia bosa.
Chinguru chi’omosalaba
18Naki ring’ana ri’omosalaba noboriri ase abwo bagosira, korende asetore intwe abatwabeire togotoorigwa nigo rire chinguru chia Nyasae. 19Naki nerikire,
“Ninsarie obong’aini bw’abang’aini,
na okomanya kw’abamanyi ninkwange.”
20Ng’ai are omong’aini? Ng’ai are omworokia bw’amariko? Ng’ai are oyokoamererania namang’ana ’ense eye? Inee! Nyasae takorete obong’aini bw’ense eye koba oboriri? 21Ekiagera ase obong’aini bwaye Nyasae akaroberia, ng’a ense tekonyara komomanya ase enchera y’obong’aini, agancha kobatooria abamwegenete ase oboriri bwe ring’ana riria rikorandigwa. 22Abayahudi nigo bakonakoboria barore ebikone, na Abagiriki bakorigia obong’aini, 23korende intwe nigo tokomorandia Kristo oyobambetwe, ase Abayahudi nekegocha, na ase abanto b’Ebisaku noboriri. 24Korende ase abwo barangeretigwe, Abayahudi na Abagiriki bonsi, Kristo nere chinguru chia Nyasae, na obong’aini bwa Nyasae. 25Ekiagera oboriri bwa Nyasae mbore nobong’aini kobua obongaini bwa mwanyabanto, na oboreu bwa Nyasae mbore ne chinguru kobua echia mwanyabanto.
26Naki baminto, rengereria nabanto b’engencho ki more aba Nyasae arangeirie; tari abange asemore bare nobong’aini bwa mwanyabanto, tari abange bare ne chinguru, tari abange baiboretwe nobonene. 27Korende Nyasae agachora ayare amariri ase ense, erinde asookie abare nobong’aini; naende Nyasae agachora ayare amareu ase ense, erinde abasookie abare ne chinguru. 28Nyasae agachora ayare amasinini ase ense na ayachayire, nonya nebinto bire bosa, erinde akeyie biria bire nengencho, bibe bosa. 29Erio ase obosio bwa Nyasae onde tari ase mwanyabanto oretogie. 30Korende nogokora kwa Nyasae, ng’a inwe imore ime ase Kristo Yesu, oyo Nyasae akorete koba obong’aini bwaito na oboronge bwaito, naende ogochenwa gwaito na okoboorigwa gwaito. 31Ase igo buna erikire, “Ere oyogwetogia, tiga etogie ase Omonene.”
Currently Selected:
1 ABAKORINTO 1: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
1 ABAKORINTO 1
1
Ogokwania na ogoaka ng’a mbuya mono
1Inche Paulo narangeretigwe koba omotomwa o Kristo Yeso ase ogwancha kwa Nyasae.
Inche amo noyominto Sostene 2nkobarikera tore inwe ab’ekanisa ya Nyasae ere ase Korinto, inwe abamwachenirwe ase Kristo Yeso, abamwarangerigwe koba abachenu amo na bonsi abakorangeria erieta ri’Omonene oito Yeso Kristo kera aase, nere Omonene obo na oyoito.
3Obuya bobe asemore, na omorembe, bikorwa ase Nyasae Tata oito, na ase Omonene Yeso Kristo.
4Botambe nigo nkomoakera Nyasae ng’a mbuya mono ase engencho yaino, ase engencho y’obuya bwa Nyasae mwaetwe ase Kristo Yeso. 5Ase kera enchera mogatenenkigwa ime asare ase chinkwana chionsi, ne chisemi chionsi, 6buna oborori bwa Kristo bwabekirwe chinguru ase egati yaino. 7Na bono timoremeiri keegwa kende gionsi, komoganyete okoorokigwa kw’Omonene oito Yeso Kristo. 8Nere orabakong’ie goika omoerio, erinde timocha koba nokomocha ase rituko riria ri’Omonene oito Yeso Kristo. 9Nyasae nomwegenwa, oyobarangeirie mosoe ase obomo bw’Omwana oye, Yeso Kristo Omonene oito.
Omoika bw’ogwatananekana ime ase ekanisa
10Nabasoroire inwe, baminto, ase erieta ri’Omonene oito Yeso Kristo, mokwane mwensi ayamo, erinde ogwatananekana tikoba asemore; korende mobe nokobwatana ase ebirengererio ebimo na okogamba okomo. 11Naki baminto, natebigwe nabanto ba nyomba mwa Kloe, ng’a eriomana ndire ase egati yaino. 12Engencho yagera nakwana bo neye, ng’a oyomo ore ase egati yaino nigo agoteba, “Inche noyo o Paulo,” na oyonde, “Inche noyo bw’Apolo,” na oyonde, “Inche noyo o Kefa,” na oyonde, “Inche noyo o Kristo.” 13Inee! Kristo naatananekire? Gose Paulo nere obambetwe ase engencho yaino? Gose igo mwabatisetwe ase erieta ria Paulo? 14Namoakeire Nyasae ng’a mbuya mono, ase engencho ntabatisete monto onde, asemore otatiga Krispo na Gayo, 15erinde onde tacha goteba ng’a mwabatisetwe ase erieta riane. 16(Naende nkabatisa abanto ba nyomba mwa Stefana. Kobua ase abwo, tinkomanya gose nabatisete monto onde.) 17Naki Kristo tantomete ng’a mbatise, korende ndandie enchili, tari ase obong’aini bw’amang’ana, erinde omosalaba o Kristo tokorwa koba egento kia bosa.
Chinguru chi’omosalaba
18Naki ring’ana ri’omosalaba noboriri ase abwo bagosira, korende asetore intwe abatwabeire togotoorigwa nigo rire chinguru chia Nyasae. 19Naki nerikire,
“Ninsarie obong’aini bw’abang’aini,
na okomanya kw’abamanyi ninkwange.”
20Ng’ai are omong’aini? Ng’ai are omworokia bw’amariko? Ng’ai are oyokoamererania namang’ana ’ense eye? Inee! Nyasae takorete obong’aini bw’ense eye koba oboriri? 21Ekiagera ase obong’aini bwaye Nyasae akaroberia, ng’a ense tekonyara komomanya ase enchera y’obong’aini, agancha kobatooria abamwegenete ase oboriri bwe ring’ana riria rikorandigwa. 22Abayahudi nigo bakonakoboria barore ebikone, na Abagiriki bakorigia obong’aini, 23korende intwe nigo tokomorandia Kristo oyobambetwe, ase Abayahudi nekegocha, na ase abanto b’Ebisaku noboriri. 24Korende ase abwo barangeretigwe, Abayahudi na Abagiriki bonsi, Kristo nere chinguru chia Nyasae, na obong’aini bwa Nyasae. 25Ekiagera oboriri bwa Nyasae mbore nobong’aini kobua obongaini bwa mwanyabanto, na oboreu bwa Nyasae mbore ne chinguru kobua echia mwanyabanto.
26Naki baminto, rengereria nabanto b’engencho ki more aba Nyasae arangeirie; tari abange asemore bare nobong’aini bwa mwanyabanto, tari abange bare ne chinguru, tari abange baiboretwe nobonene. 27Korende Nyasae agachora ayare amariri ase ense, erinde asookie abare nobong’aini; naende Nyasae agachora ayare amareu ase ense, erinde abasookie abare ne chinguru. 28Nyasae agachora ayare amasinini ase ense na ayachayire, nonya nebinto bire bosa, erinde akeyie biria bire nengencho, bibe bosa. 29Erio ase obosio bwa Nyasae onde tari ase mwanyabanto oretogie. 30Korende nogokora kwa Nyasae, ng’a inwe imore ime ase Kristo Yesu, oyo Nyasae akorete koba obong’aini bwaito na oboronge bwaito, naende ogochenwa gwaito na okoboorigwa gwaito. 31Ase igo buna erikire, “Ere oyogwetogia, tiga etogie ase Omonene.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020