ZABURI 74
74
Ogosaba kw’ogotoorigwa kw’egesaku
(Ototera gw’Asafu)
1Nyasae, nase ki gwatotigire kegima?
Ninki gekogera endamwamu yao yokire igoro ye ching’ondi chi’oborisia bwao?
2Inyora omoganda bw’abanto bao, abwo kwenyorerete ase chingaki chia kare.
Aye nigo kwababooretie babe egesaku kere omwando oo.
Inyora egetunwa gia Sayoni, agwo ase kwabeire komenyete.
3Inchuo otaare aase agwo agendererete gosareka;
ababisa nigo basaretie bionsi ebiarenge ime ase obomenyo boria obochenu.
4Ababisa bao nigo bakwoga aase abanto bao basangererekanete,
barabwo batenenirie chibendera chiabo koba ebimanyererio biabo.
5Nigo yarorekanete buna nabanto bakogecha emete,
bakaimokia ebisire kogecha rinani rinoru.
6Nigo baimogetie chinyundo na ebisire,
bakabuna ebinto bionsi bie Hekalu biabachetwe korwa ase emete.
7Nigo basambete nomorero Obomenyo bwao Obochenu,
bakaiyeria inse Obomenyo Obochenu bw’erieta riao,
na bakabokora bokaba obotachenegeti.
8Abanto abwo bagateba ase emioyo yabo, “Goika tobasirie kegima.”
Nigo basambete aase onsi abanto ba Nyasae bagosangererekana.
9Titorochi ebimanyererio biaito, na ababani tibari,
na onde tari ase egati yaito omanyete ngoika ririri aya arabe.
10Aye Nyasae, ngoika ririri ababisa barabe bakona‐gochecheria?
Inee! Ababisa aba nigo bagochia kona‐korama erieta riao kogenderera botambe?
11Nase ki aye kwaringire okoboko kwao gw’okorio?
Korambore korwa ase egekuba kiao, obasirie kegima.
12Nyasae, aye nigo ore omoruoti one, kwarengeo korwa kare,
naye kwabeire kogokora emeremo y’ogotooria ense engima.
13Aye nigo gwatananete enyancha ase okobua kwao,
ogasenyenta emetwe ye chinchoka chi’enyancha.
14Aye nigo gwasenyentete emetwe ya Leviatani, eng’iti eria enene y’okwoboyia,
erio omobere oye okayoa ching’iti chi’erooro chikayoria.
15Aye nigo gwatubogetie chinsoko ne chindooche;
boigo ogasiria amache e chindooche chinene, chigakamoka.
16Omobaso noyoo, na obotuko nobwao,
naye gwatongete omotienyi na erioba.
17Naye gwachigete aase chimbebe chionsi chi’ense chikobeera,
naende ogakora chingaki chie riberera na echi’obokendu.
18Aye Omonene, inyora buna ababisa bagendererete kogochecheria,
na abatakoirogeti nigo bagendererete korama erieta riao.
19Tobaisa korua omoyo one, inche riruma riao, ase omoganda oria omobe;
tibweba nonya ng’ake abanto bao abwo baregire.
20Oinyore okobwatana kwao kw’ogotianania gwakorete naintwe;
ense nigo eichire nobobe ase kera ensemo y’omosunte.
21Tobaisa gotiga abanto abwo bagokorerwa bobe basookigwe;
tiga abanto abataka na abwo baremeire batogie erieta riao.
22Nyasae, imoka bwerwanerere aye omonyene;
inyora buna abatakoirogeti bakogokorera echeche kera rituko.
23Tobaisa kweba okwoga kw’ababisa bao,
ne riroroche ri’abakogochecheria rigotiira botambe.
Currently Selected:
ZABURI 74: EKEGUSIIBBLE
Highlight
Copy
Compare
Share
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
